ZKIZ Archives


產後上海復出賺百萬全智賢騷弗腿 女神回歸

1 : GS(14)@2016-06-06 03:03:13

■現年34歲的全智賢昨日產後首度公開露面,身形弗到漏油。《新浪娛樂》圖片Balmain黑裙約$12,142Christian Louboutin高跟鞋$7,900


韓國女神全智賢今年2月10日升呢做媽咪,近四個月內一直專心湊B,搞到女神地位險不保。不過全智賢今年銳意復出,大計更一籮籮,除了先後拍了兩個廣告外,日前又落實將與李敏鎬合作拍劇。趁劇集開播之前,女神先復出搵奶粉錢。弗到漏的全智賢昨日在上海出席品牌活動,大騷長腿的全智賢身形仲弗過未生前,雖然亮相只得5分鐘,但保守估計全女神將穩袋七位數字即百萬酬勞。現年34歲的全智賢自從前年憑神劇《來自星星的你》爆紅後,工作接個不停,不過去年7月她宣佈懷孕十周,為了安胎即全面停止工作,最後一次公開露面已數到去年10月底出席首爾國立劇院舉行的「2015年韓國大眾文化藝術獎」領獎,當日靚媽因為對推動韓國旅遊業有功,所以獲頒總統表彰表揚。而全智賢之後就一直乖乖留在家中安胎,直到今年2月宣佈做媽媽,為老公崔俊赫誕下慈姑椗,一家三口過住幸福滿瀉的生活,但全智賢沒有忘記一直愛戴自己的粉絲,即使湊B期間亦為復出做準備,除了秘密拍廣告外,更落實接拍《星星》編劇朴智恩的SBS新劇《藍色大海的傳說》(暫譯),並會孖另一長腿男神李敏鎬首度合作,令一眾粉絲大感興奮。



■全智賢陀B後最後一次公開露面是去年10月。

■全智賢在現場收禮物,僅亮相5分鐘就閃人。


■李敏鎬在《賞金獵人》中有多場動作場面。

李敏鎬:動作戲無難度

由於新劇仍屬籌備階段,全智賢即趁此空檔復出搵奶粉錢,昨日現身上海品牌活動,全智賢穿上一件Balmain黑色低胸連身短裙及Christian Louboutin高跟鞋,大騷招牌長腿,只見這位靚媽身形與生B之前沒有很大改變,依然弗到漏油,有粉絲更大讚她弗過未生之前,而全智賢在現場只現身5分鐘。另外,將與全智賢合作的李敏鎬,他與鍾漢良、吳千語等主演的新片《賞金獵人》將於下月底在香港上映,李敏鎬片中有不少動作場面,當中做一個打觔斗翻落地動作時更不慎頭碰地,他直言之前拍韓劇《城市獵人》時已做過不少高難度動作,所以今次沒太大壓力:「過去我的角色多是穩重或偏向愛情,今次有點搞笑及吊兒郎當,對我來說,喜劇比打更有挑戰性。」撰文:施洛冰





來源: http://hk.apple.nextmedia.com/entertainment/art/20160602/19637020
PermaLink: https://articles.zkiz.com/?id=301954

偷食男李潤庭繼續被放假朱智賢曾致電問候

1 : GS(14)@2017-01-05 08:07:15

因為背妻偷食偷出禍嘅李潤庭,現時手上嘅工作全面被大台暫停,所以昨日佢有份主持嘅節目《觸得到的故宮》舉行宣傳活動,都唔見佢蹤影,只有陳智燊、陳貝兒同朱智賢等出席。朱智賢曾經同李潤庭去北京主持節目,話當日同李潤庭去北京拍咗5日外景,問到事後冇聯絡過?朱智賢就話當日報道出咗街都好愕然,事後只係朋友式關心咁問候咗幾句,唔想騷擾佢太多,仲話冇問過佢幾時復工,費事好似好八卦。啱啱喺香港擺完酒嘅陳智燊,佢話本來有份去北京拍節目外景,不過佢話嗰陣因為檔期問題去唔到,亦唔知道李潤庭主持嗰部份有冇被刪剪。監製張嘉玲就話冇刻意刪走李潤庭嘅主持片段,亦唔擔心佢嘅形象會影響節目。




來源: http://hk.apple.nextmedia.com/entertainment/art/20170104/19885373
PermaLink: https://articles.zkiz.com/?id=321368

