婚變江欣燕拍劇療傷
1 :
GS(14)@2013-07-29 23:16:55http://hk.apple.nextmedia.com/entertainment/art/20130712/18331209
最近頻傳離婚消息，繼傳黎淑賢七年內兩度離婚後，江欣燕昨亦親口證實與結婚12年的吳積遜離婚，即將拍無綫新劇《Aerobic Girls舞室保衛戰》的欣欣昨在電話中說：「離婚原因太私人無謂解釋太多，我同佢仲係朋友。」欣欣表示離婚手續差不多辦妥，現心情仍在整理中，下星期拍劇不會受影響，還笑言：「7月忙啲，8月劇本講我入咗精神病院會少啲戲份。」
對於離婚收場，欣欣坦言身邊朋友都感可惜：「冇辦法，已經揀咗係咁。」既仍是朋友，可有復合機會？欣欣決絕的說：「唔會喇，咁大嘅決定，之前諗得好清楚。」她承認每段關係都會經歷高低起伏，現對大家都好。而欣欣的好友錢國偉則並不知情，他在活動中說：「真係唔知，畀啲時間佢靜吓。」
黎淑賢有仔萬事足
另黎耀祥昨到大埔出席活動時被問到好友江欣燕離婚，祥仔表示很突然，他夫婦常跟欣欣夫婦飯敍，也不察覺有不妥，並感可惜。
昨日36歲生日的黎淑賢（Bonnie），亦被指因現任老公許智政有小三而要離婚，她昨被問到未正面回應，只在WhatsApp表示周六在澳門出席活動時才回答提問，但她在微博則留言：「剛踏入36歲！相信已過了人生的一大半，曾經或現在擁有的我都非常之感恩，亦為我有四個兒子而非常之驕傲（ps.現在才相信自己有4個仔）~~happy birthday to me yeah!!!!!!為中女而cheers！」而Bonnie前夫盧惠光被問到此事時，在電話中說：「唔講喇，唔好意思，唔想講其他人嘅嘢。」
採訪：丁寧
2 :
GS(14)@2013-07-29 23:17:18http://hk.apple.nextmedia.com/entertainment/art/20130713/18332569
江欣燕（欣欣）與老公吳積遜的十二年婚姻告終，欣欣連日獲好友慰問，她亦努力工作，昨被問到可習慣新生活及有甚麼目標？她只以WhatsApp回覆：「整理情緒，繼續人生。」而吳積遜昨在電話中表示心情已平復：「分開好可惜，大家都好努力咗咁多年，分開係兩個人相處之間嘅事，唔涉及外人。」提到他異性緣強及經濟有問題是離婚主因，吳積遜說：「真係冇第三者，自己經濟OK！」對於欣欣指沒有收贍養費，他坦言：「兩個人溝通到就得，共同資產係內部事，會再分配。」他與欣欣仍有聯絡，並予祝福：「祝佢身體健康，感情生活開心。」
欣欣好友黃德斌昨在尖沙嘴出席活動時表示驚訝：「都愕然同可惜，上個月見佢哋都完全睇唔出。」他亦不信吳積遜花弗。至於阮兆祥因趕拍劇而無暇慰問：「佢哋結婚嗰晚係我做司儀，希望佢哋收拾心情，開始新生活！」
採訪：唐如
3 :
GS(14)@2013-07-29 23:17:26http://hk.apple.nextmedia.com/entertainment/art/20130714/18333582
結束12年婚姻的江欣燕，與夫婿吳積遜已簽署離婚協議書，不過有指雙方封口不能提及協議書內容。江欣燕昨天在微博留言：「雖已成歷史，但仍然感激之前經驗的人生，尤其在關係之中，我看到了自己更多。」之後她表示會勇敢地迎接新開始。」
4 :
GS(14)@2013-07-29 23:17:59http://hk.apple.nextmedia.com/entertainment/art/20130716/18335703
曾志偉及陳維冠監製的無綫新劇《Aerobic Girls舞室保衛戰》昨日在將軍澳電視廣播城開鏡拜神，李若彤、李麗珍、陳慧珊、江欣燕（欣欣）、張慧儀、葉蘊儀及袁潔瑩七位女主角，以及吳啟華、鄭敬基及鄭丹瑞等均以劇中造型出席。日前坦承與吳積遜十二年婚姻告終的欣欣，婚變消息傳出後首度公開現身，看來心情尚算平復。飾演舞室老闆娘的她，在台上介紹角色時說：「我哋要保衞阿媽留低嘅舞室，冇男人都唔緊要，我哋要靠自己！」志偉等人即拍手叫好。
