ZKIZ Archives


曾跪求港人投票大黃伯:沉睡香港人終於醒

1 : GS(14)@2016-09-07 08:06:24

選舉日前夕,93歲的大黃伯獨個兒跪求市民投票保泛民的身影,穿梭港九新界,感動無數人。連日勞碌,大黃伯功成身退,安坐上水麒麟村的石屋,大呼對選舉結果感到滿意,再辛苦都值得。「最開心係見到好多人終於醒咗,不過仲係唔夠,要繼續努力。」揚言有生之年亦會爭取民主的大黃伯如是說。記者呂麗嬋立法會選舉曲終人散,選舉人數破紀錄,200萬香港人漏夜投票,造就最年輕立法會議員,大部分邊緣泛民候選人,亦在驚濤駭浪下保住議席,一直關心時事的大黃伯直言鬆一口氣。「真係好感動好滿意,最開心係見到張超雄同朱凱迪當選,心水嘅人都入咗局,結果比我預期好。」大黃伯自言選舉前一直擔心泛民失利,會在議會失話語權,如今出現超出預期的結果,令他大感安慰。為免議會受政府操控,保住議會否決權,就算是無權無勢的升斗市民,亦盡力發聲,希望出一份力,大黃伯是其中之一。背著寫著「保護我們下一代」的紙牌,於港九新界四出跪票,呼籲港人投票,雖然引來粗暴指罵,但堅持的身影,同時亦感動無數關心香港的同路人投票,成就選舉夜奇幻的投票人龍,創造奇跡,為沉寂的香港,帶來一絲希望。




來源: http://hk.apple.nextmedia.com/news/art/20160907/19763291
PermaLink: https://articles.zkiz.com/?id=307910

傳與攝影男友Silas同居欣宜曾跪求挽愛情

1 : GS(14)@2016-11-13 11:32:41

你話欣宜演戲方面好積極進取,勇於嘗試,感情方面一樣敢愛敢恨,堪稱烈女!之前欣宜喺佢嘅處女演唱會入面,自爆曾經為咗挽留一段感情,而跪求男友不要離開:「我曾經跪喺佢面前,求佢唔好走,將自己嘅尊嚴都放低,但佢始終都係走囉。」回想番,入行8年嘅欣宜,每次談戀愛都毫不避忌,但講到呢個跪求回心轉意嘅男友,佢就冇詳細咁回應。初戀男友2005年,欣宜仲喺溫哥華高中畢業嘅時候,就同初戀男友林寶麟着晒情侶裝去開P,仲帶男友見肥姐同秋官,可惜之後因肥姐病重停學返港,欣宜只好同初戀講拜拜。外籍同學欣宜喺加拿大返港後即與外籍同學Eric撻着,更不時拍親熱照放上網,但呢段情來得快,走得都好快。
Mark Ryan2012年宣佈同喺加拿大讀書時認識、拍拖五年嘅男友Mark Ryan分手,Mark去年結婚並已成為人父。韓籍男模同阿Mark分手後,13年就戀上韓籍巨胸男模崔豪晉(Jin),但欣宜就否認戀情,最後傳二人拍拖三個月便分手。
Silas Lee欣宜有傳與雜誌攝影師Silas Lee拍拖半年兼同居,佢哋仲成日喺社交網晒恩愛,然而欣宜去年11月就話同Silas分手大半年,而Silas亦係跪求唔好走嘅最高嫌疑男友。




來源: http://hk.apple.nextmedia.com/entertainment/art/20161113/19832274
PermaLink: https://articles.zkiz.com/?id=315348

Next Page

ZKIZ Archives @ 2019