ZKIZ Archives


撈過界洪金寶、曾志偉做政協

2011-8-11  NM




香港藝人展望神州,除咗知名度, 更要搭通天地線,搞好人事關係。有個銜頭,更加好辦事,唔計霍震霆、曾智明呢類富二代,演藝界早有阿姐汪明荃做過人大,現任全國政協;近幾年主力留守大陸 的洪金寶和瓣數多的曾志偉,亦先後成為政治插班生,分別成為雲浮市和江門市的政協,實行一「協」傍身,國內通行。名利雙收

轉戰內地發展多時的影圈大哥大洪金寶,○八年為電影《葉問》做動作指導,票房大收助旺人氣,奪得第二十八屆「香港電影金像獎」最佳動作設計外,指導連演員 價,一支箭颷上六百萬。名利雙收,祖籍浙江寧波的洪金寶,更獲廣東省雲浮市邀請做市政協,為地區發展出力。幕前幕後工作冇停手,但講到盡政協義務,定時定 候開會,洪金寶絕無托手踭。

今年二月中,「政協第四屆廣東省雲浮市委員會議」召開,洪金寶亦有出席;有明星出現,雲浮市的政協把握機會合照留念唔在講,甚至偷影他開會的情況上載到互 聯網,同網友分享。會後接受傳媒訪問,洪金寶亦交足功課,公開力挺:「雲浮是各路商人和企業『拳打腳踢』的『功夫場』!」

搵劉華有功

洪金寶形象正氣,至於經常拉頭纜為國內賑災的曾志偉,亦於今年進身成為政協代表。去年初,江門市打造了一個名為「星光園」的明星公園,邀請藝人立雕像和手 印。同屬江門鄉里的阿嬌鍾欣桐和曾志偉,卻被當地鄉親嫌棄,一度反對兩人入選「星光園」。不過,由於志偉安排劉德華、梁朝偉等一眾鄉里出席去年十一月的 「群星閃耀江門情」的揭幕儀式有功,又自動請纓擔任活動主持,加上同年十一月他又以亞運宣傳大使身份,率領Big Four到廣東開騷宣傳亞運,夠晒落力,終於今年初正式獲推薦成為江門市政協。港人做政協無權亦無錢,最直接受惠,是獲發直通車牌方便出入,但卡片上多個 政協排頭好辦事,曾志偉、洪金寶,蝕頭賺尾。

政協無實權

簡稱政協的中國人民政治協商會議,不屬於國家機關的組成部分,沒有實質政治權力,主要工作是民主監督、政治協商及參與議政、協助國家經濟發展、推動社會改 革、加強各地方之間的聯繫和團結,任何決議均無法律約束力。政協當中分全國政協委員和地方委員會,凡年滿18歲的公民,即使是港、澳、台同胞,只要有中國 共產黨、全國工商聯或各人民團體協商推薦,便有機會出任政協。如湯鎮業是廣東省政協、黎姿丈夫馬廷強任深圳市政協、四太梁安琪任珠海市政協、林建岳長子林 孝賢是廣州市政協。相比之下,現任全國政協,早於88年至97年間任全國人大的汪明荃,政治權力及影響力則大得多。簡稱全國人大的全國人民代表大會,是中 國人民的最高權力機關,除了享有立法權、制定及修改憲法和法律權力以外,還有權委任行政和司法部門的首長,有投票權選舉和罷免國家主席、國家中央軍事委員 會主席、最高人民法院院長和最高人民檢察院院長;全國人大還可根據國家主席的提名,決定國務院總理人選,而按總理的提名,決定國務院其他職位人選。人大的 職權還包括:監督憲法實施、審批國民經濟和社會發展計劃、國家的財政預算案、批省、自治區、直轄市和特別行政區的設置等問題。不過有別其他人大,港區全國 人大不能以人大代表身份於香港進行視察,不可以接受香港居民對特區政府的申訴,甚至未能享有內地人大代表所享有的特權。

 


PermaLink: https://articles.zkiz.com/?id=26966

洪金寶難過:受折磨好耐

1 : GS(14)@2016-03-05 01:12:07

馮克安昨日病逝,跟他相識超過四十年的洪金寶昨日在電話中說:「知佢病咗一段時間,畀病魔折磨好耐吓,之前有試過介紹醫生畀佢,但好似冇乜用。同佢都識咗幾十年,而家佢死咗,當然可惜。」導演邱禮濤與馮克安合作過《性工作者2我不賣身.我賣子宮》等電影,他在電話中說:「大約半年前元彪嫁女擺酒見過佢,原本之前我部《選老頂》都搵佢演,佢問我介唔介意佢把聲唔太好,最後因為身體問題冇演。佢係一位好好前輩,好提拔後輩。」甄子丹曾與馮克安合作拍過《錦衣衞》和《葉問2:宗師傳奇》,身在內地的他表示:「佢係一位好健談嘅前輩,同佢合作時,覺得佢功夫好了得。」元華也說:「三個月前先喺一個飯局見過佢,當時佢坐輪椅,精神唔錯,只係中完風說話有啲唔清楚。」



