📖 ZKIZ Archives

翻拍經典　梁家輝Chilam拱照 張家輝做跛豪

1 : GS(14)@2014-03-10 23:40:21

http://hk.apple.nextmedia.com/entertainment/art/20140310/18650816

                              麥當雄與蕭若元於91年炮製的電影《跛豪》，找來呂良偉增肥40磅演跛豪，當年叫好叫座，如今王晶計劃5月底翻拍這部戲，男主角跛豪就換上張家輝飾演，至於梁家輝則接舊版的曾江棒，飾演呂樂探長，而坤哥（肥波）及毒玫瑰分別屬意張智霖及孫儷演出。新版除江湖恩怨情仇外，跛豪與幾位女演員的感情戲也是拍攝重點。

                張家輝去年主演的《激戰》及《掃毒》在中港兩地票房都很驕人，連帶片酬作了幾級跳，片酬加至1,200萬，但依舊有很多公司找他合作，最近王晶正大力游說他演出新版《跛豪》。當年呂良偉為演這角色，增肥足足40磅，到底家輝要不要增肥演出呢？王晶昨強調新版《跛》片劇情會有很大改動，舊版主要講述60年代至70年代的大毒梟吳錫豪（跛豪）的生平及事蹟作為人物事件背景題材，當時為增加話題性，還要求主角增肥。但新版就肯定不會要求張家輝變大肥佬，而呂樂則由梁家輝演出，其他演員還有張智霖、孫儷及小宋佳等。

跛豪

                  跛豪一角，呂良偉當年增肥演出中年跛豪，但張家輝於新片免役。

                                                                                               

呂良偉

張家輝

呂樂

                  曾江當年演的呂樂備受讚賞，相信影帝級人馬梁家輝會不負眾望。

                                                                                               

曾江

梁家輝

肥波（坤哥）

                  鄭則士的肥波一角甚出位，張智霖因身形問題改名為坤哥。

                                                                                               

鄭則士

張智霖

跛豪老婆

                  葉童當年演繹跛豪老婆性格夠立體，未知做慣甄嬛的孫儷有何突破。

                                                                                               

葉童

孫儷

肥波情婦楣楣

                  葉子楣的波霸身形當年震撼大銀幕，小宋佳接棒未知可夠本事。

                                                                                               

葉子楣

小宋佳

毋須增磅演出

                張家輝繼《激》後再度挑戰自己，不過今次不是挑戰體能，而是考驗演技，他昨接受電話訪問時說：「王晶搵我演呢個戲時，我覺得幾有挑戰性，好彩佢話唔使增肥，如果又要我肥幾十磅點拍，我就唔敢接，因為上次拍《激戰》又增肥又減肥，對身體好傷，我仲食緊中藥調理身體！而家王晶話新版跛豪會着重內心戲描寫多啲，以另一個角度去拍呢個人物，應該同以前我演過啲角色有唔同，應該會好玩！」
最近還在趕拍卓韻芝新片《失戀急讓》的家輝，今年工作頗忙，找他拍片的公司越來越多，家輝說：「完咗卓韻芝部戲，4月又要開始為我自己導演部鬼片做宣傳，5月底可能要接《跛豪》，之後仲有四部戲選擇中，但我冇可能有時間接得晒，可能都要推戲！」據悉家輝拍完《跛》片，之後會接演林超賢執導的賊王鬥智片，11月有可能會接演一部陳木勝執導、與黃渤合演的動作片，加上樂視與博納公司也有片約找上門，看來家輝想放長假休息都好難！

