巴黎：
一層出租物業的業主，每月月頭會收到租客的租金，若果它市價是500萬，租金是1萬5，那麼物業在月頭之後的成交價，應該會是500萬減一萬5千元=498.5萬。
聽起來很怪，但很多人的確是這樣認為。
股票在除淨後的第二天未開市就己下跌，它下跌的原因不是成交，而是報價公司人為調整，把昨天的收市價簡單地減了股息，一如中原地產可以每個月頭調整一下成交價和指數，除返它的租金淨價一樣。
直至買家或賣家，無異意又用報價中的理論調整價去成交，那個才是市場真真正正的除淨價，而不是老馮價，於是大家就問應該減幾多？
假如一間公司十年來每年都是賺5元，股價是25元，公可有10元是現金，並決定全派10元息，於是有聰明人就會在前一天以25元買入，因為派完10元之後，投資者就等同只付出15元，而唔係要用25元才能賺相同的5元。
於是又有另一些更聰明的人話除淨價應該是25元減10元等於15元至係堅，於是你比多5毫，以15元5角求入，即是比所謂理論除淨更高的價買入，佢覺得你唔識計數賣清給你，於是你開心時佢又開心。
有時明明講好派息，但之後好似電能唔派，唔之點解佢一樣要好似除淨咁下跌，即係袋中無銀，股中有銀，股價自動減你腦中那個股息。
有D公司年年蝕錢，例如12個月每股蝕12蚊，現賬面是100元，市價120蚊，派息派6蚊，咁你用120除淨前買入，如果第二天全世界D人清醒，咁佢就應該唔止跌6蚊到114，甚至要低過94蚊。又佢派息速度快過佢蝕錢速度，下年就算派清亦只能派94元-12元=82元，咁除淨清醒日可能要跌到82元。
如果今年淨值是6蚊，年年賺1.2元，派0.33元，咁派淨個0.9蚊係仍然保留係間公司，個淨值第二年應該是6-0.3+0.9，但間公司的淨值唔係派年報個日至增加，今日派個份年報係6個月前，若一個月後才除淨，本年盈利又不變，到除淨日距離本年報有7個月個日的NAV應是6+1.2/12x7-0.33。
係咪好復雜？如果你明就再加多一個問題，假如市價是低過6蚊，比如是4個7又點。
其實價值法可以很簡單，知個大概就得，例如你知道Yield=0.33➗4.7=7%，6蚊帳值係大過市價4.7，P B=0.78，每年1.2元盈利ROE=20%，1.2盈利-0.33股息係一條好大的正數，並會一路路疊在6蚊上面，令淨值不斷上升得好快就得。
即係先選D無乜債ROE勁的公司，然後吼佢價格下跌令佢PB低過1好多，而佢又派息慷慨，呢個便叫Margin of Safety。