揭THE ICON 幕後策劃經紀 李巍上位之路
1 :
GS(14)@2011-02-04 17:15:282010-1-26 EW
千萬豪宅竟變垃圾崗，榮豐國際（0063）發展位於干德道豪宅THE ICON，上月交樓遭買家投訴貨不對辦，花近千萬卻換來一肚氣兼一屋雜物的清水房；事件鬧得滿城風雨，面對政黨步步進逼，發展商短短一星期內三度更改和解條款，最終罕有宣告回購，但雙方仍未見和解。
事情愈鬧愈大，矛頭直指發展商與代理串謀誤導買家，地產代理監管局高調宣布立案調查，作為獨家代理的中原地產隨時惹禍上身，最終勞煩集團精神領袖施永青為前線經紀解畫。不過，施永青一直沒有透露負責經紀是誰，但本刊獲悉，THE ICON幕後策劃者，是中原近年極速上位的億萬經紀王李巍。
洋名Raymond，行內人稱「李鬼」的中原高級營業董事李巍，是近年中原最搵錢的分區董事；不足十五年間，從一名經紀仔，攀升至中原中西半山「話事人」，更極有機會成為集團未來「港島一哥」，是經紀界的傳奇人物。
對於今次THE ICON事件，本刊幾經轉折才跟李巍聯絡上，但他劈頭就說：「現在ＥＡＡ（地產代理監管局）仲查緊，你都知我好多嘢唔答得。」向來圓滑的李巍，這次選擇封口，不願多談。
雖然李巍否認樓盤的獨家代理權並非他傾回來，但知情人士透露，榮豐兩年前以遠期樓花推售THE ICON，由於人手不足，早已選定中原做獨家代理，而從策劃、賣廣告以至銷售均由李巍一手負責。
對家美聯物業的主管直言，「當時有試過聯絡榮豐，講到口乾佢哋都話只會畀李巍，可能係因為中原過去在美滿大廈（THE ICON重建前物業）租舖，早已跟榮豐打交道。」「賣樓時只是地盤，連樓書都無，但短短個多月，七十幾伙賣出近九成，涉及約六億元生意，佣金逾千萬元。」區內代理表示，當時THE ICON只是靠設計示意圖來賣樓，連售樓處都無，只在中原總行擺個大廈模型，「咁都賣到，確實相當出位。」
年薪千萬
手下三百人
要知李巍有幾紅，可聽競爭對手的評價，「好想過檔跟佢（李巍）搵食，佢打新盤真係好勁，港島區殺晒不特止，仲可以打到入元朗，射客射到咁遠，簡直係全行紀錄！」做了五、六年南區經紀的阿Mark對記者說。
「李巍近兩年食正一手旺市，每年為集團搵到三、四億生意，保守估計年薪過千萬。」中原同事在說起李巍的收入時，不期然流露出既羡且慕的眼神。
「近年李巍負責的區域愈睇愈大，由原先睇西半山，到兩年前睇埋西區，上年中更加將勢力擴至中半山豪宅區，現時屬下有接近三十條team，手下經紀多達近三百人。」在行內，李巍更是發展商眼中的紅人：「他打一手盤確實有自己一套，一般經紀只懂硬銷（hard sale），但佢往往能捉到銷售重點，不少發展商開盤，都點名要李巍帶兵撐場。」
創業失敗轉做經紀
不知是否工作壓力大，正值壯年的李巍已滿頭白髮，其實他只有三十七歲，之前既打過工，又做過老闆，直到入行做經紀，才讓他一展所長。
中學畢業後從事金融業的李巍，十幾年前手持大哥大「水壺」手提電話往內地公幹，他曾對人說：「那時的大哥大在港只賣二萬幾，但好多內地人對該電話感興趣，出價四萬元購買，我二話不說立即賣畀佢。」於是，九四年李巍跑到哈爾濱開舖賣「大哥大」手提電話，不過這次創業未算成功，不到兩年便回流香港轉做地產經紀。
相比之下，李巍打從第一日做經紀開始，事業尚算順風順水，九七年入行即碰上大旺市，其後地產代理業雖進入冰河期，他都一一度過，短短兩、三年已經成為top sales。
超勤力記性好
李巍能脫穎而出，除了時勢外，確有一套過人之處，他曾對同事說：「九七金融風暴後，身邊不少同事都捱唔住，自己就抱住唔怕蝕底心態，見當時人人都好重視份工，日間啲客邊有時間跟經紀講電話。於是我每晚八點後至call客，當時無人願意返夜，自己卻把握夜晚時機努力Call客Call業主，兩年後成為公司西半山的top sales。」勤力以外，其超強記性亦是優點，縱是見過一次，都能記起對方名字與背景。有行內人笑言，李巍的記性可於新春團拜中見微知著，「做經紀派利是，好難記得晒派了畀邊個，就只有他有這能耐，只是首次見面，他都即時記得。」
順應時勢狂做一手
「Raymond的腦筋好靈活，肯變通，佢二千年升任分行主管，眼見二手市場好靜，佢就將焦點放在一手。」他做一手出名勤力，逢盤必到，並且往往是最遲收工的一個人。
