迫女拍檔影咸相 林敏驄遭亞視革走
1 :
GS(14)@2011-04-11 00:33:202011-4-7 NM
林敏驄自從年初開始替亞視節目《智醒智勁四方城》做主持，便多次被指向女嘉賓抽水講咸嘢性騷擾，雖然被亞視照肺，不過阿驄依然唔知衰，近日更將淫行升級，強迫兩位女拍檔影淫照。阿驄失控咸上腦，據了解，亞視決定換主持叮他出局，至於被迫影咸相的女拍檔小花（譚杏藍）更哭訴：「我都有阿媽生。」箍住影胸
上月底，林敏驄照常返亞視錄影《智醒》節目，由於當晚嘉賓是梁思浩，無女嘉賓俾佢過手癮抽水，惟有轉移目標，向女拍檔「小花」譚杏藍施毒手。「嗰日錄影頭一part節目，阿驄就用手箍住小花條頸，然後㩒低佢成個人，小花雖然好嬲，但知道出緊鏡，惟有笑住叫佢停手，不過阿驄冇理到，仲愈㩒愈低，到攝影師停咗機，佢即刻攞部iPhone出嚟，影小花波罅，小花下意識用手遮胸，佢就掹開人哋雙手，現場觀眾都睇到。小花唔想多事，一直冇出聲，不過阿驄愈嚟愈離譜，仲將成批AV相放上微博，小花睇完之後愈諗激氣，忍唔住走出廠喊，要導演叫佢先肯返入去。」工作人員透露。
避之則吉
據了解，兩位女拍檔小花及陳綺雯，對於經常「手多腳多」的林敏驄早已避之則吉，只要不用埋位，便自動彈開。「除咗影小花波罅，又吼人哋坐低影人哋髀罅，Aki（陳綺雯）身材冇咁好，佢夠膽死叫人踎低俾佢影心口，又成日揸車去Aki屋企附近等佢約食飯，Aki驚到震，一次都冇應承。其實阿驄平日錄影節目，都鍾意用啲道具波掟兩個女助手，見人哋嗰集著條裙低胸啲，又特登黐埋去，總之就好離譜。公司收到投訴，都即刻處理，所以阿驄做埋二十三號嗰集，就會換主持。」對於被林敏驄迫影咸相，出身歌唱節目《星光大道》的小花，日前回應事件時十分避忌，未幾更講到喊：「佢影嗰啲相真係好過分，我求過佢唔好放上微博，都冇理我，我都有阿媽生o架。」
樂壇小花
現年22歲的譚杏藍（小花），曾留學美國，並於三藩市UCSF CSSA華語歌唱比賽奪得第四名。09年回港，參加第一屆《亞洲星光大道》，並簽約亞視，最近以「大三元」的外號主持《智醒智勁四方城》。
玩人唔使本
玩人手口並用的林敏驄，擅長將自己的快樂建築在別人痛苦身上，簡直人見人憎。
微博抽水
近年鍾意利用微博到處辣火頭，除咗將Eason 惡搞做黑人之後，又借安仔與Sammi復合的新聞抽水，笑稱幫二人搞「全裸婚禮」，選址在「菲洲好旺國鎖埋門裙島沙灘對開草叢近印尼嗎里島太平館後門」。
影心口
去年平安夜，阿驄出席千嬅婚禮，甫落車便拎住DV不停拍並大講有味笑話，更對準千嬅胸部狂拍。新娘子不停閃避，阿驄卻追住唔放，搞到千嬅大好日子都忍唔住講咗句「妖」。事後阿驄更辯稱只是拍千嬅心口粒癦，仲懶得戚咁話：「粒癦咁細！」
搞亂檔
02年林敏驄出席「無綫2002世界盃」記者會時，出言調戲韓君婷和張鎧潼，阿叻同克勤睇唔過眼，祝酒時用香檳噴向阿驄。克勤更直斥：「佢次次都搞事，都唔知佢老婆點管佢。」其後因前林太陳伶俐的LV袋被香檳波及，雙方引發罵戰。克勤同阿驄相識十幾年，卻因此反面收場。
2 :
龍生(798)@2011-04-11 01:14:05林敏聰, 恃才傲物, 不可一世
但呢篇文章似抹黑佢多於描述事實, over 左, 反減低公信力
3 :
狴犴(9033)@2011-04-11 08:10:22阿蔥喺埋太耐無抱抱啊？搵雙雙嘛
