ZKIZ Archives


$50萬身家打造西貢果醬王

2014-07-31  NM
 
 

 

香港人對台灣有種情意結。西貢這家「一起果醬」,主打手製果醬,又有以果醬為主題的食物和飲品,裝修帶點台灣味。去年底開業以來,一直受附近街坊歡迎,頭一個月已收支平衡,現時月賺三萬元。

用盡五十萬身家開業的老闆葉卓謙,坦言生產力及生意額已去到盡。要有突破,下一個目標,是開工場,大量生產,再包裝宣傳,打造成「香港手信」。為測試遊客會否接受阿謙的果醬,記者在西貢街訪讓他們試味,發現不少外國人都覺得果醬味道不錯,但就不會山長水遠帶回老家。要成為香港手信,阿謙還有一大段路要行。

還以為三十歲的阿謙,是那種對果醬充滿熱誠的「藝術家」,但他坦言開店的衝動,是來自一場提早來了的「中年危機」。「咁大個人,都要同女友計劃結婚,但以前做freelance設計,收入唔穩定,電影、廣告、動畫咩都做勻,競爭大,叫價唔高。為咗長遠計,決定做生意。」他一輪嘴說,選擇果醬,純粹商業考慮:「果醬成本低,一樽毛利有七成,本身又已經夠入屋。雖然市場未必大,最重要係無比較,發揮空間較大,你覺得好食就好食。我唔以果醬做主題,你都唔會訪問我啦!」不過果醬每樽賣幾十元,單靠賣醬的收入,連交租都不夠,阿謙遂想出多條橋,逐步開拓新財路。

第一步開拓新口味

阿謙全無飲食業經驗,決定開果醬店,靠上網自學,但網上食譜只供人小量製作,開舖要大量生產,他也要見招拆招:「第一日開店,前一晚要整定果醬,我要切好蘋果、梨,去皮、去芯,整咗一個通宵。後來識買小工具幫手去皮,慳番好多時間,所以桂花雪梨用嘅梨,都係用貴啲嘅黃金梨同蜜梨,因為夠圓先用到機器去皮,平啲嘅鴨梨就唔得,總之咩都要試嚇。」現時鋪頭有八至九款常做的果醬,如玫瑰蘋果、士多啤梨、桂花雪梨等;因應時節,亦會推出季節限定,如荔枝果醬。這類特色果醬,每樽賣六十八元,較平常的四十八元可賣多二十元。有些生果「天生」不適合做果醬,他指:「太多汁嘅水果,好似西瓜,果膠唔夠,好難做果醬。」阿謙亦不停想出新配搭,最近試做朱古力香蕉,但失敗收場,他說:「用咗七十度朱古力,整出嚟好苦,要再研究。」近日的佳作要數木瓜雪耳果醬,不少女士都向阿謙反映喜歡桂花雪梨,覺得夠潤。阿謙循這個方向想,諗到木瓜雪耳,「個醬開熱水沖,就變成木瓜雪耳糖水;開奶沖,就係木瓜奶;啲奶再打嚇佢,就係奶昔囉!」一樽多用,專程揸車來買果醬的客人Jenny說:「之前食過桂花雪梨,樽果醬九成都拎咗嚟沖水飲,夠曬簡單。而且佢隻甜唔係砂糖嗰隻甜,係冰糖嘅清甜。上次嚟佢已經話整緊木瓜雪耳,今次專登買返去試嚇!」

第二步配襯新菜式

阿謙說,製造果醬最辛苦是煲果醬的過程,「要煲三個鐘,加入水、冰糖、檸檬汁,把水果煲至醬狀,其間要企喺度不停攪,以防黐底。整果醬切水果切到手指,並唔係最痛,果醬沸點高,煲果醬時被果醬彈到手,先係最痛!」煲成醬狀後,阿謙要把半製成品放入雪櫃一晚,待第二天早上把其再煲滾,便可入樽。不過阿謙並未忙完,緊接他就要準備即日的食材,皆因鋪頭亦有提供以果醬為主題的食物及飲品,「全以簡單為主。呢度賣嘅All Day Breakfast、焗豬肋骨、窩夫,全部都係最初時試好曬步驟及時間,任何一個人行埋去煮都煮得好食,咁就唔使依賴曬廚師。」阿謙並買入一部低溫烹調機器,用來煮溫泉蛋做班尼迪蛋,「部機煮出嚟雖然唔係大師級水準,但算唔錯,夠穩定。」他指,這部機器,家用的要五千元,大廚房用的接近兩萬蚊。「但我上kickstarter,見到有人集資整咗呢部平價版,三百蚊美金,一樣好用!」為了教育客人用盡果醬,阿謙亦不停發揮創意,「我自己賣緊嘅焗豬肋骨,都係用自己整嘅士多啤梨醬來醃,我教客人返屋企用嚟炒咕嚕肉,加番少少鹽吊味就得。」每星期賣過百罐果醬,加上內部烹調食物用的果醬,每星期消耗超過二百罐。週一至週四,阿謙都要用盡時間整果醬,以應付週末高峰期的需求。

