ZKIZ Archives


港商未夠絕 左丁山

2010-11-11  AD




 

上星期六在馬場 見到廠商F,當時仲未知道大家樂腳軟投降,講起大家樂「食飯扣鐘」之事,廠商F已經話大家樂揸弗人做法礙眼,未夠班,最好向富士康學習。左丁山不明所以, 問廠商F:「富士康不斷有工人跳樓,搞出大頭佛,卒之宣佈加薪三成。大家樂點學呀?可以加薪三成嘅話,就唔使一早發盈警啦?」廠商F話:「真係加薪三成嘅 話,好多廠家唔掂,點學吖?學嘅係富士康處理事情嘅手法,以退為進,金蟬脫殼,明加實減嗰啲招式,當然,大家樂係香港本土快餐店,要學富士康亦未必學得齊 全。」

講得咁玄,問多啲,知多啲。據廠商F嘅講法,富士康一方面宣佈深圳廠加薪三成,另方面同時加緊北遷,到河南鄭州設廠,鄭州市想增加工 廠職位,對富士康倒履相迎,一切給予好大嘅優惠,撥地建廠不在話下。鄭州工人薪水比深圳平了一大截,富士康慳番不少薪水,在深圳廠加薪三成可能係事實,但 深圳廠房規模不如前,工人人數日減,一條大數計落嚟,富士康可能仲會慳咗唔少,工資成本明加實減。至於冇北遷嘅香港深圳企業就苦咯,被逼跟隨加人工,總成 本貴過富士康,競爭力受到削弱o忝,無怪廠商F大呻:「台灣商人動腦筋又快又絕。」

左丁山聽到眼眨眨,想話讚郭台銘及其參謀嘅商戰策略,但又讚唔落,只能嘆一聲港商工廠規模遠遠不及富士康,想模仿亦未必可以得逞。

以 宏觀大勢嚟睇,中國農村之剩餘勞工(surplus labour)仍有相當,沿海或者冇晒,河南陝西山西四川等省份就依然係勞工供過於求,所以富士康可以內移得益,經濟學教授L曾估計呢個吸引剩餘勞工嘅過 程,會繼續維持二十年,之後中國人真正踏入老化期,沿海工業進入完全成熟階段,勞工短缺就會成為全國普遍現象。廠家L在我地傾到入神之時,喺旁邊經過,問 我地講緊乜:話俾佢聽如此如此,廠家L笑笑口加多一句:「香港廠商或者仲有一個理由唔係幾想遷往西北,我每次到四川都覺得冇啖好食,無論甚麼豬牛羊雞肉, 唔係辣到入唔到口,就係肥油多到唔敢食落肚,留番在廣東會長命啲!」


PermaLink: https://articles.zkiz.com/?id=19193

中環在線:馬雲話淘寶網未夠秤上市 李華華

2011-1-28  AD




 

阿里巴巴(1688)母公司阿里巴巴集團一直想做全球電子商務一哥,咁壯大佢嘅其中一個方法就係上市集資。

之但係集團CEO馬雲(圖)近日下發內部電郵,話決定無限期推遲集團子公司嘅上市計劃,咁即係話,近年盛傳會上市嘅淘寶網同支付寶,都唔使諗上市集資。

據馬雲話,呢啲子公司仲未夠成熟上市,所以未來幾年集團要加強對電子商務基礎建設嘅投資,加強對物流、小企業同創業者金融支援,以便完善中國電子商務嘅生態系統,畀更多企業可以用更低成本進行電子商務。

近年喺香港越來越多人用嘅淘寶網,據業界估計,舊年總收入大概有成50億人民幣,其中廣告收入佔八成。

目前有投資銀行畀淘寶嘅估值,超過100億美金,市場一直話淘寶網掂,唔知馬雲認為要做到幾大至夠秤上市呢?


