上個月貼婚戒照樂瞳穿婚紗：我們結婚了！
1 :
GS(14)@2015-05-14 08:19:50無綫小花樂瞳上個月喺instagram貼戒指相，仲寫住「Yes,I do」，即惹來結婚疑雲，唔少網民都留言恭喜佢，不過事後樂瞳否認婚訊，原來當日佢係拍求婚戲而已。樂瞳又表示與圈外男子了解中，更直言自己廿到尾，唔介意隨時閃婚咁話。說時遲，那時快，樂瞳昨午喺社交網站貼上婚紗照，不過個樣就唔係睇得好清楚，佢仲留言話：「我要結婚了﹗」唔少網民都留言祝福，不過與此同時，張美妮都喺微博貼咗張樂瞳與揚明合照，差啲唔認得樂瞳呀，原來佢哋係拍劇咋，張美妮寫道：「仲有雖然刻意化黑扮醜的咸魚妹@樂瞳Cilla，其實沒有醜啦，仍是很可愛！」
來源:
http://hk.apple.nextmedia.com/entertainment/art/20150513/19145564
楊秀惠樂瞳街頭唱K
1 :
GS(14)@2016-09-28 05:04:26■楊秀惠（右）上周六與樂瞳在其刨冰店打躉。
楊秀惠早前於大坑開刨冰店，上周六記者發現她在舖頭打躉，好友樂瞳就全程陪伴左右，二人還拿唱K神器玩直播，將舖頭當作K房。之後，楊秀惠再與樂瞳舉起自拍神器，在大坑街頭漫步自拍，行了15分鐘才折返。其間有馬來西亞遊客幫襯，身為大馬人的楊秀惠即熱情招呼，又合照留念。
■樂瞳直播拿着唱K神器唱歌，楊秀惠亦跟住唱。互聯網圖片
對於與樂瞳在舖頭直播唱K，楊秀惠日前在電話中說：「唱歌純粹玩吓！除咗刨冰店，我自己都有喺網上賣護膚品，做直播係想同客人講吓護膚心得，大家可以互動吓！嗰日我哋一路行仲一路介紹埋大坑有乜好嘢食！」採訪、攝影：畢紹基、徐錦池
來源:
http://hk.apple.nextmedia.com/entertainment/art/20160928/19783703
樂瞳拜師學游水
1 :
GS(14)@2017-06-18 21:45:05■樂瞳首堂上游水堂，由教練指導下做踢水動作。
樂瞳予人柔弱的感覺，鏡頭後她的嗜好都偏靜，樂瞳直認從前怕辛苦拒做運動，揀了學彈琴和品酒，不過近一年，她為操弗體形狂做gym、學跳絲帶舞兼學打泰拳，近日還拜星級游水教練Nic Sir，希望十堂可以學曉游水。炎夏殺到，不諳泳術的樂瞳卻樂於嬉水降溫，記者日前直擊樂瞳第一堂習泳。32B的樂瞳特別買紅色兩件頭泳衣，她先在池邊做熱身運動才落水，Nic Sir教她蛙式撥水和踢水等簡單動作，樂瞳表現中規中矩：「其實我六年班時，媽咪同我報過暑期游泳班，當年學唔識，呢次我下定決心，仲有信心唔使十堂都學識，近年我做多咗運動，手腳協調好咗，運動細胞又活躍咗。」採訪：陳杰
來源:
http://hk.apple.nextmedia.com/entertainment/art/20170616/20057283
【《蘋果》專訪】「呢十年，我搵唔到錢！」樂瞳心灰離無綫
1 :
GS(14)@2017-06-18 21:45:05■32B樂瞳希望以打女闖影圈，只要拍得夠型，她不介意少少性感。攝影：沈健程
無綫近年小生花旦不停流失，現年30歲的樂瞳，前日完約決定向外闖，07年加入無綫的她，奉獻最寶貴的十年青春，卻賺不到錢而心灰離場。樂瞳有意由公仔箱轉投大銀幕，希望演技得以發揮，曾做過三碟歌手的她也恨再戰樂壇，為自己訂下三年計劃：「我好勝、任性，試過先心息，我輸得起！」
女人青春有限，現年30歲的樂瞳，07年加入無綫，轉眼已打滾十年，前日完約的她義無反顧離開。樂瞳日前在將軍澳接受本報專訪，講到在無綫十年得與失，她劈頭就說：「呢十年，我搵唔到錢！」樂瞳續說：「但我得咗『樂瞳』呢個名（本名龔茜彤），同觀眾嘅愛戴。好多人喺街走埋嚟，話鍾意睇我做戲，我賺咗呢啲，但失咗我嘅青春。我最寶貴十年都喺公司，當年喺公司係妹妹仔階段，?家妹妹仔成熟咗，跳出嚟係淑女。」樂瞳強調要做「窈窕淑女」，而非「熟女」，所以仍要努力減肥。
自認任性
