杜汶澤寸Mark嫂:雲吞麵檔買㗎?
1 :
GS(14)@2017-02-08 22:31:30■杜汶澤昨出席奇妙電視《杜汶澤食住上》開鏡禮,獲拍檔盧頌恩(左)及鄺芷凡餵古怪食物。
杜汶澤昨日在荃灣為奇妙電視主持的《杜汶澤食住上》舉行開鏡禮,對於Mark嫂教人煮意粉要過冷河去鹼水味,阿澤感到愕然說:「吓?煮意粉要過冷河?自己10幾歲開始煮飯,但我成世都未試過過冷河囉。可能每個人入貨地方都好唔同,我未試過買啲意粉有鹼水味嘅。其實烚完啲意粉夾上嚟嘅時候,係會有小小水掛身,咁樣就會容易上汁啲。不過人外有人天外有天,可能佢嘅做法都好食,但我就冇呢個機會去食,我知阿Mark老婆最出名煮燒牛肉。呀,佢嗰啲意粉係咪喺中式嘅雲吞麵檔買㗎?」
■阿澤被爆曾在家中赤祼上身煎牛排。
阿澤表示煮食其實各師各法,希望將來可以試到對方所煮美食。採訪:皓騫、黃曉妍攝影:陳慧安
來源:
http://hk.apple.nextmedia.com/entertainment/art/20170208/19921393