ZKIZ Archives


沈月倒模邱淑貞冇得輸霆鋒同囝囝又型又愛車

1 : GS(14)@2017-04-13 00:24:00

袁詠儀(靚靚)同張智霖嘅囝囝魔童,話咁快都已經10歲大喇!魔童盡得爸爸媽媽優良基因,年紀少少已經係靚仔一名;唔單止夠靚仔呀,眼大大十足靚靚喺《金枝玉葉》入面反串時個樣o添呀!其實圈中都有好多餅印星二代㗎,去相!邱淑貞沈月第一個要數嘅,就緊係近期曝光甚多嘅邱淑貞囡囡沈月啦!o依家15歲嘅沈月婷婷玉立,又識得打扮。而且佢盡得媽咪邱淑貞嘅真傳,樣子甜美,身材又好,絕對係唔少宅男嘅女神。譚詠麟譚曉風譚校長囝囝譚曉風,眨吓眼就已經大個仔,其實早年已經報道過佢成績優異係十優狀元,而且入讀英國牛津大學,真係不得了!除咗成績好,曉風相貌仲好似校長後生時o添!羅敏莊陳禛4歲大嘅陳禛表情多多,眼仔碌碌,而且經常面帶笑容,實在討人喜歡!除咗夠可愛,陳禛同媽咪羅敏莊成個餅印咁,真係唔怕會走失!謝霆鋒謝振軒謝振南霆鋒係靚仔又夠型就眾所周知,其實佢囝囝謝振軒(Lucas)、謝振南(Quintus)都盡得佢真傳,不單止十足餅印都係靚仔,而且興趣都一樣鍾意玩車!所以話,有啲嘢係打風都打唔甩嘅!




來源: http://hk.apple.nextmedia.com/entertainment/art/20170412/19988271
PermaLink: https://articles.zkiz.com/?id=330275

大市整固或完成逾百股份創52周高位騰訊港交所飆 港股9月倒升

1 : GS(14)@2017-10-09 02:51:02

■在騰訊及港交所領漲下,市場期望恒指可連升九個月。



【本報訊】恒指重上二萬八,9月倒升!政局放鬆、美股衝高,恒指昨成功衝上二萬八並收復月初失地,高開163點後升幅擴大,埋單升352點或1.3%,以近全日高位28159點收市創28個月高,同時帶挈本月暫倒升189點,成交額再越千億元,逾百股份創52周高。分析認為大市整固或完成,倘未來數日穩步走,恒指有力挑戰連升九個月。記者:莫亦熙 余倩敏



H指昨隨大市向好,收市升128點或1.2%,收報11195點。主板全日成交額1,120億元,沽空佔9.1%,連續11個交易日沽空率不足一成。多隻重磅股重拾動力,騰訊(700)昨升2.1%至346元破頂,正股連同窩輪、牛熊證合共錄得約125.3億資金追入,佔大市全日成交額11%;友邦(1299)被傳有意收購澳洲保險業務,股價漲2.3%;千億成交下港交所(388)彈高4.3%,成為昨日三大領升股。


下關看「大時代」高位

渣打香港財富管理投資策略主管梁振輝表示,美股上周五率先破頂、北韓局勢「雷聲大、雨點小」,加上市場已開始消化縮表消息,對港股後市樂觀。他續指,恒指已整固一段時間,昨日技術出現突破並有大成交配合,反映大市仍可再上,建議投資者毋須急於沽貨,恒指下關看28588點的「大時代」即市高位,惟他相信仍需一段時間才可挑戰。騰祺基金管理投資管理董事沈慶洪亦指,大市短線利淡消息欠奉,造就恒指衝上二萬八,今次衝關更可確認整固完成並企穩二萬八關,由於多隻重磅藍籌如滙控(005)及中移動(941)仍未發力,大市料可「一級一級」上移,首站看「大時代」高位,並相信若未來數日大市升勢保持,可期望港股出現連升9個月紀錄,但幅度或僅數百點,較之前的千點升幅細。大市氣氛向好,昨日有近900隻股票錄得升幅,升跌比例約5.8比4.2,上升股票較下跌多,而昨單日創至少52周高的個股更多達101隻,平2016年10月7日紀錄,並為2016年9月22日後近一年來最多,當中市值高於500億的股票僅佔30隻。


內房 汽車 濠賭股看好

強勢板塊未炒夠,內房及本地地產股造好(見另文),另外紙業股、內地券商、手機設備及汽車等全線落鑊,陽光紙業(2002)升6.8%至接近10年高;國泰君安(1788)揚6.8%;瑞聲科技(2018)漲1.8%;比亞迪(1211)飆9.1%。沈慶洪表示,除非大市出現二千億元成交額或北水瘋狂買貨情況,否則仍可博升浪未完,投資者可炒具金九銀十及黃金周概念的內房、汽車及濠賭股,又相信騰訊「360蚊走唔甩」。




來源: http://hk.apple.nextmedia.com/financeestate/art/20170919/20157125
PermaLink: https://articles.zkiz.com/?id=341900

Next Page

ZKIZ Archives @ 2019