ZKIZ Archives


前海專題: 點解香港樓市升極唔停?(上) Home Blogger

http://www.homebloggerhk.com/?p=5857

深圳前海有不少人聽過,但到過既人未必好多。因此諗樣貼出圖一幅,等大家了解一下。其實深圳有前海同後海。後海同我地香港既後海灣勉強相通,總之就係你由天水圍隔離既深圳灣大橋出發,到深圳一方為後海。而後海再向西行,即地圖之左上角處,即為前海。你由地圖上觀察屯門到元朗之距離,大概就係後海到前海之距離。再加上由屯門經深圳灣大橋到大陸一方,巴士行都係十五分鐘。換言之,由前海到屯門,只不過屯門去荃灣之距離,大車行都係半小時必達之地。

 

咁前海攪乜春呢? 前海係塊平地,暫時只有住宅,但中央已指令前海將為深圳特區之中既特區,該處開業銀行可將人民幣貸款比大陸企業。昨日(28/1/2013)香港有十幾間銀行已同上面簽約,落實此協定。咁關你咩事呢? 第一,可以將錢借比大陸公司係一門好吸引既生意,「藍海」黎既,之前未可以合法做,大把香港銀行會仆上去開分行做生意,費事再賺香港人既艱難錢,前海會旺起來。第二,香港銀行更有誘因收納你袋中之人民幣,上面借比人平都收7厘年息,香港定期只不過2-3厘,筆者所見,香港人仔定存利率會上調。第三,前海為香港帶來更多跨境工作機會,前進前進進。

 

講返老本行,即樓市。你有冇收過風而家前海樓房賣幾錢呢?即寶安區一帶。你預舊一些星海名城做緊100平方米賣緊300餘萬,新樓80平方米索價400萬人仔。轉換成香港用之呎價,即100平方米約為1000呎,咁即係舊樓HK$3800蚊呎,新樓HK$6250一呎,同天水圍比,邊個平D?

 

留意比價必須用香港之實用呎價同大陸比,因大陸賣樓係100%實用率,不時更有120%實用率。係香港既你同我即時變哂青蛙,見到120%實用率同老李之66下實用率相比,彷彿當火星人去到水星咁,完全唔很明。原因係大陸你間400呎樓,你係收樓時係搵到400個(1 X 1呎)地磚的,冇花假,冇呃呎。友人同我閒談時提及,佢朋友買樓時搵人度呎收樓,發覺只度上398個地磚,但佢就比左400呎價錢。我問? 點先? 係咪補返兩格單車泊位佢? 結果係發展商即退返2呎既錢比佢,所以你話大陸買野唔均真? 睇下你買乜? 香港都唔好成日話自己高水平啦,食水深有時確實辦到。

 

前海現時都未發展,他日升番三到四成,不足為奇。大陸發展有佢一套,你唔使擔心佢發唔起。擔心既係前海已經等於「深圳之九龍灣」,即係樓價已是三線,都去到至少三千幾蚊港銀水平,你話佢落到黎香港,其實佢買間樓真係唔奇。講到呢度你又話:「咪就係大陸大炒貴哂D樓囉!!! 至少佢有份!」諗樣當然收到,就算1%都算有份,但香港樓市全面走高不只是大陸人來港買貴哂一句咁簡單解釋哂,亦唔係乜X野「剛性需求」可解釋,要理解此問題應回基本步,就係兩地(香港及深圳)漸漸融合,深圳平均樓價已達港元7000一呎,那麼富有自由經濟特別既香港,用$7000蚊做起步再叫價又何奇呢?

 

當然,大部份年青人到此都好心傷,認定自己一世都買唔到樓。但樓市不是長升長有的,大陸既股市同樓市,跌下來比誰也兇! 但此時你把深圳樓市行情了解一下,你自然知道點解香港既樓升極都未停。

 

下午更深入去探討樓市與深圳發展之影響。可留言作亙動討論。

PermaLink: https://articles.zkiz.com/?id=43590

前海專題: 點解香港樓市升極唔停?(下) Home Blogger

http://www.homebloggerhk.com/?p=5866

上回提及深圳發展如何影響香港,前海發展更推高兩地樓價。

 

當然政府加左15%BSD係有效抑止內地人買樓的,深圳人現到港買棲已沒有匯水優惠了。不過發展商係推新樓時估計會有對策,化15%BSD為無形。

 

