ZKIZ Archives


【馮仁昭四圍超】彭浩翔招募蒲友救《春嬌》

1 : GS(14)@2016-09-27 08:02:25

彭浩翔導演嘅《志明與春嬌》系列,不經不覺已經開到第3集《春嬌救志明》,之前講過有機會搵奧斯卡影帝里安納度狄卡比奧(Leonardo DiCaprio)客串。而《春》片亦已經落實下月底開鏡,上星期三彭浩翔喺facebook公開招募客串。阿彭喺網頁分咗4類合適人士,包括日用文青、夜用潮人同動感運動人,就算唔係以上3種,都仲有歸類為特長嘅奇葩類別。阿彭喺網頁講到明「我們也召集各種奇人異士。如果你覺得自己能人所不能,來吧。」



■余文樂同楊千嬅主演嘅《春嬌》系列,彭浩翔而家喺fb招募新演員。劇照

傾影帝客串

噚日阿彭接受電話訪問,佢話招募宣傳出咗唔夠一個星期,已經收到幾百個應徵,佢話:「開始公佈到而家有幾百人嚟報名,其實4欄係分類,啲人成日問我『入唔到4類咁點算呀?』冇乜所謂,方便大家分吓類啫。最缺係啲潮人囉,跳舞呀、索嗰啲囉,永遠都缺、夜場蒲友我哋永遠都要搵。」阿彭又透露仲有唔少海外人士報名,佢話:「有啲海外嘅影迷應徵,話自己買埋機票酒店都得,只要我哋畀到個日期佢哋請假。但係拍戲個期成日改,搞到我哋好大壓力。」阿彭話因為劇本改動,所以余文樂喺戲中演志明嘅爸爸暫時未出場,之前講過屬意周潤發飾演,至於里安納度方面,阿彭仍然保持聯絡傾談中。撰文:馮仁昭




來源: http://hk.apple.nextmedia.com/entertainment/art/20160927/19782637
PermaLink: https://articles.zkiz.com/?id=310296

【馮仁昭四圍超】春嬌老竇細佬睇住蒲余文樂除衫詐型

1 : GS(14)@2016-11-08 05:54:14

彭浩翔執導嘅電影《春嬌救志明》日前喺中環蘭桂坊取景,演員有余文樂、曾國祥同秦沛,講佢哋一家人夜蒲。彭浩翔話今次會有秘密武器,其中一個就係里安納度狄卡比奧(Leonardo DiCaprio)嘅專業替身會參演,而余文樂亦會喺今集有露點戲,彭浩翔話:「樂仔有桑拿沖涼戲,聽到好多女觀眾想睇佢除衫,就畀佢除囉,佢有詐型,但係為咗部戲我唔理。楊千嬅今次都要玩古靈精怪嘢,例如倒吊瑜伽。」



■彭浩翔(左一)話秘密武器係里安納度嘅專業替身(左三)有份拍。

冇特別操肌

嗰晚余文樂同戲中外父秦沛仲有舅仔曾國祥蒲蘭桂坊,樂仔話自己冇乜艷福:「阿嫂千嬅棟喺隔籬,都唔使有非份之想,最多只係過吓眼福。」原先傳樂仔緋聞女友周冬雨有份參演,最後告吹,樂仔話:「冇冬雨,佢(導演)就想。」樂仔話今次拍除衫戲事前要遮住啲紋身,不過就唔使特別操肌,佢話:「個角色本身唔係好弗,正常就得。」嗰晚帶隊夜蒲嘅曾國祥話同老竇一齊去蒲嘅實戰經驗,相信會比一般人多,佢話:「由細到大睇佢(曾志偉)玩,有好多佢飲醉酒俾人抬返屋企嘅經驗。」佢又話跟咗老竇玩咁多年,學壞同擴闊眼光都會有,但就樂意見到老竇繼續玩,佢話:「佢唔玩我仲擔心,寧願佢玩到玩唔到,每日過得快樂,而家我哋都有一齊玩。」撰文:馮仁昭




