ZKIZ Archives


【iPhone X有料爆】大舖網絡商未知貨量 大市靠散戶收機價企硬

1 : GS(14)@2017-10-30 00:53:49

全新旅遊專頁,即like籽想旅行:https://fb.com/travel.appleseed
iPhone X開訂,全城看好,甚至有預約11月3日頭水買機的網民在二手交易網站上放售,64GB銀色叫價16,000元。預訂開了14分鐘就結束,記者亦有一直留在場中查探新機最新消息。據透露,網絡商及大型電器連鎖店到今天都未收到Apple正式的派機數量,和上月iPhone8時情況大為不同,很難預測實際機量。



9月22日iPhone8開賣,現場人士指早在8月份大戶已有後門貨供手機小店預訂,因為他們早知道會有大量供貨,所以用跌穿底價方式放機。相對今次,到大家都有得搶機,大戶仍未知貨量,反映機量不多。或者到正式發售日,整體香港貨量都要靠小戶手上放出的iPhone X。



消息指iPhone8時有不少小戶現貨是由大戶後門流出。

出奇地易訂原來因為program黨中伏。

有網民已經在網站叫價萬六放售64GB銀色iPhone X。

另外相信不少人都覺得iPhone X雖然快截訂,但卻比較易搶,網站和app也比較順暢。據知是因為Apple今次將網站大改,令到一眾用程式program自動訂機的人士全部觸礁,所以普眾大眾今次比較容易訂到機。身邊多朋友訂到不代表多貨,只是過往的program黨今次中伏了。記者:朱崇德、司徒港燊




來源: https://hk.lifestyle.appledaily. ... e/20171028/20196853
PermaLink: https://articles.zkiz.com/?id=343486

【iPhone X收風】台機多到水浸 機價會大插水?

1 : GS(14)@2017-11-05 16:41:10

講到炒iPhone X,一直以來都係一遍利好消息,最高場內有人話會炒5萬!不過臨出機前夕,終於「淡風」不斷;唔係要大家一定信,你亦可當場內人出口技想壓價,不過點都好,想知清楚iPhone X的價格走勢,都係應該了解當中細節。


說10月31日萬勝節這一天,「最嚇鬼」的消息,首數電訊服務商的「台機」終於到貨,意即Apple正式將iPhone X,交到電訊服務商貨倉內!據場內人消息稱,呢部iPhone X唔止用家睇好,就連台都睇高一線,因為可以夾到客上台甚至加長服務合約;不過未出貨前,一直話貨量緊張,所以好多台主事人,都變得進取一點,入貨量較慣常「重手」一點,就算正式派貨時,供貨被打過七、八折,都夠機畀客嘛!不過,正式到貨後一點數,今次Apple竟然好似黃大仙一樣,有求必應喎!所以變成好多台都有非常「重貨」的iPhone X,後果會係點?多出咗的iPhone X,當然好大機會成為「後門機」,轉落場內細舖,甚至經炒賣iPhone的「艇仔」,轉上國內銷售啦!或者大家會問,可有甚麼證據台機貨多?好實質的證據就冇喇!不過據行內人稱,其實大家在預訂iPhone X時,有否發覺身邊朋友,「1-2個星期送貨」名額特別少呢?據知就是有部份貨量,分咗落「台機」方面,所以一般人都是「3-4個星期送貨」居多。由於預計香港整體iPhone X數量,可能會比預期充足,預計機價會大大插水,價錢是多少?據稱台機方面,會在萬勝即後1至2日內報價,如果對炒價方面有興趣者,這兩天要特別留意。記者、攝影:朱崇德



來源: https://hk.lifestyle.appledaily. ... e/20171101/20200592
PermaLink: https://articles.zkiz.com/?id=343786

【iPhone X收風】全線放機價炒起 老行尊都睇唔清!

1 : GS(14)@2017-11-13 03:35:33

今次iPhone X炒價,真係考起好多老行尊!基本就連場內大莊,好多人都估錯晒價格走勢!11月3號首日開賣,原本好多人諗住會大炒,點知先達場內開市後,都只是以$11,200(256GB/黑)價位為最高,同預想的炒上5萬、10萬天差地別。


11月4日周六,好多人都以為是出口「水貨」的最後死線,一定會因為搶貨「交數」而炒起!誰知由於貨量太多(同日Apple開了8次iReserve,而且長開長有!),就連最當炒的256GB黑機,都只是低報$10,100。11月5號周日,正所謂水貨佬都要休息,加上銀行放假回唔切錢,令收機倍加困難,所以好多人都諗住價錢會下滑,不過又對唔住喇!誰想該日下午3、4點過後,大批自由行襯放假落嚟掃貨,256GB黑機拉高上$10,700、256GB銀機亦高報$10,500,不過一樣有價而冇貨,令不少收機舖飲恨!11月6日周一,其實一致是看淡的,事關日版水貨今日到港應市,加上Apple又開始派貨,所以源於機多的原因,機價一定會下滑;不過現實是機價不跌反升!其實當中不無原因,首先是先達早上11點一開門,已經有不少拉水貨的大陸人在先達守候,據稱每拉一部上大陸,都有近千元的賺錢水位,再來是今早第一輪Apple的iReserve,竟然在3分鐘內完結,須知上周六的8次iReserve,都開成十多分鐘或以上,所以令人估計今日的放機量較少,不過更重要的是香港果農的團結,近幾日的放機人的確見少了,所以在貨少的前提下,機價不斷上升。截至11月6日下午2時為止,最新的放機價機為256GB黑機/$11,050、256GB白機/$10,950、64GB黑機/$9,100、64GB白機/$9,100,如果放機人數一直維持低水,機價有望繼續上升!不過亦老實講句,放機價好受放機數量影響,所以亦不太建議大家胡亂入市。記者、攝影:朱崇德



來源: https://hk.lifestyle.appledaily. ... e/20171107/20206413
PermaLink: https://articles.zkiz.com/?id=344082

Next Page

ZKIZ Archives @ 2019