【港情港趣】又係你呀？估你唔到是紅A
1 :
GS(14)@2016-03-11 13:32:311949年他們由製作牙刷及梳子起家，然後制作一系列家庭用品，到大中細燈罩、筲箕、水桶、水壺與擺設，塑造我們的A膠生活。但這次除了大家身邊熟口熟面的生活用品外，還多添了許多估佢唔到的膠製品。
如50年代只出過一款的膠風扇;60年代流行玻璃製品，但價格高昂，捨不得，就買閃閃亮仿水晶膠壺膠盤，刻了花，染了淡粉色的瓶瓶罐罐，同是當年潮物。97年禽流感爆發，他們停下部份生產線，趕製三萬個易清洗的雞籠，代替易發霉及藏污的竹籠，作運輸雞隻之用。游水出海嗎？喂又係你呀紅生！他們還是全港浮波的獨家生產商，連我們的海都級A膠團團圍住了。不過浮波上只得康文署字樣而不見招牌A字。兩位紅A第三代接班人馮梁慕蘭Veronica及梁馨蘭Jessica都說：「細個家裏真的都是膠製品。」根本整個ShowRoom搬了回家。不過她們各有所愛，姐姐Veronica：「書喼啦，因為小學時真的很多同學用。我就幸運些,常可有不同顏色的書包，書喼可拿回校除了放書放文具關起當椅坐，等校車放學時都好方便。」這個書喼，當年廣告畫到明又丟又踩都不爛，攝影師興奮說小時候坐著它滑斜坡，塑膠收藏家個個見到都如獲珍寶,但連紅A本身都只珍藏一個，Jessica則愛手上的漏斗椅。當年的漏斗椅較矮，中間或座位可以打開，「小時候會自以為避得過爸媽眼光，把糖，玩具等東西揭起蓋收起。但多數事敗。」另外還會把筲箕當軚盤扮的士司機。但原來這筲箕可利害了，多年來穩佔銷售榜首，以現年年銷30萬個計，50年來賣掉1,500萬個！近年為蝸居而設的新線Cre-A，改良型筲箕還可調較漏水度。洗完扭開盤子就可放水，不用像以前準備多個粗孔幼孔的多個筲箕，貼合今日屋細省地方的原則。
Veronica最想念經典書喼，有人說記得七十年代賣29元一個，一般中小學一班得幾個有。
展場有紅A常見地點，六十年代屋企同街市。
璃櫃裏的膠水壺、膠風扇、杯盤碗碟只剩一、兩件，是連出品商都珍藏的展品。
1997年沙士之時，他們停下部份生產線，全力生產３萬個膠雞籠載雞。
原來浮波都係紅A出品，不過上面只有康文署標誌。
1960年代彩虹箒喱杯，到今日都在用；
2000年代出的透明箒喱杯多了壓花。
1963年制水，他們趕制了十萬個膠水桶，且話明不會坐地起價。
紅A「香港人。撐起香港情」歷史展地址：元朗三聯文化生活薈二樓日期：即日起至四月五日記者:陳慧敏攝影:劉永發
來源:
http://hk.apple.nextmedia.com/su ... t/20160311/19525350
【港情講趣】籌旗撐畫字佬 創香港獨家勁揪體
1 :
GS(14)@2016-05-21 19:13:20Kit Man強調如果計劃成功，一定不會追加撥款咁衰仔。
無論做些甚麼，總有一班自命看透世事L硬要跟你唱反調。自稱畫字佬的Kit Man最近在眾籌網站crowdfundhq.com籌旗65萬，希望瞓身兩年把他一直畫開的「獻醜體」製成電腦字體，仲因支持者建議而改了個好有氣勢的名字「勁揪體」，用以撐廣東話及正體字。他的字歪歪斜斜，但又偏偏好好睇睇，在「我要真普選橫額」或港中足球大戰為香港隊打氣的「香港勁揪」旗，你或者都有看過。今次的眾籌活動，就有人話佢「消費正體字」。他回應得好妙：「係呀，我消費正體字，仲消費埋造字的倉頡。我其實好希望大家一齊消費，做多啲，等正體字發展更百花齊放。另外都好想大家見多啲不同字款，電腦字不一定只有細明體、黑體。」
「勁揪體」包括6,000多個香港常用字及其他字符，即係包括嘅、呢、喎，粗口字當然不會遺漏，而今次Kit Man就得到研究粵語文化的組織「粵典」幫忙，得到4,700多個香港常用字字表。呢件事有香港人撐當然唔出奇，眾籌反應也十分好。計劃只是開始了數天，已經籌到20多萬，但他其實不樂觀。他笑說：「完全沒信心，的確有朋友同埋朋友嘅朋友支持，而且係大額支持，不過過咗呢浸，之後先係真正考驗，會保持响同一水平，直到過咗60日就收皮。」港豬上身的我問：「預咗收皮，做乜仲要做先？」佢答：「咁有啲嘢唔係知道得先做，而係做咗先知得唔得。」喂，你啱。而且整個計劃也是對政府暗地強推簡化字控訴。「政府愈打壓，民間偏偏愈要發聲。即使最後計劃真係唔成功，起碼我做訪問鬧咗政府，都係賺咗。」