手製果jam

第三步打造新手信

自小居於西貢的阿謙,選擇於「主場」創業,「去完上海田子坊,覺得人哋啲小店文化做得好好。雖然西貢租金貴咗好多,但升幅算係比市區滯後,覺得西貢有條件容納我呢啲小店,所以決定喺呢度開業。」記者見店舖常常坐滿一家大小,但由於只有廿七個位,生意可說已經去到盡,營業額也只有約廿萬元,已經飽和。把整副身家五十萬投資在「一起果醬」上,開舖前,阿謙原先認為每月賺兩三萬元,已經心滿意足,「我以前好懶,當初做生意,都係為咗上軌道後可以閒雲野鶴。」但開舖後,卻發現發展是身不由己,他以打工仔心態想:「我而家有五個兼職員工,我都想佢哋有發展。要留到人,我唔可以只係得呢間鋪。」然而,店舖面積小,現時廚房空間、人手亦用到盡,鋪頭負荷不了更多客人。所以下一步阿謙希望開工場,大量生產及銷售,繼而成為香港手信。「自家製作,規模太細,上唔到架。開合規格工場才應付到需求同控制質素。」預計要一年才回本,屆時才有錢回籠儲起開工場。既然阿謙有心想做香港手信,記者在附近找來十個外籍人士試味,測試市場。他們大部分都指味道夠天然,水果味十足,卻又不會山長水遠買回家鄉。而要做香港手信,記者認為最大問題,是沒有品牌效應,遊客根本未聽過這間鋪;就算聽過,過鋪即忘。記者找來恆香老餅家行政經理梁志聰,他認為要成為手信,最重要是有歷史及故事,「要有番咁上下歷史,產品要同個地方文化有關,咁先至吸引到外地遊客。」雖然「一起果醬」沒有歷史背景,但也未輸得曬,他補充道:「木瓜雪梨聽落幾新鮮,俾人感覺地道。如果果醬可以和廣東特色結合,都幾有趣,呢個方向可以發展。」

營業資料

營業額:$180,000租金:$18,000人工:$60,000 #材料:$60,000雜費:$10,000盈利:$32,000#老闆及五位兼職員工

開業資料

租金:$60,000*材料:$50,000設備:$120,000裝修:$250,000雜費:$20,000總開支:$500,000*兩按一上,包經紀佣金

老外點睇

阿謙希望最終自己的果醬可成為遊客手信,記者特意在西貢找來外籍人士試味,看他們會否把阿謙的果醬當手信買回老家。結果有外籍人士認為阿謙的果醬不夠甜,亦有遊客表明家鄉大把果醬,不會把阿謙的果醬當手信,阿謙回應指:「一直都有遊客話唔夠甜,但我都想堅持唔整到太甜,照顧番本地人口味。至於外籍人士話家鄉大把,咁其實都有大陸同東南亞市場,有好大發展空間。」

Solomon唔會買

▓來自:以色列▓來港讀書「好好食,唔使錢就會帶返以色列!買就未必,因為我鍾意食朱古力醬同花生醬多啲!」

Linda會買

▓來自:蘇格蘭▓定居香港「唔太甜,幾好食,如果返蘇格蘭會買返去俾朋友試嚇!」

Peter唔會買

▓來自:英國▓來港旅遊「好似英國果醬,好甜,感覺好健康,如果配麥包食就更好!但英國大把呢啲果醬,所以唔會當禮物買返去俾朋友。」

Sandra會買

▓來自:澳洲▓定居香港「好好味,唔太甜。咁好味當然會買返去澳洲,喺邊度有得賣?」

Mr. Ross會買但唔會當手信

▓來自:美國▓定居香港「幾好食,感覺天然。屋企附近有得賣的話,會買嚟食,但唔會當手信。」

PermaLink: https://articles.zkiz.com/?id=107713

聘基層婦女合作鍾舒漫自家果醬傳承父手藝

1 : GS(14)@2016-09-03 23:28:55

■Sherman(左)聘請基層婦女幫手,以小型社企形式試業。



鍾舒漫(Sherman)曾試過兩次擺市集,昨日再在奥海城食品節賣DIY天然果醬。開業前4天,Sherman密密手炮製500瓶果醬,分別有蘋果和香橙兩款口味。Sherman雖獲胞妹鍾舒祺幫手,但能力有限,製醬工場需聘臨時工,她遂以社企形式合作,發揮助人自助精神。


賺錢有限

這次賣果醬Sherman大約用了兩萬,即使全部果醬售出,淨賺有限,但她享受當中學習過程。日前她與臨時員工在柴灣工廠大廈內,在秘密廚房動工製果醬,見她發施號令分配工作,剝橙皮、切蘋果、打茸和煮果醬。果醬食譜傳承自Sherman的廚神爸爸,她說:「有次爸爸整咗好味菠蘿果醬,我諗到爸爸年紀開始大,有一日佢離開,我會好懷念呢種味道。」