4 :
oneirocriticism(809)@2011-04-11 11:54:42我上佢微博搵唔到相喎
霜霜唔係話抱就抱架，佢話要有感情先可以抱架
5 :
onesee(1238)@2011-04-11 12:02:10林敏聰係自己玩死自己
6 :
狴犴(9033)@2011-04-11 12:03:204樓提及
我上佢微博搵唔到相喎 霜霜唔係話抱就抱架，佢話要有感情先可以抱架
冰兄，咁又唔喺喔，聽聞講，雙雙第一日返峰峰屋企，已經喺大床上面抱抱了喔，好似抱抱先，跟住抱出感情喔。
雙峰戀，引死人！！！
7 :
oneirocriticism(809)@2011-04-11 12:27:386樓提及
4樓提及
我上佢微博搵唔到相喎 霜霜唔係話抱就抱架，佢話要有感情先可以抱架
冰兄，咁又唔喺喔，聽聞講，雙雙第一日返峰峰屋企，已經喺大床上面抱抱了喔，好似抱抱先，跟住抱出感情喔。
雙峰戀，引死人！！！
我係冰妹/冰姐
除左抱抱仲有傾計架好似…
8 :
龍生(798)@2011-04-11 13:01:42小冰冰...可能還一起討論雙峰....戀呢
9 :
狴犴(9033)@2011-04-11 13:26:387樓提及
6樓提及
4樓提及
我上佢微博搵唔到相喎 霜霜唔係話抱就抱架，佢話要有感情先可以抱架
冰兄，咁又唔喺喔，聽聞講，雙雙第一日返峰峰屋企，已經喺大床上面抱抱了喔，好似抱抱先，跟住抱出感情喔。 雙峰戀，引死人！！！
我係冰妹/冰姐 除左抱抱仲有傾計架好似…
Sorry, 喺冰妹。
雙峰傾咗好多。。。。。仲傾到冠希哥哥
10 :
GS(14)@2011-04-11 20:41:057樓提及
6樓提及
4樓提及
我上佢微博搵唔到相喎 霜霜唔係話抱就抱架，佢話要有感情先可以抱架
冰兄，咁又唔喺喔，聽聞講，雙雙第一日返峰峰屋企，已經喺大床上面抱抱了喔，好似抱抱先，跟住抱出感情喔。
雙峰戀，引死人！！！
我係冰妹/冰姐
除左抱抱仲有傾計架好似…
聽下歌好啦...不要發夢
11 :
GS(14)@2011-04-11 20:41:372樓提及
林敏聰, 恃才傲物, 不可一世
但呢篇文章似抹黑佢多於描述事實, over 左, 反減低公信力
忽周都講過佢
12 :
狴犴(9033)@2011-04-11 22:03:0210樓提及
7樓提及
6樓提及
4樓提及
我上佢微博搵唔到相喎 霜霜唔係話抱就抱架，佢話要有感情先可以抱架
冰兄，咁又唔喺喔，聽聞講，雙雙第一日返峰峰屋企，已經喺大床上面抱抱了喔，好似抱抱先，跟住抱出感情喔。 雙峰戀，引死人！！！
我係冰妹/冰姐 除左抱抱仲有傾計架好似…
聽下歌好啦...不要發夢
喂，有瑤瑤抱下都好喔
13 :
亞力士(1473)@2011-04-11 23:48:34林敏聰近十幾年都冇乜佳作 佢老婆又走埋
瑤瑤成三十了.......
湯兄 肉浦團上畫了 我禮拜六睇 有性趣嗎?
14 :
龍生(798)@2011-04-12 01:47:44我應該會睇....嘿嘿
15 :
GS(14)@2011-04-12 08:05:4913樓提及
林敏聰近十幾年都冇乜佳作 佢老婆又走埋
瑤瑤成三十了.......
湯兄 肉浦團上畫了 我禮拜六睇 有性趣嗎?
