ZKIZ Archives


冷池書簡130607汶萊遊記 掌門天地

http://www.tangsbookclub.com/2013/06/07/%E5%86%B7%E6%B1%A0%E6%9B%B8%E7%B0%A1130607%E6%B1%B6%E8%90%8A%E9%81%8A%E8%A8%98/

冷池書簡130607
汶萊遊記
魚尾執筆

諸位
很多香港人都到過馬來西亞和印尼旅行, 但很少人去過同樣位於婆羅洲的汶萊. 魚尾應 “汶萊航空”之邀, 有幸踏足這個伊斯蘭教君主國家, 增進了不少見聞, 借此空間與大家一起分享.

汶萊處於婆羅洲的北部, 陸地與馬來西亞接壤, 國土面積5,762平方公里(大約等於五個香港), 人口卻只有400,000萬.
汶萊全名 「汶萊達魯薩蘭國」, 又稱「汶萊伊斯蘭教君主國」. 馬來語: Negara Brunei Darussalam. Negara 即國家之意, 而Darussalam意為和平, 亦即「和平之國」.

汶萊本來和香港一樣, 只是一條小漁村, 居民多住在類似香港大澳的水上房屋. 1888年成為英國殖民地. 1929年, 是汶萊轉變命運的一年. 當年該地發現藏有非常豐富的石油, 這個「和平之捕漁小國」搖身一變為「亞洲第二大石油輸出國」!

汶萊由蘇丹(國王)統治, 他集國, 政, 軍, 財於一手, 既是國家元首, 亦是三軍司令, 也是國會議員, 更兼任財政部長. (睇落佢都幾忙吓!)
官員全部由他直接任命, 主要官員及內閣閣員則由皇族成員出任.
汶萊也有國會, 不過並無固定會期, 全部議員均由國王委任, 並沒有採用現代國家的選舉制度.

現任蘇丹 哈吉•哈山納•柏嘉 Haji Hassanal Bolkiah Mu’izzaddin Waddaulah 年67歲, 於1967年即位.
90年代他曾被財富雜誌列為世界首富, 後來才被蓋茨等人趕上.
他愛好馬球, 養了250匹馬! 另一嗜好是收藏名車, 他擁有7,000輛豪車, 其中包括600多輛勞斯萊斯及400多輛法拉利!
他的皇宮是世上最大的皇宮(北京故宮現在是博物館, 不算數.), 內有1,788個房間. 大部份外國元首和政要到來訪問, 都會住進皇宮, 使它兼職成國家賓館.
蘇丹本人很親民, 每年生日都會出來與民眾握手. 日常出入皇宮, 都是自己開車, 也不用封路, 只有少數開路鐵馬和保安車相隨.

皇族採用近親婚姻制. ***
因是回教國家, 男子最多可以娶四位太太, 而長房之子(ie世子)的完配夫人必須娶皇族後人, 以保持血統的純正. 因庶子沒有皇位繼承權, 所以沒有此規定. (最後形成 長房當官, 庶房營商, 總之都係佢地玩哂.)
以現任蘇丹為例, 皇后蕯拉赫公主的父母均為皇族. 蘇丹本比皇后高一輩(按父系計算), 但因皇后父親其中一個女兒嫁給了上任蘇丹(現任蘇丹之父) ,生了現任蘇丹哈吉, 所以皇后與他亦是表兄妹.
不過實情唔只咁簡單, 皇后之父既是現任蘇丹的舅父, 也是岳父, 亦是堂兄, 更是堂姐夫; 所以皇后是蘇丹的表妹, 亦是堂姪女……堂姐夫個女應該叫做乜呢?? 夠混亂未!

相信大家都聽聞汶萊是一個 “超級福利國家”, 咁究竟福利有幾好呢?
在談福利前, 先講講汶萊的人口結構.
未出發前, 我從網上得悉汶萊人口有四十多萬. 原來這四十多萬已包括外來勞工, 本地人遠少於此數.
汶萊的居民分為三類人, 以三種不同顏色的身份証區分.***
1.黃色: 汶萊國民, 約十多萬, 可享有全面福利 .
房屋: 一元租地, 自建房屋(建築可免息貸款) ; 或 廉價租住國家房屋 (即係好似我地廉租屋咁, 稍微不同之處, 佢地間廉租屋係三層別墅咁樣啫.)
醫療: 亦是一元全包宴, 不單只包醫藥及手術費, 還包出國就醫及病人家屬出國陪伴的生活費.
教育: 連一元也不用. 上大學後更有生活費津貼. 出國留學亦免費, 更有家人探親津貼.
其他: 滿十八歲有買車津貼(足夠買部一般的日本車)……數之不盡!!

2.紅色: 在汶萊出生的外國人, 約十多萬, 可享部份福利.
房屋: 可租廉租屋
醫療: 三元包醫藥費, 不包手術或出國醫病.
教育: 國內全免費, 只是沒有生活津貼和出國津貼.

3.綠色: 在汶萊工作或居留的外國人, 約十多萬, 沒有任何福利.

