唔怕Laura呷醋 三人行開會向海嵐爆喊 簽約汪子琦
1 :
GS(14)@2016-05-21 19:04:18■Anne穿上由Dorian Ho設計的透視露背長裙，自爆因太保守堅持要在心口加塊布。
■向海嵐（中）不擔心與汪子琦（左）的緋聞令Laura呷醋，會三人行一齊開會。
向海嵐（Anne）於2008年離開香港，轉戰上海做公關；直至2013年重返娛樂圈，但一直只能接散job，最近終於泊到碼頭，昨日在圓方The Ritz Carlton正式與上海汪子琦文化傳播有限公司簽為期五年合約。向海嵐由汪子琦及公司董事Laura陪同上台，即場戴上皇冠，向媽媽亦出席撐女兒，向海嵐眼濕濕說：「98年至今經歷好多，而家要重新出發，重返娛樂圈唔知啱定唔啱，多謝媽媽同朋友畀好大鼓勵我。」向海嵐未有否認收七位數人民幣酬金，而汪子琦曾經是林文龍和郭可盈的內地代理人，09年爆出疑似林文龍偷食聲帶，兩夫婦指被汪子琦滋擾及勒索，汪曾關押，終判無罪。向海嵐坦言有所聞，她說：「呢個亦係我考慮原因，因為呢樣嘢都壓力大，過咗去邊個啱錯好難講。但身邊朋友會提點，我亦會判斷同識得處理人際關係。」
「揀經理人似揀老公」
未簽約已跟汪子琦傳緋聞？向海嵐說：「冇辦法，呢幾年成日一齊做嘢。工作以外仲要朋友咁相處同了解，揀經理人就好似揀老公，要相處咗先知啱唔啱。」記者笑她當汪子琦是老公？向海嵐好大反應說：「唔係！絕對唔可以咁講，我意思係好似啫。」她表示不擔心Laura呷醋，因為大部份時間都會三個人一齊開會。
採訪：黃曉妍攝影：陳慧安、徐錦池、吳耀輝
來源:
http://hk.apple.nextmedia.com/entertainment/art/20160521/19620955