事後欣欣解釋只是劇情，並非她的心聲，講到心情則說：「我都集中精神開工，努力排舞。」她再說：「我返嚟做嘢永遠用最佳狀態，識得控制自己，好清楚決定嚟㗎嘛，所以我冇乜兩個人之間嘅事要澄清同發表，活在當下，我OK㗎！」其間她一度有點眼紅紅兼哽咽，不過很快平復。
李若彤心態平靜
對於有周刊指欣欣啞忍老公搞女十二年，她說：「隨便大家點講。你叫我自揭，冇咁嘅必要，不過我一定唔會講大話。兩個人相處唔係細問題，而係長時間先發覺大家性格好唔啱，最緊要係我哋盡快搵到好滿足嘅生活。」問到離婚導火線？她說：「冇乜大原因，可能有一日醒咗去決定，對大家係好事。」盛傳因協議書而不能透露詳情，她說：「幾好笑喎，係我哋協議，總之我哋永遠都係朋友。」
至於曾患上情緒病的李若彤表示，現階段已經康復：「心態好平靜，仲開心過當年開工，唔似當年咁有壓力，而家要好好享受過程。」而被指脹爆的葉蘊儀則說：「我唔會理，做好自己嘢。」
採訪：何慧斯
攝影：陳志嵐
5 :
GS(14)@2013-07-29 23:18:12http://hk.apple.nextmedia.com/entertainment/art/20130718/18338164
江欣燕與吳積遜12年婚姻玩完，兩人以往一直以恩愛夫妻形象現身，令不少人大跌眼鏡。欣欣直言沒必要自揭離婚原因，故一直三緘其口，對外處處保護前夫，但多年婚姻最終未能開花結果，欣欣終忍不住在幕後工作人員及友人面前哭訴。
昨日有報道指兩人離婚因為吳積遜多年來不改愛蒲、愛玩性格，又曾因為炒股票輸錢要打工，但份份工都做不長，他因事業失意經常飲酒飲天光，更好賭成性。
[■江欣燕透過短訊表明不願再談離婚一事。] ■江欣燕透過短訊表明不願再談離婚一事。
欣欣：我們已成過去
相反欣欣婚後甚少到夜場，又為吳積遜還賭債，但對方都未有改變，兩人更已經分房瞓兩年，心淡的欣欣提出離婚時，吳積遜未有挽留，反而變賣寶馬座駕應付債項。形象插水的吳積遜昨日接受電話訪問，他聞報道後苦笑說：「越作越多，我都冇招架之力，作出嚟，根本冇問過我。」欣欣同朋友喊住呻？他說：「我都有訴苦，唔想再講，唔解釋，都好難解釋。」問到報道出街後，欣欣是否已違反保密協議？吳積遜表明不想評論，只透露現時心情平復中：「唔想件事複雜落去，要搞到我形象咁都冇計，識我嘅朋友會知。」
[■婚變前，江欣燕與吳積遜不時高調晒恩愛，更開心出席家庭聚會。資料圖片] ■婚變前，江欣燕與吳積遜不時高調晒恩愛，更開心出席家庭聚會。
資料圖片
而欣欣昨日亦透過短訊回覆，她表示：「我們已成過去，只想專心工作，我沒回應了，希望大家新生活愉快和順利。」至於心情如何，她表示專心排舞已撇開一切，不過有情有義的欣欣還是力撐前夫說：「他是好人。」
採訪：盧妹
6 :
GS(14)@2013-07-29 23:18:23http://hk.apple.nextmedia.com/entertainment/art/20130723/18344603
江欣燕同吳積遜離婚，吳積遜被指欠落一身債兼準備申請破產，最近有傳佢去咗米蘭站做採購經理。噚日打電話畀吳積遜問新工情況，佢好愕然咁話：「唔係，點會有呢啲嘢？奇怪！係同朋友傾偈。」打工係因為面臨破產？佢冇即時否認：「要做嘅，你哋實知。」問江欣燕知唔知前夫返新工？佢噚日喺電話度話好耐冇聯絡，仲話：「如果有新工，祝福佢。」
撰文：馮仁昭
7 :
GS(14)@2013-07-29 23:21:17http://webb-site.com/dbpub/positions.asp?p=1879635&hide=Y
Organisation Position From Until Total
Return CAGR
1 * Tack Fiori International Group Limited ED 16-Apr-2012 7-Apr-2013 -85.21% -86.08%
Average -86.08%
8 :
GS(14)@2013-07-29 23:21:40做唔到
