ZKIZ Archives


【馮仁昭四圍超】50歲黎美嫻素顏清秀

1 : GS(14)@2016-11-08 05:54:12

微博圖片





上月踏入50歲嘅無綫前花旦黎美嫻(右),當年被封為第一古裝美人,淡出娛樂圈後多年,已經冇蒲頭好耐,噚日好姊妹陳法蓉喺微博貼出同黎美嫻遊日本嘅合照,素顏嘅黎美嫻清秀依舊,無論外貌同身形都keep得好弗,攞住Hello Kitty公仔嘅佢仲有童真feel㖭,網友都留言讚:「黎美嫻,兩大美女!」、「只有在你微博可以看到美嫻!」撰文:馮仁昭




來源: http://hk.apple.nextmedia.com/entertainment/art/20161107/19824818
PermaLink: https://articles.zkiz.com/?id=314587

52歲黎耀祥壁咚激咀57歲毛舜筠一早預言睇到嘔

1 : GS(14)@2016-11-16 05:47:54

每晚放工返到屋企,換件衫開電視諗住抖下,如果你睇到呢一幕……真係當堂嚇一跳,然後得啖笑。52歲黎耀祥同57歲毛舜筠喺《愛.回家之八時入席》入面上演一幕壁咚加激咀,兩個加埋成109歲呀!劇中黎耀祥角色名係古曉臣,花名叫邦主,係一個電視台監製;毛舜筠個角色就叫林小小,花名叫細姐,本身係黎耀祥嘅秘書,之後機緣巧合之下變咗飲食節目主持。劇中邦主同細姐呢對歡喜冤家經常都鬥嘴,相信好多觀眾都有印象。有網民喺討論區開post,話好日都唔開電視,諗住開住電視食飯,點知一開就見到呢個世紀畫面。嗰位網民仲話本身大台劇嘅劇情老土都唔係第一日嘅事,不過睇完兩位「前輩級」演員激咀,本身想添飯都冇晒意欲。有另一位網民話好耐冇睇呢套嘢,咁啱請病假一出廳食藥就睇到呢個世紀之吻,嚇到個心都離一離。網民一致俾負皮,喺facebook上面都有網民話「啱啱等緊食飯,睇到呢幕..飯都食唔落,好日唔睇電視,一睇就.....有冇諗過觀眾嘅感受?!唔怪得冇人睇」、「大佬唔好咁痴線啦過百歲,我心臟唔係咁好㗎咋。」不過都有網民借呢套劇抽水話「其實我幾鐘意睇八時入席,好過睇四十歲扮貓」講緊嘅係《來自喵喵星的妳》。其實早喺今年4月,毛舜筠同黎耀祥出活動時都被問過會唔會有咀戲,當時毛毛笑言擔心觀眾睇到會嘔,估唔到預言終於成真喇……




來源: http://hk.apple.nextmedia.com/entertainment/art/20161116/19834985
PermaLink: https://articles.zkiz.com/?id=315818

Next Page

ZKIZ Archives @ 2019