              ■呂良偉當年增肥扮跛豪，葉童則飾演其妻。
劇照

加重感情戲份

                至於王晶表示一直很留意跛豪，他認為新版還可以有很多故事來拍，經過考慮後，他不會要求張家輝增肥：「其實跛豪本身都唔係肥，而家張家輝身形都OK，我覺得唔需要刻意去增肥拍，而且今次係想加強戲劇性，除咗江湖激烈鬥爭外，仲會加重跛豪同幾個女人之間嘅感情戲。因為係合拍片，幾位女角都會搵內地女演員，心目中想搵孫儷做毒玫瑰，又或者會搵小宋佳演其中一角。」
問到為何有意重拍《跛》片？王晶笑說：「其實係因為同張家輝傾合作，佢話好想演梟雄角色，咁我諗諗吓，覺得跛豪呢個人物幾啱佢做，而且我哋今次會多拍人性面，咁佢會有好多演技發揮機會。上次蕭若元拍跛豪搵陳慎芝畀料，我今次一樣係搵番佢畀料，不過新版會減少色情同粗口場面，而人物角色同舊版都會有啲出入，好似舊版鄭則士演嘅肥波，我想傾張智霖做，但佢一啲都唔肥，所以新版佢會改名做坤哥。」
採訪：鍾國仁

              《失戀急讓》

【影壇寵兒】張家輝片約排到年底

                  近年開拍的電影中，多數找張家輝、古天樂、劉青雲及杜汶澤等孭飛，當中家輝今年的檔期更排得勁密。

（拍攝中）
卓韻芝執導愛情喜劇《失戀急讓》
演員：鄭秀文、黃子華及Angelababy。

（8月）
林超賢執導的賊王鬥智電影
演員：原先與梁朝偉合演，但偉仔辭演。

（11月至12月）
陳木勝執導的警匪片
演員：黃渤                                                        

---

2 : GS(14)@2014-03-10 23:40:32

http://hk.apple.nextmedia.com/entertainment/art/20140310/18650818


張家輝將接棒飾演一代毒梟，91年呂良偉主演的《跛豪》，勁收3千8百多萬。過往亦有很多導演重拍經典電影，但口碑及票房各異。
[11年版《倩女幽魂》] 11年版《倩女幽魂》
《倩女幽魂》

早在60年代，樂蒂與趙雷飾演第一代的聶小倩與寧采臣。87年，程小東翻拍該片，請來王祖賢及張國榮重新演繹小倩及寧采臣，共收1千8百多萬。大前年，內地翻拍該片，劉亦菲及余少群擔正，至於古天樂則飾演燕赤霞一角，內地票房大收1.41億。
《少林寺》

李連杰在1982年主演的《少林寺》，是其成名之作，香港票房高達1千6百多萬，創下了香港功夫片票房的新紀錄，香港觀眾人次突破100萬，海外版權總收入超過2,000萬港元。10年，英皇電影以謝霆鋒、劉德華及成龍掛帥，重新拍攝《新少林寺》，內地票房收2.2億。
82年版《少林寺》   10年版《少林寺》
《龍門客棧》

67年的台灣經典武俠電影《龍門客棧》，是該年度的台灣票房冠軍。92年，徐克及程小東監製，請來影后張曼玉、影帝梁家輝及林青霞重新拍攝《新龍門客棧》，結果票房勁收2千多萬。
《精武門》

72年，李小龍回流返港拍攝的功夫電影，票房400多萬。94年及10年，李連杰及甄子丹重新演繹陳真，拍攝《精武英雄》及《精武風雲．陳真》，分別收1千4百多萬及1千3百多萬。
《玉蒲團》

由91年開始，艷情電影《玉蒲團》系列陸續面世，當中以葉子楣主演的《玉蒲團之偷情寶鑑》最經典，票房勁收1千8百多萬，而大前年、打正旗號玩3D的《3D肉蒲團》大收逾4千萬。

---

梁家輝-40℃淋冰水

1 : GS(14)@2016-03-05 01:12:12

【北京直擊】梁家輝、周冬雨及佟大為等昨在北京出席《冰河追凶》的電影記者會，提到近兩個月的拍攝經過，大家均表示最辛苦是在極寒冷的天氣下拍攝。佟大為大爆梁家輝為電影效果，堅持零下40度往身上潑冰水，另一演員魏晨亦指梁家輝為指導其演出，不惜浸在冰水十幾分鐘，不過梁家輝說：「實拍是對自己和觀眾的一種交代，也是對自己表演的信心，在行業裏我希望起到這種示範作用。」而周冬雨又讚梁家輝好細心，會照顧每位演員，並送了一副雪地防反光墨鏡給司機，保證大家的安全。採訪、攝影：陶然婷