你話做汶萊人多好呢, 不愁衣食. 我可以教大家怎樣取得黃色身份証:
1.傳統方法
到汶萊工作, 取得綠色身份証. 在那裡生下一代, 那他/她便「升呢」, 領取紅色身份証. 只要他/她住上二十年, 並得到一位汶萊國民擔保, 再通過語言試 (蘇丹姓名為必出題目: سلطان حاج حسن البلقية معزالدين والدولة ابن المرحوم سلطان حاج عمر على سيف الدين سعد الخير والدين), 話咁容易又「升呢」, 便可以成為正式國民.

2.速成法
只要先信回教, 再與汶萊國民結婚, 在萊國連續居住五年, 便可免試入籍. 係唔係好易呢?

汶萊並不是一個旅遊熱點, 也沒有足夠的配套設施以供大量遊客使用. 汶萊沒有夜生活, 有「吧」不過無「酒吧」, 因為全國禁酒, 既禁賣也禁飲. 吸煙好少少, 禁賣不禁吸, 可攜帶少量入境, (即係你可以吸埋手頭上果幾支.)

這個「和平之國」真係十分和平, 除了皇族外, 簡直奉行者著最理想的共產主義!
國民不會投資房地產, 私房極其量只能租給外勞. 因為房屋只可賣給國民, 但人人都有屋, 唔知去邊處找買家!
做生意也不成, 沒有皇親國戚的生意永遠做不大. 所以一般國民只開小店子, 主要是賺些少零用錢及打發時間.
所以國民大多都好「hea」, 反正就算「有錢都無地方洗」.

該國,最啱朝日移民.
魚尾130607

PermaLink: https://articles.zkiz.com/?id=57242

自成一格:嫁去汶萊嘆世界!

1 : GS(14)@2016-07-15 05:13:19

最近Viu TV有個新節目叫「價值連城」(Barter Game),主持人用以物易物的形式去古巴、茶馬古道以及汶萊。對比起停留在60年代的古巴,越野兔對於近近哋的東南亞富國汶萊興趣更大。汶萊面積大香港五倍多,不過人口只有40萬人,大概係一個沙田區咁多啦!以前汶萊只是一個農業小國,60、70年代發現地底有豐富的石油及天然氣,自此淨係靠賣油,國家都已「發過豬頭」。雖然汶萊君主立憲制立國,蘇丹獨攬大權,不過國家福利好到痴線,政府會包晒所有醫療費用,由感冒到生cancer,國內醫唔好,送埋你出國醫;讀書亦完全唔使錢,大學生仲有生活費津貼;住屋就更加唔使講,個個都住洋房養番狗,豪宅仲有30年免息房貸,一個月少少哋1,000蚊供樓就得喇!福利好到咁,你以為好似北歐咁重稅?又錯了,汶萊蘇丹有的是錢,國民唔使交稅,公共開支象徵性放低1蚊,其餘蘇丹包底!對比起香港啲膠官膠政策,成個月人工都買唔起一呎的痴線樓價,汶萊簡直就好似天堂,生活無憂,與世無爭,仲有好多靚仔㖭!(好似係!你睇下吳尊)如果外地人嫁過去,生咗仔一年之後就可以成為居民;男人的話就要等15年。已經FF緊喇係咪?嗱呢個世界好公平,有辣有唔辣,除了經濟上受累油價大跌外,汶萊亦係伊斯蘭教國家,民風勁保守,無夜生活、無酒飲、無豬肉食、唔可以有婚前性行為……犯規的話有機會遭受鞭刑之苦,所以如果乖乖哋,嫁去汶萊可能都係一條出路!越野兔
https://www.facebook.com/Sailorrabbit/本欄逢周五刊出





來源: http://hk.apple.nextmedia.com/financeestate/art/20160715/19695389
PermaLink: https://articles.zkiz.com/?id=303777

老豆身家千幾億汶萊帥王子太煞食

1 : GS(14)@2017-03-23 06:27:19

英國哈里王子及年僅26歲的西敏公爵(Duke of Westminster)格羅夫納(Hugh Grosvenor)都封盤了,不過女士們勿灰心,不妨將目光放到東南亞,汶萊王子可說是新晉超級筍盤。25歲汶萊王子馬特(Abdul Matee)是蘇丹博爾基亞(Hassanal Bolkiah)的第4位兒子。據估計,博爾基亞的身家高達200億美元(1,560億港元),他一共育有5名兒子及7名女兒。馬特2011年畢業於桑德赫斯特軍校(Royal Military Academy Sandhurst),去年在倫敦大學亞非學院(SOAS)取得碩士學位,家人都有去觀禮,他受訪時曾說:「我有一個很大的家族,但我與哥哥及兩位姐妹最親,我們做所有事都一起的。」馬特熱愛馬球,看來亦非常愛護動物,他試過海中騎馬,又經常抱起幼虎和幼豹合照。那他又有何擇偶條件呢?「我希望是一位真誠的人,簡單就好,那就是我喜歡的。」
Mashable網




來源: http://hk.apple.nextmedia.com/international/art/20170322/19966444
PermaLink: https://articles.zkiz.com/?id=328372

Next Page

ZKIZ Archives @ 2019