借張振朗過橋謝東閔硬撬新咪神朱智賢

1 : GS(14)@2017-02-12 15:39:53

2017-02-02 NM
憑33C、23、35弗爆身材加43吋長腿,29歲的大台新咪神朱智賢(Ashley)仲有大把貨,成為網民「今期流行」。因為索,所以多人追,就算早有餐廳老闆男友,「巨星幫」謝東閔依然硬去馬,照追。為奪咪神,謝東閔借張振朗和女友陳芷尤過橋,double date兩啤人一齊玩,結果斷正。有老闆男友

一三年落選港姐朱智賢,因為在旅遊節目《3日2夜》晒泳裝獲封大台新一代咪神!有指她與謝東閔雖分別到不同地方拍節目《天與地》外景,但宣傳密密見,已搞到男方嗒晒糖。「閔大人(謝東閔)同『巨聲』師姐何雁詩分手之後曾經同個圈外女仔拍拖,而家佢對Ashley(朱智賢)好有好感,就算人哋有個係中環Lobster Central餐廳老闆之一嘅男友,佢都覺得自己有得爭,因為佢屋企環境都幾好,爹哋開髮型屋,媽咪就搞外傭介紹所,自己都喺美孚開按摩店。少爺仔性格囉!閔大人知Ashley同張振朗,仲有佢女友Apple(陳芷尤)熟,就搵佢哋約Ashley去街。」知情者說。

攝位咬耳仔

月前謝東閔終於搭通天地線,約女神去中環嘉年華玩,張振朗和陳芷尤更帶埋一小女孩同行。玩攤位遊戲時,朱智賢幫張振朗打氣,謝東閔未及上前埋身,惟有在後做癡漢,默默望住他的女神背影和幫手拎戰利品。之後行去玩另外一個攤位遊戲,謝東閔一於死跟,更把握機會攝上前跟女神咬耳仔。據知,朱智賢和搞飲食的男友已秘密拍拖兩年,去年初餐廳開張,她更以女主人身份現身支持。雙方感情穩定,男友對做藝人的朱智賢亦十分體諒,甚至接受女友性感演出。凡事你情我願,要硬撬朱智賢,謝東閔冇咁易!

撰文、攝影、攝錄:娛樂組
PermaLink: https://articles.zkiz.com/?id=326598

【馮仁昭四圍超】黃智賢縮沙拒着泳褲

1 : GS(14)@2017-03-03 00:54:43

黃智賢噚日喺商台大談無綫劇集《親親我好媽》,仲同節目主持講笑話如果收視有3字頭,到時有泳褲、泳裝睇,後來記者追問黃智賢,佢轉口風話:「泳褲,我係有呀,但着嘅會係江美儀,我會買套送畀佢,我就負責睇,欣賞靚嘢嘛!」對於早前有不少學生跳樓輕生,黃智賢表示心痛,直斥有關方面唔肯承認教育制度有問題,而將責任推喺學生身上。撰文:馮仁昭




來源: http://hk.apple.nextmedia.com/entertainment/art/20170301/19943049
PermaLink: https://articles.zkiz.com/?id=327344

搬往朋友家朱智賢自爆遭阿哥家暴

1 : GS(14)@2017-04-06 07:41:36

■朱智賢現已搬去朋友家暫住,指爹哋會處理事件。資料圖片



新一代咪神朱智賢(Ashley)在森美和小儀主持的《千奇百趣特工隊》,跟港姐冠軍馮盈盈一齊做「特務」,活潑可愛的性格,令人留下深刻印象,但昨日朱智賢突然在Instagram自爆遭哥哥家暴。



■朱智賢昨日在Ig自爆被家暴,疑似被哥哥打傷。互聯網圖片


「家門不幸」

朱智賢貼圖留言:「有個咁嘅阿哥真係家門不幸,由細到大成日俾佢打,拳拳到肉,細個咩都唔識,剩係識喊,到大個咗,睇住佢問候阿媽祖宗18代,不知幾想鬧返佢轉頭,不過唔想多管閒事,啲人成日話父母有責任,我覺得佢已經35歲人係成年人,已為人父都唔識做人真係好悲哀!」之後朱智賢續說:「好多時我忍讓係因為唔想爸爸難過,但唔代表我會忍一世,最後我想講,我真係好傷心有個咁嘅阿哥!」最後她留言:「喺度希望天下嘅兄弟姊妹相親相愛,互相尊重。」朱智賢接受傳媒電話訪問,被問到疑似家暴一事,她說:「我?家冇咩,唔方便講咁多。」但承認屋企出現問題跟哥哥有關,她說:「我同佢冇聯絡,我?家唔喺屋企住。」被問到是不是因此離家出走?她說:「我啱啱去咗朋友屋企住,唔想同佢有正面衝突。」被問到有否受傷?她表示:「我?家OK。」