性趣應該無
簡單的事實林敏驄
1 :
GS(14)@2015-05-14 12:40:122015-05-14 NM
訪問林敏驄不簡單。林敏驄通常一派世外高人，即興得幾虛榮，坦言：「有能力天馬行空，梗係唔會地上搭巴士。」對他的記者也通常虛榮，甚至比面對天王巨星更覺任重道遠——正因為盡說林敏驄難以理解，「有妹妹仔會扮晒fans、扮晒理解我有深度，結果寫出報導渣到呢……」何苦？我不虛榮，只陳述簡單事實：‧林敏驄現況勤力得每日跑幾場戲院為《全力扣殺》謝票。‧林敏驄正靠後輩郭子健幫助，五十六歲臨老學做導演。‧失婚兩次自知不算好爸爸，直認孩子「唔多『蘇』我」。這些，均並非天馬行空可以瀟灑帶過。簡單快樂
《全力扣殺》剛上映，作為配角說謝票尚早，毋寧是隨片登場打硬仗。「劇情講我們一班躪癱被人睇唔起，不能演一套做一套，現實同樣面對逆境，要與《Avengers》（同期對手《復仇者聯盟2》）爭院線，盡力做起個勢囉。」林敏驄並非不食人間煙火，坦言享受現場歡呼。「廿幾歲的觀眾與你認識我時不同，冇咁多分析『點解林敏驄要蹧蹋自己呢』，年輕人只會直接讚我好笑。」他寧願這種純粹 快樂。係，七十後如我，一寫林敏驄總聯想到蹉跎歲月、懷才不遇……而且必定由填詞談起。「不填了，那是我卅年前征服了的領域，不再爭論究竟以前抑或新一代的歌詞較優勝，係已經冇個市，以前錄一隻碟要幾十萬，現在反而幾萬蚊都冇人錄。電影靠現場震撼感冇得download；唱片，你仲買咩？「俾得起錢我的，只剩顏福偉。」作品音樂會，他說仍有諗。「紅館檔期唔知俾咩人霸晒，煇哥（顧嘉煇）又搞榮休啦。音樂會，對我來說，至少比gag show容易，就係招呼歌星朋友，支雞出吹。」
簡單目標
甚少認真的林敏驄，認真地每天跑戲院，除了捱義氣，也為後，準備做導演。「朋友勸得我，演員很被動，來到這年紀，仲等人提攜？又未夠鐘死。導演是綜合藝術，文字劇本難唔到我，讀design出身（理工畢業），掌握影像美感比填詞更早。演更易，還有配樂，為什麼不能加起來總結？所以創作人終極總愛拍電影，我想play God，控制一切。「郭子健（新作裡年齡做得他兒子的導演）很respect我，並非客客氣氣種，是剪接都叫埋我去。沒什麼不好意思的，導演成了名通常提攜新人，郭子健卻提攜前輩。」五十六歲發力遲唔遲？機會，一早錯失過。「拍《笑星撞地球》（九○年），我把聲由保全叔（叮噹配音員）代配，因為我趕住同李小姐（第一任妻子李美鳳）去歐洲旅行，曾志偉鬧我唔生性。游了開去便不易游返岸，我又唔鍾意求人。「冇乜好後悔，那時三十歲，獎金定獎品？任我由頭揀過，我都係會咁揀。」情史，林敏驄自動波提起，電影公司事先叮囑我莫問，恐林敏驄拂袖而去。林敏驄笑了：「是他們 說的。」於是我憑歌寄意，從其詞作《永不想你》開講。「永不想你」堪稱吊詭命題——閣下會永不想地鐵對面的麻甩佬嗎？是乾脆毫無印象，所以當說一句「永不想你」，其實隱含「永遠想你」、「怕想起你」——我要問的是，經歷兩次婚姻失敗，仍有令林敏驄永不想的人麼？「愛情可以繼續追求，但冇咁落力，睇兩眼知八成啦，細個才會要生要死——唔係我，係人會。」
簡單世事
