天水圍湯太短炒深井車位 賺逾百萬
1 :
GS(14)@2017-06-16 01:54:28■記者發現豪景花園停車場內不少車輛已封塵。 彭志行攝
【本報訊】曾驚現史上最平月租車位的深井豪景花園，近期被名不經傳的天水圍湯太短炒，過去9個月買入40個車位，短炒賺幾萬元甩手，密食當三番，已沽19個車位，賬面暫賺137萬元。她稱：「我賺少少就賣㗎啦！」豪景花園位處山旮旯，無地鐵，約有2,800個車位，與住戶比例約1對1，沒供不應求。惟金管局收緊按揭，住宅門檻高，銀碼細的車位成為小投資者搵食天堂。
買入40個 暫沽19個
天水圍湯太認為，政府實施辣招，投資住宅成本高。土地註冊處資料顯示，自去年9月至今年5月，她先後買入40個該屋苑車位，買入價30.2萬元至50萬元。目前沽出19個，作價36.5萬至56萬元，普遍持貨1至3個月，賺價4萬元至11.5萬元，暫時累賺約137萬元。她表示：「以前投資住宅，但遇到惡租霸，整爛晒間屋，還返俾你嗰陣又唔交租，又要告佢、收屋，幾麻煩！車位投資好好囉，唔使裝修，唔使打理，唔驚啲人唔交租，佢唔交租，打畀管理處就得。」在互聯網見深井豪景花園車位是全港最平室內停車場遂入市，「上水露天車位都六、七十萬，呢度回報3至4厘都唔錯。」每次賺幾萬元甩手，她認為：「進可攻，退可守，又唔使擺好多錢嘛，又容易甩手。」又稱：「我賺少少就賣㗎啦，又唔會好貪心！」目前尚持有21個車位，料每月收租逾3萬元。中原地產譚榮輝表示，豪景花園車位約100個放盤，叫價60萬元至70萬元。另約50個放租，叫租1,500元至1,700元。記者本周一直擊該屋苑停車場，出租率保守估計七、八成，發現有名車如法拉利。部份車輛封塵，如一輛寶馬殘舊發黑，追查場內部份名車車主均沒有豪景花園住宅。車位租客陳生表示：「呢度好多出面嘅車，好多長擺唔郁嘅，好多車主都唔係住喺度。」
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170615/20056506