來源: http://hk.apple.nextmedia.com/entertainment/art/20161107/19824814
PermaLink: https://articles.zkiz.com/?id=314598

拍《春嬌3》押後造人千嬅冒高齡風險「2018年生第二個」

1 : GS(14)@2016-12-21 23:41:59

■楊千嬅日前染了一頭金髮配合代言的首飾品牌拍攝硬照。





有現年42歲的千嬅把原來在今年年中的造人計劃推遲了。她接受本報電話訪問時亦承認,因為彭浩翔邀她拍《春嬌3》,故便與老公丁子高商量押後造人大計。她說:「真係諗住今年生BB㗎,不過因為要拍《春嬌3》,加上下年又諗住搞演唱會,應該冇時間,可能要押後多一年,即係2018年先有機會再生第二個。」


「而家醫學昌明」

有現年有指千嬅後年才生B,除了囝囝Torres到時已經6歲,千嬅也年屆44歲,問她可有擔心做高齡產婦?千嬅一於冇有怕地表示:「而家醫學昌明,都應該唔驚嘅!」另外,千嬅早前替代言的首飾品牌拍攝硬照廣告,為表達五種不同性格,千嬅分別以五個不同造型亮相,還特別染了一頭金髮配合拍攝。




來源: http://hk.apple.nextmedia.com/entertainment/art/20161221/19871762
PermaLink: https://articles.zkiz.com/?id=319678

【馮仁昭四圍超】《春嬌3》加怪物搞破壞

1 : GS(14)@2017-01-18 08:04:31

由楊千嬅同余文樂演出、彭浩翔執導嘅《春嬌救志明》(《春嬌3》)噚日出咗「怪物版」海報,彭導喺facebook放咗呢張海報出嚟,仲留言:「《春嬌救志明》第三張「怪物版」海報。今集將出現最新登場主角,就是喺每段愛情背後搞破壞的怪物。2017,春情告急。」呢部戲會遷就內地五一黃金周上映,因為5月就上,所以呢排忙於做後期。撰文:馮仁昭




來源: http://hk.apple.nextmedia.com/entertainment/art/20170117/19898976
PermaLink: https://articles.zkiz.com/?id=322957

《春嬌》現外星人有伏線

1 : GS(14)@2017-04-06 07:41:39

楊千嬅與余文樂主演的《春嬌救志明》本月27日上映,導演彭浩翔早已表示今集最多笑位,還加入UFO情節。昨日他公開了一條美版預告片,留言:「唔好畀佢停!玩到上太空!」預告中可見外星太空船來到地球,然後一班村民追着怪獸來打。昨日致電彭浩翔,問他為何今次《春嬌》變得科幻?他說:「當然係愛情片,出現外太空同怪獸係因為《春嬌》系列都會有一場驚慄古仔,所以係延續風格。回應番第一集主題,《志明與春嬌》喺志明抄牌嗰陣都有討論緊UFO細節,後來壞車時都有UFO經過,成個戲一早有伏線同外星人有關,咁呢集當然係同外星人有接觸啦!」採訪:鍾國仁




來源: http://hk.apple.nextmedia.com/entertainment/art/20170406/19980993
PermaLink: https://articles.zkiz.com/?id=329437

《春嬌》等到五月天獻唱

1 : GS(14)@2017-04-10 23:36:10

楊千嬅與余文樂主演的《春嬌救志明》,邀請了台灣天團五月天唱主題曲。導演彭浩翔透露當年很喜歡五月天的歌曲《志明與春嬌》,更給他靈感成就了這段愛情故事,於是起用這個做片名,算是對自己聽歌日子的一種懷念,彭浩翔說:「09年爭取咗好耐,終於可以將第一部戲名叫做《志明與春嬌》。」彭浩翔指前兩部片也想和五月天合作,但始終未有機會,今次終於可以成真,他開心謂:「今年我等到佢哋喇!真係諗起都覺得興奮。」撰文:葉綠悠




來源: http://hk.apple.nextmedia.com/entertainment/art/20170410/19985072
PermaLink: https://articles.zkiz.com/?id=329980