江欣燕喪父喊到眼腫
1 :
GS(14)@2016-09-25 10:28:22江欣燕與江希文的父親江從光，上周三（21日）因淋巴癌病逝，享年80歲。為不想影響他人，欣欣在父親離世翌日忍痛為無綫節目《夜宵磨》開工，表現專業。
■江欣燕指爸爸很着緊她的演藝事業。
欣欣昨日在電話中說：「爹哋患咗淋巴癌一年，我最擔心係媽咪，佢同爹哋結咗婚60年……呢幾日我喊到眼都腫晒。」訪問期間欣欣數度爆喊，她指拍攝《為食神探》一劇時，是父母跟她對稿，父親是鋼琴家，也是芭蕾舞蹈家，對她演藝事業尤為着緊，可惜自己未能做到好成績。至於江父的喪禮，已定於下月8日在中環聖保羅堂以基督教儀式舉行，之後靈柩會移送哥連臣角火化。採訪：魯吉、比華利
來源:
http://hk.apple.nextmedia.com/entertainment/art/20160925/19780861
江欣燕哭別父親
1 :
GS(14)@2016-10-10 04:28:31江欣燕和江希文的爸爸江從光早前因淋巴癌病逝，享年80歲，昨早11時在中環聖保羅堂以基督教儀式出殯，欣欣堂姐夫梁家輝、堂姐江嘉年有份負責扶靈。圈中好友林建明、關寶慧等亦有到場致祭。
■江欣燕父親江從光早前因淋巴癌病逝。
早上未到10時，欣欣前夫吳積遜先行抵達，其後江母、欣欣、希文與3歲女兒胡永悅亦到場，問到舊愛胡漢清會否到場？希文說：「我諗佢唔會嚟，呢個禮拜係佢生日。」問與胡漢清的官司是否已解決？希文說：「我今日唔想講呢啲嘢。」她指胡漢清有慰問她，而胡漢清致送的花牌被放到最側位置。儀式後，吳積遜亦有上前擁抱欣欣作慰問。採訪：黃曉妍攝影：仇志德
來源:
http://hk.apple.nextmedia.com/entertainment/art/20161009/19795176
聲稱入境處 名字被盜江欣燕遇電話騙案
1 :
GS(14)@2016-11-17 11:30:38■江欣燕自爆日前遇上電話騙案，差點中招的她慶幸沒金錢損失。資料圖片
現年49歲的江欣燕日前遇到電話騙徒，以為對方真的是上海公安，竟如實報上自己的姓名、身份證和回鄉證號碼，昨日她在電話坦言：「我去報案，差人話冇財物損失唔受，我行出嚟冒住大家笑騎騎：『你係豬頭炳啦！』我都好驚其他人覺我好蠢好幼稚，但我覺得要勇敢啲，唔可以有羞恥心，呢個集團簡直無法無天，藐視法律，要嚴懲。」
■欣欣曾與自稱林警官的人對話，騙徒被識穿後仍不斷騷擾她（右圖）。
■欣欣透露當時在旁的江媽媽醒目識破騙案。
媽媽醒目識破
欣欣表示當日接到操普通話的電話，聲稱是香港入境處普通話部門，指她的名字上月被盜用，於上海幫林燕的女子申請通行證，她說：「我仲好認真咁答佢，話一定唔會係我，因為9月中後我爸爸過身，我喺香港同佢辦理喪事。」接着對方要欣欣提供個人資料及抄下案件編號、日期、當事人名，幫她轉駁電話到上海公安報警。欣欣指對方還扮好心提醒她：「佢話驚有人攞我啲資料去借錢，費事佢哋盜用我個名作奸犯科呃人。」其時江媽媽醒目識破，欣欣說：「佢（媽媽）聽到我話同上海公安報警，喺另一邊打畀我嘅屋企人：『哎吔，佢冇睇《警訊》，佢俾人呃！』媽咪寫紙畀我話呢件事係假，電話裏面嘅公安都係假，我仲叫佢唔好嘈阻住我，呢件事好緊急。」
續被騙徒騷擾
當電話轉駁到「上海公安」後，欣欣指該「公安」還給網頁link讓她看其簡介，最後對方指事件非常嚴重，叫她不要跟其他人說，欣欣終起疑：「感覺好似小朋友俾人侵犯後，叫佢唔好同媽媽講。」收線後江媽媽再指女兒被騙，欣欣說：「我睇番來電顯示係5字頭，見到有啲怯，打番去：『呢個電話沒有用戶登記』個心行雷，成件事係假，好驚！後來佢仲成日打畀我，話幾靚女喎，我忍唔住，勸佢同集團回頭是岸，佢話集團入面都有好人。」採訪：皓騫
來源:
http://hk.apple.nextmedia.com/entertainment/art/20161117/19836000
袁鳳瑛扮新娘壓軸江欣燕透腿 撐李健達開騷
1 :
