📖 ZKIZ Archives

Jo飽教仔但求唔留班中環在線：柯大俠「做我個仔最幸福」 李華華

2009-01-19  AppleDaily

從 滙豐見習管理人員，晉升到恒生（011）行政總裁嘅柯清輝柯大俠，同埋喺公仔箱度做老竇做到當選視帝嘅夏雨「Jo飽」，噚日一齊出席女青年會舉辦嘅對抗逆 境講座，講抗逆心得，仲大贈送講埋點教仔o忝！話說有位現場觀眾問兩位事業型爸爸，究竟係慈父定係嚴父，點樣鼓勵啲仔女面對逆境。經歷過偷渡來港、身無分 文、事業阻滯嘅Jo飽，話自己兩仔一女得十幾歲，完全未經歷過咩逆境，佢話對仔女嘅要求唔係特別高，但係成績方面就有最低要求，唔需要年年考第一做最叻嗰 個，不過一定唔可以做考第尾留班嗰個，因為個個都升到班，惟獨你一個留班，即係話畀人聽自己冇實力啫。仕途一帆風順嘅柯大俠，聽完Jo飽教仔方法即時反 彈，猛話自己個仔幸福，即使留班，做阿爸嘅都會處之泰然，因為人生難免有逆境，最緊要囝囝凡事要盡力；又話人嘅質素各有不同，對仔女唔應該太過逼迫咁話。 阿仔捧場老竇 柯 大俠反應咁大，原來噚日佢其中一位公子跟住柯大俠出席講座，獨自一個默默地坐埋一邊支持爸爸。個仔咁孝順，有街唔去陪老竇，唔怪之得佢有咁嘅反應。究竟柯 大俠4個囝囝有冇人留過班，華華就不得而知，不過可以肯定，佢哋父子關係一定唔會差。柯大俠仲提醒年輕人「花無百日紅」，人生唔係一定時時順境咁話，但即 使失業，後生仔都冇有怕，應該同屋企人分擔，趁住呢個時機去進修，好好裝備自己喎！李華華[email protected]

賺了4億，你會點教仔？

沈祖堯校長如何教仔

香港中文大學（The Chinese University of Hong Kong），校訓「博文約禮」，是香港最為出色的歷史文化名校之一，也是被譽為亞洲最美校園之一的大學。書院制度獨特，文化底蘊豐厚，一直吸引著很多大陸學子。中大名人輩出，中大精神薪火相傳。

真正懂教育的父母，都這樣教仔女

問了香港旅日攝影大師Jimmy Ming Shum幾個問題。

父親教仔，有樣學樣

1 : GS(14)@2011-05-11 21:46:15

http://hk.apple.nextmedia.com/template/apple/art_main.php?iss_id=20110511&sec_id=4104&art_id=15243395
【本報訊】油麻地發生恐怖射貓事件，一對「魔鬼父子」懷疑用改裝過的大火力氣槍，在廟街與南京街交界一幢大廈，以流浪貓做活靶，連續多晚進行「實彈射擊」。上周，一隻約兩個月大的小貓女，在大廈外牆簷篷上連中八槍，八粒包銅的鋼珠射入小貓的一對前肢，背及臀部。上周六，動物義工將性命垂危的小貓送交獸醫搶救，在牠身上取出八粒鋼珠，惟未脫危險期，其中左前肢更遭子彈重創，恐要截肢保命。警方昨晚接到報案後，正全力緝兇。記者：陳達浩、黃偉民、關英傑

---

2 : carl_li(1524)@2011-05-11 21:48:04

呢兩個人渣

---

3 : fineram(806)@2011-05-11 21:55:52

2樓提及

---

呢兩個人渣

今日睇到呢單新聞就係好想爆粗.

邊 有人咁教仔架.

