| ||||||
| 行政會議召集人 梁振英傾向支持資助置業，可能係專業測量師言論，亦可能係政治性言論，地產界中人幾乎一致反對。但一間擁有最多發展土地嘅地產公司嘅主席竟然發言支持，與 田北辰站在對立面，就令人覺得驚奇。呢間大地產公司就係MTR港鐵，主席錢果豐對記者講：政府有責任實現市民安居樂業憧憬，梁振英有見地。同一日， 運輸及房屋局副局長邱誠武就話七成置業目標已毋須保留，政府嘅主要角色係集中於土地供應方面。 第二個地產公司主席講資助置業，會真係得個講 字，但港鐵主席就唔同，港鐵嘅大股東係特區政府，三十年來經營地鐵，根本全無賺錢能力，唔蝕本當偷笑，港鐵之有盈餘支付龐大債務嘅利息及償還本金，全靠地 鐵站上蓋等物業發展權，港鐵要興建港島西綫，因上環至西環已無上蓋供建築新樓用，港鐵立即計唔掂數，要政府斥資，港島南線由於有黃竹坑上蓋發展權，港鐵可 望賺到大錢。 由此可見，一旦離開地產，港鐵頂多係一間無利潤之公共交通公司，隻股票有人買先至奇。而今錢果豐主席贊同梁振英所言，可以身體 力行吖，譬如在黃竹坑物業投標時，可以在標書講明，全部興建五至七百呎嘅細單位，售價不超過五千元一呎，方便上車人士，而在地價方面，一般估計係三百億元 左右，錢主席可否向林鄭局長曉以大義，將補地價減至一百億元？如此一來，特區政府變相津貼新樓業主，港鐵公司唔賺錢，或賺少好多，亦係補貼新業主啫，大股 東唔會嘈。如要防止炒賣，大可限定未來黃竹坑物業上蓋住宅單位嘅新業主，買入後要入住起碼三年，先至准轉售圖利，或當係居屋辦，轉售要補地價！如果錢主席 在董事會上提出，又得到林鄭局長同意嘅話，錢主席嘅威望一定直線上升，蓋過曾特首與曾司長。至於小股東若有任何投訴，叫佢哋去搵周松崗呢位外貌似佛爺嘅總 裁啦。錢主席有資格講得出，做得到，既然已經就資助置業一事表態，索性責成下屬落實啦。 | ||||||
| ||||||
高鐵醜聞連環爆、東鐵故障頻發生，連工程總監周大滄亦「跳船」提早退休，享有鐵路運輸獨家經營地位的港鐵，近日儼如過街老鼠遭人狠批。港鐵管治瀕臨崩潰，自○三年起領導港鐵的公司主席錢果豐難辭其咎。據瞭解，梁振英為免這場愈揭愈臭的醜聞，禍延至政府問責團隊，正部署加快「棄錢換馬」，提早讓已加入董事局的前商務及經濟發展局長馬時亨接替錢果豐出任主席。 然而，早知港府意圖的港鐵董事局表明要完成善後工作，才肯「被處置」，加上管理層爭權奪位問題持續，類似近日的醜聞或將繼續湧現，打擊這個市值逾千五億的王國。 高鐵西九龍站被揭發放失實資料，隱瞞工程延誤真相，近月備受壓力的運輸及房屋局局長張炳良週一出席立法會鐵路事宜小組會議後，被傳媒追問失實資料是否運房局發放，他板著黑臉冷冷回應：「我哋會喺五月五日交代。（究竟你哋有無隱瞞工程進展？）我哋每一次交代都係全面。」說罷便進入升降機離去。張的內心之憤怒，在鏡頭下溢於言表，皆因包括特首梁振英及財政司司長曾俊華等高官，上週三已向港鐵高層叮囑務必「醒醒定定」，誰料港鐵過去數天接連出現重大延誤事故，更押後發放消息，令身負監管責任的政府壓力更大。 肯定人頭落地 其實，梁班子一早部署馬時亨明年底接替錢果豐出任港鐵主席。接近政府消息人士上週六透露，近日港鐵連環爆出高鐵工程醜聞及服務延誤事故，政府勢必會加快撤換主席：「肯定有人要人頭落地，好難有人會僥倖過關，問題係有無人主動退下火線，否則醜聞好似雪球愈滾愈大。」惟過去數天，高鐵醜聞猶如燎原之火一發不可收拾，消息人士本週一補充稱，不排除梁結束大假回港後，提早部署「斬纜」行動。根據港鐵的架構安排，錢果豐負責帶領董事局監督管理層，但知情人士指出，錢多年來著眼於為港鐵拓展商機，甚少跟進鐵路工程項目進度及列車服務事宜，過去多次事故亦無主動現身解畫及致歉，最近一次要追溯至一○年七月就八通達出售客戶個人資料事件公開道歉。「Raymond（錢果豐英文名）一向做生意都係咁，佢信曬周松崗同班管理層，但呢兩年係咪同韋達誠夾得到，公司內部好多人都好懷疑，過去幾個月公司連續爆出咁多醜聞，佢始終無好肉緊睇實，尤其呢排風頭火勢，連特首已經叫住『醒醒定定』，都衰完一樣又一樣，根本係佢玩死政府！」