林敏驄重感情嗎？至少有。他曾主動call我，叫本刊採訪林敏怡（同為音樂人）的新搞作，事關姐姐比弟弟更不擅交際。林敏驄會有求於記者，只因親情。「她帶我入行，幫《胡越的故事》配樂推薦我填《這是愛》，這個圈，非靠人事很難進身，但一次便夠，我沒辜負她期望。廿幾歲時，我寫過篇文章說，得三個女人能令我哭，外婆、媽媽和姐姐，三代走了兩代，剩番一世人兩姊弟。」事隔三十年，讓他哭的女人，添加一、兩個吧？「真不再有了。」嗯，大家寧願睇林敏驄搞笑。配合《全力扣殺》和亞視不斷重播的《開心主流派》，我嘗試摸出他的幽默套數——對白常常加插「蘇聯火箭基地邀請我去參觀」、「歷任教宗仔女都係我教打羽毛球」……諸如此類。「你覺得好笑咩？」係喎，點解我會笑？因為處境夠荒謬，因為對所謂家國大事愈來愈 不屑。他說：「世界離我們愈來愈遠，不是愈來愈近。年輕才熱血，當奧巴馬都比我年輕幾歲，我仲可以關心 乜？」
簡單愛
林敏驄不想被摸清套數，神龍要見首不見尾都叫神龍。「Gag show還是即興好，有種虛榮感，是但提個觀眾上台都可玩佢半粒鐘，現場諗到冇理由唔爆肚；黃子華才會啞晒——不講他了，費事佢班fans鬧我。「一半一半吧，總要有個框，告訴人我好辛苦度出來，老闆覺得物有所值。」在《全力扣殺》露臀是即興，當然也經過大腦。「我叫特技加工到個籮柚辣紅。但如果日後要認真在片約列明露乜露物，便冇驚喜了。人成日口口聲聲嗌認真，其實係冇能力天馬行空，才焗住地上搭 巴士。」都都。之但係，露臀……沒想過給孩子做好榜樣嗎？家變後雖然隨母陳伶俐改嫁，就不怕讀名校的孩子難為情？「孩子已經唔多『蘇』我，我從不自認好爸爸。小時候我也與爸爸疏離，佢冇Benz送我返名校我就憎佢！後來他再婚，聽哎兄弟說，原來爸爸一直以我兩姊弟為榮，到他老病，淨係生我出份血脈相連就斬唔斷。爸爸死後，關係更加close，他常常入我夢中，同我傾偈。「孩子也一樣，任何心結總有解開時候，不爭一朝一夕去講誰對誰錯。孩子有我遺傳，一定唔蠢過人，有一天會明白我。」
永不想你
林敏驄說得對，我輩舊世代的人，總糾纏於才子點解自甘蹧蹋——不算同情，是習慣旁觀他人的痛苦。林敏驄痛苦在，他玩玩時你嫌他不真誠，他真誠你又嫌他不夠惹笑。仍以《永不想你》為例，聽過他翻唱填給譚詠麟的這首歌嗎？首段腔口似到絕，及至副歌又唱出自己技巧。我認定，林敏驄在show off。「梗唔係啦，當年錄音貴，一take便算。「但經你分析，亦講得通，我下意識做到了——要似阿倫有乜咁難？」係囉，有幾難，阿驄實幹些吧！
林敏驄爭男配：唔係我對手
1 :
GS(14)@2016-03-06 03:14:38一班有份入圍今屆香港金像獎的演員，包括文詠珊（JM）、蘇麗珊、白只和林敏驄等，前晚到尖沙嘴出席電影工作者總會春茗。角逐最佳男配角的林敏驄笑說：「全部都唔係我對手，因為我對手喺我自己度！其實今屆個個都好勁，特別係張晉，因為知蔡少芬話佢贏唔到就唔畀佢返屋企。」
■JM入圍女配，獲男友計劃外遊慶祝。
憑《赤道》有份提名最佳女配角的JM坦言家人和男友比她更激動，她說：「男友話我好勁，佢話嚟緊會plan個旅行慶祝。有啲導演都話會投我一票，有佢哋嘅支持意義仲大。」採訪：曹家誠攝影：沈健程
來源:
http://hk.apple.nextmedia.com/entertainment/art/20160305/19516928
林敏驄出手填詞 E-kids MK騷等加場
1 :
GS(14)@2016-11-29 07:55:27■MK-Pop始祖E-kids拆夥十年後翻生，將於明年1月殺入旺角開騷。