---

周日人物：阿媽教仔　打定唔打？

1 : GS(14)@2013-05-12 14:58:26

http://hk.apple.nextmedia.com/financeestate/art/20130512/18256746

青姐：細路做錯事係要打

                股評人胡孟青出名直腸直肚，不時在專欄或明或暗地批評行家，似足一名悍婦。作為母親，可以想像，當她兒子被罰或被減分數，她可能會拉兒子返學校跟老師理論。好在這只是錯覺，對於管教今年6歲、讀小一的兒子Adrian，青姐並非怪獸家長。
青姐憶述兒子一個搗蛋故事：「有次去接阿仔放學，等極唔見人，原來佢同個同學走去二樓廁所玩廁紙，將廁紙捲埋一嚿一嚿，不停掉落街」，當然很快東窗事發，被駕車經過的老師發現，齊齊捉去見家長。
青姐明知兒子犯錯，收起一張伶牙利嘴，跟兒子細聽訓導主任和副校長訓話，聽完只說：「唔好意思，真係家門不幸，我返去會再教育阿仔。」
為教仔，青姐會拿出上一代父母必備的「武器」──雞毛掃。青姐認為，「細路係要打嘅，仲要話打就真係打」，讓他知道做錯事是有代價，至今未試過打爛一條雞毛掃，一年最多好似春秋二祭般打兩次。Adrian有次還「抵死」地問青姐，點解不用有雞毛那邊打，真令人哭笑不得！
難怪青姐形容兒子集天使與魔鬼於一身，大部份時間都是可愛的。她跟兒子的感情相當好，直言「阿仔親阿媽多過親阿爸。」
周一至周五，她必定開車送Adrian上學，之後到電台做節目，下午盡量抽空接仔放學，一星期五天，總能接到三至四日。
青姐晚上比較多應酬，有時要去上市公司飯局，因此，晚上就由Adrian爸爸負責教仔做功課。不過Adrian必定要等青姐回家替他洗澡，伺機跟母親談心，之後一齊講故事才睡覺。「如果我真係好夜返，阿仔寧願就咁瞓，都唔使阿爸同佢講故事。」青姐說時平淡，其實心裏甜到漏，哪有父母不喜歡仔女黐自己？

自稱蛇媽　因材施教

                講到怪獸家長，青姐形容自己是「蛇媽」，十分懶惰，無為阿仔安排大量校外課程，「就係因為佢讀幼稚園時，無加補品（補習），所以一上小一就發現佢英文唔好。」青姐也沒因此怪獸上身，狂谷兒子，只替他物色一位英語老師進行單對單補習。「佢由以前唔識拼音、抗拒英文，到而家睇書、對答冇問題。」
Adrian在學校也學吹嗩吶（俗稱啲打），無學多國語言。青姐認為，語言要日常生活用到才有用，她亦不想逼阿仔放學後趕來趕去上堂，「逼佢冇用，個仔有自己諗法。」講到尾，最緊要因材施教。

趙海珠：正面鼓勵先有用

                                    前「新聞之花」、「輪后」趙海珠說話溫柔淡定，相當小鳥依人，估不到她的母親是火爆之人，教女以打為主。珠珠笑言，兒時經常因為駁嘴激怒母親，母親隨手拿起藤條、衣架，甚至晾衫竹就打。雖然長大後明白母親苦心，母女關係良好，但童年陰影深刻，令她決定不會打罵教仔。
珠珠是家中細女，對上有兩位分別年長12年和8年的家姐，不要以為孻女拉心肝，這句話對她不適用。珠珠形容，母親是典型上海女人，說話大聲、好惡，加上性格火爆，珠珠又喜歡駁嘴，屬「阿媽講一句，我駁十句」的類型，曾因為阿媽拿她跟其他孩子的學業成績作比較，珠珠一句「咁你認佢做女啦」，激到珠媽紥紥跳。
其實70、80後，誰不是食藤條炆豬肉長大呢？被阿媽「弗」到周身藤條痕是家常便飯。有趣的是，珠珠最近跟母親提起兒時被打的慘況，母親竟然毫無印象。
珠媽今年66歲，珠珠兒子Hayden今年初出世後，母女關係更親密。珠媽年紀大，不能每天舟車勞頓去探望孫仔，平均每周探一次，惟每日必定致電珠珠，噓寒問暖，擔心女兒飲食、湊仔有沒有困難之類，可見天下母親，心底裏面都是關顧兒女的。
珠珠分析，以前父母打仔女，志在嚇怕孩子，令他們不敢再犯錯，但這一招卻未必有效，她舉例說︰「我細個數學麻麻，因為成績差而打我，反而令我更怕數學，正面鼓勵先至有用。」
童年陰影，加上溫婉性格，珠珠認定自己要做慈母，她跟丈夫有共識，她當好人，爸爸當衰人。她丈夫管教家中兩隻狗都十分嚴。「例如有隻狗在梳化小便，老公會罰隻狗戴住口罩，罰企一個角落。我好快心軟，15至20分鐘就想放佢，但老公可以等到一個鐘先放」，她老公亦相信「棒下出孝子」，故嚴厲管教兒子的重任都是交給丈夫。



