ZKIZ Archives


艾威拍ViuTV搵女遊埠林熹瞳睇錢挑機飲尿

1 : GS(14)@2016-03-09 16:26:02

【ViuTV開台】以粵語廣播為主的免費電視頻道ViuTV將於下月6日正式開台,該台前晚在奧海城舉行節目巡禮,強勢宣傳《G1格鬥會》、《跟住矛盾去旅行》和《慳啲啦!Honey》3個自家製作的節目,藝人艾威、林熹瞳、鄧洢玲(阿旦)、柳俊江、陸詩韻齊齊出席撐場。大會先後播出該3個節目的精華片段,在《慳啲啦!Honey》中,安排了4對素人情侶或夫婦參與,他們要分別完成任務,包括男方幫另一半揀內衣褲,女方又會幫另一半揀寫真集,當中鬧出不少笑話。而在《G1格鬥會》,播出了阿旦對劉燕妮、鄧穎芝對黎美言等賽事,鏡頭前個個表現兇狠,鏡頭後的訪問片段亦出現火藥味;至於《跟住矛盾去旅行》主要播出《100毛》「腦細」林日曦和議員蔣麗芸的一集的精華片段。



■阿旦前晚出席ViuTV節目發佈會,她有份參與重頭節目之一的《G1格鬥會》。

■柳俊江對自己在《瑪嘉烈與大衛》被易角感可惜。


■在《慳啲啦!Honey》中,女友穿上男友所挑選的內衣,再看看是否合心水。

不怕辛苦戰極限

活動後艾威大讚節目很有創意,他說:「我之前都上過《G1格鬥會》同其他啲綜藝節目,佢哋啲內容同製作都好特別,畀咗好多年輕人一展所長,有啲形式喺香港都未試過。」笑言正等待通告的林熹瞳,表示很想拍旅遊節目,笑問她會否介意飲尿?她笑說:「咁睇吓畀幾錢我先喇!以前啲人話拍旅遊特輯好辛苦,但我試過又覺得冇問題,我好鍾意呀,可以挑戰自己極限。」艾威亦聽聞《跟住矛盾去旅行》的內容頗吸引,問到「矛盾拍檔」的人選?林熹瞳搶答:「你咁愛妻,搵個索女全程挑逗你啦。」艾威笑言:「好喎,我都想有咁嘅安排,老婆睇住都唔緊要。」



柳俊江嘆遭易角

另一方面,本來柳俊江有份參與開台劇《瑪嘉烈與大衛》,不過因為林保怡和周家怡加入而被換角,柳俊江直言:「都可惜嘅,我都係同大家同一時間先知,冇辦法喇,冇緣!好多嘢唔係擺咗心機就會有結果,現實就係咁,香港觀眾都係鍾意睇有卡士,就算幾創新都好。」問到ViuTV方面有否補償?他說:「冇,大家都係合作關係啫,我亦都收足酬勞,我覺得冇話邊個啱定錯,講緣份。」採訪:黃曉妍





來源: http://hk.apple.nextmedia.com/entertainment/art/20160309/19521354
PermaLink: https://articles.zkiz.com/?id=297372

【馮仁昭四圍超】艾威林熹瞳度網上發展

1 : GS(14)@2017-03-23 06:51:19

林熹瞳同艾威噚日喺新城宣傳電影《我老婆未結婚》,為咗宣傳兩個都先後病倒,艾威已經睇中醫同做針灸:「早兩日喺大帽山拍外景,可能又再冷親。」林熹瞳就坦言壓力好大,日日睇住票房:「太緊張搞到發燒。」電影噚日落畫,票房未有大收,但佢哋透露已有網上平台邀請,林熹瞳話:「佢哋想我哋放喺網畀人點擊,都係另類生存方式。」撰文:馮仁昭




來源: http://hk.apple.nextmedia.com/entertainment/art/20170323/19966731
PermaLink: https://articles.zkiz.com/?id=328517

Next Page

ZKIZ Archives @ 2019