蘭子主持《晚吹》慘被爆粗
1 :
GS(14)@2016-05-24 10:27:03■Hazel（中）和阿旦（右）前晚在陳淑蘭節目中討論是非精話題，矛頭直指龍小菌經理人邵子風。電視圖片
陳淑蘭（蘭子）前晚為ViuTV主持《晚吹—總有一隻喺左近》，嘉賓唐紫睿（Hazel）指做《G-1格鬥會》時被人網上爆粗攻擊，蘭子問是否邵子風時，Hazel未有否認。提到Hazel隆胸和整容傳聞，Hazel說：「咪又係嗰位先生周圍post囉！」她解釋照片是10年前舊照及化妝前後，樣子自然有分別；至於隆胸，Hazel揚言照片中沒戴胸圍所致，最後她更對着鏡頭說：「我唔怕你㗎，屎忽鬼。」昨日邵子風在facebook反擊，指Hazel違反比賽保密協議向傳媒爆料，又指她整容隆胸是網民爆料：「主持陳淑蘭未有考證，就順應嘉賓指是我做，此等主持，X你都費事。」他更指Hazel其實年過30歲而並非20多歲。邵子風昨日在荃灣出席活動時，指蘭子立場偏頗，蘭子昨回應：「首先好多謝佢唔X我！佢有自己平台，佢喺平台係皇帝，講乜都得，所以我冇乜嘢回應。」採訪：馬建華
來源:
http://hk.apple.nextmedia.com/entertainment/art/20160524/19624503
商台恩怨鬧「小學雞，杯葛我」 卓韻芝《晚吹》爆最憎Wyman
1 :
GS(14)@2016-06-20 05:45:20■卓韻芝前晚在《晚吹－真PK》中自爆最憎的藝人是「XXX」，有網友睇口形估是黃偉文。
【ViuTV風雲】填詞人黃偉文（Wyman）好惹火！多年前曾跟楊千嬅、陳奕迅傳不和的他，前晚商台舊同事卓韻芝在ViuTV《晚吹－真PK》節目上，自爆最憎的藝人竟然疑似又是─黃偉文！
「做乜都發脾氣」
前晚播出的一集由卓韻芝擔任嘉賓，當被主持火火和Kevin仔問到「最憎邊個藝人？」初時阿芝都猶豫避答，之後才爆料說：「好，我講，我最憎XXX，我好細個已經俾佢恰！」然而，節目卻將「XXX」的名字滅聲，但有網友睇阿芝口形，紛紛猜測是Wyman。當時火火追問阿芝：「即係商台嘅時候？」阿芝直認：「係呀！」火火說：「但個個都話你係商台公主，個個錫晒你，你打橫行，佢有乜恰過你？做過啲乜衰嘢？」阿芝揶揄對方似小學雞：「我總之做過啲乜，佢都會走去向其他人發脾氣：『點解佢又有份我又冇份』，佢直情拉隊杯葛我：『今日係佢生日，不如我哋全部同事一齊走晒。』跟住熄晒燈，小學雞咁。」
■阿芝爆「XXX」是商台舊同事，會拉攏其他人杯葛她。
■阿芝直言到現在心中仍有根刺。
「相信係佢本性」
接着火火問阿芝：「咁多年之後，仲有冇唔鍾意？仲有冇心病？」阿芝坦言：「好啲囉，因為覺得大家當時都係細個啲，但我相信呢個係佢本有性格，佢真係咁樣認知世界事情，所以有啲人都係唔好惹為妙！」之後火火給觀眾貼士「XXX」是誰人，他說：「佢頭先講最憎係邊個，佢又講緊以前做電台嘅，我估應該着衫幾潮嗰個。」Wyman曾在商台跟阿芝同期做DJ，近年他又有潮人之稱，答案呼之欲出。昨日本報致電向兩位當事人了解，但至截稿前沒回覆。Kevin仔則在電話說：「嗰日佢做口形，冇講名，我真係估唔到，佢咁多仇人，我唔敢亂講。」
■火火給觀眾貼士，阿芝最憎的人曾在商台工作，又是潮人，所以觀眾估計是Wyman。
Wyman
另外，阿芝在節目中爆以前曾有sex partner：「以前怕孤獨所以拍拖，嗰時係有（sex partner）嘅，後來佢慢慢變咗鍾意我，覺得佢出賣我，騙子嚟，唔准鍾意㗎。」採訪：皓騫
來源:
http://hk.apple.nextmedia.com/entertainment/art/20160620/19660970
《晚吹真PK》違規ViuTV開台半年首遭勸喻
1 :
GS(14)@2016-09-28 04:51:39【本報訊】通訊局早前接到15名市民投訴指，ViuTV深夜節目《晚吹-真PK》內容含粗言穢語，主持人施加的懲罰意識不良和不雅等，對兒童及青少年造成不良影響，超出「家長指引」或「成年觀眾」類別節目播放尺度。通訊局昨裁定投訴成立，但考慮到開台半年的ViuTV首次違規，決定發出強烈勸喻，籲須嚴格遵守《電視節目守則》。
首3集接15宗投訴
《晚吹-真PK》於今年4月9日首播，逢周六晚上11時半後播放。首3集播出後，通訊局即接獲15宗投訴，有投訴指該節目內容與暴力、危險和性有關，意識不良令人反感，又指主持人作出等同酷刑、虐待及變態行為，包括被人以廁所泵泵其乳頭，將嘉賓的襪子塞進口中，兩名主持人乳頭夾上橡筋拔河，及用口傳活蟲，畫面亦出現一碟活蟲的特寫鏡頭等。通訊局認為主持人施加的懲罰屬於品味低劣、不雅及毫無意義，即使節目在深夜播放，並播出勸喻字句，觀眾一般都不會接受；又指ViuTV沒以負責任的手法播放節目，引起觀眾反感，故決定投訴成立。
ViuTV回應有關節目為輕鬆、諧趣惹笑及為小眾而製作的清談節目，以不矯飾的對話及用語、接受程度較高的觀眾群為對象。但考慮到該節目在深夜播放，節目開始前已提供勸喻字句及節目分類的資料，以便觀眾選擇是否繼續收看節目，而節目包括懲罰等內容應可接受在「家長指引」或「成年觀眾」類別節目內播放。節目主持KB回應稱，節目在周六深夜播放，亦有家長指引，「做出嚟都係想畀大家笑吓，個節目開頭都寫得好清楚，實有人唔鍾意睇嘅，咁唔鍾意睇嘅就唔好睇，鍾意睇咪睇吓囉」。■記者張文鈴
來源:
http://hk.apple.nextmedia.com/news/art/20160928/19784216