矛盾應否當怪獸家長

                被問到會否當怪獸家長，珠珠直言好矛盾，一方面想Hayden有個快樂童年，任他自由發展，但跟大部份家長一樣，她擔心，當人人都讓半歲孩子上playgroup，兩歲開始學多國語言，琴棋書畫樣樣皆能，假如她不有樣學樣，會否令兒子輸在起跑線呢？珠珠暫時只計劃讓兒子九個月大之後上playgroup。
也許，珠珠的短期目標，只是希望兒子不要夜哭，讓她可以一覺睡到天亮！

---

甘比睇《五個小孩》喊到尾千嬅教仔：郁手唔好

1 : GS(14)@2015-03-15 15:19:21





■眼濕濕的甘比昨日抱住囝囝離開，大讚電影有誠意。


電影《五個小孩的校長》昨日在圓方舉行優先場，主演的楊千嬅帶埋父母及兒子Torres捧場，還有甘比一家、森美、周柏豪、方力申等。散場時，甘比眼濕濕抱住兒子離開，問是否很感動？她說：「係呀，套戲好有誠意，我由頭喊到尾，連我個女都睇到喊。」千嬅父母亦流下眼淚。



■一家人全神貫注，甘比爆女兒亦有喊。

■千嬅和校長呂麗紅率領幕前幕後睇優先場。


■千嬅父母和囝囝Torres一齊撐千嬅，原來Torres是首次入戲院睇戲。

Torres睇到攰瞓着

千嬅表示兒子是第一次去戲院睇戲，但由於太攰，所以睡着了，她笑說：「佢知有街去，今朝七點就起身，但見我同工人姐姐都睇到喊，佢就呆咗。」對吳綺莉涉虐兒及藏毒，千嬅一臉驚訝：「吓？唔清楚，唔方便評論。」如果小朋友扭計會否發脾氣？她說：「阿仔得兩歲，未太頑皮同反叛；但就算你打佢手仔，佢都以為同你玩十五二十。其實父母一生都有責任教育子女，所以要有耐性，郁手都無用，係唔好嘅。」她直言小朋友成長速度快，認為講道理及身教更重要，她說：「唔捨得嬲㗎，BB似小情人，好似談情咁，講嘢盡量唔好大聲。」森美有一子一女，看完電影亦有反思自己是否怪獸家長，他還大讚戲中小演員嘉嘉好戲，建議提名新演員及女配角。對吳事件，他表示無留意，只說：「我曾經幫過防止虐待兒童會拍紀錄片，原來一打（小朋友）已經叫虐兒，嘩！我當時驚一驚想去備案，因為我阿媽以前身邊有乜，攞起手就當武器，