再講國情,現時深圳請一個大學生已經要12000-15000蚊(人仔),比香港仲高。比你係大陸,都會黎香港買正貨啦。朋友係大陸招大學畢業生,有應徵者是搵轉工糟,開價達兩萬(人仔)。此乃有深圳戶藉之居民賺到既價錢,賺幾千蚊一個月只係外省黎既民工,須量大但香港可以唔理佢地。只要一批賺到錢既深圳原居民,已可浸死本港了。諗樣不是在此引發中港矛盾,而係想你了解國情,為港之變數深思一下,就會發覺人地講到咁驚嚇,其他係時代區輪促使之事,不足為怪。有時間返去行個圈,了解一下。

 

當你一出深圳到「二線」,價錢係會下跌的。野食由38人仔午飯跌至15。樓價也平一半。「二線」你當係龍崗再向北之地方。龍崗即富士康之工廠附近。所以電視成日映富士康既工人有幾慘,做十個鐘只得一百幾千,你緊係覺得深圳人工低同困苦啦! 但係班工人唔係深圳人,地方嚴格黎講唔係深圳,所以你我又要再了解一些了。

 

再講深圳人,其實佢地都係覺得樓價太貴,會搬出市中心,搬到世界之窗站或龍崗一帶地方的。地方一係平左,一係住大左。所以每一個城市,均會出現低收入一群,或不願為房付出者,或想住平而大屋者,由市中心搬出偏遠區域之事。由核心地區版迫出偏遠地方居住,不只是香港人。想比平租而又住係方便地方者,係大城市根本係天方夜譚。當然現時樓價已和香港人收入脫節,諗樣同意。所以有此網為大家出謀獻策! 係不合理之商人環伺,民生正被另一城市之掘起大受影響,你我可以自求多福,多由不同渠通收風求變。


PermaLink: https://articles.zkiz.com/?id=43591

巨型脂肪瘤撩極唔出病人忍痛似生仔

1 : GS(14)@2016-09-27 07:14:40

美國「即瘡大師」(Dr Pimple Popper)、加州著名皮膚科醫生桑德拉李(Sandra Lee)再公開一宗恐怖個案,她為一名男子抽出一團巨型脂肪瘤(lipoma),片段令人毛骨悚然。男子左肩下長出一粒脂肪瘤,桑德拉李一邊開刀,一邊跟他閒話家常,來舒緩對方的情緒,她用剪刀剪開患處皮膚,之後將一大團橙色脂肪拉出來。桑德拉李不忘鼓勵病人:「你做得很好。」要將巨型脂肪瘤移除一點都不易,桑德拉李要用力地拉扯,男子痛極呻吟,雖然他堅持自己一點都不覺得痛,只是有點不舒服,不過桑德拉李打趣道︰「他的聲音聽起來像在生孩子。」男子也很配合地答︰「快取出我的寶寶。」英國《每日郵報》




來源: http://hk.apple.nextmedia.com/international/art/20160926/19782334
PermaLink: https://articles.zkiz.com/?id=310118

高鈞賢撈極唔起李晉強做三打七冇角色名

1 : GS(14)@2016-09-28 05:04:26

07年香港先生袁偉豪,捱足9年,年初終於喺《鐵馬戰車》執到好籌,飾演生鬼「施馬sir」,成功入屋,到早排播完嘅《城寨英雄》做「牙佬」一角,受師奶熱捧,3線尾晉升2線頭。不過,香港先生未必個個好似袁偉豪咁,時來運到有得發揮,綜觀歷屆冠軍,許家傑、翟威廉同李晉強,雖然簽約俾大台,不過大部份都只係做人肉佈景版,想發圍,真係唔知仲要等幾耐!05年 高鈞賢05年開始,大台學人搞《香港先生》選舉,最初係威係勢,冠軍高鈞賢隨即簽約成為旗下,可惜捱足9年有名冇利,往後幾年更越做越霉變二打六,連拍劇非禮阿婆、上節目講痔瘡都要做,一度令佢患上抑鬱症。14年高鈞賢決定約滿後北上搵人仔,之前更憑古裝劇《山海經之赤影傳說》彈起。06年 黃長發黃長發當選後,幕前幾乎係零演出,最為人知嘅反而係情史,09年佢因為教法文而搭上比自己大16年、同鞋王劉劍群有個5歲女嘅三奶Karen,之後黃長發宣告半退出娛樂圈,轉行做會計師。近年佢喺Elite模特兒公司做經理。舊年佢同捷克籍模特兒女友Zuzana結婚,做埋老襯。08年 朱允崇來自美國嘅朱允崇,憑住健碩身形加冧死人笑容,賽前已被視為頂頭大熱。決賽當晚,更引嚟伍姑娘(伍詠薇)熊抱獻吻。不過朱允崇當選後,決定唔簽無綫加入娛樂圈做藝人,從此消失幕前。09年 許家傑喺幕前撈足7年嘅許家傑,幾乎做親都係大茄,到今年《火線下的江湖大佬》,憑住「蛋撻」一角,先叫做認得吓佢。反而之前有指佢介入龔嘉欣同鄧健泓做「第三者」,搞到佢哋分手,就最有印象。10年 翟威廉身為前亞視藝人嘅翟威廉,頭幾年喺大台行行企企,做吓旅遊節目,至於喺劇集做嘅角色,老實講,不堪一提。直至近兩年,角色先稍稍有啲份量。反而係佢多年甘心做陳庭欣隻「兵」,令佢獲得意外嘅曝光率。11年 李晉強李晉強當選後,同樣步幾位前輩後塵,又係喺劇集做吓三打七,到近年越做越霉,喺《超能老豆》同《巨輪II》,前者做籃球隊隊員,後者做酒客,連角色名都冇……好陰功!




