開完舖又買磚頭張晉豪買凱旋門畀Ada歇腳
1 :
GS(14)@2017-02-18 00:51:24蔡少芬於2008年嫁畀張晉，當時男方知名度雖然唔及蔡少芬高，但憑住佢默默努力，家陣張晉嘅成就已經衝出中港，去到荷里活，拍攝新片《悍戰太平洋2》（Pacific Rim: Uprising），搵錢已經多好多倍。張晉賺到錢，都有預老婆一份；再加埋蔡少芬本身都有吸金力，佢喺2011年憑《甄嬛傳》喺大陸爆紅，兩公婆密密搵，生活已經無憂。好似喺2013年，有消息指蔡少芬豪花1,200萬購入凱旋門一個單位，當時佢話係老公張晉出錢買嘅，但層樓寫咗佢個名，仲話個單位只係用嚟畀佢湊女返學時用嚟休息。同年，蔡少芬投資7位數開童裝店，開店幾個月仲由百貨公司櫃位進軍至地舖，非常厲害。到前年，就有報道指張晉因喺2013年勇奪金像獎「最佳男配角」後，片酬跳升，佢將片酬交畀老婆管，蔡少芬遂將啲錢變磚頭，並買入元朗爾巒維尼亞大道雙號屋、油麻地一商業單位、以及灣仔囍匯豪宅，加埋原本凱旋門「行宮」同元朗居所，兩人最少揸住5個物業喺手。
來源:
http://hk.apple.nextmedia.com/entertainment/art/20170217/19931150