PermaLink: https://articles.zkiz.com/?id=21861

未夠三張楊愛瑾水著出擊


2013-06-20 NM
 
 

 

餅女楊愛瑾(Miki)跟永安百貨太子郭永淳拍拖後,因男友與前妻伍智恒的感情糾紛未了,Miki亦刻意低調;直至去年底,郭永淳與前妻在法庭上解決了贍養費問題後,Miki才重新活躍,簽了新公司,連拍兩套無綫劇,八月拍電影做女主角,下月書展又出書加單曲。水著晒身材,28歲的Miki,仲睇得吓!無錢交租

楊愛瑾○八年與永安百貨太子郭永淳撻着時,正值男方與前妻為辦離婚的問題拉鋸中,捲入三角關係的Miki,更被指為第三者,令形象大打折扣。「嗰段時間Miki情緒好低落,佢哋開始嘅時候,阿淳已經搞緊離婚,所以唔關Miki事,但啲報導就話佢係第三者,仲影響埋接job,嗰陣佢成日匿喺屋企,唔願出街唔見人。「外面啲人成日以為阿淳屋企好有錢,其實佢老豆只係永安百貨非執行董事,仲退埋休,冇控制永安百貨嘅控股權同決策權,手上只係得0.05%公司股份。阿淳讀書叻,自己出嚟做嘢賺錢唔係富二代,當時身邊嘅朋友同屋企人都知道件事係點,Miki甚至試過連屋租都俾唔到,要問屋企人借錢交租,但出面啲人就話佢跟咗個有錢人唔使做。」Miki身邊好友說。

洗底入屋

入行十年的Miki,○九年與金牌大風解約後簽約種星堂,三年來只偶然出席商業活動,去年滿約後,Miki見自己再過兩年便三張,不能再磋跎歲月,於是再轉公司,重新出發。「悅目影畫係間新嘅電影公司,同安樂電影有關係,最緊要係公司俾到信心Miki,鋪路安排拍無綫劇集洗底,嚟緊書展會出文字相片集,仲整多隻單曲隨書附送,有歌可以幫到接內地登台job,公司八月會開套戲,佢做女主角,有晒全盤計劃所以Miki會搏到盡,珍惜今次機會。」

失敗中學習

新歌已經錄好,新書亦接近完成階段,Miki早前獲泰國旅遊發展局安排,到當地拍攝新書相片,造型多之餘,亦不乏性感。「書入面嘅內容係呢幾年自己嘅經歷,價值觀、感情觀唔同咗,過去十年工作起起跌跌,我踏入社會後遇到嘅問題,喺失敗中又學到啲乜都會有;我一方面想同大家分享,另一方面又想大家了解我多啲。至於啲相,尺度OK啦,健康嘅性感,唔係刻意暴露,有好多唔同造型,到時大家就會睇到。」Miki說。

歌手片


未夠秤 Money Cafe

 http://moneycafe-icable.blogspot.hk/2014/05/blog-post_20.html
上市公司要人盡其材,同樣更須要是Get the right person for the right position。

但渣打剛剛有關財務總監的委任,正正被英國媒體及分析師批評,可能搵錯人!!!

渣打幾乎以超高薪,八十五萬鎊底薪,七十五萬津貼,另加最多二百五十萬鎊上限花紅,呢個天文數字,請來Vodafone前財務總監Andy Halford霍福德加盟,出任CFO,惟任命一出倫敦分析師個個嘖嘖稱奇。

霍福德十五年來一直擔任Vodafone頭幾數把手,精於稅務,更是出售公司予Verizon交易中一員主角,被英國譽為財務師高手。

機靈敏捷,獲獎無數,卻偏偏被指「未夠秤」做渣打CFO呢個位,何解??

無他,純粹根據霍福德CV,明顯出現兩缺事項;
一,缺乏或甚至零金融經驗背景、
二,缺乏亞洲業務認知。

後者容易補習,但前者狂令市場關注,尤其現今銀行面對資本規定,入帳方式,債務工具處理,甚至跨境資金活動,絕非一般財務背景人士可以擔任。

中環人戲言,霍福德任職渣打,情況等如由王曉初、或奚國華接任工行、建行高層出缺一樣,都係「畸」。

霍福德習慣處理可能屬於處理固定資產,網絡上撥備及攤銷等營運。

但現代金融業,課題包括咩債務工具符合咩資本規定、邊類貸款符合咩時侯市況、利率、風險錯配等等,以至新興起的COCO Bond,一項投資工具到底列入持有到期、抑或一般組合等等,由一個Telco人負責,在在令人存疑。

霍福德可能有異於常人本領,甚至分析師確實低估其能力,疑點歸於被告下,就且晰目以待。

但霍福德跟即將離任麥定思一樣,某程度上兩者均屬失意之師,霍氏盛傳因為競逐Vodafone總裁落選而劈炮,麥定思背後情況更複雜。

而以渣打目前並非順風順水經營環境,兼內部盛傳角力不斷,CFO人選除財務強,金融認知豐富外,似乎更要是辦公室政治強人,才可勝任!!

