ZKIZ Archives


中環在線:港交所董事掌邦盟滙駿(8158) 李華華

2008-06-24 Appledaily


創 業板公司邦盟滙駿(8158)呢排變動好大,上個月尾,原大股東兼主席盧華威,買番邦盟滙駿嘅主要業務之後,就將自己揸住嘅股份賣咗畀另一家上市公司必美 宜(379)。既然老闆換咗人,咁主席好自然都會變。新嚟嘅主席叫黃世雄,一般讀者可能未必識佢,但金融界對佢就好熟悉。佢係前中銀國際英國保誠資產管理 行政總裁、現時身兼港交所(388)獨立非執行董事。港交所董事做上市公司非執董,唔算新事,但做上市公司主席,華華記憶所及,黃世雄應該係第一位。港交 所董事會一向被視為政府同外資基金爭位嘅角力,喺股壇長毛David Webb上個月辭任港交所獨立非執董之前,黃世雄屬Webb同陸恭蕙嘅反對派陣營,同夏佳理、范鴻齡等保皇黨抗衡。幫中銀保誠做開荒牛

論 戰績,要數佢喺中銀國際英國保誠資產管理做行政總裁嗰5年。01年黃世雄接手做開荒牛,到佢走時,間公司客戶已超過30萬個,管理嘅資產規模達250億港 銀以上。今次佢雖則係非執董身份,但掛上主席個名,嚟緊會唔會再造奇迹,真要下回分解啦。佢任期初步為一年,收10萬董事袍金,冇份分紅。
PermaLink: https://articles.zkiz.com/?id=1228

不揀港交所 東尼

2008-07-31  NextMagazine


問︰你為何不挑選港交所(388)?它是市場唯一的經營者,理應前途無限?

答︰港交所是一隻優質但表現反覆的股票,我也曾考慮納入組合之內。惟它的市盈率太高,每股資產淨值只有十元,股價卻是十倍以上,在我而言實屬危險。此外,我認為其今年盈利,會較去年回落。

問︰早前我買了四萬二千股怡邦行(599),貪其派息豐厚,請問你認為應否繼續持有?

答︰怡邦行經營廚具浴室的生意,規模細小,很難讓你致富。這行業相當反覆,好壞與樓市成交掛鈎;刻下雖然不俗,惟過去十年,經營數據卻參差得很,曾虧損二千萬元,亦曾賺四千萬元,因此不熟悉此行業的人不宜沾手。怡邦行每股資產淨值約一元,我傾向換馬更穩健的股票。

問︰我的組合現約貶值了一成,若視之為長線投資,你有什麼評價?此外,我還有二十萬元現金打算投資有關金屬的基金,你認為可以嗎?

答︰你的組合很多元化,並有良好的升值潛力,派息亦會遞增。我認為滙豐和中行位處香港最便宜的上市公司之列,實屬你組合的核心。創科現時疲弱,全因美國放緩,其管理層作風優異,須細心等候,假以時日定能扭轉劣勢。

過往玖紙升勢太快,此行業競爭激烈,管理層亦未能證明可成功克服問題。此股現價合理,惟須繼續多加留意。今時今日,賬面損失一成實屬平常,投資者需要忍耐。

我不熱衷投資有關金屬的基金,一來我嫌管理費昂貴,而且我不喜歡投機炒買金屬或商品。它們內在不會有增長。我建議你買更穩重的股票如宏利,又或增持滙豐及中銀。

問︰我建議你的組合表現,改為按年計算,因為現時的累積計算方法,作用不大。

答︰我認為彼此看法不同,我的目的是買入優質股票,並長線持有收息,不考慮短暫的股價變動。組合每年能平均升值一成至一成半,我已心滿意足。

而你是另一類人,追求快速回報,希望藉高風險賺取更高回報。這種想法很普遍,惟非我那杯茶。

我的做法穩中求勝,不會像賭博般能贏大錢,但優點是能面對逆境。保留長線回報,正是為了證明這做法更可取。

問︰你曾提及中鋁因吞併對手,而導致盈利放緩,為何有此想法?