有人覺得65萬好貴，仲幫佢計數，講到佢掠水咁，但其實費用除了包括他兩年的薪金，還有兼職造字輔助員及拼字系統程式員的人工，而且仲有各項濕碎開支。「有意見話我一分鐘就可以撩好一隻字，橫掂你都係亂來，很快就搞掂。正如啲客永遠同設計師講『你按兩按mouse就想收錢，你儍o架？』。」一句撻着設計師無cost，但人家寫好多個字才選一個來用，cost其實好高。「正如黎天王咁講，你買就買，唔買就唔買，自由市場自由選擇，無壓力，幾好。」不過他承認由於佢手字東歪西斜，之後還要研發一個拼字程式把字串連組合，當中的確有困難，也自知在這方面有不足。不過知恥近乎勇，世上無難事，只怕有heart人，Kit Man就肯肯定有heart嘅。記者：葉青霞攝影：徐振國
叫他寫幾隻字，自稱廢柴的他話要寫幅「八廢圖」。
他的字一直用獻醜體tag，他說自己寫字隨心，成件事好「獻醜」。其實盡力用心去做，醜字都可以好靚。
Kit Man版「我要真普選」橫額。
早前港中足球大戰，他特別為香港隊打氣製作「香港勁揪」旗，有支持者建議他把字體由「獻醜體」改成「勁揪體」。
「撐正體字同廣東話需要理由嗎？」整個計劃就係咁簡單。
來源:
http://hk.apple.nextmedia.com/su ... t/20160521/19621076
【字裏行間/港情港趣】地勤仔出書 最怕港客三件事
1 :
GS(14)@2016-07-13 05:16:46《地勤仔禁區日記》，地勤同事全化成漫畫出場，所以一出書機場兩間書店即時售罄，$88。
暑假加書展加畢業生搵工潮，空姐空少齊齊出書，講飛人生活的誘惑與辛酸血淚史。其實機場仲有好多人，包括最最最重要──幫你Check-In、出機票、磅行李的地勤仔，還有開接駁巴士車你上機的巴士司機。無佢哋，你連飛機尾都見唔呀，於是早前地勤仔（Lee Chi Fai）在facebook開專頁「香港機場日記」，寫低你哋唔知道的地勤仔生活日誌。近年機場好多奇聞、飛來看大佛的大陸航班啦，特事特辦的行李啦、近年大陸實施「無定向」空域管制引起的航班延誤等等，都大把故事講。這裏，就抽地勤仔，最怕遇到的香港客人三大問題，提提大家吧！
第一位：遲上機
唔知係咪旅遊心情大解放，好多香港客人都忘記要在閘口關門前十分鐘趕到閘口。是關門前，不是起飛前啊！地勤仔說一日若有十班航班，大概五至六班，他們都要在關閘前，邊廣播邊在機場找尋忘了時間或迷路的客人，一起跑回登機閘。「其實好危險，如果你有行李，都可能因為要在機艙找回你的行李offload，所以延了一點時間，不過好多歐美航空公司都係準時為上的。但若無行李，飛機就更唔理你，準時起飛，你就隨時要坐下一班機出發了。」
第二位：航班延誤櫃位大躁動
電視跟FB不時會傳航班延誤，乘客在地勤櫃枱鼓躁，甚至會發生吵架或打架。其實航班延誤有好多原因，特別是近年大陸實施「無定向」空域管制，除重災區北京首都機場、上海浦東機場及廣州白雲機場，成日航班延誤外，途經這些地方上空的航空都會延誤，這些你怎麼吵都沒辦法的。要是將來大班旅客滯港你都咪話唔驚。所以第三跑唔係唔關你事的。
第三位：扮病博升艙隨時位都冇
坊間有傳扮遲到最後才Check-in，有機會因為機票超賣而升去頭等倉。又或者在登機閘前說不舒服，需要好的休息，都會升艙。這些都係微乎其微的機會，仲好危險的。遲到當然不讓你上機，但如果你說不舒服，有些航空公司會要求你提供醫生證明，否則，他們可以安全理由不讓你上機，得不償失呀。看清楚，只有這三個可能升艙的理由，一，首先要機票超賣，才有把經濟倉的朋友升上頭等倉的機會；二，航空公司會員，梗係首選啦，還要越高級機會越大；三，穿着企理，如果你一副去泰國陽光海灘潑水節短褲拖鞋的樣子，升艙機會應不屬你。記者：陳慧敏攝影：楊錦文
地勤仔最近由全職，轉職為兼職地勤，時間可以自由些，專心寫書。
他最怕因為空管而航班延遲，每次都會有大班人圍住資訊櫃位，躁底地查問資料，有幸地勤仔未遇過暴力招待，但其實空域管制沒人說準，地勤仔也愛莫能助。
原來舒服的短褲拖鞋，是升艙大忌。
要升艙，先會給機會航空公司會員，越高級越大機會行先。
來源:
http://hk.apple.nextmedia.com/su ... t/20160713/19692145
Next Page