來源: http://hk.apple.nextmedia.com/entertainment/art/20160303/19513579

---

甜蜜行街掃貨梁家輝細女拖仔嘆按摩

1 : GS(14)@2016-05-19 02:23:03

【拖到實】■Chole和男友十指緊扣行銅鑼灣，男友比她高近一個頭。








【銅鑼灣】梁家輝和老婆江嘉年結婚29年，一對索爆孖女Nikkie（梁穎晨）和細孖Chloe（梁靜禧）經常在社交網貼三點式泳衣吸睛，不過老竇卻阻止兩個乖女入行。身為星二代的Chloe真人好省鏡，前日孖男友Matthew拖手行銅鑼灣被本報記者捕獲，兩人行到攰更入按摩店按腳。前日下午約4時，記者在SOGO附近發現Chole和男友十指緊扣，漫步到時代廣場，沿途兩人拖手又親嘴，十分甜蜜。Chole先陪男友去揀運動褲，再到樓上看太陽眼鏡，Chole試戴了多款不同款式的眼鏡。乘搭扶手電梯離開時，站在身後的男友挨近Chloe耳語，又不時深情對望，之後二人去希慎廣場睇iPad，雖然記者聽到Matthew識講廣東話，但全程卻交由Chloe向售貨員提問。



【試眼鏡】■Chole試戴了多款太陽眼鏡，男友都耐心陪伴等候。DV圖片

【傾唔停】■兩人搭扶手電梯時親密耳語，明顯仍是熱戀期。DV圖片

【睇寵物】■兩人睇完寵物後再去做腳底按摩，認真識嘆。DV圖片



老竇冇過目

兩人購物後去了寵物街睇狗仔、貓仔。可能行到腳攰，他們之後進入了按摩店做腳底按摩，認真識嘆。
Chole去年在加拿大大學畢業，男友Matthew跟她同樣是ABC，外形高大陽光男孩，日前Matthew生日，Chole相約一班朋友出海，為男友慶祝，認真細心。


■梁家輝一對索爆孖女，跟上山詩鈉的女兒Hilary感情很好。資料圖片


此外，家輝昨日在旺角出席電影《寒戰II》記者會時，談到Chloe和高大男友在銅鑼灣拍拖，問家輝其女兒有否帶男友給他過目，家輝說：「我唔知喎！講到我好似一街都係女咁。」對於女兒和男友街頭咀嘴？家輝笑說：「一定唔會，佢平時同我行街都唔會同我咀嘴，相信係認錯人。」採訪、攝影：徐錦池、吳耀輝、畢紹基





來源: http://hk.apple.nextmedia.com/entertainment/art/20160516/19613440

---

梁家輝結婚周年　之之率隊慶祝

1 : GS(14)@2016-05-21 19:04:22

梁家輝與太太江嘉年（Annet）結婚29年依然恩愛，前晚一班好友為他們慶祝結婚周年兼Annet的生日。關之琳前日在Instagram貼出一張大合照，見到曾志偉、杜德偉、鍾鎮濤夫婦、上山詩鈉與囡囡Hilary等，還有容祖兒及劉浩龍拍拖到賀。家輝囡囡Nikkie亦有留言祝福，她指媽媽既是天使又是爸爸心中女神，她以英文留言：「我愛你哋，祝結婚周年快樂，你哋係全世界最好嘅父母。」家輝是出名的愛妻號，兩人曾經共患難，有指兩人結婚時家輝得8千元身家，Annet仍願意下嫁，至今無論順境逆境，都能夠一起度過。撰文：嵐山