特別是貝沙灣一役，更讓他響朵，「他在貝沙灣成績好突出，叻到在對家手上搶咗貝沙灣四期南灣第九座的獨家代理權。」過去幾年李巍的西半山團隊在一手盤均有理想成績，無論是九龍君臨天下、名鑄至元朗葡萄園都表現過人。
據悉他能埋有錢人身，主要是他口密，好像他四年前為越南富商朱立基大手掃入五間山頂倚巒，就是因為他能守得秘密，獲富豪信任。○六年底○七年初，朱立基夫婦就是經他買入五間山頂倚巒，涉資八億一千多萬。當年有記者四處打聽，但為保貴客私隱，李巍更不惜「老點」索料記者，指朱立基居於西環寶翠園，是該屋苑的投資老手，坐貨不少云云。然而，事實是朱立基夫婦一直擇居於半山雍景臺。
不過，今次事件，為中原惹來天大麻煩，李巍在集團前景隨時受挫，但有經紀就說：「施永青很奇怪，只要你做到生意，即使過去觸犯法規的經紀，他也不介意任用。」
THE ICON
事件簿
1月12日（星期三） 買家朱小姐向電視台投訴，指收樓標準貨不對辦，牆身到地板無一完好。
1月13日（星期四） 朱小姐在政黨協助下安排電視拍攝。發展商指以清水房交樓，日後才安排裝修。
1月16日（星期日） 續有買家投訴，並指買樓時沒有售樓書，只有宣傳單張。
1月17日（星期一） 發展商及代理向朱小姐提出和解方案，後者撤回投訴。
1月18日（星期二） 屋宇署職員進入單位視察。地監局表明事態嚴重，會對中原作出調查。
1月19日（星期三） 發展商向A及D室業主（4伙除外）提出售價加一成回購方案。
1月20日（星期四） 中原地產施永青召開記者會解畫。
最新兩大方案
1. 一成溢價回購廿六個受影響的單位2. 一筆過補償五十萬元
李巍 上位之路
90年 中學畢業、投身金融行業94年 哈爾濱開門市賣手提電話
97年 入行做地產代理
99年 成為西半山Top Sales
00年 晉升為分行經理
03年 成為公司首位生意額超越1億元的分行經理06年 取得貝沙灣4期南灣第9座獨家代理權07年 晉升為地產公司西半山營業董事，幫朱立基掃入五間倚巒
大屋
09年 升任高級營業董事，獨家代理THE ICON並售出近九成單位10年 負責區域擴至中半山，旗下分行接近30隊
榮豐鍾家 地產猛人
THE ICON的發展商榮豐國際，大股東是新加坡富商鍾奕莊家族，現主席是鍾奕莊第十二子鍾斌銓。鍾家多年前已在香港發展地產，鍾斌銓兩名兄長鍾江海及鍾明輝，更是七、八十年代活躍於地產界的怡華益新話事人。
榮豐早於七八年已發展尖沙咀赫德道的首邦行，九十年代又投資寫字樓，近年以收租為主要業務。集團原本最有價值是位於山頂馬己仙峽道十五及十七號兩幢住宅大廈，本計劃合併重建，惟遲遲未獲有關部門批核。
○七年，榮豐進行重組，將山頂及國內項目轉售給鍾家在新加坡的鴻福地產。經此一役後，集團在港僅持有THE ICON，以及在港經營園藝業務。
拆浴缸 發現骸骨
干德道三十八號的THE ICON，重建前是一座有五十多年歷史的舊樓，名為美滿大廈，榮豐九七年以一億九千萬向老牌家族張醫生購入，二千年進行翻新工程時，竟發現駭人事件。
原來有裝修工人在拆卸浴缸時，發現十多條人體骸骨，事情撲朔迷離，雖交由警方處理，由於骸骨殘缺及年代久遠，單位過去又多次出租，警方最終亦難以追查。
爆出浴缸藏骸骨一事，美滿大廈租金一直「平人一截」，一個千二呎單位，月租一萬八千元。榮豐見租金回報低，○五年將物業標售，嘉華地產曾出價三億元洽購，但未達要求告吹，榮豐自行拆卸重建成為目前的THE ICON。
「以前美滿大廈在區內已相當出名，大家都知係發現人骨影響，因此租金十分低，較毗鄰租金平兩、三成。業主以為重建後大家都忘記，想不到又爆出貨不對辦，今日較當年更有名。」一位區內代理打趣道。
撰文：蔡慶佳、鄧淑慧︱攝影：黃偉傑
設計：陳孝保
2 :
Sunny^_^(11601)@2011-11-11 12:02:25中原唔要佢都大把人要啦
3 :
KENLIN(17685)@2011-11-20 11:53:37做邊行都要夠搏夠狠夠不擇手段, 尤其是地產agent, sell死貨俾客根本就係佢地既 standard procedure, 但係佢地好精既, 只會sell d 俾生客, 所以今次 icon 投訴既全部都係大陸水魚或者新手炒家, 都預左呢d客冇翻單, 唔啅盡就岸西囉!
