| ||||||
又到年尾，傳媒行家最鍾意搞各式各樣的選舉，大陸雜誌《英才》就搞咗個08年中國商業得意榜同失意榜，之不過唔係同富豪計身家，只係志在娛樂吓，結果今年最春風得意嘅係前體操王子李寧，最失意嘅就有一棚人──內地中小企老闆，真係一人歡喜萬人愁。 李寧寶刀未老，喺今年京奧開幕禮，一招飛簷走壁，即時人氣旺盛，最受惠當然係旗下同名服裝品牌李寧（2331）。 比亞廸（1211）主席王傳福亦榜上有名，當然啦，先係有股神畢菲特入股，跟住今個月初又宣佈，收到公安機關嘅文件，話撤銷富士康（2038）對佢哋訴訟所進行嘅刑事調查。真相大白股價升，仲唔春風得意咩！ 女富豪失意身家縮 至 於最失意嘅，點解係內地中小企？據《英才》話今年原材料價格上漲、人仔升值、勞動力成本因為新政策出台而大漲，加上環球經濟差，出口大減，呢4大問題就好 似4把刀對住中小企老闆，想鬆人，銀行信貸又綁死，所以話佢哋係中國經濟轉型下嘅祭品。其他失意嘅企業家仲有集團爆出炒燶I Kill You Later（Accumulator）嘅榮智健，同埋股價一落千丈，令身家大縮水嘅前女首富楊惠妍、張茵等。 08年中國企業家得與失 《企 業家》排名1企業家：李寧企業：李寧（2331） 排名2企業家：劉永行企業：東方希望集團排名3企業家：朱新禮企業：滙源果汁（1886）排名4企業家： 王傳福企業：比亞廸（1211）排名5企業家：馬化騰企業：騰訊（700）排名6企業家：彭小峰企業：江西賽維LDK排名7企業家：潘石屹企業：SOHO 中國（410）排名8企業家：史玉柱企業：巨人集團排名9企業家：蔡衍明企業：旺旺（151）排名10企業家：唐駿企業：新華都《失意榜》排名1企業家： 中小企老闆企業：內地中小企排名2企業家：田文華企業：三鹿集團排名3企業家：中產階級企業：－排名4企業家：榮智健企業：中信泰富（267）排名5企業 家：張茵企業：玖紙（2689）排名6企業家：楊惠妍企業：碧桂園（2007）排名7企業家：馬明哲企業：平保（2318）排名8企業家：杜雙華企業：日 照鋼鐵排名9企業家：黃光裕企業：國美（493）排名10企業家：方興東企業：中國博客網資料來源：《英才》 | ||||||
| ||||||
李 寧（2331）舊年9月公佈首席財務官兼執行董事陳偉成辭職，引來市場揣測，拖累股價一度大跌。本來公司同證券行話11月底會公佈接任人選，點知要拖到噚 日至公佈，由鍾奕祺接任做執行董事兼首席財務官，下個月9號起生效。據公司介紹，呢位鍾生現年41歲，喺會計、財務同業務管理方面擁有17年經驗。加盟李 寧之前，喺戴爾（中國）有限公司做高級財務總監，負責中國、香港同台灣地區業務；再之前就喺寶潔（中國）有限公司出任顧客業務發展部財務總管，負責大中華 區。 未計花紅年薪191萬 佢嘅基本年薪同袍金，合共191萬元人民幣，另有酌情年終花紅、認股權同其他福利津貼。如果同前任陳偉成比一比，陳生喺07年嘅年薪加袍金都只係91萬人仔，但係加埋其他福利嘅年薪總額就有698萬。睇嚟，要年尾埋單計數，至知呢位新掌櫃算唔算高薪加盟。 | ||||||
| ||||||
| 舊 年體操王子李寧因為喺北京奧運會開幕式跑最後一棒，並在半空點燃聖火，令公司品牌出盡風頭，但係大家唔好以為佢間寶號李寧（2331），就會出番多啲花紅 畀呢位老闆噃。據最新年報顯示，舊年李主席收到嘅酌情花紅大縮五成六，由216.7萬減到得番96萬人仔（下同），即使袍金同薪金加咗11.1萬都補唔 番，08年總酬金就減咗25.5萬，得番476.4萬。之不過，做人唔可以分分鐘咁現實嘅，李主席為咗以最佳體形跑奧運開幕式呢一棒，據佢自己講就瘦咗成 10幾斤，人最緊要健康，減少少收入算乜吖？不過，李生雖然瘦自己，但就冇待薄員工，例如董事兼行政總裁張志勇，舊年人工加咗2.52倍達360.1萬， 其他福利好似保險、房津同購股權仲加5.58倍，達1394.9萬，總酬金達2375.3萬，比李主席仲多1898.9萬，高4倍，咁嘅老闆實在難得。 | ||||||