思辨練習題之人人都是曾糟財
「喂，魔術師！有無啲冧巴醒幾個嚟呀？」日前跟舊公司妹頭組飯聚，大家各散東西之後都好耐無見了，前同前事港婦Ｋ見到魔術師便又隨意地問幾句。魔術師心諗，以前在舊公司不時都有「分享會」，由自己部門到跨部門分享都有，魔術師都有曾經講過狗股基金、資產配置等理念和具體操作方法，但大多數同事都是「聽過了便算」。呢類伸手黨，就算魔術師用心去教，佢地的執行力大都是０（係唔係嫌魔術師講親的投資組合都係由１００萬起跳，「太離地」，就不得而知），所以以後所有跟「得閒出嚟食飯」一樣的「有無心水冧巴」的「寒暄式發問」，魔術師都會懶得回應。席間，怕貓港婦前同事又爆咗句：「你地有無睇 John Tsang 嗰個『與信一個人，不如信所有人』的短片？真係好感動哦！佢啲公關宣傳真係好得！」以魔術師的認知，怕貓港婦前同事係乜Ｑ政治都唔識的人，難以稱之為「hard core 黃Ｃ」；佢黃，最多都係因為觀感上覺得販民的「政治光譜」與佢地呢種信教、濫情、眼淺、感性易感動的偽中產啱嘴形而已。好，先睇片，再諗下，究竟呢段片用了甚麼 reframing 的技巧，引導到去最後「」的結局呢？
閱讀更多 »
Next Page