ZKIZ Archives


52歲鍾淑慧養顏有術傳復出吳岱融唔介意夫妻檔

1 : GS(14)@2016-10-20 08:05:35

呢排唔知憑奸,抑或姦上位嘅「高天鷲」吳岱融,人氣逼人。有雜誌就影到佢老婆鍾淑慧日前喺九龍塘行超市,雖然已經52歲,但係仲KEEP得好好,仲聽聞有意思復出拍戲,之後吳岱融接受雜誌訪問,就話唔介意夫妻檔合作,最緊要睇吓有冇人搵。




來源: http://hk.apple.nextmedia.com/entertainment/art/20161020/19806342
PermaLink: https://articles.zkiz.com/?id=312882

拍廣告回歸 無悔演三級片鍾淑慧:我寶刀未老

1 : GS(14)@2016-11-08 05:54:11

■現年47歲的鍾淑慧日前為護膚品牌拍廣告,退隱十一年的她笑言自己寶刀未老。



現年47歲的鍾淑慧,近日因老公吳岱融人氣升而帶挈她復出拍廣告。日前鍾淑慧為廣告進行拍攝,雖然退隱娛樂圈十一年,但她笑言自己寶刀未老,拍攝過程十分順利。對於90年代與吳岱融接拍過多部三級片,鍾淑慧坦言從未言悔:「又唔係賣弄,對我哋嚟講,係一個好大嘅挑戰,覺得唔係乜嘢嘅一回事。」



吳岱融近日憑《巨輪II》人氣翻生,令退隱娛樂圈十一年的太太鍾淑慧妻憑夫貴,獲馬來西亞護膚品牌力邀她做代言人。日前鍾淑慧在馬來西亞接拍廣告,退隱多年的她未因此生疏,她前日在電話中說:「嗰日係1點開始影,影到夜晚7點,有拍video同影相,喺咁短時間做咗咁多嘢,都好順利。相信我都寶刀未老,全部係喺三take以內搞掂晒,始終要配合燈光同埋其他問題,不過係好順利拍晒,我除咗嫌自己有啲略肥,so far都滿意。」


婚姻曾亮紅燈

90年代鍾淑慧與吳岱融以情侶檔姿態一起拍攝《滅門慘案之孽殺》、《替天行道之殺兄》和《弱殺》三部三級片,由於吳岱融近日在《巨輪II》姦出位,激發網民喪煲他與太太拍過的三級片。問鍾淑慧可曾後悔拍三級片?她說:「其實又冇囉,當年我都有份參與呢個劇本,有共識點樣去拍,而且我哋嗰幾部戲嘅題材都係真人真事,當然要加入啲電影元素,真係唔少得。作為一個演員,我覺得又唔係賣弄,而且喺嗰個時間,對我哋嚟講,又係一個好大嘅挑戰,變咗覺得唔係乜嘢嘅一回事,事實上喺外國嚟講,某啲位都係合情合理,都係好正常,我自己係喺絕對接受嘅情況下接拍,所以唔可以話有乜嘢後悔唔後悔,呢啲嘢係自己去決定,對演員嚟講係一個經歷。」鍾淑慧與吳岱融於95年11月28日在新加坡註冊結婚,翌年2月14日返港擺喜酒,這段快將二十一年的婚姻,並非一帆風順,當年有傳吳岱融因事業陷於低潮而終日借酒澆愁,喪蒲喪玩,二人婚姻亮紅燈,幸得鍾淑慧不離不棄努力登台接騷撐起頭家。對此鍾淑慧未有多講,但就默認婚姻曾出現問題,她說:「我相信一對夫妻邊度會冇磨擦,喺婚姻過程梗會有啲,我哋結咗婚都二十幾年,一定會有磨擦同唔開心,過咗去就冇嘢,唔需要再提。」



■吳岱融與鍾淑慧90年代以情侶檔拍三級片《替天行道之殺兄》。劇照

■鍾淑慧與吳岱融月底慶祝結婚二十一年,兒子吳政樺現已19歲。微博圖片

【94年】■鍾淑慧坦言未有後悔當年接拍三級片。資料圖片

■復出拍廣告的鍾淑慧駕輕就熟,僅花六小時便完成拍攝。

避提獨力養家

提到當年獨力撐起頭家傳聞,鍾淑慧說:「而家呢個年代都冇話邊個撐起頭家,亦都冇話男主外、女主內,甚至係男主內、女主外都冇乜所謂,大家一家人都唔會計劃呢啲嘢,邊個OK咪邊個上囉。呢啲嘢其實好似打波,邊個體力OK,咪打住上半場先,邊個想唞嘅,咪打住下半場先囉,甚至乎大家都OK嘅,咪打住雙打先囉,一齊去拼搏,唔可以獨力去做。我而家日日都喺度暢泳、行街同休息,佢日日都做到好辛苦,病住都要開工,呢啲又點計呢?」採訪:魯吉




來源: http://hk.apple.nextmedia.com/entertainment/art/20161107/19824849
PermaLink: https://articles.zkiz.com/?id=314583

懷胎三個月冇咗 鍾淑慧小產

1 : GS(14)@2016-11-21 00:05:01

■鍾淑慧提起現正服兵役的囝囝Justin,都會心痛流淚。



鍾淑慧和老公吳岱融識於微時,並於95年結婚,育有現年19歲的兒子Justin,自此淡出娛樂圈,過着相夫教子的生活。隱退多年的她,最近因老公復出拍劇而人氣急升,早前便接拍了一個美容廣告,並時有媒體邀約訪問。近日鍾淑慧接受周刊訪問,自爆三年前意外有了身孕,但不幸地懷胎僅三個月便小產,大受打擊的她幸得老公陪伴身邊,才得以撫平傷痛。