■在森美主持的節目中,朱智賢(左)擔任美女「特務」。電視圖片

■朱智賢去年承認和餐廳老闆拍拖。資料圖片


爹哋會處理

當被問到由細到大跟哥哥的關係是否不好時,朱智賢說:「係,我都唔知點解咁,?家爹哋會處理,?家心情唔係咁好。」採訪:非非




來源: http://hk.apple.nextmedia.com/entertainment/art/20170406/19980969
PermaLink: https://articles.zkiz.com/?id=329424

朱智賢憑32C突圍而出自認有拖拍感情穩定

1 : GS(14)@2017-04-06 07:41:36

朱智賢(Ashley)參選13年港姐出身,同屆有蔡思貝、陳凱琳。朱智賢13年受訪時講過:「如果負面新聞同冇noise之間選擇,我寧願揀冇noise。」朱智賢話過寧願冇noise,不過佢憑住32C身材突圍而出成為「新咪神」,早前仲喺J2台節目《3日2夜》穿上比堅尼浸溫泉大晒身材,真係睇到一眾宅男嘩嘩聲!加上剛播放完畢嘅《千奇百趣特工隊》,佢就化身「特務朱」,就令到觀眾留下深刻印象。到16年朱智賢認同年約30歲嘅餐廳老闆拍拖,當時受訪表示都拍咗一段時間,感情好穩定,仲話唔怕嚇走男fans㖭。




來源: http://hk.apple.nextmedia.com/entertainment/art/20170406/19981789
PermaLink: https://articles.zkiz.com/?id=329425

朱智賢暗示遭家暴暫搬離家IG報平安

1 : GS(14)@2017-04-08 20:44:25

「特務朱」朱智賢日前喺社交網站自爆疑遭家暴,留言﹕「有個咁嘅阿哥真係家門不幸,由細到大成日俾佢打,拳拳到肉.......。」朱智賢仲貼出一張個鼻腫起晒嘅相,令人我見猶憐。朱智賢及後回覆傳媒話會由爸爸處理,現已搬離屋企。昨日朱智賢再喺ig報平安,貼咗一張做瑜伽嘅相,感覺好平靜,佢話﹕「好多謝各方好友及同事嘅關心,無諗過大家會咁支持我。感謝,暫時需要點時間調整一下心情,現在生活OK暫住朋友屋企#太多短訊不能逐一回覆#多謝大家關心」唔少網民都叫佢加油,仲提醒佢有事嘅時候一定要報警。




來源: http://hk.apple.nextmedia.com/entertainment/art/20170408/19983940
PermaLink: https://articles.zkiz.com/?id=329696

【馮仁昭四圍超】黃智賢拍劇唔識潛規則

1 : GS(14)@2017-04-17 07:20:14

黃智賢(右)日前接受商台節目訪問講婚姻之道,佢話:「我係聽老婆話嘅人,婚姻唔需要靠生小朋友嚟維繫,能夠互相依賴已經好滿足。」提到二十年前第一次做男主角係《真命天師》,黃智賢自爆當年俾同事怪責:「記得有次同事問我點解唔冧(請病假),因為我冧全部人就可以休息,我先學識原來有呢啲潛規則,捱得咁辛苦做乜,冇人會欣賞你。」撰文:馮仁昭




來源: http://hk.apple.nextmedia.com/entertainment/art/20170417/19992019
PermaLink: https://articles.zkiz.com/?id=330875