---

【爆相爆片】千嬅環球影城教仔

1 : GS(14)@2015-10-24 13:17:12

■千嬅一家三口在影城內跟迷你兵合照。微博圖片


楊千嬅下星期在新加坡舉行巡演，昨日讀者倪小姐透過本報「爆相爆片」，提供了千嬅一家三口在新加坡環球影城遊玩的照片。倪小姐表示照前日下午3時左右在環球影城近入口的大街見到千嬅、囝囝丁進諾（Torres）及丁子高，同行還有一男一女及兩名外籍傭工。他們正排隊跟迷你兵（Minions）合照，等了5分鐘後，千嬅先行跟一男一女行開，留下丁子高父子。


■廿四孝老竇的丁子高不時氹囝囝喝水。讀者提供圖片


合照後Torres似乎不滿，發脾氣一手搶過父親手上電話，嚇得父親搶回。不久千嬅等回來準備離開影城時，Torres又想跑到手信店，但被母親喝止歸隊。丁子高昨日在微博貼相，又透露到過動物園參觀。撰文：李森





來源: http://hk.apple.nextmedia.com/entertainment/art/20151024/19345532

---

陳美齡出書講教仔

1 : GS(14)@2016-05-08 01:44:14

陳美齡與日籍老公金子力育有三子和平、昇平和協平，他們和媽媽一起考到美國史丹福大學，可謂一門四傑。陳美齡能教出三個叻仔，的確令很多家長羨慕，最近日本《朝日新聞》力邀她推出一本《50個教育子女的方法》，分享自己30年來的教仔生涯和經驗，她笑說培育子女成長的方法，50個方式也說不完，可是小朋友最重要的時候是由BB至5歲前，必須靈活運用孩子的腦細胞，而且在這段時間如可以讓仔女養成閱讀習慣的話，以後就會自動自覺書不離手，更易吸收知識。陳美齡的新書日文版已在3月時推出，目前正在籌備中文版，希望可讓更多家長在教育子女方面有所啟發。撰文：陳以晴





來源: http://hk.apple.nextmedia.com/entertainment/art/20160506/19599412

---

【爆相爆片】森美東京黑面教仔：每樣嘢都要付出

1 : GS(14)@2016-08-04 04:06:19

【揀紀念品】■森美與家人日前到東京旅遊，參觀葛西水族館及紀念品商店。讀者提供圖片


鍾情日本的商台DJ森美（梁志健），上周五做完節目後便與老婆陳雅嫻（Veronica）及仔女到東京旅遊，讀者趙小姐大前日透過本報「爆相爆片」，分享她在東京葛西水族館巧遇森美一家的相片，指森美當日因囝囝扭計一度黑面。



【空手而回】■森美與老婆仔女參觀完紀念品商店，便步行到停車場取車離開。讀者提供圖片

■曾患家族遺傳抑鬱症的森美，病癒後更珍惜與家人相處時間，不時舉家外遊。資料圖片



扭計買紀念品


曾表示過往只顧工作，太少時間陪伴家人的森美，早年曾患家族遺傳抑鬱症，病癒後令他更珍惜與家人相處時間，故會爭取時間享受家庭樂。讀者趙小姐報料指：「嗰日大約下晝1點半見到森美，當時佢哋參觀完水族館出嚟，見佢哋行過賣紀念品舖頭，森美個仔扭計話要買紀念品，唔肯走，黑黑哋面嘅森美，攞咗張1,000yen（約76港元）出嚟，話係買就快，不過阿仔應該諗唔到買乜嘢，森美老婆就好大聲對個仔講『數三聲，諗唔到就走』跟住就數三、二、一，最後森美拉隊行去停車場攞車走人。」本報聯絡過森美，笑問他囝囝是否旅遊時扭計？他說：「係呀，佢想買化石，我有畀錢佢買，但我畀佢選擇，如果想買化石，就一日唔可以玩Pokémon GO，最後因為佢好想玩Pokémon GO，咁就揀咗唔買嘢喇，錢我就照畀咗佢嘅，但事後我就同佢講，每一樣嘢都係要付出嘅，我係畀佢選擇！」採訪：小米





來源: http://hk.apple.nextmedia.com/entertainment/art/20160803/19720045

---