■鍾淑慧和吳岱融一家三口樂也融融。

■因老公帶挈,鍾淑慧早前復出拍廣告。資料圖片


「心情似坐過山車」

這段婚姻鍾淑慧表示一直不被看好,但經歷多番考驗後,彼此認定廝守終身。47歲的她昨日接受電話訪問,直言小產事件發生了一段日子,不值一提,她說:「嗰次係喺冇心理準備嘅情況下有咗BB,當時覺得好開心,喺咁嘅年紀仲有呢個機會,不過嗰陣接落咗好多工作,仲要去加拿大做騷,於是我臨上機之前去做檢查,發現BB冇咗。」鍾淑慧續說:「嗰一刻好震驚,由唔想到接受,仲好期待,點知最後又冇咗,心情真係好似坐過山車咁,不過呢啲可能係天意,畀你就畀你,唔畀你都冇辦法,呢件事已經過咗去,唔會再諗。」


提當兵囝囝心痛

兒子Justin今年4月在新加坡入營服兵役,鍾淑慧坦言自從收到服役通知信起,每次說到囝囝都心痛得流淚,而Justin每次出營,她都會第一時間返新加坡見面。此外,吳岱融日前接受商台《1圈圈星光背後》訪問,大讚太太鍾淑慧處事成熟:「我嘅愛情觀就係互相遷就,你哄吓我,我哄吓你。」並透露自己早年因推劇而被無綫炒魷,終止合約。採訪:魯吉




來源: http://hk.apple.nextmedia.com/entertainment/art/20161120/19839389
PermaLink: https://articles.zkiz.com/?id=316371

【馮仁昭四圍超】鍾淑慧孖老公賺百萬

1 : GS(14)@2016-12-06 03:56:22

鍾淑慧同老公吳岱融近月回歸娛圈,有不少工作,噚日鍾淑慧就喺馬來西亞出席佢首個代言美容產品活動,老公同當年做伴郎嘅郭政鴻,仲有林偉辰專誠到場支持。大會仲送上蛋糕,即場幫鍾淑慧同佢老公補祝上個月28號嘅結婚21年周年紀念。今次鍾淑慧頭炮復出做代言,孖住老公出活動,「合體」價據聞有接近七位數字酬勞。撰文:馮仁昭




來源: http://hk.apple.nextmedia.com/entertainment/art/20161205/19855090
PermaLink: https://articles.zkiz.com/?id=318359

老公吳岱融姦出位52歲白滑鍾淑慧買透視裙

1 : GS(14)@2017-02-12 15:37:32

2017-02-02 NM
憑《巨輪II》姦出位的鷲哥吳岱融,鹹魚翻生,一口氣接了五部電影,就連老婆鍾淑慧,亦被重溫曾夫妻檔拍三級片。老公奸得嚟型英帥,難得52歲鍾淑慧亦唔失禮,皮膚白滑零皺紋,保養得宜。食住老公個勢,近月狂跑內地騷賺人仔,更密謀復出拍劇。貼地睇平衫

八七年環球小姐香港區冠軍出身的鍾淑慧,因老公吳岱融再度受人關注外,亦帶挈她在內地狂接騷,甚至被?復出。吳岱融忙拍電影,鍾淑慧反而偷閒約友人行街。在又一城的Apple Store買手機配件,鍾淑慧同個朋友捉住sales問完又問,搞了大約半個鐘,終於有收穫,買了部外置充電器,仲要即拆即用。手機不可缺電,女人唔買衫買化妝品就假!不過鍾淑慧好貼地,揀去H&M睇衫,對其中一條黑色透視裙表現好有興趣,攞上手睇完又睇。雖然已經五十二歲,但以她身形苗條,皮膚睇落又白又滑,絕對有本錢著透視裝。

提起老公冧晒

睇完衫再去掃化妝品,鍾淑慧主攻唇膏,攞起試用品畫上手睇顏色,除了色澤,她更注重唇膏的成分,睇住個盒研究好一陣,才扑槌買了兩支。離開時,記者上前訪問,太耐冇面對傳媒,一見記者埋身,鍾淑慧表現得有點緊張,對是否復出拍戲,她說:「我隨時都想!」之後提到老公吳岱融,鍾淑慧更加成個冧晒,仲忍唔住掩嘴偷笑,「佢喺大陸拍緊戲,所以我先有時間出嚟!佢好忙呀,有成四、五部戲喺手,我就一路喺大陸做嘢!」擁有家庭和事業,一臉滿足的鍾淑慧說。

撰文、攝影、攝錄:娛樂組
PermaLink: https://articles.zkiz.com/?id=326594

【馮仁昭四圍超】鍾淑慧生日老公贈巨款

1 : GS(14)@2017-04-08 19:39:57

鍾淑慧前日48歲生日,諗住小貓三四隻食餐飯就算,但老公吳岱融送驚喜,約齊一大班屋企人慶祝,搞到鍾淑慧激動到喊。問到生日願望?鍾淑慧話:「生日願望希望事事順利,屋企人健健康康。」佢又話老公送巨款:「老公話過去呢年都好順利,所以過咗筆巨款畀我,幾多就唔好講啦。阿仔雖然喺新加坡服兵役,但都有打電話同我講生日快樂。」撰文:馮仁昭




來源: http://hk.apple.nextmedia.com/entertainment/art/20170407/19982186
PermaLink: https://articles.zkiz.com/?id=329582

Next Page

ZKIZ Archives @ 2019