答︰我真的希望中鋁能繼續保持盈利動力,惟它作為全國最大製鋁商,不斷靠吞併細小對手,而非以其競爭力擊退敵人。這方法本末倒置,因為一雞死一雞鳴,中鋁不斷運用資源來吞併對方,最終導致盈利停滯不前,甚至放緩。

上星期組合以一元九角四仙,成功沽售全數陽光房託股份。

東尼Tony Measor

在證券界有三十五年經驗,八七年股災及八八年股市冒升時,他所管理的香港基金表現都是香港最出眾的。

他之前是財經網站Quamnet的總編。在此之前,他在嘉洛證券工作,管理客戶二億五千萬元資金。
PermaLink: https://articles.zkiz.com/?id=1558

中環在線:港交所撼低上交所業績前攞彩 李華華

2008-08-13  AppleDaily舊 年內地股市交投暢旺,滬深指數屢創新高,上海證券交易所市值喺8月6號更首度揮低港交所(388),A、B股總市值合共達16.5萬億港銀,之後長升長 有。不過勢估唔到事隔一年,市況逆轉,喺全球熊市下,上個禮拜五8月8號,港股市值反超前上交所,當日收市,港交所市值連埋創業板合共15.9萬億,輕微 領先上交所1.2%。按港交所最新數據,星期一主板同創業板市值分別15.7萬億同1008億港銀,加埋成15.8萬億銀。雖然恒指噚日急跌1%,港股市 值計落仲有15.7萬億銀,仍然騎住上交所;上交所噚日A、B股總市值13萬億人仔(約14.8萬億港銀),比港交少近6個百分點。至於深圳證券交易所, 噚日總市值約3.4萬億港銀,較港交所少八成。

今派成績表料盈利跌

最高興當然係港交所主席夏佳理同行政總裁周文耀,喺港交所 今日公佈中期業績前,先響頭炮,證明香港國際金融中心並非浪得虛名。雖然港交所市值再度爬過上交所,但對股民嚟講唔重要,最緊要係港交所今日派成績表究竟 派幾多息。瑞信最新發表嘅報告,預計港交所上半年盈利增長31%至30.4億銀;但由於港股近排成交萎縮,第二季盈利料按季下跌16%,繼續維持港交所評 級「遜於大市」。睇嚟夏主席要諗諗計,為免盈利倒退,都係出埠搵多啲生意維持業績。電郵:[email protected]
PermaLink: https://articles.zkiz.com/?id=1697

中環在線:智富唔憂港交所搶飯碗 李華華

2008-11-13 AppleDaily


智 富能源(1051)噚日開股東大會,可惜正副主席黃金富同劉夢熊,一個有病一個有事,開完會就急急腳走人,得番副總裁譚威強留低同大家傾偈。譚威強三句唔 離佢哋專為iphone同itouch開發嘅串流報價服務,簡單講即係即時報價服務,由智富能源旗下星光報價服務開發。咪話港交所(388)計劃下年提供 免費股價實時服務,會搶佢哋飯碗咁遠,單係家吓股市進入熊市,華華都戥佢哋擔心,會唔會好多散戶收手唔玩,連股價都唔想睇呢?咁咪影響收益囉?譚威強就好 淡定咁話,佢由股票報價傳呼機年代做到家吓,經歷97年金融危機同03年沙士,過去嘅經驗話畀佢知,啲客就算減少,都只係三幾個月嘅事,好快會重來。佢仲 話要借用賭王嗰句:「賭仔一定返嚟!」不過就算唔係出自賭王把口,譚威強都曾經形容過,炒股票嘅客「輸完,都要再打麻雀」!
PermaLink: https://articles.zkiz.com/?id=3217

港交所無面俾大孖沙發難

2009-01-08  NextMagazine


以 長實李嘉誠、恒基李兆基、新世界鄭裕彤、嘉里郭鶴年、新地郭氏兄弟等超級富豪,旗下公司為首的二百三十多間上市公司,連同二十二名獨立人士,上週一聯署在 各大報刊刊登全版廣告,強烈反對港交所延長董事的禁售期。不過以往一直由商家主導的社會環境,似乎出現了微妙的變化,大孖沙怒吼之後,港交所上市委員會依 然維持原判通過條例,只是押後至四月執行。