回帶樂瞳在無綫十年光景，最為觀眾印象深刻是11年參演《點解阿Sir係阿Sir》，她飾演反叛學生妹彈出，更被追捧成「宅男女神」，算是事業一個高峯：「好多人因為呢個角色認識我，如有另一角色令我再有高峯，我都會做好佢。」雖然樂瞳其後在劇集《當旺爸爸》、《護花危情》及《回到三國》等都有突出表現，但礙於未受無綫力捧，她承認過去不擅爭取機會。拍完最後一套劇集《平安谷之詭谷傳說》就決定離巢，樂瞳強調是深思熟慮：「公司十年有感情，但都想出去試吓自己能力，可唔可以喺電影圈發展，我係好勝、任性，試過先心息，我輸得起、跌得起。」樂瞳出道做過歌手，發展無疾而終，回復自由身的她當然想再在歌壇復活：「好多fans留言想我唱番歌，?家都有公司接觸同我出碟，我想有代表作，有機會開音樂會。」樂瞳憧憬影歌視依次序發展，她說：「未試過電影圈，我想將心力放多啲呢個範疇，跟住唱番歌，電視擺最後。拍戲我想挑戰做打女，唔介意少少性感。」樂瞳甩約馬上成搶手貨：「有幾間新公司傾緊，但要學多啲嘢裝備自己。我唔年輕，想呢行再放多三年時間，會逼自己做晒唔會後悔嘅嘢。」
■樂瞳11年於《點解阿Sir係阿Sir》演反叛學生妹彈出，算是她事業高
■笑容甜美的樂瞳，自爆被五名裙下之臣熱烈追求。
■前年樂瞳被本報讀者影到與富二代蜜遊泰國，但她卻稱現正單身。資料圖片
雪卵生仔
除緊張事業，樂瞳都等愛，前年被揭搭上金融才俊阿希，去年有報道指她戀上富二代David，入住千萬豪宅，有指她太高調令戀情畫上句號，訪問當日，她卻強調單身。樂瞳預告再投放三年發展演藝事業，莫非到時等嫁？她坦言：「隨緣，我年紀唔係輕，都想有自己家庭，唔想做高齡產婦。」樂瞳謂友人都熱烈討論雪卵子，她坦言考慮過：「我仲可以等多幾年。」她自爆現有追求者：「五隻手指數得晒，了解緊。」採訪：陳杰服裝提供：Mzjj
■樂瞳正努力keep弗，朝窈窕淑女目標進發。
■樂瞳憑劇集《陪著你走》入圍角逐15年無綫最佳女配角。劇照
■樂瞳自認任性，直言再給自己三年時間於娛樂圈發展。
來源:
http://hk.apple.nextmedia.com/entertainment/art/20170616/20057281
拍劇唔人道焗吞過期饅頭樂瞳離巢：唔想企後面做阿媽
1 :
GS(14)@2017-06-26 03:27:092017-06-22 NM
近年不少藝員回巢大台搵食，但亦有人心口掛個勇字離場。投放十年青春在大台的樂瞳（原名龔茜彤），決定不續約，三十歲跳出安全區，入影壇頭炮做打女。令她心灰意冷，導火線是拍劇時焗吞過期饅頭，非常不人道！道具阿哥勸唔好吞
上週約滿大台外闖的樂瞳直言：「呢十年，我搵唔到錢！」事實上，近兩、三年她的工作量已很少，她大嘆：「一年拍得一至兩部，我唔介意做女配，但求角色有得發揮吓，不過近年做嚟做去都係嗰啲，戲份愈嚟愈少，我怕十年後已變甘草，或者企喺後面做人阿媽！」但真正的催化劑，是在告別作《平安谷之詭谷傳說》演閒角之外，更被迫硬吞幾籠放了超過一星期的道具饅頭。「我喺《平安谷》造型好突出，演一個黑黑實實大力妹，但角色實際功能唔多，我唔想再做，因為每次收工都好低落。試過一場戲，我食咗三底，吞咗起碼六、七個饅頭，嗰啲饅頭擺咗一個星期，道具叔叔勸我唔好食，但呢場戲我俾鏡頭圍住，點可以唔食。」樂瞳說。樂瞳皮膚白滑，監製要求她為角色去曬黑，她表示：「我好易曬傷兼甩皮，惟有自己花錢定期去噴黑啲皮膚。角色就算唔重戲份，我都盡本分做好。」
角色經常被搶走
明知同大台冇得講金，樂瞳只求一個發揮機會。十年來雖得不少監製賞識，但有傳多次安排給她的角色，最終被人搶走。對此，她沒有否認：「係有嘅……其實臨走時都發生呢啲事，因為我未落實續約，而令到一啲機會被抽走。不過冇人知結果係點，我冇後悔個決定！」
撰文、攝影、攝錄：娛樂組場地提供：Sohofama@PMQ FFG Martial Arts & Fitness Cente
樂瞳裸背拍寫真
1 :
GS(14)@2017-07-09 03:39:13約滿無綫的樂瞳回復自由身，工作量大增，她昨日到商台接受訪問，樂瞳自爆計劃多多：「月尾會去影寫真，應該係東南亞地區，雖然趕唔切喺書展出，希望可以8月出。」樂瞳坦言在無綫時限制多，未有機會影寫真：「嗰時尺度管得好嚴，性感實唔得，驚我影響形象，惟有趁29加2留下倩影啦。」問到樂瞳的性感底線？她笑言：「全裸未必接受到，睇吓我身形keep成點先啦。裸背我OK，之前出碟都試過，最緊要有美感、靚同唯美。」她透露現時有三、四間唱片公司接洽中，她希望將來可參與給意見拍MV、揀歌和寫歌。月底牛一的樂瞳不恨拍拖：「30歲前就恨，踩入30歲之後，覺得自給自足好啲。」採訪、攝影：盧妹
來源:
http://hk.apple.nextmedia.com/entertainment/art/20170708/20082356
Next Page