由阮民安（Tommy）、林詠倫和郁禮賢組成的MK-Pop始祖E-kids拆夥十年，今年宣佈重組兼開演唱會，原來三子開騷不是發白日夢，將於明年1月21日踩入旺角麥花臣場館舉行「E-KIDS3XL演唱會」，有「樂壇小強」之稱的成員Tommy前日在電話表示：「如果賣得晒飛又可以加場，證明香港樂壇仲有希望，連我哋三個都可以開騷，原來呢個世界只要堅持，唔放棄就有奇蹟發生。」
放棄九展檔期
身為MK-Pop當然想辦法在MK開騷，E-kids本來一早取得下月的九展檔期，最後都放棄，寧願押後一個月都要佔領旺角場館，Tommy說：「我哋E-kids係MK-Pop，梗係要喺番MK開騷啦，咁啱呢幾年MK有麥花臣咁好嘅場地，好似迷你版紅館。我哋本身12月3日有一個期喺九展，算喇，我哋唔要，一直等到1月21日麥花臣有期，咁MK組合梗係要喺MK開騷啦，係咪先？」
■E-kids重組開騷有新搞作，邀請了林敏驄（右）為新歌填詞。資料圖片
■E-kids緊張開騷，昨日到麥花臣場館視察。
親到場館視察
昨日E-kids到麥花臣場館視察，Tommy表示：「而家好擔心，因為明日開始優先訂飛，如果賣飛唔理想，個場就好似盂蘭勝會咁。而家舞台效果同製作費都未有，希望資金充裕啲，否則到時回歸大自然，只係得個台，我哋三個就咁上去唱，所有製作、舞台效果、咪全部冇，希望唔會出現呢個場面。」此外，E-kids早前更到日本錄了三首新歌，Tommy說：「三首歌都係我作曲，其中一首搵咗林敏驄填詞，林大師同我哋識咗好耐，我哋入行前喺餐廳表演已經識佢，我哋又一齊喺明星足球隊踢波，又幫佢做過演唱會嘉賓，今次我哋重組，膽粗粗問林生可唔可以幫我哋寫詞，佢一口答應咗，亦好快send咗歌詞畀我哋。」採訪：皓騫
來源:
http://hk.apple.nextmedia.com/entertainment/art/20161129/19848543
潮玩父女戀 57歲林敏驄 征服26歲港姐新歡
1 :
GS(14)@2017-03-05 23:05:152017-02-22 EW
現年五十七歲的林敏驄，〇八年與第二任妻陳伶俐離婚後，並無再婚，對上一次獲他公開承認的女朋友，已是一一年俄羅斯籍的Natasha。之後，間中見他攬洋妞、㗎妹自拍蜜照上網；回復單身後，他似乎更好艷福，根本不愁寂寞。
本刊發現，有「鬼才」之稱的他，近來口味愈玩愈後生，更仿效天王郭富城、小生鄭嘉穎等，貪嫩口而潮玩「父女戀」。據悉，他網聊媾掂現年二十六歲、身材玲瓏浮凸的一六年落選港姐阮嘉敏。早前，他更以情侶檔姿態，不避嫌拖新歡出席圈中人的宴會，如沐春風！
女伴國際化
現年五十七歲的林敏驄，與陳伶俐離婚九年，大家各有各的生活。前妻再婚改嫁，而他則有如脫韁野馬，回復單身多年來，出現身邊的異性團團轉；而且，女伴更衝出國際，先有韓妹「小花」，後有俄妹Natasha；早前，他又拖疑似㗎妹，並肩睇鄭中基的演唱會，艷福不淺。
素有「鬼才」之稱的林敏驄，憑藉才華獵女無數，兩個前妻李美鳳、陳伶俐都是選港姐出身，最新鮮熱辣媾掂到手的新歡，姿色亦絕不平庸。新歡叫阮嘉敏，現年二十六歲，樣貌與身材同樣出眾，一六年參選港姐，可惜落敗。兩人相距三十一年，圈中從此又多一對「父女戀」。