離開條例實施還有三個月,各路富豪正動員門下的說客、議員,意圖推翻這條法例,東亞主席李國寶還聲稱會把不滿轉達政府「最高級人士」。

上 週五東亞銀行九十周年酒會,一班與李國寶齊聲反「惡法」的大孖沙如鄭裕彤、郭鶴年、郭炳江、何鴻燊、黃志祥、呂志和等,都有到場致賀。主人家李國寶更一早 在會場門口,恭迎姍姍來遲的長實主席李嘉誠。九月時東亞銀行因被惡意中傷而陷入擠提危機,李嘉誠當日即買入東亞股份以示支持,今次李國寶即「投桃報李」, 代李嘉誠等一眾大孖沙為反惡法抗爭。

而由李國寶與賭王何鴻燊任名譽會長、何鴻燊之子何猷龍做主席的香港上市公司商會,亦高調反對新政。「現 有打擊內幕交易嘅條例已經好多,如果將來港交所再強制埋上市公司推季度報告,則董事一年最多有成九個月唔可以買賣公司股票。香港上市公司股票由主要股東持 有,佢哋又多數係董事會成員,如果啲貨唔可以買賣,街貨又少,股價更容易被人操縱!」該會總幹事黃偉明激氣道。他又認為,此法不但剝奪董事的收益及變現機 會,亦損害董事自由和及時地行使認股權。

恐防外資大鱷

今次的反對聲音,以一眾由家族持有的華資公司為主,他們最為擔憂的是新 條例通過後,一旦上市公司遭到敵意收購,或被外資大鱷狙擊,董事難以透過增持公司股份去保住控股權,最終影響大股東權益。而當公司遇有不利消息及被大戶沽 空狂質時,董事會亦難以出手增持穩住股價。「而家二百幾間公司反對,梗要同大圍一齊啦,團結啲好,大家都唔想被人狙擊o架。而家經濟唔好,(政府)最好唔 好搞咁多嘢!」嘉華集團主席呂志和說。

一眾曾被敵意狙擊的華資大戶,為保障自身利益,對今次的反「惡法」行動,自然亦舉腳贊成。當中包括林 建岳旗下上市公司,近月被美資基金Passport Capital狙擊,險失控股權兼被入稟阻止配股行動的豐德麗;○六年被英國孩子基金TCI入股的華置,去年中因TCI不滿作價而令私有化計劃告吹,最終 導致主席劉鑾雄上月斥資逾十億向TCI購回逾百分之八股權,今次為保利益,大劉自然站在反對派一方;而另一榜上有名的新世界發展,○五年底曾被TCI增持 至最多百分之七點四五,後來新世界閃電配股予友好人士,攤薄外資股權,TCI才知難而退;至於近期被神秘大股東梁向榮狙擊控股權的美聯集團主席黃建業,亦 在反對新法之列。

 

新法一出,令本港華資公司更易被外資基金狙擊而無力反抗。近期被美資基金狙擊旗下豐德麗控股權的林建岳(左一),對港交所新法大力反對。(《蘋果日報》圖片)

上市公司睇漏波

李 國寶高調反「惡法」,但他叔叔,曾任東亞銀行董事十九年,高等法院首位華人法官兼上訴庭前副庭長李福善,在東亞酒會上就與姪兒唱反調:「港交所延長董事禁 售期我唔反對,作為董事係唔應該利用內幕消息巧取豪奪,我本身做上市公司董事時,股票都係長期持有,唔會投機炒賣,新法自然無影響。」