錢嘉樂

邱禮濤



錢嘉樂:好前輩

錢嘉樂談到這位前輩時說:「我識咗克哥三十幾年,喺我眼中佢係一個好照顧同行同後輩嘅動作指導,我哋工會喺年初三嘅春茗,頒咗一個傑出貢獻獎畀克哥,表揚佢對電影咁多年既貢獻。」劉德華更說:「從他童星到最近葉問演出,都很難忘。」採訪:鍾國仁





來源: http://hk.apple.nextmedia.com/entertainment/art/20160303/19513456
PermaLink: https://articles.zkiz.com/?id=296712

64歲洪金寶真打殺敵

1 : GS(14)@2016-03-05 01:12:13

洪金寶自導自演的電影《特工爺爺》,除有劉德華主演外,更找來一班七小福師弟妹元華、元秋、元寶及元庭演出,串星卡士亦非常強勁,包括石天、麥嘉、徐克、胡軍、馮紹峰及契仔彭于晏等。該片昨日公佈最新的宣傳片,現年64歲的洪金寶在戲中有不少動作場面都親身上陣,而且打起來乾淨利落,不失當年勇。故事講述飾演退休特工的洪金寶,認識了鄰家小女孩春花,小女孩父親劉德華被捲入中、俄幫派大仇殺,看不過眼的洪金寶出手相助,格局頗似荷李活電影《猛火爆》(Red),香港已安排在愚人節上映。撰文:李森





來源: http://hk.apple.nextmedia.com/entertainment/art/20160303/19513582
PermaLink: https://articles.zkiz.com/?id=296729

歡樂先生:袁詠儀洪金寶難忘笑臉

1 : GS(14)@2016-03-09 16:25:55

袁詠儀


杜惠東在娛樂圈浸淫逾40年,76年加盟嘉禾電影廣告部做主管,照顧過不少藝人,不少圈中人得知其死訊,都大感可惜,異口同聲表示杜Sir是個大好人,並讓人感到歡樂。



袁詠儀

杜Sir人好好,同我哋做宣傳好好笑,佢一定會企喺身邊陪我哋做訪問。佢係宣傳部高層同老臣子,但從來唔擺款,希望佢家人節哀保重。


洪金寶

洪金寶

身邊老朋友一個個離開,早幾日馮克安,而家又杜Sir,希望佢一路好走。佢為人相當好,成日笑口騎騎,以前我哋私下有飲吓茶,趁而家未有癡呆,要多啲同老朋友見吓面。



惠英紅

當年我拍嘉禾戲,杜Sir負責宣傳,幾乎日日開工都見到佢,有時佢帶隊出埠宣傳,佢對我哋照顧得好妥貼,唔係交差就算,佢樣樣嘢都體貼,真係攞個心出嚟。



元彪

又走一個,上咗年紀冇辦法,呢個年紀差唔多。我自從離開嘉禾之後,又成日唔喺香港,近年同杜Sir少咗見面。



薛家燕

認識咗杜Sir幾十年,佢係呢行前輩,佢除咗係電影宣傳人員,又係專欄作家,記得我細個都接受過佢訪問,杜Sir可謂睇住我大,接到佢死訊好難過、好突然。



葉蘊儀

我喺電影公司認識杜sir,嗰時入行烚吓烚吓,成日要去外地拍戲同宣傳,留喺香港嗰陣就會見到佢,佢個人好nice,聽到呢個消息好愕然。





來源: http://hk.apple.nextmedia.com/entertainment/art/20160309/19521414
PermaLink: https://articles.zkiz.com/?id=297359

劉德華留港陪老婆洪金寶送祝福

1 : GS(14)@2016-03-31 14:12:50

劉德華太太朱麗倩傳以50歲高齡再懷孕,由華仔監製兼演出的電影《特工爺爺》前晚假北京首映,而昨晚移師台北,惟華仔兩站宣傳都缺席,不知是否要留港陪老婆安胎。


■(左起)梁家輝、顏卓靈及黃愷傑專程出席《特工爺爺》北京首映。


獨自現身兩地首映的洪金寶,昨晚在台灣被問到華仔傳再做老竇,他驚訝說:「是嗎?是他幹的好事就恭喜他囉。」他表示華仔因有其他安排,所以不能一起來台灣;另主持要他在華仔和彭于晏之間二選一,洪金寶笑說:「我當然喜歡彭于晏,因為我可以踹他。華仔很尊重我,他已經可以照顧自己了,彭于晏還年輕,應該多疼點。」撰文:皓騫





來源: http://hk.apple.nextmedia.com/entertainment/art/20160331/19550977
PermaLink: https://articles.zkiz.com/?id=298875