少陽談金融時鐘未夠鐘 楓葉資料室

來源: http://danielkyip.mysinablog.com/index.php?op=ViewArticle&articleId=9741297

果報的林少陽文章逢周三刊出,林氏在本周提到,指數目前在高位徘徊而蚊型股份繼續熱炒的情況,或會維持多一段時間,但投資者仍然應該提前作好離場的準備。除了金融時鐘之外,他還特別指出,非投機的操盤,應該以逆市場操作為藍本──市況淡靜時減持現金累積股票,待市況熾熱時則逐步減持股票套現,等待下一個入市時機的來臨。個人認為,這一論點好值得讀者記存。

要為派對完結做準備

傳聞已久的中港基金互認安排,終於在上周五收市後公佈及落實,而恒指於當日交易時段已經偷步上升469點,連同昨日開市後不久,兩日累計最多升幅剛好達1,000點,但隨即引發獲利回吐,昨日的成交雖然重返2,000億元水平,惟仍然較4月份的高峯期近3,000億元矮了一大截。
由於港股交投有所緩和,對於港股的後向,本欄仍然傾向相信指數將由4月的快牛,轉為慢牛甚至是反覆偏軟的局面。

股海翻波 勿被擡離場

雖然近日港股於高位受阻,二、三線股份的投機氣氛仍然頗為熾熱,而且亦未受近日數隻概念股股價暴跌所拖累,顯示入市的投機買盤,未有散場的跡象。指數在高位徘徊而蚊型股份繼續熱炒的情況,或會維持多一段時間。然而,本欄的忠告仍然是,目前雖然距離派對結束尚有一段時間,但是灰姑娘身上的錦衣華服,到了12點鐘便會化為烏有,灰姑娘要提前作好與王子吻別的準備。
金融市場的時鐘,沒有牆上的掛鐘那麼容易讀得懂,投資者要在市場浸淫一段很長的時間,才會慢慢學懂看金融市場的時鐘。事實上,即使是最有經驗的投資者,亦只能說出現在是大約幾點鐘,而不大可能具體地指出目前是幾時幾分幾秒。根據本欄多年閱讀金融時鐘的經驗,現在大概仍然是早上11時左右,只是就像這個月的天氣一樣,天空偶然會出現一場黑雨、紅雨,令出街沒有帶雨傘的行人異常狼狽。
在投資市場上,最難預料的,就是這些偶然出現的驟雨。在投資市場,出錯就像食生菜一般平常,但是最重要的,是不要看錯大方向,而若不幸真的看錯了,亦要懂得及時作出修正,因為沒有人能夠負擔得起一次致命的損失,令自己在這場投資的馬拉松賽事中被擡離場。

大股東批股 暫未成風

過去一個月,資金由藍籌股轉往炒作垃圾股及概念股。這些概念股就像馬拉松賽事中,想要盡快拋離對手的衝動一樣,在彈藥充裕的情況下快放一段確實是賞心樂事,但是要笑到最後,這些快放的動作只能偶一為之。
我當然不是說投資者應完全謝絕投機概念股份,因為落得場玩這場金錢遊戲的投資者,沒有必要扮清高。只是如果不想冒被突然擡離場的風險,投機的賭本應控制在一個自己財政上可以負擔得起的水平,而一般的操盤,亦應該以逆市場操作為藍本──市況淡靜時減持現金累積股票,待市況熾熱時則逐步減持股票套現,等待下一個入市時機的來臨。
很多投資者在股市中輸多贏少,是因為自己持倉的註碼,剛好與股市的上落同步──大市越升,越買得兇;市況越跌,越不敢入市。說實在點,此乃人之常情,亦足以解釋了為何股市越升,無論上市公司老闆用極不合理的價錢印幾多的公仔紙,都有人敢接貨;但一到淡市,幾便宜的IPO都很難找到買家接貨。最近開始多了大股東配售舊股套現,幸好暫時仍未成風。』