GS(14)@2017-05-07 15:29:04年過半百的80年代音樂人李健達，當年憑電影《阿郎的故事》片尾曲《也許不易》走紅，他前晚於旺角麥花臣場館演出一場處男騷「十二門徒演唱會」，狂碌人情卡，請來傳過緋聞的江欣燕、鄭敬基、黃寶欣、袁鳳瑛及張麗瑾等輪流上台做嘉賓，而徐小鳳、湯盈盈母女、鍾麗淇和向海嵐等也有捧場。
■袁鳳瑛穿上婚紗唱出《天若有情》，特別有feel。
■鄭敬基將新歌《說不盡情話》獻給今日結婚一周年的太太，令鄭太冧爆。
■黃淑儀（左）和徐小鳳現身支持。
黃寶欣感激改詞
李健達當年除作曲外，又做監製，作品多不勝數，先後為徐小鳳作過《變色感情》，又為張麗瑾作《留給最愛的說話》等經典金曲。李健達前晚穿長褸襯黑超出場，大玩型格。黃寶欣表示感激李健達在13年其父過身時，將《兩地情》改歌詞獻給其父。
「開一場唔夠喉」
江欣燕前晚玩透視騷腿，和李健達拖手及任對方搭膊頭合唱，她說：「多謝李健達為劇集《女人俱樂部》作片尾曲，我哋合照後，無啦啦變咗緋聞，搞到佢要獨守空房。」鄭敬基前晚唱了李健達為他創作的新歌《說不盡情話》：「我同太太呢個月7號結婚一周年，呢首係送畀佢做禮物。」台下鄭太聽到很陶醉。壓軸出場有穿婚紗的袁鳳瑛，她跟李健達合唱《滾滾紅塵》和《天若有情》，李健達最後唱了首本名曲《也許不易》。李健達在騷後接受訪問：「開一場唔夠喉，中段都玩到好high同忘形，希望有機會再開，唔好要我等26年，等13年好喇。」講到今次獲不少歌手撐場，是否碌盡人情卡？他笑言：「今次仲有好多人唔得閒嚟，小鳳姐嚟支持好開心，我本來都想請校長（譚詠麟）嚟，但唔敢。」採訪：曹家誠攝影：沈健程
來源:
http://hk.apple.nextmedia.com/entertainment/art/20170507/20013010
母親節盡訴親情江欣燕高歌謝媽咪
1 :
GS(14)@2017-05-14 10:50:58■江欣燕自言與母親性格南轅北轍，但齊齊唱K甚合拍。攝影：沈健程
【母親節系列之媽媽萬歲】為人母親是終生學習，無私地愛子女。新手媽媽周汶錡，享受與兩名可愛囝囝的小情人關係，計劃做一個無壓力的hea媽媽，令大仔Jacques每日開心成長。江欣燕媽媽則祈禱女兒找到愛的歸宿，笑言願為女兒擋子彈，欣欣亦相當孝順，唱歌謝親恩之餘，下月更計劃搬回娘家。江欣燕爸爸去年撒手人寰，今日是母親節，亦是欣欣父母51周年結婚紀念，欣欣日前帶媽媽到卡拉OK，大唱《世上只有》及《真的愛妳》謝親恩。問到感激媽咪甚麼，欣欣說：「佢係一個好媽媽，畀好大人生空間我，畀咗好靚嘅樣我，我好鍾意媽咪性格好天真，不過我又好擔心佢，如果我係佢，我都會好痛！因為爸爸舊年過咗身，我好擔心佢唔食嘢，之前媽咪好瘦，瘦到得70幾磅。」
■爸爸去年過世，欣欣決定下月搬回娘家與媽媽互相依靠。
■二人母女情深，欣欣唱《真的愛妳》謝親恩。
■江媽媽表示可為欣欣擋子彈，欣欣即感動爆喊。
下月搬返娘家
去年爸爸走了，欣欣決定下月再次搬返娘家與媽媽住：「我最想令媽咪唔使咁擔心，佢真係乜都擔心，好天又驚我哋曬親，落雨又叫我唔好揸車。」4年前欣欣離婚，江爸爸就叫她搬回家，她慨嘆：「我覺得呢個決定好啱，因為喺爹哋嘅晚年，我返去同佢好sweet過咗最後嘅兩三年。」
母願代擋子彈
提到兩個女愛情都不順利，江媽媽就自責：「我唔係好叻、好識做媽咪嘅人！其實睇到佢哋開心我就開心，最擔心佢哋有唔開心，我做媽媽唔識做啲乜，盡量唔好同佢哋提啲煩嘅嘢，為咗令佢哋開心，我會做好自己多啲。」77歲的江媽媽擔心百年歸老後，沒人照顧欣欣，常祈禱希望有錫囡囡的人出現，欣欣笑問可否為她擋子彈？江媽媽即說：「好吖，如果子彈嚟嘅時候，我真係會企喺你前面。」欣欣即爆喊：「你畀咗條命我啦，你嗰條我唔要呀！唔好擔心咁多嘢，好榮幸喺你健康時，有機會照顧你，你健康多啲，開心啲！」採訪：皓騫場地提供：MegaBox CEO Neway
來源:
http://hk.apple.nextmedia.com/entertainment/art/20170514/20020426
Next Page