【我主場】享受入片場鬧人 洪金寶退而不休

1 : GS(14)@2016-08-13 14:59:47

洪金寶跟陳木勝日前為電影《危城》宣傳,現年64歲的洪金寶對於退休有另一種體驗,他日前接受本報專訪說:「我十年前試過退休,去咗美國一兩年後返香港就唔再退休,有乜嘢好玩過拍電影,現場有幾百人可以畀你用粗口鬧,最重要食得、玩得,做得開心。我而家一把年紀,講嘢仲有人聽,呢樣嘢用錢都買唔到,所以千祈唔好講退休,只可講『退而不休』,好多朋友一話退休,兩年就歸古,心靈好空虛㗎。」已經榮升爺爺的洪金寶,講到孫仔其詞若有憾的說:「佢哋(孫仔)玩我㗎咋,又要畀錢又要睇佢面色,真係特攻爺爺。」



■陳木勝(右)新戲強調「公義要有人執行」以對抗惡勢力,但否認影射現今社會。

■彭于晏在戲中以俠客身份仗義出手對抗強權。劇照


「公義要有人執行」


戲中劉青雲擔起衞城的責任,跟吳京、古天樂周旋,本着「驚先要面對,唔可以退縮」,彭于晏以俠客身份仗義出手對抗強權,似有香港現今狀況的縮影,洪金寶說:「咁啱啫,你睇番三十年前古裝片,有邊套題材唔係講呢啲,只係遇着香港社會畀你嘅感覺就好重。」陳木勝認為全世界都有欺凌的情況,內地窮人不敢跟富二代鬥,大國家會欺凌弱國,陳木勝說:「戲入面有一句對白『公義要有人執行』,靠講冇人執行係冇用嘅,有冇呢種俠義精神(彭于晏)嘅人走出嚟呢?大家感受到幾多就幾多,電影世界就係咁,冇得勉強人哋感覺。」那麼香港要到幾時至會有個彭于晏?撰文:卓寶花場地:E-Max九龍灣展貿中心




來源: http://hk.apple.nextmedia.com/entertainment/art/20160813/19733870
PermaLink: https://articles.zkiz.com/?id=305695

洪金寶撐枴杖等做手術

1 : GS(14)@2016-12-30 02:58:11

洪金寶、高麗虹和洪天明一家昨日三代同堂從三亞旅行返港,洪金寶撐着枴杖先步出閘口,問天明為何爸爸要撐枴杖?他說:「係佢以前拍戲時嘅舊患,嚟緊會做個小手術。」原來洪金寶在泰國拍新片《貪狼》,之後到三亞會合家人。天明說:「我哋幾兄弟姊妹,同錢嘉樂一家去三亞旅行,當係大家嘅聖誕禮物。」天明妻子周家蔚表示早前見過陳茵媺等朋友,心郁郁想生多一個女,天明說:「隨緣啦,都想嘅,好似扭蛋機咁,我負責入錢,佢係負責生嗰個。」另外,人妻舒淇和孫燕姿都有現身機場,舒淇見到記者即用果汁遮面,孫燕姿則大方任影。採訪:羅慧敏攝影:陳順禎




來源: http://hk.apple.nextmedia.com/entertainment/art/20161229/19879514
PermaLink: https://articles.zkiz.com/?id=320531

【愛駒對決】洪金寶再戰甄子丹

1 : GS(14)@2017-01-08 19:02:44

洪金寶及甄子丹曾在電影《葉問2》及《殺破狼》對打,想不到二人的馬匹,今日亦有對戰機會。洪金寶愛駒「崇山寶」曾經揚威杜拜,今日將與甄子丹名下的「宇宙車神」,在沙田馬場一項分級賽同場較量。賽事雖然只有六匹馬出賽,但各有實力,今日進行的1000米直路賽,「崇山寶」便有六勝紀錄。不過「宇宙車神」亦不遜色,過去亦有三次勝出紀錄。




來源: http://hk.apple.nextmedia.com/entertainment/art/20170108/19890007
PermaLink: https://articles.zkiz.com/?id=321871

【馮仁昭四圍超】洪金寶做演員收得貴

1 : GS(14)@2017-04-13 00:24:07

洪金寶擔任監製兼動作指導嘅內地劇集《翡翠騎士》,噚日喺尖東舉行記者會,洪金寶笑指兼任演員,相信要收好貴片酬。該劇投資以億元計,佢聽到都嚇一跳,洪金寶話:「以民初動作為主,角色未定,預計9月開拍,都想趁機會多啲提攜新人。」隨後會籌拍電影嘅洪金寶,會唔會搵劉德華合作?佢話:「佢啱啱好啲,唔想整傷佢,有機會再合作。」撰文:馮仁昭




來源: http://hk.apple.nextmedia.com/entertainment/art/20170412/19987426
PermaLink: https://articles.zkiz.com/?id=330292

Next Page

ZKIZ Archives @ 2019