沈震軒拒加簽無綫被掟入雪櫃
1 :
GS(14)@2015-11-02 14:49:15■沈震軒指現在市場較以往大，可以再傾吓先。
沈震軒出道以來負面新聞不斷，早前被傳形象太花弗而遭太陽娛樂老闆周焯華下令放入雪櫃，直至日前才被召回隨公司到澳門出席開幕活動才漸露曙光。本來一心向外闖，突遭雪藏，他即改口強調經理人公司是無綫，跟太陽娛樂純粹是電影、音樂上的合作，不過有傳他之前原以為有大靠山，所以拒應無綫加簽長約的要求，因而反遭無綫雪藏，變成兩邊不是人。前晚沈震軒偕同邵音音、原子鏸及莊思敏等《碟仙碟仙》演員，在中環出席萬聖節派對，他承認在大台冇劇拍：「都係得一個原因，咪等吓囉！解決咗先，嚟嚟去去都係合約問題，而家仲有一年合約，公司兩年前已搵我傾，當時仲有三年約，都係搵我加簽，公司想畀機會我。」而被大台雪藏的他，直言不想被「做死」：「OK嘅！畀時間自己進修，唔想係咁做，做死個artist，自己都想有進步。」他淡定指自己不是第一個經歷這些問題的藝員，所以會靜待事態發展：「傾咗好耐，唔使咁快決定，加上有其他人搵我傾。條件OK㗎，而家市場大咗，傾吓先。」
■沈震軒最近一套在無綫播出的劇集是今年3月初《衝線》。劇照
■沈震軒前晚與《碟仙碟仙》演員出席萬聖節派對。
■日前太陽娛樂老闆周焯華帶領被解凍的沈震軒在澳門掃貨。資料圖片
■原子鏸驚皮膚受傷，所以沒有塗全身藍色化妝。
原子鏸谷胸妖后
此外，原子鏸以電影《變種特攻》（X-Men）的妖后造型亮相，不過沒全身化藍妝，她笑說：「驚皮膚受傷，所以唔會化，個樣都冇化晒藍色。」講到舊愛鄧健泓傳婚訊？她說：「吓！係呀！恭喜佢，我哋都好耐冇聯絡。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20151102/19356215
打不死的男人 沈震軒 2017/08/10
1 :
GS(14)@2017-08-18 07:14:40https://skypost.ulifestyle.com.h ... 8%E9%9C%87%E8%BB%92
2017/08/10
沈震軒
說起沈震軒（Sammy），大家會想起無綫劇集《使徒行者》的情深臥底Kobe，還是電影《喜愛夜蒲2》花心蒲精「蘭桂坊USB」？其實他除了是演員，更是一名歌手。Sammy去年離開TVB後，進軍內地作歌影視三棲發展，最近攜新歌《打不死》回歸香港樂壇，不單回應過往的是非，更是表達一種男人態度，唱出男人心聲！
Sammy一向被指形象花弗，前年有傳他被太陽娛樂老闆周焯華下令雪藏。今次新歌《打不死》，他直言是針對各種是非及傳言︰「由細到大，阿爸教我『少說話，多做事』，但經過這麼多年教訓，我發現原來當你過分沉默，其他人就覺得你默認、『身有屎』，所以唔敢澄清。依家我想透過作品，表達所思所想。」
唱出男人心聲
《打不死》講述男人心聲，更是Sammy自身寫照，他認為歌詞「似個壞蛋都好，愛我別怕」最能代表自己，也感觸最深︰「我之前演過好多壞人，但慶幸大家多數係憎我個角色，但仍然鍾意沈震軒。」
無疑，Sammy「電視小生」形象予人感覺他在音樂上只是「玩玩下」，但他堅決表示︰「我好愛音樂，未入訓練班前都係參加歌唱比賽。之後的作品會加入自己的經歷，所以將會有自己填詞的作品，當中有好多大家估不到的東西，要畀人睇到沈震軒都係一個歌手，唔係得個講字。」這種信心和態度，正是Sammy的宗旨，同樣是男人應有的決心和硬朗。
柔情感性一面
Sammy去年離開工作近十年的TVB，到內地發展，他形容與金牛座的好勝性格不無關係︰「我係電視出身，但唔想只係電視演員，因為限制咗要入屋。人生有幾多個十年，我仍然有一團年輕人唔識死嗰種火，唔想停留喺一個comfort zone。既然有機會同能力，不妨試一試。」不過，他亦非常樂意回巢拍劇︰「仲有好多角色未試過。同埋TVB出嚟嘅人都好fit，因為好多事都好趕，習慣所有東西一腳踢，我都係睇住其他人一步一步學。」
外表陽剛硬朗的Sammy，形容自己也是一個感性的人，喜歡新挑戰但同時多愁善感，更笑言︰「我睇《美女與野獸》（Beauty and the Beast）都會喊！」他說電影有一幕講述一眾角色解除魔咒變回燈座、杯杯碟碟時，音樂一響起，一股感情湧上心頭，觸動到內心。難以想像Sammy有如此感性一面，他解釋︰「我會將所有感覺放大，有時做緊戲會有音樂喺我個腦響起，唱緊歌又會有戲劇畫面。」他不諱言男人在堅強背後都需要撒嬌，同樣渴望愛，因為愛，才有力量支撑所做、所想，成為「打不死的男人」。
Ｍake up︰Janice Chan
Hair︰kel@HH
撰文︰陳子楠
攝影︰林良明
編輯︰黃寶恩
設計︰K