■Sherman(右)想保留父親製果醬的味道。互聯網圖片

■Sherman投資約兩萬,由切果肉到煮醬都親力親為。

■曾兩次擺市集的Sherman,今次在商場內賣自家製果醬。


冇防腐劑

Sherman講到賣點:「平均三個生果做兩樽果醬,純果肉為主,完全冇加果膠同防腐劑,我仲加埋黑杞子落去,健康啲。」她希望擺市集學做生意,她說:「外面可能會請啲有經驗或者後生仔,但我想搵一啲婦女或者做嘢能力相對局限嘅人,今次係一個好機會嘗試超級小型社企形式,希望將來越做越大規模。」採訪:陳杰攝影:陳志嵐



 


Sherman開初要一腳踢,試過與拍擋把生果抬上五層唐樓

拿著製成品的Sherman,份外興奮。如果想支持Sherman,可以由今日至8號到奧海城的食物市集

Sherman選擇做果醬是因為鍾爸爸煮過,所以她很想留住爸爸的味道


現場所見,Sherman每事都親力親為

Sherman與妹妹鍾舒祺姊妹情深,鍾舒祺表示家姐做乜都撐

Sherman希望請更多婦女,以社企形式運作


蔡小姐是其中一位臨時員工,她來自海南,表示工作期間感到舒服自在

俊文是唯一男員工,將到台灣讀食物管理,是次經驗讓他有個實習機會

Sherman與員工大合照



來源: http://hk.apple.nextmedia.com/entertainment/art/20160903/19758104
PermaLink: https://articles.zkiz.com/?id=307340

【飲食籽】小朋友去露營都煮得 牛油果醬青瓜茄蛋彼得包

1 : GS(14)@2017-10-30 00:53:45

這個牛油果醬青瓜茄蛋彼得包,所用食材都不需冷藏,帶少個手提冰箱之餘,又可把準備工作當作親子活動。



【飲食籽:野餐食譜】秋高氣爽的日子,正是每年郊遊露營的好時節。雖然露營寫意自在,但不少人擔心露營時一定無啖好食,要捱熱氣燒嘢食,或者啃麵包,以即食麵度日。其實,戶外煮食可以很多樣化,有品味得來又健康、輕便、簡單。不同的菜式定必迎合到各類露營人士的胃口。大家不妨參考一下,為出走野外作好準備。

牛油果醬青瓜茄蛋彼得包(2人份量)

很多人會帶同小朋友一起去露營,享受親子樂。煮食中我們可加入一些與小朋友的互動元素。這個牛油果醬青瓜茄蛋彼得包,可讓小朋友一起參與準備工作,當作野外親子活動。菜式夠健康,食材亦不需冷藏。【材料】 【份量】番茄 1個牛油果 1個小青瓜 1條蒜頭 1小粒洋葱 1/4個雞蛋 2隻彼得包 2個鹽、黑椒 少許*此菜式不需帶備手提冰箱


【煮法】1.由於較為需時,先烚蛋,剝殼後備用2.將蒜頭和洋葱切至極細3.連同牛油果肉、鹽及黑椒放入密實袋中,搓揉成醬備用4.青瓜、番茄切成絲、蛋切成片,備用5.於彼得包上開一個口,先吱入牛油果醬6.再按喜好加入青瓜、番茄、蛋等材料即可



【小貼士】全世界的烤餅有很多種,香港較常見的烤餅有Pita Bread、Naan Bread及Tortilla。這菜式用的Pita Bread源自中東。另外,近年多了很多牛油果手(Avocado Hand),泛指因切牛油果而刀傷的手。其實大家只需繞着牛油果身切一圈,扭一扭,再用刀剁在核上擰一擰,就可成功切好牛油果。



用具查詢:GoWild太古城中心一期地下069A食譜設計:Kobe廚娘·遊雜貨店@Cafe Racer攝影:楊梓聰編輯:翟純恩




來源: https://hk.lifestyle.appledaily. ... e/20171028/20196528
PermaLink: https://articles.zkiz.com/?id=343479

【自製果醬】荃灣工作坊賣果醬兼整單車 歡迎車友來添水

1 : GS(14)@2018-02-04 23:52:35

八十後Rossetti是單車友,兩個月前跟同為單車友的家豪合租工作室。


本地果醬品牌越來越多,但八十後Rossetti創立的果醬品牌吾子果醬,「吾子」是果醬這麼簡單,更是融合了單車概念。兩個月前,她跟同為單車友的家豪合租工作室,家豪做單車維修,而Rossetti就做果醬。兩樣看似風馬牛不相及的東西,在Rossetti生活中卻有莫大關連。工作室除了販賣果醬、食具等,更有少量輕食,不失為一個歇息的好地方。


工作室融合單車友善(bike friendly)理念。

(左起)本地有機士多啤梨百爵茶果醬$78,藍莓桂花果醬$78。

部份水果採用本地農作物,如士多啤梨、洛神花等。


咖啡香蕉果醬蛋糕,自由定價。

店內另售少量單車維修用具。


吾子果醬

荃灣柴灣角街道榮興工業中心20樓11室記者:張欣頤攝影:王國輝全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180201/20291711
PermaLink: https://articles.zkiz.com/?id=347895

Next Page

ZKIZ Archives @ 2019