身兼立法會議員的港鐵獨立非執行董事吳亮星卻力撐錢果豐，他向本刊透露，四月十六日董事局召開特別會議，各人皆同意現階段須穩定軍心，對症下藥進行連串彌補性措施。他相信，錢果豐不會拋下爛攤子離開。「唔能夠出事後，就話人頭落地、劈炮，咁點搵人做嘢？佢無刑事問題，經濟上亦唔志在，如果話即刻辭職以示歉意，又係咪解決到問題？」但他不排除管理層出現人事變動：「有人提早離開唔出奇？我唔想見到又出現囉。」梁振英上任不久，已部署撤換錢果豐，但最終前年底仍讓他續任兩年，主要考慮到他一直參與監督高鐵工程項目進展，且完工時間亦在其任滿期內。梁去年四月一度考慮安插「頭馬」張震遠接替錢出任港鐵主席，但張因商交所涉財務醜聞下馬，故延至去年七月才改委馬時亨入局。港鐵員工協會主席陳善和週一對本刊表示，早已聽聞馬時亨將接任主席，近日公司內部更流傳提早進行。 政府港鐵不和 梁振英政府和港鐵關係漸趨緊張，早已有跡可尋。今屆政府上任以來，港鐵的沙田大圍站及天水圍天榮站項目先後流標，發展局局長陳茂波今年二月底曾公開炮轟港鐵發展物業項目未盡全力，更表明曾研究收回全部發展權，擺明是不滿對方。官場耳語稱，早在周松崗掌舵年代，已不時和政府對著幹，「試過有運房局官員開會，被周生拍枱大罵。而家CEO雖然係政府嘅人，但Anthony（張炳良英文名）係運輸政策『門外漢』，港鐵好多管理層都唔放佢喺眼內，好似啱啱高鐵延遲通車，港鐵搞到四月十二日先通知佢，好明顯政府根本無力監管。」眼見港鐵不合作，曾蔭權政府曾打「搶灘戰」，欲奪回港鐵主導權，因為時任運房局局長鄭汝樺跟錢果豐和周松崗不咬弦，「港鐵當年凡有涉及故障事故或加價，都要由Eva（鄭汝樺英文名）去頂，周松崗就匿埋一邊，所以政府好多人不滿佢同錢果豐，覺得佢哋無承擔。」 堅持全球招聘 周松崗約滿離任時，港鐵內部及錢果豐均屬意由當時的財務及業務拓展總監梁國權接任，但鄭汝樺堅持進行全球招聘。梁國權和韋達誠順利進入最後兩強，惟梁任八達通控股非執行董事時，因八通達出售客戶個人資料事件須負上責任，最終韋達誠跑出。不過，傾向代表港府利益的韋達誠空降而來，港鐵隨即還招。一二年七月十六日港鐵宣佈加設副行政總裁一職，由梁國權出任，新職務涵蓋審批新投資項目、拓展內地及海外市場、與政府商討未來鐵路項目等，儼如四分三個CEO，大大削弱韋達誠的權力。現年五十五歲的韋達誠，在英美鐵路及公共運輸業服務逾二十年，曾任紐約市都會運輸局主席兼行政總裁、倫敦運輸局董事總經理（財務及策劃）。從管理港鐵角度出發，韋達誠的履歷，尤其是車務管理應較周松崗優勝，為何近年列車服務延誤事故頻生？有工會人士指，韋上任後只增兼職人手，難以應付管理及維修保養服務需求，並相信他明年八月約滿會被請走。 整頓港鐵契機 主席縱容，高層爭權，內部出現奉迎上意、欺上瞞下問題，公共專業聯盟政策召集人黎廣德認為，高鐵延誤不單涉及項目管理失誤，近日被揭問題，亦有跡象顯示和企業管治失當有關，一旦屬實，錢果豐須承擔主要責任。他認為，梁班子應知道港鐵失控，相信會循董事局入手整頓港鐵，「成件事（高鐵醜聞）都係由鄭汝樺開始，因為不論項目嘅監管權限、而家嘅董事局組成、現任CEO委聘都係佢，要張炳良問責係唔公道，但張炳良應把握今次契機去改革，佢有改革機會唔用，就要佢問責。」 富豪快婿南順失意 六十二歲的錢果豐是香港政治、商界精英。末代港督彭定康九二年上任後改組行政局，只委任兩名商界華人任非官守議員，包括回歸後成為行政長官的董建華，另一人便是錢果豐，由此可見其份量。九七年董出任特首後，委任錢為行政會議成員，直至○二年六月。錢果豐七八年在美國賓夕凡尼亞大學取得經濟學博士學位，回港不久得到外父「糧油大王」黃大樁賞識，獲邀加入南順集團打理家族生意，惜經營不善，南順系公司九六年出現虧損，他翌年離職後曾任多間上市公司要職，現時為恆生銀行董事長兼獨立非執行董事，他亦同時擔任九倉、華潤電力獨立非執行董事。錢果豐早於九八年出任地鐵（港鐵前身）非執行董事，至○三年七月接替蘇澤光出任主席，是任期最長的主席。 | ||||||