據悉，向來擅用社交平台的林敏驄，透過fb、Ig關注了許多中外吸睛異性的帳戶，並憑着一流的口技，結交不少靚女，從而進一步深入認識。年前，他機緣巧合下，認識當時正在美亞電視擔任女主播的阮嘉敏，據密友爆料：「阿驄，當然事不宜遲馬上抄牌，兩人更先由網聊開始，再發展友誼。」
網交撩女仔
本刊發現，早於阮嘉敏參選港姐前，林敏驄已三番四次於社交網暗示對她有意思。有一次，阮嘉敏攬寵物兔仔合照，他即留言回應：「lor泥反下?（諧音：攞嚟玩吓）」，醉翁之意當然不在「兔」，明顯想與她打開話匣子才是真。另一次，林敏驄網上撩女，更加明目張膽，他上載阮嘉敏的眼睛近鏡照，並留言道：「懈兵个」，即「係邊個」的同音，叫人猜猜相中人是誰？結果只有阮嘉敏神會才子的心意，並回覆他一個「：P」伸脷圖案的符號，大有調情feel。據密友透露，兩人網絡傳情了好一段時間，直到後來女方落選港姐，男方藉口安慰對方，更主動出擊，約女方出來見面食飯，關係再進一步。密友說：「個女仔一心想喺娛圈發展，阿驄以提攜後輩咁嘅姿態出現，梗係冧到吓女仔啦！」
根據資料，阮嘉敏畢業於中大專業進修學院的媒體及傳播學系，一二年讀書期間，已入行兼職模特兒，曾經與古天樂、張繼聰等拍攝廣告，又擔任美亞電視娛樂節目主持。早年，她亦曾參選過雜誌舉辦的校花選舉，一早立志加入娛圈，並似乎野心勃勃。
引薦識老細
早前，一間電影公司舉行宴會，本刊就發現，林敏驄大方與阮嘉敏結伴同來。期間，男方不斷為女友作引薦，介紹認識場中各大電影公司的老闆。現場所見，林敏驄即使大部份時間忙於與人寒暄應酬，但他對女方卻不失細心體貼，一直跟阮嘉敏保持着眼神交流，一時含情互望，一時眉來眼去，而只要一有機會，兩人更會走到一旁竊竊私語。林敏驄全程高度呵護着女方，如沐春風的表現，很多人都看在眼裏。
密友續指，大夥兒察覺到林敏驄與阮嘉敏近來出雙入對，關係殊不簡單，但求證兩人是否拍拖時，他卻大耍太極，一味「鬼鬼馬馬」推搪過去，相信他仍未肯為女方收心養性。
18歲大仔擁「小新」眉
林敏驄與陳伶俐育有兩子，大仔林肯（Lincoln）現年十八歲，至於細仔林善（Yohji）就十三歲。據悉，林肯和林善皆為乳名，而大仔的真名是林哲鋒。兩兄弟皆於聖保羅男女中學上學，大哥讀中六，而細佬則唸中一。
陳伶俐曾對傳媒稱讚大仔林肯，說他小小年紀無師自通彈鋼琴，又能背出年曆每個日子是星期幾，結果帶他測試，驗出IQ超過一百三十，屬資優兒童。據悉，林肯在校內成績優異，亦積極參與各類型課外活動，樣子與林敏驄餅印，另一特徵是似足「蠟筆小新」的濃眉。他除外表似爸爸一樣惹人注目外，連性格上亦一樣鬼馬，平日鍾意在同學面前搞笑搞氣氛，所以校內人緣不俗。
離婚後，陳伶俐獲兩子撫養權；不過，兄弟於媽媽再婚後，便跟外婆同住，而有指他們與後父關係融洽，不時見面飯敍；反而有傳兩子跟林敏驄較少見面，父子關係疏離。
港姐舊愛嫁得好
「鬼才」林敏驄雖然其貌不揚，但憑着其獨特才華，先後媾掂港姐亞軍李美鳳、落選港姐陳伶俐，並結為夫妻；他又曾與「豬扒港姐」之稱的張嘉兒傳過緋聞。不過，無論是前妻或緋聞舊愛，一經他手，都能覓得好歸宿，個個嫁得好。
李美鳳
八七年港姐亞軍李美鳳，因合拍電影《笑星撞地球》而與林敏驄撻着，兩人在九〇年於多倫多秘密註冊，夫妻關係維持了五年。李美鳳與林敏驄離婚後，認識台灣富商鄭翔中，兩人在九六年結婚，兩年後誕下龍鳳胎。全面息影的她，專心相夫教子，偶爾返港拍廣告或出席慈善活動。
陳伶俐