【馮仁昭四圍超】被公開電話地址欲報警朱智賢與狗美容師交惡

1 : GS(14)@2017-06-23 02:58:28

■朱智賢搵美容師上門為愛犬洗牙,結果換來一肚氣。互聯網圖片





港姐出身嘅新一代咪神朱智賢,前日喺facebook貼文,鬧爆一個上門幫狗狗清牙石嘅寵物美容師不負責任,最嬲係對方將佢電話喺網上公開,又間接公開佢地址。



■朱智賢獲網民撐,更互訴冤屈。互聯網圖片

不斷遲大到

原來朱智賢上星期約咗嗰個美容師上門幫狗狗清牙石,本身約咗3點,但對方突然話要4至5點先到,之後又改6點,然後到近6點先話要同一隻貓沖完涼先過嚟,叫朱智賢等多個幾鐘。最後朱智賢決定唔等,改期叫對方前日中午12點再嚟,但最後都係遲到。最終朱智賢取消預約,因感對方毫無責任,點知對方仲喺fb貼文解釋,好彩網民都撐朱智賢。據知,朱智賢本來都唔知道電話俾人公開咗,直至有一個陌生女仔WhatsApp佢,提醒佢俾呢個美容師公開咗電話,同埋登咗google map出嚟,間接公開咗佢地址,佢先至即刻搵嗰個美容師,叫佢即刻刪除,但對方都依然冇道歉,只係話按錯咗。朱智賢噚日接受傳媒訪問,講到被公開個人資料,佢話:「我問咗朋友意見,諗住報警處理,因為間接有埋我地址,覺得好大件事!」撰文:馮仁昭




來源: http://hk.apple.nextmedia.com/entertainment/art/20170622/20063930
PermaLink: https://articles.zkiz.com/?id=336617

黃智賢 衰格波士,演得過癮!

1 : GS(14)@2018-02-25 18:24:26

https://skypost.ulifestyle.com.h ... E%E7%99%AE%EF%BC%81
有些演員默默耕耘,陪伴觀眾成長,黃智賢是其中一人。1989年,他因為青少年大使招募而加入TVB,中途曾經往外闖,然後重回TVB的懷抱,至今不經不覺已有29年。隨着近年備受公司的重用,黃智賢演活更多不同類型的角色,在劇集《波士早晨》裏飾演賤精波士,他笑說演得很過癮呢!

《波士早晨》是一部關於辦公室政治的喜劇,黃智賢披露︰「我飾演的許立喬是全公司職員都討厭的波士,他被升為CEO之後,因為要重整公司而想辦法裁員。他是路在林(陳慧珊飾)的前夫,他們時常鬥氣。他幾口賤,時常笑騎騎放毒蛇,因為是喜劇,我盡量把他演得衰衰格格。」

改變演戲旅程

演戲是黃智賢自小的夢想,他小時候很喜歡看電視,已經很想成為電視台的一分子。「小時候家境貧窮,不敢跟家人說發明星夢。後來,TVB聘請我,我便辭去原來的警隊工作。最初做兒童和青少年節目,後來拍劇,經歷了很多跌跌撞撞,發現自己有很多不足,知道有很多東西需要學習。」後來,黃智賢飾演《真情》裏的阿海而廣為人知,但阿海的成功,卻曾經令他感到迷失。「之後時常找我演一些類似阿海的角色,那時候,我遇上了樽頸位,演到不知應怎樣做。」

1999年,韋家輝為亞洲電視開拍《世紀之戰》,促使黃智賢往外闖。「那是韋家輝,拍檔是劉青雲和鄭少秋喎!是《大時代》的延續篇,我很想出去見見世面,參與這個party,便離開了TVB。之後簽了外面的經理人,去了大陸拍劇,嘗試一些很不一樣的角色。信心大了,體會也多了,原來不一定要當主角或正派,也可以創出一片天。這令我放低很多包袱,不再介意自己的形象,當突破了這些框框,你會演得更自在。」

兩個重要支柱

在黃智賢的演戲路上,有兩個很重要的女性,一直給予他支持,其一是他的太太。「她很清楚我沒有其他技能,可能就是這種單一,令我義無反顧去演戲。她給我很大的自由度,從不多過問,她知道我忙碌,會給我支持,不時有些鼓勵短訊;知道我夜歸,她會煲湯水,翌日早上會預備涼茶給我帶去開工。她不多看電視,但是我演的劇集,她一定會看。」

黃智賢家中有九兄弟姊妹,媽媽怕特別寵愛他們其中一個,所以向來一視同仁。「她不理會我們做甚麼職業,很尊重子女的選擇,她時常說︰『只要你不是作奸犯科,做哪一行都可以。』即使我那時做警察說要轉做電視,她也支持我,所以她很開心見到我在工作上逐漸向好,她選擇下午睡一會,晚上便有精神看我演的劇集。她上了天堂後,我失去了一個很重要的支持。她現在天上看着我,我很想給她看到更多成績,我很想告訴她︰『媽咪,我OK的!』」說到此時,黃智賢抬頭不語,不無感觸。

撰文︰張靛瞳

攝影︰林良明

編輯︰黃寶恩

美術︰梁政敏
PermaLink: https://articles.zkiz.com/?id=348964

Next Page

ZKIZ Archives @ 2019