呂晶晶同唐詩詠前緋聞男友共賦同居
1 :
GS(14)@2016-10-21 05:28:10年屆33歲嘅04年亞姐冠軍呂晶晶，當選後喺亞視工作唔多，令人印象最深嘅相信係曾經同林韋辰、盛品儒拍過拖，之後就返內地發展，直到最近先回流返港。賺咗唔少人仔嘅呂晶晶，係圈中出名嘅小富婆，昨日就有周刊指佢同無綫嘅藝人黃嘉樂喺大埔同居。講到黃嘉樂，入行十五年拍過唔少大台劇，好似《鐵馬尋橋》、《巾幗梟雄》、《點解阿Sir係阿Sir》等等。不過最令人記得係--唐詩詠嘅前緋聞男友。報道中嘅知情人士話，大台最近安排咗幾套劇俾嘉樂，而晶晶就簽咗俾諸葛紫岐，所以佢哋都為咗前途唔會公開戀情。之但係佢哋都好有計劃，聯名開咗間公司，晶晶雖然冇車牌，但都買咗架價值50萬嘅四驅車俾男友代步，日常開支大部份都由女方負責。
來源:
http://hk.apple.nextmedia.com/entertainment/art/20161021/19807380