來源: http://hk.apple.nextmedia.com/entertainment/art/20160521/19621145

---

【洋蔥慎入】山地興《頑固》MV撼梁家輝14年只求不被淘汰

1 : GS(14)@2016-09-11 05:50:29

我身在，當時你，幻想的未來裏。你，當年幻想的自己，可是今天的模樣？



有一種頑固，叫陳振興。你，曾經有乜嘢夢想？生活迫人，太多嘢令我哋放低咗自己嘅夢。但其實，個夢未死，仲喺裏面。香港唯一一位嘅全職山地單車車手陳振興，就用咗14年時間，堅持佢嘅夢想。上個月完嘅里約奧運，阿興喺山地賽獲得第32名，冇獎牌。好多人都好睇小呢個名次，但其實喺奧運要「有名次」，本身已經得來不易。賽制、亞洲人同歐美人嘅體格分別，都令阿興未出車先輸一半。明知輸都去踩，為乜？香港單車隊沈金康教練就咁樣形容︰「這樣一個明明沒有希望的項目裏面，阿興還能夠堅持，只為了『不被淘汰』，整整花了14年。」



人生中，有乜嘢係你永遠不放棄？

孤獨嘅訓練，無人嘅山頭，你捱唔捱到14年？

做山地單車手，隨時踩到蜜蜂飛入口，針頭個嘴孖膶腸咁。

何謂「不被淘汰」？山地賽，也許同我哋人生一樣咁唔公平，你一出世係前排嘅上流社會，你已經有好大機會繼續留喺上流社會；你一出世係窮人，爬到上去嘅機會亦都唔大，奧運山地車越野賽亦都一樣。就以今年里約奧運山地車越野賽為例，比賽全程7個圈，49個車手參賽按UCI（國際單車聯盟）排名，分成7排起步，排名267位嘅阿興喺第6排出發。比賽中只要俾對手超前一圈、或者未能喺限時內到達checkpoint即被淘汰，阿興喺今次賽事入面，仲一度只差20秒就冇得留低，但係佢點都要衝埋落去，最後得到一個比上屆奧運更強嘅名次——第32名，阿興話：「好多人都會睇個結果，但其實踩單車唔一定要有獎項，唔一定係要有名利，最緊要真係開開心心。」只係為咗「有得留低」同開心享受過程，講就容易，又有幾多人真係做到？但阿興做得到，仲一做就堅持咗14年。希望大家都可以做到《頑固》歌詞中：「每當我遲疑~從不曾忘記~活在我心深處~那頑固的自己~~」呢一句，代表到阿興嘅同時，佢亦被深深撼動。



香港人心裏最頑固嘅係乜？

最後一轉里約奧運，山地興已經由純競賽心態，轉為學會享受比賽。唔好笑，踩車，唔係為咗開心嘅咩？

又斜、又顛簸，唔頑固，點會玩啲咁嘅嘢？

曾經征戰08年北京奧運及12年倫敦奧運，嚟到啱啱過去嘅里約奧運，轉眼間阿興已經係「三朝元老」。由京奧未能完成比賽，直至里奧笑住以第32名衝線，呢14年阿興捱過唔少苦：「咁多年嚟，孤獨都幾陪伴我。成個隊得我一個山地車運動員，每次練習個山都冇人。」除咗孤獨，就只有孤獨。「試過幾次，有啲蜜蜂﹑蚊飛入口，針到我變孖潤腸。」艱苦嘅訓練同埋孤獨，都阻唔到頑固嘅阿興。當人人都將焦點放去獎牌嘅時候，阿興自有佢嘅一套價值觀：「好多選手可能都係衝住獎牌，而我係冇機會攞獎牌，我為完成比賽，完成呢個理想。」講到種種辛酸，阿興保持住佢真摰嘅笑容，或者正如歌詞一樣「如果你~能預知這條路的陷阱~我想你~依然錯得很過癮。」《頑固》呢首歌，其實係叫我哋要對得住自己。