《春嬌救志明》登《蘋果》fb Live阿樂寸霆鋒整雞蛋仔 千嬅爆曾戀人渣

1 : GS(14)@2017-04-13 00:23:58

■(左起)導演彭浩翔昨率楊千嬅和余文樂現身《蘋果》fb live,出席「春嬌救志明」答問大會。攝影:陳俊強



現年43歲的楊千嬅憑電影《春嬌與志明》首奪金像影后,四年後千嬅「余春嬌」和余文樂「張志明」三度合作,拍攝彭浩翔執導《春嬌救志明》,昨日三人亮相《蘋果》facebook live接受網民挑機,千嬅坦言現實中遇過人渣,樂仔就笑言想去屯門巴倫紐謝票食雞蛋仔,網民問整唔整雞蛋仔?他暗寸:「我唔係謝霆鋒喎。」採訪:鍾國仁、何永寧



楊千嬅22年前參加新秀歌唱大賽入行,成為天后的她轉戰影壇,2013年憑《春嬌與志明》榮膺香港電影金像獎影后,本月27日,電影的第三部曲將上畫,昨日導演彭浩翔率男女主角到尖沙嘴,現身《蘋果》fb live「春嬌救志明」答問大會,網友的提問少少鹹多多趣,三人妙語連珠笑破肚皮。楊:楊千嬅余:余文樂彭:彭浩翔記:記者彭:張志明幾時先肯戒煙?余:戒咗好耐啦,第二集已經戒咗!彭:成世人流流長總會愛上幾個人渣,你哋有冇試過?楊、余:梗係有試過啦,點會冇啫。彭(抵死地):樂仔有冇做過人渣?呢樣問佢唔知,要問其他人。余:最難忘春嬌志明邊句金句?彭:我噚日教張孝全講嗰句,粉紅色乳頭,可遇不可求。楊:佢明唔明呀?



■一講雞蛋仔,就即想起霆鋒,樂仔也不例外。資料圖片

■《春嬌》系列被指參照彭浩翔與老婆拍成。資料圖片


樂仔被問JJ

楊:點解余文樂……(掩臉大笑)彭(接着代網民問):條JJ咁長?係咪牛仔褲牌子嚟呢?JJ?楊(大笑):唔知喎,點解會咁嘅?彭:同埋佢點解會知呢,最重要佢係一個男士,阿John。余(一臉尷尬):係喎,唔好嚇我喎!彭:平時都叫你匿喺更衣室換衫啦!余:都話跌咗番梘唔好執啦!彭:哈哈,點解知道佢「丁丁」長,我真係唔知喎,都係你講咋。阿樂即落閘:不如唔好睇呢啲(網友提問),你揀啲嘢傾。楊:問你食老本食到幾時?彭:吓,我哋集集有變化喎。余:如果呢個老本食到一世我都願。彭:最重要有人埋單。記:拍唔拍第四集?余:把聲咁似我睇劉鑾雄訪問,唔通劉鑾雄嚟咗。(三人大笑)彭:去唔去屯門謝票?余:巴倫紐我都想去,前面有雞蛋仔食。楊:有人問你整唔整雞蛋仔?余(暗寸):我唔係謝霆鋒。



■千嬅表示跟樂仔及拍攝班底都很熟,拍床上戲一點都不尷尬。

■提問中有人話千嬅在片中穿制服幾靚。互聯網圖片


床上MMA

記:第三集有床上戲,狀況係點?楊:好激烈囉,MMA咁囉。記:有幾暴露?楊:佢冇嘢露,成件衫由頭着住。余:最尾大爆發㗎,你玩制服又唔認,手銬嚇死人。記:角色愛情觀同你本身相同?余:一定唔同,《春嬌》拍彭浩翔同佢太太,真嘅余春嬌好似喺戲入面照顧弱智兒童。彭:千嬅拍床戲尷唔尷尬?楊:唔尷尬,識嘛,全部都咁熟,屋企人嚟嘛。余:冇理由同屋企人做床上戲,好怪!場地提供:洲際酒店


