📖 ZKIZ Archives

外母墳前求婚 Eddie：照顧朱慧敏一世

1 : GS(14)@2015-02-16 17:49:20

[table=100%][td=3,1][table=100%]2015-02-12 NM
[td=3,1]

33歲的朱慧敏，與EO2成員Eddie（彭懷安）地下情三年，直至去年泊住上開餐廳，感情才正式浮面；近日朱慧敏更被發現身形突然膨脹，傳出有餡要趕住結婚。

雖然兩人否認搞出人命，但一直有結婚打算的Eddie，上月就度好一條絕橋：帶女友到外母墳前，向對方求婚，並許下照顧一世承諾，終於得到朱慧敏say yes答應。死人

與Eddie拍住搞食肆，夫唱婦隨的朱慧敏，對男友被網民踢爆夜店與韓妹把酒談心，又翻炒兩年前拖女夜蒲緋聞，仍擺出一副打風都打唔甩的姿態，投對方信任一票。

朱慧敏咁定，皆因今年初已獲男友派晒定心丸。

手四間「華星」餐廳的Eddie，決定向拍拖三年的朱慧敏「找數」。為求一舉成功，Eddie揀在外母墳前求婚，向女友許下照顧一世承諾，令一直跟母親相依為命，○五年母親因乳癌病逝，無依多年的朱慧敏冇得say no，爆！

「Queenie都覺得Eddie有古怪，成日問住佢幾時去拜auntie（朱母）。上個月初Eddie就對住auntie個墓碑講，會好好照顧Queenie一世，會好錫佢，叫auntie放心，講完就隻鑽石戒指出求婚；雖然Queenie講過自己唔鍾意男友當住好多人面前同佢求婚，但真係冇諗過墳場囉！不過刻真係好感動，Queenie一直好遺憾媽咪唔可以睇住佢出嫁，佢好明白Eddie揀媽咪墳前求婚用意。」知情者說。

擺五十圍

最近朱慧敏被影到睇婦科，身材又突然吹脹，於是被傳有餡。但據了解，墳場求婚後，朱慧敏即搵老友蘇民峰擇好日子，二人婚期已定於明年初，堅持娶老婆要大搞的Eddie，已開始拖埋準老婆四圍睇場地。「原本Queenie話旅行結婚，但Eddie話今次係自己一生人最大成就，結婚開心事唔可以低調，至少擺五十圍。早排佢去過Country club睇場，因為Queenie鍾意戶外婚宴。 「我成班朋友都有問過究竟係咪『搞出人命』？佢話做足安全措施，唔會有意外。」知情者說。

設宴提親

上週六（二月七日）晚，Eddie約了女家親屬，在灣仔君悅酒店的扒房飯聚見面，正式向女友的親人提親。翌日，兩人再拍拖到淺水灣酒店睇結婚場地，適逢有婚宴進行中，讓他們可以現場取經。對結婚一事，Eddie承認婚期已定在明年初，但否認女友有。「佢日日落鋪頭打躉試菜，食到個肚腩凸晒，絕對唔係有BB。」至於選擇墳場求婚，Eddie解釋說：「Queenie一直當佢媽咪係偶像，所以想呢個重要時刻（求婚），對住佢心目中重要人做重要事。不過可能太重口味，嚇佢一跳，過程唔算十足成功，所以遲都要補番少少飛，補番個求婚浪漫版。」

羊年喜事多

由去年開始，娛樂圈喜事浪接浪，繼官恩娜、吳雨霏、王祖藍等人先後結婚，踏入羊年，亦有不少圈中情侶拉埋天窗，恭喜、恭喜！章子怡汪峰二月初，汪峰在女友章子怡的36歲生日派對上，安排了一部白色的飛行器，把從英國訂製的9.15卡巨型求婚鑽戒送到女友手上，再加上紅寶石鑲鑽手鏈，結果求婚成功。

楊怡羅仲謙楊怡與羅仲謙拍拖三年，盛傳男方於去年女友生日當天已求婚成功，婚期定於今年八月，姊弟戀開花結果。

---