ZKIZ Archives

【動畫】老公做咗結紮手術老婆居然照有B

1 : GS(14)@2016-09-02 05:49:35

美國一對育有三名男孩的夫婦，原本認為「3個夠晒數」，丈夫更接受結紮手術。但細心的他發現太太出現懷孕徵狀，於是決定私下幫對方驗孕，結果證實再有喜，並打算給對方一個驚喜。住在亞特蘭大附近的布魯梅爾（Tim Brummel）最近才完成結紮手術，卻發現太太雷切爾（Rachel）有害喜徵狀，包括抱怨疲倦、噁心及食慾大增，兩人都開玩笑說可能又懷孕了。雖然他們知道這不太可能，但布魯梅爾還未收到結紮手術後5個月的檢查報告，所以未知道手術是否成功。當他知道結紮失敗後，便故意弄停廁所沖水，再在雷切爾上廁所後用驗孕棒檢查，結果顯示有身孕。他決定為雷切爾炮製驚喜，於是買來鮮花，又將驗孕棒藏在心意卡後，卡上寫道：「如果你擔心生活枯燥，扔開憂慮吧，你現在是四子之母了。」雷切爾一開始不敢相信，後來喜極而泣：「我不知道腦海在想什麼，我受到一點點衝擊，我不太肯定是否要相信你。」兩夫婦直到知道孩子的性別後，才告訴親朋好友，他們將迎來第四名兒子。不過大兒子看來有點失望，嚷道：「我想要一個妹妹。」男士結紮後仍令伴侶懷孕的情況並不算罕見，其中最普遍原因是男士在結紮後，立即進行不安全性行為，殘留精子就有機會令女方成孕。英國《每日鏡報》




來源: http://hk.apple.nextmedia.com/international/art/20160902/19757832

---

吳若希床照有暗示？撇甩發燒Alex開P避菌

1 : GS(14)@2016-12-31 01:06:37

因為男友唔聽話，就算粗身大細都嬲到要離家出走，無他嘅，呢個女人都係為咗肚入面個BB着想啫！佢係邊個？咪吳若希囉！大前晚吳若希話男友Alex作病，但唔肯食藥，怕咗傳染影響到BB，吳若希選擇離開屋企，雖然佢講笑咁講話去咗保護兒童協會，但實情係好體貼咁買到成張床都係藥品，感冒藥、退熱貼、口罩、維他命、血壓計、肛探體溫計、暖包……總之乜都有啲啦。
Alex要養病，都要有人睇住大肚婆嘅。吳若希星夢幫好友譚嘉儀之前喺新城頒獎禮拎咗新人銅獎，近日出新碟，前日吳若希大住個肚，同鄭俊弘、何雁詩、許廷鏗、胡鴻鈞同譚嘉儀一齊敍舊。幾位女士明顯約好咗着粉紅色衫，不過吳若希就遮唔住個肚，大合照時有捧住個肚影相，佢貼相上Ig嘅時候仲留tag話「我有節目啦」，睇嚟呢位大肚婆行動不便，聖誕冇乜出去玩喎。吳若希貼完開party嘅相，無耐佢再放多張相影住佢同Alex張床，除咗一條淺藍色攬枕，就只係得隻狗狗瞓咗喺度，吳若希留言話：「一張床，明明得兩個人訓，但係要三個枕頭，你明唔明點解？o依家仲要多個#David~」David係邊個？吳若希噚晚開facebook live揭曉咗喇！就係佢個攬枕呀。




來源: http://hk.apple.nextmedia.com/entertainment/art/20161230/19881530

---

宮雪花的最強P圖69歲照有蛇腰、BB嫩膚

1 : GS(14)@2017-07-01 10:29:24

講起宮雪花大家會記起啲咩？相信唔可以忘記嘅，一定係佢嘅P圖功力喇，記得當年美圖秀秀大熱嘅年代，花姨都追上潮流，仲改圖改出「花姨style」。當年第一次出現嘅「花姨style」，就係改到關之琳嗰對銅鈴咁大嘅眼、蛇腰、細緻到近乎冇毛孔嘅BB嫩膚，為咗令條腰睇落幼啲，改到欄杆都變形。不過後來花姨就話自己係天生無敵美魔女，唔想大家成日講佢啲P圖，想講佢兩個碩士同佢啲畫，想正能量啲咁話。




來源: http://hk.apple.nextmedia.com/entertainment/art/20170628/20071669

---