4 :
Sunny^_^(11601)@2011-11-20 12:02:204樓提及
做邊行都要夠搏夠狠夠不擇手段, 尤其是地產agent, sell死貨俾客根本就係佢地既 standard procedure, 但係佢地好精既, 只會sell d 俾生客, 所以今次 icon 投訴既全部都係大陸水魚或者新手炒家, 都預左呢d客冇翻單, 唔啅盡就岸西囉!
但係熟客第一次買都係生客喎...點先成為熟客
5 :
GS(14)@2011-11-20 12:04:13唔通畀佢地呃幾次先變熟?
6 :
Sunny^_^(11601)@2011-11-21 21:14:054樓提及
做邊行都要夠搏夠狠夠不擇手段, 尤其是地產agent, sell死貨俾客根本就係佢地既 standard procedure, 但係佢地好精既, 只會sell d 俾生客, 所以今次 icon 投訴既全部都係大陸水魚或者新手炒家, 都預左呢d客冇翻單, 唔啅盡就岸西囉!
可唔可以講多D呀
7 :
龍生(798)@2011-11-22 01:35:58你做過生意就會明架啦...再唔係, 落地產搞多的事, 都會明白...
香港真係有的客好有錢...間唔中就買下野...
手痕又買下...心情好又會買...呢的咪叫熟客lor...
大陸佬, 係街撈既, 岩岩夠錢入場賭既, 呢的就歸類為生客
就算個客真係好有錢, 如果係跟開其他agent, 咁岩今次機緣巧合, 俾你遇到,
某個角度睇, 其實都係生客....
唯心之論, 但做落就自然會明, 咩叫熟客, 咩叫生客架啦....
8 :
龍生(798)@2011-11-22 01:38:02個人經驗之談...
雖然好多成功勵志故事都係叫人好積極咁去累積熟客....
但如果係由個客人主動提出建議你俾優惠佢, 益左佢今次先, 下次佢會多的幫襯之類
多數都係最後一次....
唉, 真灰暗
9 :
GS(14)@2011-11-22 20:59:459樓提及
個人經驗之談...
雖然好多成功勵志故事都係叫人好積極咁去累積熟客....
但如果係由個客人主動提出建議你俾優惠佢, 益左佢今次先, 下次佢會多的幫襯之類
多數都係最後一次....
唉, 真灰暗
邊有人咁多錢買幾次先
10 :
Sunny^_^(11601)@2011-11-22 23:21:039樓提及
個人經驗之談...
雖然好多成功勵志故事都係叫人好積極咁去累積熟客....
但如果係由個客人主動提出建議你俾優惠佢, 益左佢今次先, 下次佢會多的幫襯之類
多數都係最後一次....
唉, 真灰暗
我買左層樓放租算唔算??
11 :
龍生(798)@2011-11-23 01:57:34邏輯問題
買完即放租, 看似俾多單生意你做
但佢只限於獨家盤, 如果佢都出去四圍放
咁你都無咩得益, 只係手上多左個實的租盤
咁同你益唔益佢, 有咩關係?
所以呢的野, 真係你諗你啦...
細水長流的生意, 就要keep好的
好似佢地呢的老虎做愛, 就要大咬啦
12 :
Sunny^_^(11601)@2011-11-23 18:47:3712樓提及
邏輯問題
買完即放租, 看似俾多單生意你做
但佢只限於獨家盤, 如果佢都出去四圍放
咁你都無咩得益, 只係手上多左個實的租盤
咁同你益唔益佢, 有咩關係?
所以呢的野, 真係你諗你啦...
細水長流的生意, 就要keep好的
好似佢地呢的老虎做愛, 就要大咬啦
上次我地係放獨家既...但係個經紀幫個租客多過我地...之前好多雜費本來佢地話係租戶出既,但係簽租約時就叫晒我地做,其他所以雜項都由經紀做晒...跟住仲同租戶攞到一星期既免租期+超flexible.佢總之就係要整到9月頭先起租.相差成10日嫁!!!死人世紀21萬盈,好黑人憎
13 :
Sunny^_^(11601)@2011-11-23 18:50:25最緊要個租客要求多到死!好煩!
