情史5隻手指數晒50歲林憶蓮獨愛才子
1 :
GS(14)@2017-03-25 10:34:25縱使林憶蓮並非眼大面尖傳統美女型，但憑着獨特聲線、型格個性，成功成為上世紀歌后。而憶蓮多年情史，五隻手指數得晒，清一色都係工作伙伴。無論有錢冇錢，總之才華搭夠。許愿形象顧問、唱片監製其貌不揚嘅許愿，89年擔任憶蓮形象顧問，為憶蓮獨創嘅爆炸頭唱《激情》、《灰色》大熱歌，野性造型將女方歌唱事業推至頂峰。當時兩人朝夕相對，火速達着。直至93年，有指女方戀上有婦之夫李宗盛後才正式分手。李宗盛台灣音樂製作人90年代中期，事業如日方中嘅憶蓮，爆出介入台灣音樂製作人李宗盛，同前DJ朱衞茵嘅婚姻，令二人離婚收場。98年，林憶蓮奉女同李宗盛結婚，之後誕下女兒李喜兒。但二人婚後多次傳出婚變。04年，李宗盛發聲明，承認已同憶蓮離婚。陳輝虹前唱片公司高層05年憶蓮回港準備復出，喺初戀男友陳輝虹穿針引線下，加盟金牌，二人繼84年嘅初戀後，再度拍拖，可惜拍拖只有年幾，06年陳輝虹宣布二人再次分手。蔡美詩廣告導演曾執導電影《莎莎嘉嘉站起來》嘅廣告女導演蔡美詩，早年幫憶蓮拍攝新歌MV，有報道指二人過從甚密，蔡美詩更一度進駐天后嘅赤柱大宅。但有指憶蓮女兒李喜兒對蔡美詩極為反感，加速終結二人嘅同性密友關係。恭碩良澳門創作歌手今年39歲嘅恭碩良，曾被封為澳門鼓王，性格火爆，01年同名模女友楊崢被記者影到拍拖入酒店，即發狂動粗，將一百蚊掟落地俾記者外，又強行拆菲林。之後聲稱女友被非禮，盛怒下喺澳門山頂醫院，打傷急症室醫生眼角，被裁定一項傷人罪，罰款兩萬，賠償受害醫生35萬。但自從10年戀上憶蓮後，恭碩良即收晒火，二人拍拖至今第7個年頭，感情依然穏定。
來源:
http://hk.apple.nextmedia.com/entertainment/art/20170325/19969646