九六年，十九歲的陳伶俐參選港姐，落選兩年後與林敏驄奉子成婚，先後為他誕下兩子。〇八年，陳伶俐與猛男麻雀腳傳出緋聞，同年，她與林敏驄公布離婚。一二年，她帶兩子改嫁，與新加坡隱形富豪後人劉頌銘結婚。一五年，她為劉家誕下一子；有指她母憑子貴，獲得老公打本千萬在銅鑼灣開畫廊。
張嘉兒
〇九年，林敏驄主持無綫節目《三個女人一個噓》，與〇七年港姐冠軍、有「豬扒港姐」稱號的嘉賓張嘉兒結緣，並傳出緋聞。其後，林敏驄笑指被「砌生豬扒」，張嘉兒亦否認緋聞。一五年，張嘉兒覓得好歸宿，下嫁本港第一位華人爵士何啟後人、任職會計師的老公Nathan，去年誕下一女Leora。
撰文☆娛樂組 攝影☆攝影組 設計☆蔡宛真
林敏驄開騷邀關淑怡
1 :
GS(14)@2017-04-08 19:39:55林敏驄入行35周年，將會在6月舉行兩場作品展，他昨日在尖沙嘴舉行記者會，出場時拖兩位性感女郎，笑指欣賞製作單位之一的林建名隨時有靚女「開光」；又取笑黎瑞恩似「大媽」。譚詠麟、草蜢和鄭中基等會出席作品展，林敏驄說：「都唔知自己咁多朋友，個個冇托手踭，立即度期。」個唱上會請關淑怡做嘉賓，問到可會怕關淑怡臨時缺席？他說：「我有時有搵佢，佢OK都好正面。」有傳對方財困？他說：「（曾）志偉搞掂啦！佢贏咁多錢。」而他亦有找小美邀請郭富城。另外，問他會否找緋聞女友阮嘉敏幫手？他說：「你哋諗多咗冇咁嘅事。」採訪：王連連攝影：葉君海
來源:
http://hk.apple.nextmedia.com/entertainment/art/20170407/19982187
【十二道驄味】林敏驄自問自答吞膏丸玩濕膠勁high
1 :
GS(14)@2017-04-22 10:43:37■林敏驄自問自答，令人大開眼界
事隔八年，樂壇鬼才林敏驄再次開個人作品展演唱會！由於訪問林敏驄係一件好艱難嘅事，十條問題有十二條都唔會得到正常答案，於是今次佢就破天荒化身十二道驄味廚神，磨刀揈蕉食雞蛋仔之餘，仲自己訪問埋自己，真係令人大開眼界！
■同場加映：磨刀
■衣架麵
■雞子料理
■事隔八年，林敏驄六月再次開個人作品展，訪問佢咁難，唯有叫佢自己訪問自己啦
廚神：我聽邊個邊個講，話你開作品展演唱會，係咪樂壇要你打救一下呢？驄：有錢搵咪開囉，你儍儍哋，冇糧出你做不做呀？廚神：咁你籌備成點呀？驄：個show邊使我搞，大把人搞啦，個個都識行識走，嚟到識唱歌，啲歌本身好聽嘛！我去收銀咋嘛，唔使收銀咩？放低錢好走啦！廚神：咁多人話你係鬼才，其實一個鬼才係點煶煉出嚟？驄：首先要搵兩個鬼妹同埋鬼仔，撈埋一齊，就撈出一個鬼才！我阿爸應該都搞了幾多鬼妹，哈哈廚神：咁你呢個鬼才最欣賞邊個？驄：李清照、李太白、李太黑同埋李太公，李太白嗰首膝頭歌好好聽廚神：其實你講嘢咁快，人哋都捉摸唔到你，係咪你個口快過個腦呀？驄：呢個學名叫做Speech thinking，係口快過腦，有時未諗好都已經講完啦廚神：你唔驚講錯得罪人咩？驄：由佢錯啦，有時候錯有錯著嘅廚神：話時話，你年紀都唔細，退休後想做咩呢？驄：環遊世界啦，駕船出海咁！其實我係外星人嚟，人類計我其實依家只係廿幾歲
採訪：小米、余傲芝攝錄：馮峰、Neo攝影：仇志德場地提供：鮮入圍煮
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170421/19996428
Next Page