可能係山地興多年以來最型嘅一張相。

五月天《頑固》MV真實版，最有資格挑梁家輝機嘅，係陳振興。

佢，4歲嘅阿興，亦等於原裝《頑固》MV中嘅小太空人。我哋所有嘅夢，都係源於我哋心目中嘅「太空人」。(圖片由被訪者提供)

後記：記得拍攝前一晚落勁大雨，小記已開始擔心可能要取消，因為我哋需要上山及航拍。「越係有嘢唔順利，我就越會俾心機去做、越想做，我就係咁乞人憎！」熱血嘅導演哥哥唔知係想安慰我定鼓勵我，又或者兩樣都唔係，只係純粹X噏，但我聽完對眼真係好似漫畫咁出現咗兩團火。到咗拍攝嗰日，天氣依然冇好轉，繼續落雨，就連阿頭都話「天氣太差就算，唔好夾硬嚟。」不過，我哋冇放棄到，照去。熱血嘅導演哥哥﹑兩位攝影師﹑陳振興連埋我，一行五人冒住停吓又落吓嘅大雨，走上大帽山，打算拍阿興嘅踩車片段，點知上到去又大霧到拍唔到。結果我哋又變陣再去元朗拍攝，終於皇天不負有心人，雨同霧都冇晒，順利roll機。唔知大家係咪都畀陳振興嘅「頑固」所感染，我哋都「頑固」埋一份。落雨就等佢停，大霧就轉地方，經過今次採訪陳振興嘅故事，令我覺得其實每個人心中都有呢份「頑固」，只係我哋將佢放低咗。採訪：植詠珊(Cathy)編審、編導、剪接：Roy拍攝：Teddy、Neo




來源: http://hk.apple.nextmedia.com/entertainment/art/20160911/19767147

---

傘運紀錄片《亂世備忘》入圍學友　梁家輝　許冠文　爭金馬影帝

1 : GS(14)@2016-10-02 13:35:26

【最佳男主角提名】梁家輝《寒戰2》■梁家輝（右）憑《寒戰2》入圍金馬影帝，但拍檔郭富城卻落選了。劇照



【第53屆金馬獎】第53屆台灣金馬獎昨日公佈入圍名單，備受內地官方打壓的港片《十年》雖然入了初選，但複選卻落選了，無緣角逐金馬獎，不過講述雨傘運動的電影《亂世備忘》卻入圍最佳紀錄片。影帝提名方面，「香港幫」梁家輝、張學友和許冠文同時入選，影后提名只有內地的范冰冰、周冬雨和台灣的許瑋甯等，香港女星完全冇影。



今年在香港電影金像獎奪得最佳電影的《十年》，因題材敏感一直受內地官方打壓，今年台灣金馬獎早前亦公佈了該片進入初選名單，只可惜昨日大會公佈的入圍名單，該片最終落選了，反而以雨傘運動為題材的電影《亂世備忘》，卻能入圍最佳紀錄片（詳見附表），頒獎禮將於下月26日在台北舉行。今年觀乎入選名單，中港台三地的電影都照顧到，大贏家為台灣電影《一路順風》，八項提名包括影帝、最佳男配角、最佳劇情片和最佳導演等。曾志偉兒子曾國祥執導的內地片《七月與安生》亦獲得最佳導演和最佳女主角等七項提名。由馮小剛執導的內地片《我不是潘金蓮》則得到最佳劇情片、導演和女主角等五項提名。而港片《樹大招風》就獲最佳劇情片、最佳新導演和最佳原著劇本等五項提名，算是有交代。