其實 港交所今次備受爭議的新法,在去年一月至四月時,已連同其他十七項要修訂的上市規則向市場進行諮詢,但現時走出來的大部分華資大孖沙,諮詢期時卻「影都 無」。反對者之一的世紀城市主席羅旭瑞就辯解:「諮詢期時係冇乜留意,港交所嘅諮詢期太過短啦。」然而,有上市公司主席亦坦言,日常根本好少理會港交所所 進行的諮詢,「大部分都係交由公司秘書去跟,主席點會留意呢啲瑣事。我都係十二月開董事會,先喺公司秘書口中知道港交所好快實施新例。」一上市公司主席 說。

港交所收回的一百零五份回應中,贊成、反對及無意見的比例其實旗鼓相當。約三成贊成的單位,主要是中鋁、中鐵等國企,大藍籌滙控及德勤 會計師樓亦在其中;三成八反對聲音當中,包括國泰、中電、太古等大公司及中華總商會、律師公會等團體,另外無意見者亦佔三成二。最終雖然反對團體較多,但 港交所以「支持延長禁止買賣期的理據較強」,而通過推行新例。

上市委員會不賣賬

然而在二百多家公司及商會等強烈反對下,上週二港交所和立法會再各自開會討論。最後雖然立法會財經事務委員會通過支持重新諮詢,但港交所上市委員會則決定維持「原判」,只將實施日期由今年一月一日,押後至今年四月一日。

據知與會的廿名上市委員會成員,大多數都支持推行新法,有上市委員會委員,更對今次堅持不向大孖沙低頭而自豪:「我哋係跟足程序做事,只係做一件啱嘅事,講真班有錢佬出來登報紙反對,為咗表示我哋係打開耳朵聽到佢哋聲音,所以將實施日期押後。」一上市委員會成員說。

現 時的廿八名港交所上市委員會成員,既有上市公司代表、基金及證券界代表,也有律師、會計師和大學教授等專業人士。上市委員會由有興趣人士申請提名,然後由 三名港交所代表及三名證監會代表組成的上市提名委員會篩選後,再交由證監審批及港交所委任,身份其實相當獨立,可以說無需要「俾面班闊佬」。

不 過,上市公司商會表示,現正約見財經事務及庫務局局長陳家強,希望爭取在四月一日前「扭轉乾坤」。一班立法會議員亦表示不會放棄,「新法太嚴啦,如果港交 所怕投資者同公司董事資訊不對稱,怕董事有內幕交易,都唔應該延長到七個月咁耐,加強監管內幕交易就得啦!」立法會議員葉劉淑儀說。

說客傾巢而出

而一眾來自商界的立法會議員,包括銀行界的李國寶、地產建造界代表石禮謙、商界的黃宜弘、林健鋒、與批發及零售界的方剛,則全力為大孖沙護航。其中,石禮謙最戮力,早在十二月中他已聯同林健鋒及方剛等要求財務委員會主席陳鑑林召開特別會議,認為要諮詢六個月。

為 求痛擊提出新例的港交所上市科,石禮謙更質疑上市科主管韋思齊是否幫「股壇長毛」David Webb打工,為何要經常引述Webb的言論來支持新例。此言一出, Webb即踢爆石與商界的千絲萬縷的關係,指他擔任董事的公司數目眾多,當中至少有十五間公司向他發出酬金,Webb 估計單是酬金、津貼等,石每年可收取近三百四十五萬元;其中「殼王」陳國強的德祥企業及鄭家純的新創建集團,向石發出近一百九十一萬元的權證 (option)。費用及津貼加上該兩權證,逾五百三十五萬元,足足是議員年薪的五倍。Webb認為石今次出力反對延長禁售期的目的,耐人尋味。

翻查資料,原來除了石禮謙,其餘五名出力反對新例的議員,與商界富豪關係密切,六人共擔任一百四十九間公司的受薪董事,其中廿間上市公司於上週一,有份在報上刊登廣告反對新例。

石 禮謙背後反對的上市公司最多,有十間(見表),大孖沙包括賭王何鴻燊、鄭裕彤父子、鷹君羅嘉瑞和中方紅人莊紹綏等。石的兄長石嘉利亦在何鴻燊旗下的香港快 運航空任職行政總裁,在澳門出生的石禮謙一家,與賭王家族的關係可謂非常密切。對於Webb的指控,石禮謙則指他任職非執董的事一直也有向立法會申報及公 開酬金數目,自己行得正企得正。

