人幣貶值 豬牛售價無跟跌
1 :
GS(14)@2016-01-11 09:02:40【本報訊】本港食材依賴內地進口，人民幣貶值有望帶動食材價格下跌。不過豬、牛肉卻未能受惠，業界指內地人力和檢疫成本上升，因此沒法降低批發價。餐飲業慨嘆本港僅得五豐行做獨市生意，即使不減價，香港市場仍有需求，「咁點解會減畀你」。香港餐飲聯業協會會長黃家和指，餐飲業主要成本來自食材、人工、租金，雖然成本升幅放緩，但問題是仍然有加價，人民幣跌7%惟開支升幅卻遠超7%，因此零售價亦減無可減。黃慨嘆，食材主要供應商五豐行做獨市生意，根本不志在香港一個小市場，「內地市場大好多，用量同香港比差好遠，佢唔減價，你都一定需要嘅，咁點解會減畀你」。他直言沒有收到任何消息指豬、牛肉類會減價，「始終在商言商，供應商亦都唔想話賺得少，總之仍然有需求，個價錢永遠都會高企」。《蘋果》向五豐行查詢肉類價格走勢，暫未獲回覆。九龍牛羊業商會理事長周德稱，「內地（通脹）啲嘢又貴，飼料又貴，佢點樣減畀你箒，成本都冇減過」。香港冰鮮禽畜業商會主席郭時興表示，豬價方面未來可能會再加價，「內地方面加強規管，少咗人去投資養殖（豬隻）」。供應減少令市民仍要捱貴豬肉。
雞鴨鵝平一成
不過郭指出，近兩個月所見，雞鴨鵝等家禽價格有回落，「平咗大約10%」。他指因本港市道較差，去年11月下旬已現跌價，加上人民幣弱，凍肉成本相對便宜，現時買一公斤冰鮮雞大約30多元，比去年同期便宜約3、4元。但他估計10%已經跌到盡，始終仍有成本支出。香港蔬菜同業聯會副會長王正強認為，人民幣轉弱有利減輕成本，其中運輸物流成本尤見減幅。現時蔬菜零售價約4至5元一斤，比原價便宜幾毫子，相當於減價5%至6%。王正強預料近日天氣和暖有利收成，相信平菜供應可保持穩定，「除非凍得好緊要啦，暫時應該冇乜影響，要睇吓年尾（天氣）啦」。■記者袁楚雙
來源:
http://hk.apple.nextmedia.com/news/art/20160108/19443577