ZKIZ Archives


楊健:「由低做,不斷學習」 陳永陸

1 : GS(14)@2015-10-08 01:39:31

http://www.eastweek.my-magazine.me/index.php?aid=46445


時代集團(1023)第二代楊健(Andrew),和Tuscan's的楊荊卉(Chloe),將繼續與陸叔暢談延續家族生意之喜樂,以及成功收購「TUSCAN'S」部份地區就零售業務之商標獨家,及可轉讓特許權經營之使用過程。
時代集團傳到第二代,仍然堅持求變的精神。

陸:數一數時代原來發展都超過四十年,Andrew同Chloe你哋係幾時開始返公司幫Daddy(楊華強)手?

健:陸叔,香港經濟自九七金融風暴就開始轉差,九九年唔知點解仲好似差過九七添。原本我喺外面返緊工,咁啱阿叔(楊和輝)想開始睇吓點做供應鏈,同點做真正皮革嘅袋,由於要搵人一齊去學,佢就搵咗我返去公司幫手。

陸:咁你係咪由部門主管開始做起?

健:我係由低做起,要識包裝嘅流程又要識點執板,仲跟阿叔周圍去搵客同見客,總之咩都要識啲就最好,做吓做吓就做到o依家,仲仍然好鍾意返呢份工添,哈哈……

陸:咁Chloe妳係咪同Andrew同樣熱愛做手袋零售,所以先返公司幫手?

卉:你都可以咁講,因為我細個成日陪媽咪行街,潛移默化下好留意時尚嘅嘢,原先我係喺廣告公司做嘅,經常日夜顛倒做到凌晨都幾辛苦,想轉行又唔知想做咩……突然諗到我鍾意潮流嘢,就去紐約Parsons School of Design進修囉。

陸:妳讀完書就返嚟公司Daddy同阿叔手?

卉:仲未o架,我讀完返嚟走咗去做brand先,做咗八、九年先返公司主力搞Tuscan's creation,我都係啱啱返嚟幫手無耐,好彩以前做嘢嘅經驗都幫到我。

陸:講起Tuscan's,我知係來自意大利佛羅倫斯,但點解你哋會揀呢個品牌做嘅?

健:皮具都離唔開歐洲,那時咁啱有個客通知我阿叔話個品牌遇上財困,於是我哋飛咗去同佢哋傾合作,發現大家嘅經營理念好接近,一拍即合就由我哋幫Tuscan's做亞洲市場。

陸:咁你哋又點幫呢個品牌定位?

健:我哋手袋嘅零售價一般係賣千幾到二千幾咁啦,目標客戶主打OL,我哋行中價路線,重點係希望人客可以用較優惠嘅價錢,去買到個造工較好又好配襯嘅產品。

卉:其實呢個品牌都已經有四十年歷史,我哋希望人客會因為用Tuscan's而感到開心,手袋之外我哋亦加入行李箱系列同小件皮具等等,伸延去照顧有唔同需要嘅客戶群。

陸:我知Tuscan's主要零售市場就係中國同香港,有數據顯示中港零售業表現欠佳,你哋又有無受影響呢?

健:我諗luxury brand會受影響多啲,對我哋影響會比較微。大品牌有機會受影響而改變佢哋開鋪嘅策略,我哋變相可能因為咁有機會進駐到大啲同好啲嘅商場。

卉:係呀,我哋做marketing嘅都因為咁得益咗,好似一啲廣告靚位o依家都可以有機會攞,甚至有議價嘅可能添。
與時並進皆因潮流永遠在變

陸:你哋公司未來發展會有咩新方向呢?

健:陸叔,除咗做好o依家嘅業務,Daddy講過時代同潮流永遠都在變,我哋要與時並進,不斷去搵唔同市場定位嘅零售牌子,仲要積極開發更多客源,就好似我打理緊嘅Fashion & Joy咁,以賣行李箱為主,專攻年輕人市場。我哋亦會繼續喺歐美嗰邊搵機會,睇下同其他品牌有咩合作,有機會就開拓同擴闊業務發展空間。

陸:好想問吓你兩位入咗公司之後,Daddy同Uncle佢哋係咪好放手比你哋做?

健:公司嘅業務發展策略係好清晰嘅,大方向我哋會跟定落嘅計劃去做,至於喺細節方面Daddy同Uncle都會好放心交比我哋去做。

卉:我哋公司內部溝通好透明嘅,好少機會有指示混亂嘅情況出現。我哋由一一年開第一間嘅Tuscan's,到o依家中港加埋有八十幾間分店,目前為止Daddy同Uncle都好支持我哋所有員工。

陸:你哋兩位入咗公司又有啲咩難忘嘅事?