 

另一位議員黃宜弘跟富豪關係也不簡單,他是李嘉誠波友,並不介意在記者面前約「誠哥」打高球。至於他任董事的上市公司勤+緣媒體服務公司,今次亦有份反對新例,公司主席兼名作家梁鳳儀正是其妻,她與另一富豪「四叔」李兆基稔熟,九七年及○八年兩度替四叔撰寫傳記。

代 表自由黨的議員方剛則是九龍倉集團的獨立非執行董事,方是九倉主席吳光正的「鋤大弟」牌友,九五年吳任醫管局主席後,亦於二千年找方剛為醫管局委員。據 悉,自方加入醫管局後,自由黨收到任何有關醫管局的投訴,都必先經方剛過目,方一般都主張以「大事化小,小事化無」的心態,處理該些醫療投訴而不令醫管局 難堪。吳於○六年建議在海運大廈旁,再興建一個超級巨型郵輪碼頭,與政府合營,乘機斟洽海運地皮的租約,當時獲得方剛所屬政黨自由黨大表支持。對於利益衝 突之事,方剛揚言是代表自由黨反對延長董事禁售期,至於擔任九倉非執董,已是很久以前的事,他也有申報。

與方剛稔熟的另一議員林健鋒,本身 任中渝置地控股的非執董,中渝老闆張松橋是全國政協,有重慶李嘉誠之稱,一直盛傳他是「爭議古蹟」景賢里的買家;張名下的港通控股去年鯨吞西隧一半股權, 曾任交諮會主席的林健鋒一直關注隧道加價及合併的問題,政府能否回購東西兩隧,外界形容張松橋擔任一個很重要的關鍵角色。林健鋒去年立法會選舉功能界別 時,提名全都是商界猛人,長實、新地、中信集團、太古地產等,提名人之猛,與今次反對延長董事禁售期的財團名單有得揮。

據知現時正有不少中間人,代一班大孖沙聯絡部分港交所上市委員,希望能從中斡旋,而與一班商界富豪甚為稔熟的港交所主席夏佳理為免尷尬,近日則避免出席公開活動。未知最終需否驚動政府「最高級人士」出手,才能化解這場風波。

黃宜弘(右)夫婦跟富豪稔熟,妻子梁鳳儀替李兆基寫自傳(左)。
PermaLink: https://articles.zkiz.com/?id=5103

英之見:月供藍籌揀港交所 黃國英

2009-01-21  AppleDaily


 

如 果盲目死守或者月供一隻藍籌,自己的選擇會是港交所(388),不錯業務存在極大周期性,但爆炸力極強,而且和其他周期性股份如航運股不同,不會未曾捱過 低谷便不幸要光榮結業,是最安全的周期股。不過短期而言,最好還是忍手。一向戰意旺盛,但昨日心情也變得沉重。金融巨企股價的下沉,既消耗香港投資者的戰 鬥力,最麻煩是摧毀一大班人的信念,懷疑自己,更懷疑股票。低成交悶戰期,是遲早會出現,但最近的發展,恍如一個超級大魚網,將海中大部份生物擒獲,經過 今次消耗性捕獵之後,恐怕股市會有一大段日子陷入悶局。

證券行股冇運行

雖然港交所是長期收集對象,可是如果沒有死守的財力或 者心理質素,還是暫時閃避為宜。市況的發展,頗大機會是98年初段的翻版,一潭死水,連短線投機者也失去興趣,屆時一定有更便宜的價錢去買港交所。其實更 加危險是所有經紀行類型的股票,成交低迷之下,為求生意邊際利潤會越縮越低,港交所至少沒有減佣加速滅亡的壓力。有興趣的話,可以做一個小小的查證,比較 由沙士最低位至07年最高位的股價升幅加股息收入,便會發現原來港交所是大幅跑贏證券行股票。證券行的股票,只是在牛市最後一程才發力趕上,呈急升的形 態。現在當然不是牛市的尾期,投資者操作心態上,避險意識甚重,因此證券行這種中小型股票,注定難以有運行,風險亦相對較高,是優先避開及撤退的類別。其 實股票投資,歸根究柢是研究生意的變化,用陰謀論推斷市況升跌,命中率通常不高,反而思緒會混亂欠邏輯,例如最初是相反理論,忽然進化至相反相反理論,最 後走火入魔至相反N次方理論,還是長期看錯市。作者黃國英為證監會持牌人士目前持有港交所(388)電郵:[email protected]
PermaLink: https://articles.zkiz.com/?id=5392

