老師:你兩個唔好打架啦,和諧呀
熊仔:我唔係打架呀,呢排火車成日壞,連雞仔都傻傻地,今日佢又話自己行唔郁喇,我地咪自己碌出黎囉
咖啡仔:係囉,我問雞仔佢唔載我地,我地唔出街好,佢叫我地自己碌出去,咁同港鐵叫人坐取消左既巴士有咩分別呀!
老師:我帶左雞仔黎喇,你地問下佢啦
雞仔:我話晒歐洲牌子啦,我呢排小意外姐,你唔好話我啦
熊仔:你同好多歐洲牌子一樣都係國內製造呢,做乜唔認喎,學晒港鐵唔敢認,係人都知好多野係國內製造係常識啦。
馬王:熊仔你做乜搞到雞仔訓底呀?
熊仔:唔關我事架,雞仔自己訓底之嘛,我唔負責扶佢起身,我咩都唔知呀
咖啡仔:熊仔你大個一定可以係打工皇帝!咁細個就學會辦公室三大絕招!
熊仔:你玩我咩,我邊夠D高官勁呀,一爆鑊就唔知點解話自己有利益衝突,一係話自己要退休,一係就話自己有暗病。
咖啡仔:你講開我又醒起喇,有個問責官員話自己突然要照顧屋企人添。
熊仔:呢期港鐵咁多鑊氣,唔知又會有咩野甩身絕招駛出黎呢?
咖啡仔:局長係咪又要照顧屋企人呢?