ZKIZ Archives


拓Fintech有功 李達志「坐正」副總裁

1 : GS(14)@2017-11-12 16:51:48

【明報專訊】金融科技(Fintech)愈嚟愈重要,監管機構都相當重視,金管局嘅一項舉動,反映推動科技果然係「事在必行,刻不容緩」。呢個舉動就係將負責Fintech嘅李達志「坐正」,成為副總裁。

現年50歲嘅李達志,並非喺金管局紅褲子出身,而係前政務官,曾任前財政司長梁錦松嘅政務助理,2009年先加入金管局。兩年前佢由助理總裁晉升時,當局卻新開一個「高級助理總裁」畀佢,令副總裁嘅人數由3變2。呢兩年佢發展SVF(儲值支付工具)牌照制度有功,未來零售支付系統繼續要靠佢好好監察,加上Fintech係重中之重,所以終於畀佢坐正做副總裁。

金管局噚日仲公布其他幾項人事變動,由於助理總裁(法規及打擊清洗黑錢)戴敏娜即將退休,會由現任助理總裁(銀行操守)朱立翹接任,而現時為主管(銀行監理)嘅區毓麟將會晉升,接替朱立翹嘅位置。

email: [email protected]

[小琴密語]


來源: http://www.mpfinance.com/fin/dai ... 5028&issue=20171111
PermaLink: https://articles.zkiz.com/?id=344030

李達志升任金管局副總裁

1 : GS(14)@2017-11-13 03:46:06

【本報訊】金管局公佈高層委任及人事調動,財政司司長根據外匯基金諮詢委員會轄下管治委員會建議,批准現任高級助理總裁李達志升任為該局副總裁,明年起生效。該局原任主管(銀行監理)區毓麟,獲升任為助理總裁(銀行操守),今年12月12日生效,他曾先後出任主管(機構發展)及總裁助理。另外,在該局任職22年的助理總裁(法規及打擊清洗黑錢)戴敏娜,則於今年12月12日退休;現任助理總裁(銀行操守)朱立翹,會同日接替戴敏娜職務,而朱原來的工作則由區毓麟接掌。金管局前副總裁彭醒棠去年初「登六」退休,李達志由助理總裁(貨幣管理)獲升為高級助理總裁,是次再升任副總裁,將繼續負責貨幣穩定及金融基建發展工作,包括金融科技、儲值支付工具發牌與監管、零售支付系統監察工作等。



來源: https://hk.finance.appledaily.co ... e/20171111/20210752
PermaLink: https://articles.zkiz.com/?id=344125

李達志﹕爭取港電子錢包可內地用

1 : GS(14)@2017-11-19 15:31:51

【明報專訊】敝報兩星期前有篇講香港人喺內地難用電子支付嘅文章得到坊間熱議,估唔到連金管局高級助理總裁李達志(圖)都有留意,仲喺網誌寫咗篇文回應。李達志話,唔同地區發展電子支付都各有唔同背景,例如內地最大額鈔票只有100蚊,大額消費自然會傾向電子支付,而香港人就好精明,例如已經習慣大額消費就用信用卡儲積分、搭車或者便利店買嘢就嘟八達通,加上香港現金提存方便同現金安全性高,所以手機支付要喺香港搶客,發展歷程就唔會同內地一樣。

為港電子支付落後呼冤

不過,李達志都話,唔會因為咁而唔發展多元化支付,除咗發牌,金管局亦籌備一個快速支付系統,可以開放畀所有銀行同儲值支付工具營運商提供跨界即時轉帳服務。佢仲提到,局方亦正同營運商商討,爭取香港電子錢包可以喺內地使用,換句話講以後我哋返內地可以同樣「掃手機」買單。

email: [email protected]

[小琴密語]


來源: http://www.mpfinance.com/fin/dai ... 6496&issue=20171114
PermaLink: https://articles.zkiz.com/?id=344346

Next Page

ZKIZ Archives @ 2019