中環在線:陸恭蕙搞環保唔撈港交所 李華華


2009-03-05  AppleDaily





 

港 交所(388)董事會今年將會大換班,最意外係06年同「股壇長毛」David Webb雙雙入局、思匯政策研究所行政總裁陸恭蕙(Christine)忽然話唔再爭取連任。佢同華華講,唔係因為Webb舊年5月辭職覺得冇癮,而係董 事任期3年屆滿,自己原本只想玩一屆,適逢今明兩年又要搞環保大業,有好多時間唔喺香港,況且當初入港交所要實現嘅目標,已初步達到,好似今年會推嘅碳排 放期貨交易,就算未見產品「出世」,離開都冇乜遺憾。

戰友Webb轟管治跌watt

「恩人」Webb就唔評論 Christine點解棄權,但佢批評港交所嘅企業管治,喺前年9月政府增持股份後就開始勁跌watt,佢今年唔會再鼓勵好友競逐董事咁話。 Christine嘅空缺,提名委員會推薦東亞銀行(023)顧問、曾任花旗香港行長嘅陳子政出選。至於政府委任嘅3名董事張建東、范鴻齡同方俠,按例必 須退席,但實際只得做滿6年嘅方俠必須鬆人,而范生怕且亦因中信泰富(267)被調查而要講拜拜。Webb就「貼」行政會議新丁胡紅玉會補上、張建東會冧 莊,結果4月23日揭曉。

周文耀花紅佔人工一半

董事薪酬方面,港交所就話今年要凍薪,但初級僱員會發多半個月人工,紓緩08年通脹壓力喎,認真和味。雖然港股成交舊年江河日下,但行政總裁周文耀照390萬花紅,仍佔人工一半,整份年薪就跌10%至1273萬元。李華華



PermaLink: https://articles.zkiz.com/?id=6392

中環在線:朱國柱再選港交所董事 李華華

2009-04-03  AppleDaily





 

證 券界人士朱國柱屢敗屢戰,再度參選港交所(388)董事選舉。港交所噚日傍晚發出通告,話朱國柱獲一名股東提名,趕及參加今個月23號舉行嘅董事選舉。朱 國柱曾擔任新鴻基證券執行董事,分別喺06同08年參選過港交所董事,最後鎩羽而歸,仲俾人投下大量反對票而落敗,不過仍然無阻佢參選嘅決心。今次朱國柱 嘅對手分別係嚟自銀行界嘅陳子政,同埋舊年中被委任接替David Webb嘅莊偉林。兩位都係重量級人物,陳子政現時出任東亞銀行(023)顧問,莊偉林就係大摩前MD,現任兆亞投資董事總經理。論牌面,朱國柱輸晒,但 佢嘅屢敗屢戰精神,可能會感動小股東投佢一票。今次港交所董事選舉3選2,其中一個位係填補陸恭惠嘅空缺。
 



PermaLink: https://articles.zkiz.com/?id=7117

中環在線許照中、利子厚做港交所董事芬佬勢力沒落 李華華

2009-04-24  AppleDaily





 

港 交所(388)噚日舉行股東周年大會,兼改選董事,今年「賽事」比較平淡,冇咗股壇長毛David Webb,同一陣線嘅陸恭蕙亦唔玩,新任董事都係「自己人」,陳子政(TC)跑出、莊偉林連任係意料中事,反而睇吓政府委任嘅董事名單,仲有些少新意,財 爺鬍鬚曾新委任咗兩位港交所上市委員會前委員許照中同利子厚入局。