東亞銀行嫌依家嘅業績未夠牙煙? 中環客

來源: http://hkcitizensmedia.com/2016/08/19/%e6%9d%b1%e4%ba%9e%e9%8a%80%e8%a1%8c%e5%ab%8c%e4%be%9d%e5%ae%b6%e5%98%85%e6%a5%ad%e7%b8%be%e6%9c%aa%e5%a4%a0%e7%89%99%e7%85%99%ef%bc%9f/

醜婦終須見家翁,東亞銀行喺8月19日交易時段公布成績表,業績倒退三成七,東亞中國嘅壞帳比率升到2.8%。

雖然東亞中國聲稱近期批嘅貸款因為改咗風險模式,穩健咗好多,仲聲稱有九成四貸款有抵押品跟。只不過,中環客對近一兩年批嘅貸款質素好懷疑,中國越嚟越多廠執笠走佬,地產又做唔起,中環客好懷疑果批抵押品嘅價值,而近一兩年批出嘅貸款係唔係更穩陣,東亞中國要提供更多資料,否則好難信佢囉。

但最嚇親中環人係,東亞銀行夠薑話要同微眾銀行合作,加快發展流動平臺,進一步拓展金融市場同個人金融業務。以上呢堆業務係乜嚟?微眾銀行之前都講過,肯定係個人消費市場業務,實係無抵押貸款多。個人金融業務,更加唔駛講,唔通你覺得班土豪會存錢喺東亞中國?係都落嚟香港存喺東亞銀行香港喇,甚至搵外資銀行算喇。金融市場業務,係咪提供更多孖展俾散戶炒股?東亞中國同東亞銀行本身都唔係強於投資銀行業務,唔通你覺得佢地會大搞IPO咩?

換言之,東亞銀行管理層似乎嫌東亞銀行業務未夠牙煙,一於富貴險中求,向更牙煙嘅業務進發,依家美國聯儲局加息如箭在弦,一旦美國加息搞出乜出嚟,中環客都唔敢估,東亞銀行班大孖沙勇成咁,作為東亞銀行投資者就真係祝你好運嘞。

所以公布完業績後,東亞銀行股價即跌百分之二以上,好正常,俾著中環客都三十六著,走為上著,投資喺啲咁勇嘅銀行管理層身上,不如留定彈藥,得閒賭嚇英超,甚至留番下個月賭嚇馬仔,都分分鐘賺得多之餘無咁大風險。

 

相片來源:www.seniorliving.org


紐約新地鐵站啟用未夠一年漏水發霉似災難

1 : GS(14)@2016-03-17 14:51:58

耗資超過24億美元(187.2億港元)建造的紐約曼哈頓第34街地鐵站,外觀看起來氣派堂皇,豈料啟用不到7個月,竟出現天花板發霉、漏水、廁所故障無法使用等問題,兩部扶手電梯更因漏水致不能運作,地鐵站地板也有一大灘積水,乘客稍一不慎很容易滑倒,引來抱怨聲連連,「這根本是場災難」。駐紐約記者:陳郁仁第34街的地鐵站是紐約25年來第一個新建地鐵站,將地鐵7號線的終站從原本的時代廣場延伸到34街。乘客若要到附近的展覽中心或乘搭跨州巴士,都可坐車到此站,省去原本要走一大段路程及時間。惟新車站去年9月至今,卻爆出發霉、漏水等情況。負責營運的大都會運輸局(MTA)否認地鐵有發霉或嚴重積水,只是小部份地方有漏水。市民當然不接受這種說法,MTA最終要求車站的工程承辦商盡快修復,預計8周至12周可完成修復工程。維修其間,兩條扶手電梯將會繼續關閉,防止有乘客因路上積水而跌倒。《蘋果》記者到車站採訪,發現並非如MTA所說只有小部份地方漏水,其中一個通道的地上全是積水。車站放置大型風扇不斷對地面吹風,但仍無法讓地板保持乾爽,乘客若不小心慢行,冷不防會滑倒,與MTA所指「只有扶手梯漏水」完全牴觸。車站內兩個洗手間也無法使用,地鐵站內也充滿黃色的貼紙封路,把積水地區圍起來,以免乘客踩到。新車站耗資數十億卻出現一大堆問題,乘客Sylvia說:「這根本是場災難,天花板總是漏水,扶手電梯總是壞掉!」另一名乘客Feryaal則稱:「這地鐵站靠近巴士站和展覽中心,對時常旅行的人來說很方便。但今天我第一次來到,就發現電梯無法使用,顯然他們尚有改善空間,必須確保車站可以正常運作。」乘搭地鐵到34街車站參加時裝周的Lala說,「車站很漂亮,但現在到處積水,我可能要特別小心」。