【最佳男主角提名】張學友《暗色天堂》

【最佳男主角提名】許冠文（右）《一路順風》

【最佳男主角提名】柯震東《再見瓦城》


學友：努力有被看到

最佳男主角提名中，香港有三位男星入選，包括《寒戰2》的梁家輝、《暗色天堂》的張學友和《一路順風》的許冠文，其他入選者還有《再見瓦城》的柯震東和《不成問題的問題》的范偉。據悉梁家輝和張學友被看高一線爭影帝，他們各自在戲中都表現出色，學友昨日被問到入選金馬影帝提名感受，他表示：「非常榮幸可以入圍金馬獎，自己的努力有被看到很開心，謝謝金馬獎評委。」梁家輝憑《寒戰2》提名影帝，他昨回應：「好開心，但係金馬獎頒獎禮舉行當晚正值係最忙嘅時候，所以如果能夠爭取到可以出席，就更加開心嘞！」香港演員北上拍戲成風氣，許冠文反其道而行拍台灣片《一路順風》，飾演來自香港的落魄的士司機，遇上要由台北運毒到台南的納豆，還捲入黑吃黑的槍擊命案，他更憑此片獲提名影帝。其實許冠文曾於78年憑自編自導自演的《賣身契》，獲金馬獎優等劇情片，而近年他電影產量少，對上一部電影為前年演出王祖藍的《Delete愛人》，今次他憑台片獲提名金馬影帝，令影迷驚喜。獲提名最佳女主角的包括《我不是潘金蓮》的范冰冰、《七月與安生》的內地女星周冬雨和馬思純、《再見瓦城》的台灣女星吳可熙及《紅衣小女孩》的許瑋甯，在戲中表現出色的范冰冰有很大機會封后。首度入圍影后的許瑋甯昨表示非常開心，周冬雨昨亦回應：「我好不容易入圍了一次，感謝導演！」



■講述雨傘運動的紀錄片《亂世備忘》獲金馬獎垂青，可喜可賀。

【最佳女主角提名】范冰冰《我不是潘金蓮》

【最佳女主角提名】周冬雨、馬思純《七月與安生》


童童提名原創歌曲獎

至於男、女配角方面，男配角成「香港幫」天下，秦沛憑《北京遇上西雅圖之不二情書》入選，其他還有《一念無明》的曾志偉及《老笠》的林雪，曾志偉昨說：「阿仔入圍比我自己入圍更加開心。」女配角方面香港只有金燕玲以《一念無明》獲提名。而口碑不俗的港片《點五步》，只有胡子彤得到最佳新演員提名。獲五項提名的《樹大招風》兩位導演分別談感受，黃偉傑昨說：「呢部戲台幕後準備五年時間，終於有少少肯定同鼓勵。」歐文傑亦說：「作為一個創作者，最重要係創作嘅過程同得着。」王菲女兒竇靖童憑電影《七月與安生》歌曲《（It's not a crime）It's just what we do》提名最佳原創電影歌曲，她昨以短訊回應：「能不能得獎不重要，能入圍已經非常非常開心啦！」採訪：鍾國仁、李森


【第53屆金馬獎部份入圍名單】


最佳男主角

梁家輝《寒戰2》許冠文《一路順風》張學友《暗色天堂》范偉《不成問題的問題》柯震東《再見瓦城》


最佳女主角

許瑋甯《紅衣小女孩》范冰冰《我不是潘金蓮》周冬雨《七月與安生》馬思純《七月與安生》吳可熙《再見瓦城》



林雪（左）入圍最佳男配角

最佳男配角

秦　沛《北京遇上西雅圖之不二情書》納豆《一路順風》林柏宏《六弄咖啡館》曾志偉《一念無明》林雪《老笠》


最佳女配角

吳彥姝《北京遇上西雅圖之不二情書》劉蓓《一句頂一萬句》李杏《樓下的房客》金燕玲《一念無明》陸弈靜《德布西森林》


最佳導演

鍾孟宏《一路順風》杜琪峯《三人行》馮小剛《我不是潘金蓮》曾國祥《七月與安生》趙德胤《再見瓦城》


最佳劇情片

《一路順風》《樹大招風》《我不是潘金蓮》《再見瓦城》《八月》


最佳紀錄片

《亂世備忘》《日常對話》《大路朝天》《日曜日式散步者》《翡翠之城》資料來源：台北金馬影展官網




來源: http://hk.apple.nextmedia.com/entertainment/art/20161002/19788129

---

Bob惡搞梁家輝

1 : GS(14)@2016-10-10 04:28:33

林盛斌（Bob）日前為主演的《我要發達》拍宣傳片，他惡搞電影《寒戰II》，一人分飾周潤發和梁家輝，前晚他將片段上載facebook後留言：「我最期待嘅畫面終於出現……」