■《春嬌》今集新加入秦沛角色,加強家庭描寫。

■《春嬌救志明》用了Raidas的《傳說》,片中Isabel和Brenda跟着歌曲狂跳。資料圖片

Isabel(左)和Brenda



來源: http://hk.apple.nextmedia.com/entertainment/art/20170412/19987384
PermaLink: https://articles.zkiz.com/?id=330264

《春嬌》為電影節揭幕

1 : GS(14)@2017-04-13 00:23:58

楊千嬅、余文樂和彭浩翔做完《蘋果》facebook live後,即到尖沙嘴出席「第四十一屆香港國際電影節」揭幕禮,《春嬌救志明》為電影節的開幕電影,昨晚同場舉行世界首映禮,獲古天樂、佘詩曼、溫碧霞、歐鎧淳、陳靜等現身支持。千嬅爆樂仔日前擔任金像獎頒獎嘉賓時心情緊張,他解釋是擔心講錯戲名,問到落選影帝有否獲女友安慰?樂仔說:「冇特別,提名中我係最年輕。」擔任電影節大使的古仔被問到鄧麗欣是否約滿太陽娛樂之後,加盟他旗下的公司,古仔說:「冇回應。」佘詩曼日前被影到與猛男約會,她解釋對方是誼子的爸爸,歐鎧淳則表示周日是男友胡子彤的生日,屆時會一同慶祝他奪金像獎最佳新演員。採訪:張俊銘攝影:沈健程


■古仔拒回應是否簽鄧麗欣。

■歐鎧淳周日會慶祝男友生日兼奪金像新人獎。



來源: http://hk.apple.nextmedia.com/entertainment/art/20170412/19987389
PermaLink: https://articles.zkiz.com/?id=330265

【機會嚟喇】駱駝牌暖壺 x 志明與春嬌 限定版周五開賣

1 : GS(14)@2017-04-13 00:24:34

100%香港製造的駱駝牌暖壺,因為保溫時間長又可以放中藥,近來掀起全球搶購熱潮,大部份零售點都只提供訂貨服務。未買到的又不用灰心,因為今次真係機會嚟喇。品牌與彭浩翔執導的「志明與春嬌」系列cross over,把電影內的經典表白訊息「i n55!w!」(I miss u!)印在壺身,並於星期五(4月14日)推出特別限定版,在九龍灣開賣。售賣詳情:日期:4月14日(星期五)時間:中午12時正地點:君立酒店,香港九龍灣宏光道15號1a號舖數量:650個(每人最多限買4隻)售價:每個$299(只收現金)記者:吳宛蔚2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


限量650隻的暖壺有兩色,桃紅和粉藍,每人限買4個。圖片來源:駱駝牌水壺 fb page

「i n55!w!」是彭浩翔執導的「志明與春嬌」系列中第一集,志明給春嬌表白的訊息。



來源: http://hk.apple.nextmedia.com/su ... t/20170412/19987553
PermaLink: https://articles.zkiz.com/?id=330313

春嬌遇地震鬧分手

1 : GS(14)@2017-04-13 22:40:34

《志明與春嬌》系列拍到第3集《春嬌救志明》,今集楊千嬅演的春嬌因為不安,跟余文樂演的志明再度鬧分手。導火線是二人到台灣旅行時遇上地震,在生死一刻春嬌認為志明不肯跟自己「共死」。最後志明找來黑社會大佬吳岱融、春嬌父母秦沛及邵音音組成合唱團,由他當眾唱情歌,證明自己已經成熟及有擔戴,成功為春嬌戴上訂婚戒指。結尾彩蛋暗示春嬌有喜,為下一集鋪路。前晚《春嬌》成為香港國際電影節的開幕電影,不少觀眾看後都表示滿意,Nicole說:「千嬅做得最好,印象最深就係地震嗰幕,床戲都OK嘅。」採訪:馬建華、張俊鉻攝影:沈健程




來源: http://hk.apple.nextmedia.com/entertainment/art/20170413/19988413
PermaLink: https://articles.zkiz.com/?id=330429

Next Page

ZKIZ Archives @ 2019