陳子政、莊偉林大熱跑出

以前港交所未上市,喺聯交所年代董 事以華資經紀為主,但上市後基金(芬佬)股東左右大局,03年兩大經紀組織只有各1位代表連任。今次政府委任具華資經紀背景嘅許照中入局,令經紀界多番啲 人喺董事會。許照中曾任聯交所副主席,03年起做上市委員會委員,早前喺延長董事禁售期爭議問題上佢提過應重新諮詢,算係會內嘅和解派,今次入埋港交所董 事會,相信會有一番作為。至於希慎(014)前董事總經理利子厚,自從離開希慎後就好低調,大家只知佢落力做善事同推動奧運馬術,政府出嘅新聞稿就話佢係 匯圖投資管理董事總經理。唔知呢檔嘢同希慎有冇關係呢?

朱國柱繼續陪跑

由股東投票選舉部份,陳子政同莊偉林都大比數跑出,兩 人叮噹馬頭,各有約3.4億股贊成,淨票數接近3.4億股,上年陪跑嘅朱國柱,今年繼續陪跑,不過影都唔見。TC當選後話「非常高興,好多謝支持者」,話 o依家喺東亞(023)做顧問,只係part-time,唔會影響港交所嘅職務。佢同港交所行政總裁周文耀仲講笑話,兩處辦公地點好近,TC可以上晝去東 亞返工,下晝到港交所。不過TC喺股東會期間被股東點名,問佢當年離開花旗單嘢,陳子政話07年離開係因為提早退休,但就冇再解釋,唔知小股東係咪記得當 年傳TC以健康為由請辭,擔心佢嘅健康,所以有此一問呢?[email protected]



PermaLink: https://articles.zkiz.com/?id=7529

人物專訪做港交所董事許照中:我冇包袱

2009-05-11 AppleDaily





 

任 職港交所(388)上市委員會6年按例需「榮休」,但許照中旋即獲政府委任為港交所董事,他說:「獲委任不會有包袱,都是憑良心做事,係好事就支持,但也 要與社會利益取得平衡。」經過董事禁售風波一役,在本港證券界馳騁逾38年的他說,希望任職董事期間可增強港交所的市場形象,讓業界更明白當局是願意聆聽 的。外界高度關注港交所董事局會否藉機加強監控上市委員會,尤其是本屆有6人(佔21.4%)「夠鐘離場」。本是其中一分子的許照中形容,上市委員會的獨 立性和監控功能「無問題」,「當初是政府、證監和港交所共同商議才確立現行組織架構,兼顧及平衡少數投資者、發行商和中介人利益,我聽不到政府會加強控制 上市委,也看不到動機何在。」對於季度業績報告檢討或於6月諮詢,他指目前難以評論,要先聽市場意見。

獲委任感意外

由於今次 是港交所2000年上市以來,首次委任證券行代表加入董事局,許照中坦言獲政府委任感意外。不過,他於業界具備豐富經驗,而其掌舵的僑豐(前稱萬信證券) 更是98年為港府打大鱷的「御貓」(落盤經紀)之一,有助加強他的公信力,令人相信他會將業界聲音帶進港交所。另一邊廂,金融海嘯令不少金融機構縮減規 模,僑豐過去大半年卻逆市擴張,許照中解釋這是千載難逢的時機,讓該行朝向更專業一站式金融機構邁進。他指亞太區金融機構未有像歐美般大受海嘯拖累,故僑 豐已為下個牛市作好準備,並將研究部人手倍增至近20人。對於港股是否牛市重臨,他拒絕表態,僅稱近期大市成交配合,升勢仍偏好,但經濟基本負面因素未 除,別過份投機高追。記者:羅嘉銘

許照中簡歷

‧現職:僑豐金融行政總裁‧2009年:獲委任為港交所董事‧2006年:獲委任為珠海政協委員‧2004年:獲特區政府頒授太平紳士‧2003-09年:出任港交所上市委員會成員



PermaLink: https://articles.zkiz.com/?id=7889

Next Page

ZKIZ Archives @ 2019