ZKIZ Archives


股場放大鏡:喪炒供股權認真離奇-香港華人(655) 力寶(226) 歐陽風

>2008-06-17  AppleDaily自 從大摩指數成份股更換,搞到收市價被瘋狂亂嘜之後,港交所(388)話會作出改善,惟至今似乎仲係得個講字,唔少股份最後一刻個價,同4時正收市前個價相 差頗遠。現時淡市之下,股價嘜高嘜低影響或有限,惟若在旺市,收市價便會好影響之後一日嘅行情。舉例如之前一日股價被嘜高,散戶又想買貨,明知股價被有心 人嘜高十幾檔,追定唔追貨好?

近日睇升跌幅榜,會發現兩隻供股權(Rights)經常上榜,上月宣佈供股集資嘅香港華人(655)及母公司力寶(226),其供股權(編號分別2938 及2937)同時上咗升/跌幅榜,前者跌28%,後者則勁升59%,係咪炒到冇嘢好炒,無聊到走去炒供股權?

成交多過正股

噚 日力寶股價勁升8%,的確係事實,但係全日成交額僅109萬大元,相比之下,2937成交卻有237萬銀,仲多過正股成倍。香港華人正股成交好少少,有 380多萬元,但係隻Rights成交都有300多萬元,可見其成交並唔尋常。此供股權上周五由0.055元一度炒高至0.20元,勁升2.6倍,當天收 報0.125元,仍升1.2倍,而且成交唔細,達4600多萬份。

香港華人上月宣佈以每20股供7股比例集資約4.7億元,供股價為1元,華人昨收市價 1.05元,供股價折讓唔多,兼之供股後貨源供應增加,照計個Rights冇乜吸引力,至於持有香港華人約五成股權的力寶,亦以4供1比例供股,供股價為 3.80元,昨力寶股價4.15元,以現價買Rights去供股並無半點着數,真係唔明啲人炒乜。
PermaLink: https://articles.zkiz.com/?id=1177

Next Page

ZKIZ Archives @ 2019