|
||||||
|
十姑娘為保守兒子何東舜銘身世的秘密，唯有聽從何鴻燊的話，為澳娛工作，而他自己就繼續吃喝玩樂，講明：「我開大膽車，你放心坐。」 一於賺錢就邀功，蝕錢亦好輕鬆！ 上週一，澳門法院就十姑娘禁止澳娛股東大會通過澳博上市決議一案開審，何鴻燊出庭作供後，狂插十姑娘，「佢（十姑娘）嚟到澳門跟我廿幾年，除咗我最高就係佢啦，佢想搶我賭場，姊（兄）妹都無得傾啦。」翌日十姑娘作出反擊：「係佢過橋抽板，欠我幾十億股息同累積盈餘到今日未還。佢侮辱我嗰番說話，應該用番喺佢身上。」 亂試一通 十姑娘往澳門就職前先在香港短暫停留，一天在二太藍瓊瓔家與何鴻燊晚飯，他趁藍瓊瓔離席時與十姑娘談論公事。 十姑娘問：「我一個人喺嗰邊，我都唔知邊啲可以自己決定，咩嘢係要問過你先？」 何鴻燊滿不在乎地答：「你放膽去做，唔明問我，你以為我乜都識？！我夠唔知邊啲啱邊啲唔啱啦，唔試吓點知？總之你做得啱我咪喺董事局邀功，做得唔啱……蝕咗有咁多股東陪你蝕，你驚咩呀？我唔講你唔講邊個知呀？」 十姑娘又說：「但係我真係未做過，如果做錯令公司蝕錢就唔好啦。」 何鴻燊開始提高聲浪說：「Winnie！你神經病呀！唔係咁點呀？唔通話俾人哋知我哋唔識做呀？總之我開大膽車，你放心坐，總之你做得好，我就大條道理加自己人工……」 十姑娘當時心想如果跟他的決定，正式上班時若決策錯誤會影響公司，就試探地說：「不如咁啦，大件事我一定問過你，如果唔係咁大件事，但係又好重要嘅，我都打電話嚟問你一聲先好唔好？」 何鴻燊表情開始有點煩厭地說：「好吖，你唔怕煩咪打嚟囉，講明先……打緊波游緊水跳緊舞嘅時候就唔好煩我呀！」 搞掂伙記 十姑娘一聽心想這個兄長，除了每天幾小時在公司外，其餘時間皆在吃喝玩樂，在公司又總是在開會，不容電話騷擾，這樣說根本就是叫自己不要打電話煩他，再問下去肯定氣氛變差。問題解決不了，十姑娘惟有見步行步，借機會希望可以幫公司員工爭取福利，所以對何鴻燊說：「依家最難搞、最麻煩嘅都係班伙記啫……搞掂就冇問題㗎啦。」 何鴻燊說「呢句就啱聽啦，啲人客可以唔使理，成班都係爛賭鬼，輸完第日又再返過嚟賭，除非輸死咗啫……」十姑娘借勢問：「我哋會唔會喺啲員工待遇度加少少？等人人做得開心、多啲歸屬感，專心啲做嘢？」 何鴻燊怒氣地說：「烚你個戇！加到啲支出咁大，我仲點加（自己）人工呀！佢哋唔喺我度撈仲可以去邊度撈呀！阿Win！係咪你嗰份唔收俾埋佢哋吖？」 十姑娘真是無奈惟有離開，到澳門上班後十姑娘由零開始，學習怎樣管理經營賭場，一開始日日十點回到公司，坐下一會就去巡視賭場，邊做邊學，日日查每張賭枱的收支表，晚晚十點才收工，在不影響公司支出的層面上善待員工，抽調公司接載客人的車輛，在颱風期間接送員工上班；同是公司員工的夫婦，就盡量安排同一更份，所有員工更份亦安排集中，避免花太多時間在交通車程上，令員工有更多時間休息……但辛苦工作的十姑娘卻仍未獲得應有分紅，連人工亦沒有！ 走剩何鴻燊 葉漢八二年賣股後成為二十年來第一個退出的創立人，但當時任誰也估不到，再二十年後，五位創立人去其四（葉德利將股份賣回給公司，霍英東及十姑娘這數年間將股份捐給基金會，全部退出）只剩何鴻燊一人，十姑娘說：「我諗係因為各位創立人都不滿佢經營手法，所以產生好多糾紛同意見，最後落得如此局面，呢個亦可能係佢最喜歡見到嘅結果。」 明知十姑娘與自己經營方針不同，為何何鴻燊仍要找十姑娘回澳娛？（待續） 有飯大家吃 根 據《何鴻燊傳》所述，何鴻燊對賭場員工不俗。「何鴻燊親自打理賭場後，從來沒有解僱過一個員工，員工因此對他有好感。何鴻燊說過︰『有飯大家吃，只要員工 勤力一些，給我搏多些錢回來，分多一些給他們也無所謂。』澳門賭場員工的收入，除了基本的薪金外，還有相當一部分來自賭客的賞錢，即當賭客贏錢時，賭場荷 官抽取的小費……何鴻燊自己也承認，澳門任何受薪階層人士都沒有他們賺那麼多錢，他們的收入跟澳門銀行副經理級人員入息不相上下。」 |
||||||