ZKIZ Archives


望站「鹹淡水交界」 助建制泛民溝通

1 : GS(14)@2017-04-17 07:12:13

【本報訊】田北辰在建制派未至於如哥哥田北俊般被認定是「壞孩子」,但未有凡事對政府Say Yes也算異類。田北辰坦言這條從政路不易走,但認為建制光譜廣闊,與民主派亦不是非敵即友,希望站於「鹹淡水交界」,以中間路線配合地區工作殺出血路,「我希望幾年之後可以證實,你哋形容嘅幻想(即獨立中間派),係可以成為事實嘅夢想。」


着力民生地區工作

自由黨、民主思路、新思維等相繼提出中間路線,上屆立會選舉卻證明此路線吸票力有限,地區直選全數敗北。田不認為是路線及立場問題,反駁指:「你睇中中間間嘅人,有幾多個做實事做地區工作?」,「你諗起我阿哥(田北俊),除咗政治之外諗起乜?」,強調政治議題飄忽,若做好民生、地區工作,從政者至少儲到基本盤,有足夠籌碼拼勁。沒有了政黨包袱,他指可多作建制派與民主派的橋樑,認為不同政策議題也可跨黨派合作,以民主派牽頭搞跨黨派聯署促擱置小三TSA為例,「我真係莫名奇妙,唔係要求取消或叫佢(局長)下台,只係約見面啫,老實講,應該個個簽啦,點知都有幾個大黨冇簽」,坦言要將兩陣營拉近需時醞釀。對於葉劉曾指他對政黨功能了解不足,田以美國總統特朗普為例指:「特朗普對政黨認知度係零,公職都冇做過就去做總統……我唔知將來世界點,我只知世界變緊,全世界都係,傳統政黨方法係咪work(有效)呢?」■記者陳雪玲




來源: http://hk.apple.nextmedia.com/news/art/20170417/19992333
PermaLink: https://articles.zkiz.com/?id=330800

Next Page

ZKIZ Archives @ 2019