ZKIZ Archives


頹樣袁偉豪自責傷害岑杏賢

1 : GS(14)@2016-11-25 07:36:45

■袁偉豪昨日自認傷害了岑杏賢,把分手罪名全部攬上身。



憑劇集《城寨英雄》彈出的「牙佬」袁偉豪和「花曼」王君馨,昨日以情侶姿態在中環出席活動,袁偉豪日前宣佈與拍拖三年的女友岑杏賢分手,有傳岑杏賢逼婚變逼「分」,亦有傳因袁偉豪異性緣太旺,與黃智雯、龔嘉欣及樂瞳玩得太埋惹女友不滿,連準人妻王君馨亦都榜上有名。



■袁偉豪透露於台慶前已經與岑杏賢分手,甜蜜溫馨不再。互聯網圖片

■即將成為人妻的王君馨,被捲入袁偉豪和岑杏賢的分手風波。


會與異性避忌

袁偉豪昨日現身時略現疲態,滿面鬚根兼有超大眼袋,相反快做人妻的王君馨明顯風騷得多。當大會安排二人合照時,袁偉豪大方跟王君馨握手及祝福對方快將結婚。袁偉豪受訪時第一句便向受影響女同事講不好意思,他透露與岑杏賢於台慶前已分手,並將分手「原罪」全部攬上身,他說:「係我有地方做得不足,係我傷害咗佢嘅心,令佢失去咗安全感,但細節嘅嘢我唔公開喇,佢原諒咗我,我哋係好朋友,亦都唔係出面所謂嘅逼婚唔成功,或者呷醋,絕無此事。佢係好好、好好、好好嘅女仔,係我唔懂得珍惜佢,將來要做好自己,日後嘅嘢將來先算。」袁偉豪坦言將來會跟其他女仔避忌。問有沒有做對不起岑杏賢的事?他未有正面回答:「一段關係一定有不足地方,但細節嘅嘢我唔講啦,總之佢原諒咗我啦!」本報昨日聯絡岑杏賢問她會否有機會復合?她透過短訊回覆:「冇其他嘢想補充,件事已經完了,我們還是朋友。」



■黃宇詩提起黃霑(小圖),眼泛淚光。

搵處女黨陪嫁

王君馨被指台慶與袁偉豪親密合照惹岑杏賢呷醋,她瞪大眼說:「咁得意?我同好多同事影,見佢哋影相都好sweet,冇諗呢方面。」君馨大讚杏賢是好女仔,但能否復合要看緣份。君馨又透露未定簽紙日子,預計明年在港擺酒,希望鍾嘉欣等處女黨員做姊妹。問到為何沒戴求婚戒指?她一臉甜笑謂:「怕自己大頭蝦,等佢(Daniel)拖住我先戴。」此外,昨日是黃霑逝世12周年,擔任司儀的黃宇詩昨日提起爸爸一度眼泛淚光,她多次說:「好掛住老竇。」宇詩透露家中從簡,一切在心中,她說:「平時跑步都可以跑到去探吓佢,會同佢講吓嘢。」採訪:盧妹攝影:沈健程




來源: http://hk.apple.nextmedia.com/entertainment/art/20161125/19844654
PermaLink: https://articles.zkiz.com/?id=316975

Next Page

ZKIZ Archives @ 2019