來源: http://hk.apple.nextmedia.com/entertainment/art/20160928/19783924
PermaLink: https://articles.zkiz.com/?id=310429

【動畫●每日健康】有人食極唔肥有人節食都肥 原來關代謝率事

1 : GS(14)@2016-10-28 06:24:52

有兩個同事,一個叫大S一個叫小S。大S身形身高體格都差不多,但偏偏一個一日食四餐,餐餐豐富,都不見得特別肥。小S日日都嚴格控制食量,一個不留神就會長出小肚腩。到底咩解救?其實關代謝率事。有一項數據,叫作基礎代謝率,它代表一個人一日內,最基本維持身體基能運作,所需要的熱量。這個數字越高,代表人體每日自然消耗的熱量越大。所以為甚麼大S和小S,身高外形相似,但小S較容易肥,就因為他基礎代謝率低。註冊營養師陳筠霖告訴你,影響基礎代謝率,有幾個因素。



肌肉量:一公斤的肌肉,每日可以消耗卡路里45千卡,相反一公斤脂肪,只可以消耗到卡路里2千卡。年齡:年齡越大,器官運動減慢,基礎代謝率亦相對較低。性別:男性肌肉比例比較高,基礎代謝率通常比女性高。體重:體重越重,器官運動用的能量比較多,基礎代謝率亦相對較高。還有最後一項就是,遺傳。所以有很大部份人,想減肥,只顧節食而不做運動,如果身體吸收的熱量太少,身體有防禦機制,會把基礎代謝率減少,減低熱量消耗。所以有人,食得再少,但每日消耗同樣少,始終減不了肥。緊記食得均衡,再配搭足夠的肌肉訓練和運動,才是減肥正道呀。記者:李聰




來源: http://hk.apple.nextmedia.com/su ... t/20161028/19814505
PermaLink: https://articles.zkiz.com/?id=313875

藝人紛置業:張曦雯嘆樓價貴「儲極唔夠錢」

1 : GS(14)@2017-10-29 23:56:53

「打機女神」張曦雯



【本報訊】樓市火熱,連藝人都紛紛入市置業,單計今年下半年已經有至少6宗明星買樓個案,物業總值近8,000萬元。至於無樓的藝人亦積極儲錢,希望終有日上車,但置業路漫漫且門檻持續提高,連「打機女神」張曦雯都大嘆「幾辛苦做嘢都好似儲極都儲唔夠錢咁!」



鍾情有會所新樓

現時未持有物業的張曦雯指,近年積極儲蓄希望可以在香港置業,鍾情有靚會所的新樓,健身室尤其重要,「我諗第一次買樓,買個細啲嘅單位投資或者租俾人,咁就最理想」,期望單位不是200呎的蚊型戶,「我覺得(單位面積)500零、600呎就最好。」張曦雯由美國回流本港,形容「香港與其他地方唔同,首先香港買樓一定保值,投資回報好過美國,但美國樓價平啲同安全啲。」她都覺得香港樓價貴,「幾辛苦做嘢都好似儲極都儲唔夠錢咁!」翻查資料,過去自7月起錄得多宗藝人入市個案,而且以購買新盤為主。當中最豪氣的是薛凱琪沽出九龍塘帝景峰相連戶套現後,不久後便購入何文田樓盤天鑄1伙高層三房戶,樓價高達約3,630萬元。涉資額最少的許靖韻,上月與家人合資購入英皇(163)長沙灣喜遇,涉資額亦近500萬元。另外,新地(016)日出康城晉海獲得許多大台藝人青睞,包括陳展鵬、樊亦敏及姚子羚。




來源: https://hk.finance.appledaily.co ... e/20171025/20193863
PermaLink: https://articles.zkiz.com/?id=343374

Next Page

ZKIZ Archives @ 2019