ZKIZ Archives


中環在線:馬雲生意經河南街邊斷斤賣 李華華

2010-06-7  AD






 

阿里巴巴 (1688)老闆馬雲竟然被人斷斤賣?唔係呀?故事係咁嘅……華華早前去到內地嘅四、五線城市河南新鄉市,行咗去當地最熱鬧嘅步行街,有間街邊書報攤,擺 咗唔少教人做生意同投資嘅書,『目及』吓『目及』吓,竟然見到馬雲嘔心瀝血編寫嘅生意心得《馬雲全集──阿里巴巴教父的激盪創業史與財富人生》,成吋咁 厚,標價係88蚊人仔。

華華將本書遞畀老闆娘話要買,諗住一嚿水有找,點知佢竟然將本書擺喺個磅上面,磅到斤幾重,然後就開價十三個八。 嘩?咁都得?馬雲嘅心血結晶,原來只係好似豬肉咁,俾人斷斤賣。

成條步行街得嗰兩檔書攤,但運動服裝用品舖呢,有佔成四成咁多,唔少仲係上 市公司嘅舖頭。競爭咁激烈,結果係點?咪大家都拍緊烏蠅囉!原來呢個係北京奧運一窩蜂嘅後遺症,到o依家都未消除晒。唔單止新鄉,華華去過其他三、四線城 市嘅步行街,都有同一個現象,睇嚟運動服裝行業仲需要一段時間整固噃!



PermaLink: https://articles.zkiz.com/?id=16029

Next Page

ZKIZ Archives @ 2019