【情侶檔】既係情人又係生意拍檔 齊齊碌爆卡見真情
1 :
GS(14)@2018-02-21 06:23:28Quinn和Rebecca拍拖五年，一起工作了兩年。
一click免費下載《籽想去東京》旅遊指南：
http://bit.ly/2rSv4c4全新旅遊專頁，即like籽想旅行：
https://fb.com/travel.appleseed情人節去哪兒慶祝，但對於黎國鈞（Quinn）和李心儒（Rebecca）來說，好可能就要齊齊OT食茶記。兩年多前Quinn成立了自訂手錶品牌EONIQ，邀請了女朋友Rebecca出任市場推廣職位。兩人拍拖五年，並肩作戰兩年多，直言情侶檔創業有好有唔好，但覺得從中成長了很多，亦因而認定了對方為終身伴侶，兩人也打算儲錢結婚。
Quinn表示當初經過心思熟慮，雙方討論了五個月才邀請Rebecca任職，Rebecca亦為了支持男友創業，放棄了原本在五星級酒店任企業銷售的工作。Quinn形容情侶檔創業就像打仗，戰友間會欣賞對方的作戰表現：「有時佢幫我擋子彈，有時我幫佢擋，有啲似武俠小說郭靖黃蓉一步步打出成績，感覺好正。」而Rebecca則覺得一起工作能夠看得更全面：「一般情侶未必會知道對方做嘢嗰面，如果長遠想一齊，知道呢一面冇壞。」
兩年多前成立了手錶品牌Eoniq，用家可以在網上自行訂製手錶款式，在K11也有門市。
兩人邊學邊做，Rebecca管理IG和FB專頁時，有時也會自己影相。
不過這對情侶戰友，當初也曾一度想過放棄，Rebecca當時覺得雙方都在startup公司，收入難言穩定：「嗰時會諗我幫佢set up好，run順咗就再搵另一份工，起碼兩個有一個收入穩定。」但做下去卻覺得，離去對男友對公司也傷害很大：「PR、facebook專頁、顧客服務，不知不覺我已經跟咗好多嘢，要請人代替我可能要搵三、四個人，對公司好傷。」說到這裏，身材高大，說話總是條理分明的Quinn居然撒嬌起來笑說：「係幾傷㗎！」可見男友也很感恩女友的犧牲。
Quinn直言日見夜見，兩人工作、放假同在，會少了休息空間：「放假、拍拖都難免會掛住盤生意，食飯又會講一兩句marketing要點點點。」但因為這段愛人同事的關係，令他學會更適當的上司下屬溝通技巧。Quinn以前覺得作為管理層，看到問題就要直說，但現在回看，人和人相處始終不是機械。Rebecca分享道：「有次佢問我facebook條數點解咁，我話要check check先，佢就話唔應該要check，做marketing一返工就要知，我嬲到嚇佢，話再煩就delete咗公司個facebook。」和女朋友工作，Quinn慢慢學懂審時度勢：「唔係話有問題唔講，但佢係我女友，我知道佢搏緊命，再逼佢都係有反效果，會選擇遲啲再講。初初只係對佢咁做，慢慢我覺得呢種相處方式係對所有同事都應該要咁做。」說到情侶檔拍住上工作最難忘的經驗，雖和錢銀有關，但也見浪漫。本來公司網上推廣的費用都是先由Quinn的信用卡先付款，但上年公司遇到了零售低潮，Quinn和另一位創辦人先後碌爆卡，款項過到了Rebecca的信用卡之上。當Rebecca向Quinn表示：「覺得好唔穩陣，張卡好似隨時用唔到。」男方當時眉頭一皺，心想要怎樣哄回女朋友：「我自己就試得多，ATM撳唔到錢我都試過，但除咗創業家冇人應該要承受呢種朝不保夕嘅擔憂，當時諗：『死喇！佢一定好唔開心』」正在苦思如何是好，Quinn想不到Rebecca下句這樣說：「佢話佢感恩，因為佢終於理解到我呢兩、三年嘅感受，嗰時完全呆咗唔知講乜，因為我諗不到有一個人，當自己感受到唔安全，第一件事唔係諗自己，而係我之前嘅感受。」Quinn認為這件事肯定了自己沒選錯人，當然世事無常，但兩人也表示會努力珍惜對方，目前已在儲錢結婚。記者：司徒港燊攝影：王國輝
來源:
https://hk.lifestyle.appledaily. ... e/20180215/20305805