我屋企人都忍唔住同佢講.我幫襯你地買左層樓,而家放埋獨家,你唔係唔幫我掛?我係你長遠既客喎.........
總之就好衰啦!
14 :
GS(14)@2011-11-23 21:15:2413樓提及
12樓提及
邏輯問題
買完即放租, 看似俾多單生意你做
但佢只限於獨家盤, 如果佢都出去四圍放
咁你都無咩得益, 只係手上多左個實的租盤
咁同你益唔益佢, 有咩關係?
所以呢的野, 真係你諗你啦...
細水長流的生意, 就要keep好的
好似佢地呢的老虎做愛, 就要大咬啦
上次我地係放獨家既...但係個經紀幫個租客多過我地...之前好多雜費本來佢地話係租戶出既,但係簽租約時就叫晒我地做,其他所以雜項都由經紀做晒...跟住仲同租戶攞到一星期既免租期+超flexible.佢總之就係要整到9月頭先起租.相差成10日嫁!!!死人世紀21萬盈,好黑人憎
1003就算啦
15 :
Sunny^_^(11601)@2011-11-23 23:09:2615樓提及
13樓提及
12樓提及
邏輯問題
買完即放租, 看似俾多單生意你做
但佢只限於獨家盤, 如果佢都出去四圍放
咁你都無咩得益, 只係手上多左個實的租盤
咁同你益唔益佢, 有咩關係?
所以呢的野, 真係你諗你啦...
細水長流的生意, 就要keep好的
好似佢地呢的老虎做愛, 就要大咬啦
上次我地係放獨家既...但係個經紀幫個租客多過我地...之前好多雜費本來佢地話係租戶出既,但係簽租約時就叫晒我地做,其他所以雜項都由經紀做晒...跟住仲同租戶攞到一星期既免租期+超flexible.佢總之就係要整到9月頭先起租.相差成10日嫁!!!死人世紀21萬盈,好黑人憎
1003就算啦
1003???
16 :
龍生(798)@2011-11-24 16:24:25其實你只要代入AGENT 角度睇件事, 就知點解你地會搞成咁
先講獨家盤呢樣野
對AGENT佢本人其實無咩幫助,
只係呢個盤出面無咁解, 佢會幫你貼係門口
但地產係好怪既行業, 門口望既人同入去問既人, 完全係兩個世界既人
所以獨家盤只可接觸門口望個班,
如果會入去問的, 門口貼咩紙, 又有咩咁重要呢?
講得唔係咁好, 但總括結論為, 獨家盤, 只對AGENT 間公司有幫助, 因出面無,
但對AGENT 黎講, 你個價筍, 才是開單的要素,
獨唔獨家, 關佢鬼事
17 :
龍生(798)@2011-11-24 16:29:49另外, AGENT 幫邊個, 唔係取決於邊個對佢好...
而係在於邊個有選擇/無所謂
你地鬼咁渴求個租客, AGENT 當然傾向你地施壓
反之, 你放盤放到通街都係, 係佢面前都有人約睇樓
你可以同番個AGENT 講, 你個客8500,
我而家有個客出8300, 但佢無咁麻煩
我諗我需要考慮一下, 始終1,2百蚊唔係咁重要, 你枱客煩成咁, 你自己諗諗佢啦
18 :
龍生(798)@2011-11-24 16:30:15係某個角度睇, 你個AGENT 變到咁衰, 多多少少都因為獨家盤關係
19 :
GS(14)@2011-11-24 21:17:5316樓提及
15樓提及
13樓提及
12樓提及
邏輯問題
買完即放租, 看似俾多單生意你做
但佢只限於獨家盤, 如果佢都出去四圍放
咁你都無咩得益, 只係手上多左個實的租盤
咁同你益唔益佢, 有咩關係?
所以呢的野, 真係你諗你啦...
細水長流的生意, 就要keep好的
好似佢地呢的老虎做愛, 就要大咬啦
上次我地係放獨家既...但係個經紀幫個租客多過我地...之前好多雜費本來佢地話係租戶出既,但係簽租約時就叫晒我地做,其他所以雜項都由經紀做晒...跟住仲同租戶攞到一星期既免租期+超flexible.佢總之就係要整到9月頭先起租.相差成10日嫁!!!死人世紀21萬盈,好黑人憎
1003就算啦
1003???
21世紀xx全部都是21控股的業務
20 :
GS(14)@2011-11-24 21:18:5619樓提及
係某個角度睇, 你個AGENT 變到咁衰, 多多少少都因為獨家盤關係
因為佢不想麻煩，所以就愛理不理咁，做到就得
21 :
Sunny^_^(11601)@2011-11-25 18:54:10佢做到我呢單,做唔到我下一單囉