來源: http://hk.apple.nextmedia.com/international/art/20160317/19533369

銀行搶按揭 買家嫌未夠平

1 : GS(14)@2016-03-18 23:44:39

■投資客彭小姐指將來購買細戶收租時,傾向採用較穩定的P按,認為東亞新按揭計劃對供款金額節省不多。


【展開序幕】美國維持息率不變,本地銀行為搶按揭又減息,部份準買家希望銀行搶按揭搶得更激,期望推出更低息優惠。記者到嘉華(173)元朗朗屏8號展銷廳訪問睇樓客,準買家認為銀行低息搶按揭暫時只是序幕,預期其他銀行為搶生意,可能有更便宜的按揭計劃出現。不過按揭計劃只針對H按計劃,封頂位普遍與P按睇齊,對於部份準買家而言,吸引力不大。百利保(617)執行董事范統指出,樓按為銀行穩定收入來源,但近年發展商積極承造按揭搶了不少生意,所以要推優惠。其他發展商普遍認為,銀行為搶按揭,最終得益是準買家,相信因而刺激樓市交投。另一方面,美國聯儲局維持息率不變,業界預期樓市平穩發展。新地(016)副董事總經理雷霆稱,息口對樓市不是重要因素,而且相信美國加息幅度不大,速度亦不快,料低息維持一段時間。





來源: http://hk.apple.nextmedia.com/financeestate/art/20160318/19534415

四太嫌猷亨未夠好

1 : GS(14)@2016-04-15 16:30:12

賭王四太梁安琪前晚現身灣仔君悅,支持大仔猷亨再做保良局總理,同場還有馬德鐘、何超瓊、太子鐘錶老闆鄧鉅明夫婦等。四太甫到達會場,即示意傳媒不要再追問三太陳婉珍胞妹陳婉玉與馮永業的醜聞。對於猷亨做總理成績,四太說:「我要求好高㗎,我覺得唔夠囉,希望佢再努力,多啲參與,幫助有需要嘅人。」問到大女超盈早前在哈佛大學演講,會否覺得光宗耀祖?四太即笑言:「唔係,係佢自己搞,去得都幾急,係交流文化藝術。」問會否覺得囡囡叻女?她表示:「唔係,學吓嘢啫,咁啱開中佢興趣。」記者問到超盈拍拖未,她表示感情事要問回超盈本人。採訪:羅慧敏攝影:陳順禎





來源: http://hk.apple.nextmedia.com/entertainment/art/20160415/19571416

大媽賊贓藏褲頭偷晒成餐餸未夠喉

1 : GS(14)@2016-05-08 02:56:05

有片有真相!內地一名大媽被發現在超級市場內偷竊,被工作人員攔截時,竟將塞在褲頭、所偷的物品全部放到桌上,有肉有菜,幾乎可煮幾餐。片段顯示這名大媽,被超市人員截住以後,初時還想詐傻扮懵,但當職員不斷大聲呼喊後,她便從褲袋拿出偷竊的物品。大媽也偷到不少東西,包括:青菜、一包包凍肉、葱等塞在褲頭,她所偷的物品放得一桌都是,至少有7至8種食物。被店員發現偷竊、放滿一桌的賊贓,大媽也無法抵賴。微博





來源: http://hk.apple.nextmedia.com/international/art/20160507/19601989

Next Page
ZKIZ Archives @ 2019