梁家輝

梁烈唯爆粗力撐，蕭正楠也在微博轉貼兼揶揄：「你係咪《寒戰》嘅梁家輝……畫面為何調校至36：9？」Bob回答：「你對眼闊咗，4：3嚟㗎！」並指這條抽水片純粹過戲癮，他昨說：「希望家輝哥唔好介意。」




來源: http://hk.apple.nextmedia.com/entertainment/art/20161009/19795185

---

梁家輝女兒Chloe變索模晒腿最想做打女

1 : GS(14)@2016-10-21 05:28:10

經常話本地娛圈青黃不接，但又有一班優質星二代陸續登場，索樣夠晒新鮮感。其中影帝梁家輝的一對孖女Chloe與Nikkie就好得網民歡心，在IG大方貼比堅尼泳照令人印象深刻，其中Chloe近日更當起女模，為品牌Hogan拍攝一輯宣傳照時有板有眼，穿起長靴騷靚腿，大有潛質。但Chloe透露daddy梁家輝不太喜歡她化妝：「父母不會管我的衣著，反而爸爸就不太喜歡我化妝，在他眼中，我素顏才最美麗。而媽媽就是我的形象顧問，從小她就給我最好的意見。」已經大學畢業的Chloe早前曾透露暫時未有工作，如果加入影圈，又最想飾演甚麼角色？「與現實中的我最不相似的角色，可能是打女，拳拳到肉，這樣才富有挑戰性。」Chloe又分享穿衣之道，偏愛純白及質料舒適的衣服，leggings、牛仔褲或短褲襯sneakers亦是她的favorites。




來源: http://hk.apple.nextmedia.com/entertainment/art/20161021/19807394

---

恩愛放閃　融入家中梁家輝大女Nikkie　餵飽老外男友

1 : GS(14)@2016-12-10 03:45:23

【試啱味】■Nikkie與男友Tyler行開買乳酪，還試食了多款味道。




【ifc】影帝梁家輝和太太江嘉年生的一對省鏡孖女梁穎晨（Nikkie）和細孖梁靜禧（Chloe），早已名花有主。大孖Nikkie外籍男友Tyler Toscani經常獲邀參加梁家聚會，日前兩人便與江嘉年及Chloe出巡中環ifc，Nikkie還買乳酪餵飽男友。



現年58歲的影帝梁家輝除了演藝事業有成就，家庭都好幸福，他87年娶了當時任職香港電台製作人的江嘉年，兩人婚後育有一對孖女，分別是大孖梁穎晨和細孖梁靜禧。江嘉年產後全職相夫教女，轉眼25歲的孖女去年在加拿大大學畢業。這對索爆孖女已名花有主，Nikkie日前更孖外籍男友Tyler Toscani與母親及胞妹在中環ifc拍拖，更餵男友食乳酪放閃。