健:我記得初初去外國搵客嘅時候,去過唔同地方,有好多唔同嘅新體驗,呢啲比咗唔同嘅學習機會我。

卉:無論大品牌抑或細品牌嘅競爭對手,都總有啲嘢喺佢哋度學到,我覺得有競爭先可能有機會比到我哋。

陸:最後想問吓你覺得Daddy同Uncle有啲咩最值得你哋學呢?

健:我講先啦,我覺得喺佢哋身上可以睇到潮州人嘅特性。佢哋做每件事都會用心去做,而且會時時鼓勵我哋公司年輕嘅員工去多學習、多增值,佢哋成日講如果做任何事都可以發生到感情,成功其實就已經在望o架喇,哈哈。

卉:我就會時時記得佢哋講過做嘢要從多角度去睇,同公司上下嘅同事要時刻保持溝通,唔好怕困難唔好怕競爭,因為生意永遠都有得做,我哋眼光要放遠啲、放大啲,就有機會成功。
TUSCAN'S
地址:尖沙咀美麗華商場一樓1009號
PermaLink: https://articles.zkiz.com/?id=292834

美縮表 無礙港股樓再上陳永陸指不明朗因素消除 施永青:大時代再臨

1 : GS(14)@2017-10-09 03:15:32

■未受縮表消息影響,apm天橋昨午仍出現晉海睇樓人龍。李家皓攝



【本報訊】美國下月啟動縮表,市場估計港股樓牛氣不受阻!美國聯儲局本港時間周四凌晨一如預期宣佈啟動被視為「收水」行動的縮表程序,但對於過去8年受惠低息及資金氾濫環境而水漲船高的樓市及股市,專家及業界均表示縮表影響微,基金經理林少陽指股市仍未到估頂階段;中原集團主席施永青更相信股樓有機會進入一個「更大時代」。記者:莫亦熙 陳東陽在縮表消息下,恒生指數昨未有大震盪,收市報28110點,跌17點或不足0.1%。主板全日成交額達1,084億元。即使跌市但多個板塊繼續熱炒,內房股恒大升4.6%再破頂;濠賭股美高梅漲3.5%;H指在比亞迪及一眾券商股帶動下逆市向好,升24點或0.2%,收報11198點。以立投資管理董事總經理林少陽認為,市場已消化縮表消息,對港股「唔估頂,估嚟冇意思,就算指數唔郁,但個別股都有唔錯升浪,市場資金喺度,一路冇走過,仲有資金一路入緊嚟」。他認為股市仍未過熱,「除非成交額去到2,000至3,000億,出現一兩次,先至要擔心」,目前可以留意科網、環保及內銀等估值相對落後的股份。


恒指年底望30000點

獨立股評人陳永陸亦指縮表規模未算大,大市昨仍錄得過千億元成交,加上對息口敏感的地產股未見大跌,認為縮表影響不大,反而因為不明朗因素消除下,後市仍有力再上,估計恒指下月可挑戰2015年「港股大時代」高位28500點水平,而年底則上望29000點至30000點。至於樓市方面一樣未見淡風。下季將有超過5,000伙新單位有望應市,發展商齊聲高呼樓市不受其害,下半年散貨壓力最重的新地,扣除已開價的日出康城晉海,系內尚有4項目、涉及近2,000伙短期內推售,集團副董事總經理雷霆昨指市場資金充裕,相信縮表對樓市影響不大,且料加息幅度不大,晉海將會日內加推,涉及不少於104伙。


資金流向非債券市場

晉海昨午如常開放示範單位,惟人龍不及周三首日開放予公眾,且參觀者對縮表不甚了解,市傳項目累收逾2,300票,較首張價單208伙超購逾10倍。會德豐地產常務董事黃光耀亦指縮表對本港股樓影響不大,旗下OASIS KAI TAK周三深夜加推90伙輕微加價1%至2%,折實平均呎價22,791元,將於周日賣樓。至於中原集團主席施永青更表示,市場將縮表解讀為對世界經濟產生負面影響只是傳統分析,他個人傾向相信縮表影響視乎資金流向,資金一旦流入非債券市場資產如股票、物業、黃金,反而有機會刺激價格上升,股市及樓市將進入另一個「更大時代」,預期第4季將會出現「股跑贏債,股跑贏樓」情況。



睇樓客心聲

梁女士:「睇吓啱唔啱先決定買唔買樓,如果係嘅話隊晒啲錢落去、full pay,咪由佢加息囉,唔擔心樓價波動。」


廖先生:「睇咗樓一段日子,想買啲細單位,一房或者兩房。冇聽過乜嘢係縮表,正路嚟講,樓價負擔得到就得。」




來源: http://hk.apple.nextmedia.com/news/art/20170922/20160621
PermaLink: https://articles.zkiz.com/?id=342103

Next Page

ZKIZ Archives @ 2019