| ||||||
噚日粵港澳無厘頭有新瘟疫「急性盲搶鹽」,仲俾CNN報道埋,華華身為中國人,都覺得丟架,而有時呢啲社會亂象,華華覺得企業都可能要負番啲責任! 好 似正當個個政府係咁叫平民百姓唔好驚、唔好亂食碘之際,遠大醫藥(512)噚日傍晚出咗張通告,講完一大輪福島核電廠反應堆連環爆炸,令日本輻射水平大大 提高之後,再講暴露喺輻射之下會引致咩危險,跟住個重點就嚟喇──就係佢哋嘅附屬武漢遠大,係中國擁有碘化鉀藥品(片劑)生產批文嘅少數醫藥企業之一。 而武漢遠大最近已經接到有關碘化鉀產品嘅需求查詢,公司表示已經進入生產的準備狀態,隨時會調整產能,滿足市場嘅急切需求!唉…… |