【甜住食】■梁家輝的大孖Nikkie日前在商場餵外籍男友Tyler食乳酪，兩人都甜到漏。DV圖片

【一家親】■Nikkie拖實男友Tyler與細孖Chloe（右）和母親江嘉年天倫樂。

■江嘉年往蓋停車場票，一對孖女和Tyler站在旁等候。

■細孖Chloe與胞姊都已名花有主，今年5月便被拍到拖着男友Matthew行街。資料圖片

妹陪母去超市

當日江嘉年及孖女和Tyler被拍到現身ifc，他們看戲後出來，江嘉年一馬當先到詢問處蓋停車場車票，其間大孖Nikkie拖實外籍男友Tyler行在後面，細孖Chloe黐着胞姊並排而行，姊妹雞啄唔斷，Tyler則貼心拿着購物袋。Chloe之後陪媽咪逛超巿，Nikkie與Tyler此時盡享二人世界，在附近拍拖買乳酪，Nikkie更當眾餵乳酪給男友吃，你一啖我一啖，特別滋味。小情侶吃住等母親和細孖Chloe買完超巿東西，四人才齊齊離開。其實Tyler已非首次被拍到融入梁家，他去年也有出席Nikkie畢業禮，看來Tyler深得未來外母歡心，美中不足是少了家輝，記者昨致電家輝，他的手機轉駁留言信箱，直至截稿前仍未回覆。
Nikkie早前才跟Tyler到布吉慶生兼賀拍拖三周年，上周日又貼出歡迎Tyler來港的派對相，愛得相當癡纏。至於細孖Chloe今年5月都被拍到與ABC男友Matthew拖手行銅鑼灣四圍濕平，行到攰走入按摩店按腳。



■梁家輝和江嘉年與一對孖女Nikkie（右二）和Chloe，湊成幸福四口之家。資料圖片

冇阻女兒入行

家輝一對孖女樣靚身材正，一舉一動都受到網民注意，具備做明星條件，但家輝對此曾說：「冇考慮過入行，其實咁多年，我都有同佢哋溝通，畀好大自由度佢哋，等佢哋自己揀人生道路，但我都冇聽過佢哋同我講想去拍戲、想去唱歌之類。」採訪、攝影：羅德光




來源: http://hk.apple.nextmedia.com/entertainment/art/20161209/19859259

---

High爆溶解造型　阿倫變梁家輝

1 : GS(14)@2017-01-09 08:11:28

■譚詠麟頭髮塌下來後，激似梁家輝（小圖）在《92黑玫瑰對黑玫瑰》中造型。





亞洲國際博覽館前晚舉行的「純音樂2017溫拿與太極演唱會」，吸引羅傑承夫婦、任達華夫婦、朱潔儀、林建名和蕭定一等前往捧場。太極樂隊先以經典英文歌《Hotel California》揭開序幕，繼而獻唱早前逝世Wham！前主音成員佐治米高（George Michael）的經典歌《Careless Whisper》作出致敬。他們獻唱完《全人類高歌》、《紅色跑車》及《留住我吧》等首本名曲後，再邀溫拿上台jam歌。


「開心咪得囉」

溫拿先後唱完《玩吓啦》和《L.O.V.E》等飲歌後，與太極一齊合唱《Sha La La La》時，譚詠麟表現high爆，邊跳邊叫觀眾起身，結果他越跳越熱，原本gel起的頭髮全部塌下來，激似當年梁家輝在電影《92黑玫瑰對黑玫瑰》中被水泥漿住頭髮的搞笑造型，引得全場觀眾爆笑。演唱會至晚上11時45分完騷後，太極與溫拿一同受訪，眾人均表示玩得十分開心。問阿倫是否玩得好開心令到頭髮塌落時，阿倫笑說：「我學陳奕迅，?家用呢個頭就可以變得純實力派啦，其實我都知個頭有事。」可有人提醒他頭髮塌下？阿倫說：「想到都冇用㗎，都幫唔到我，我要整番佢（頭髮）唔通走落台咩？不過唔緊要啦，冇所謂嘅，最緊要大家睇到開心咪得囉。」



■溫拿與太極前晚開騷，一起jam歌時全場觀眾high爆。

■太極雷有輝與鄧建明落台跟觀眾握手時引起哄動。

■任達華與太太琦琦結伴睇騷。


雷有輝望巡迴

問未來會否再合作？太極成員雷有輝表示希望開巡迴，而鍾鎮濤則謂：「雖然暫時冇做新歌或者再開騷嘅計劃，但經過今次之後其實都想嘅，因為想借今次試吓反應，發現個反應好好，玩得好開心，希望遲啲有機會再玩。」採訪：曹家誠攝影：陳慧安




來源: http://hk.apple.nextmedia.com/entertainment/art/20170109/19890582

---