ZKIZ Archives


着情侶波衫獅城放閃杏兒Phil甜捧阿仙奴

1 : GS(14)@2015-07-23 01:30:05

【好貼身】■胡杏兒同男友Phil喺星期三被讀者發現,喺新加坡拍拖捧阿仙奴,佢話係專登放假陪男友。讀者提供圖片


【爆相爆片】【新加坡】胡杏兒自從公開承認同有「港姐殺手」之稱嘅夜場老闆李乘德(Phil)拍拖,外界一直高度關注呢段戀情,雖然佢哋好多時選擇去外地拍拖,不過仍然逃唔過鏡頭。前日讀者陳先生經過本報「爆相爆片」,直擊杏兒同男友喺新加波着情侶波衫捧阿仙奴。喺呢個星期三,英超球隊阿仙奴去咗新加坡,同新加坡明星隊爭入今晚巴克萊英超亞洲挑戰盃決賽,讀者陳先生亦喺香港去咗當地睇波,佢接受本報訪問話:「當時係喺比賽途中,佢哋喺樓梯搵緊自己坐邊度,之後好快就行咗去第二、三行坐低睇波。」杏兒當時同男友齊齊着住阿仙奴波衫,杏兒紮起咗頭髮,化咗個淡妝,不過陳先生因為同佢哋距離好遠,所以睇唔到呢對拖友有冇親暱嘅表現。結果阿仙奴以4:0擊敗新加坡明星隊,晉身決賽。



【襯到絕】■雖然杏兒唔係波友,但係為咗男友,都專登着埋阿仙奴球衣捧場。

■阿仙奴結果4:0擊敗新加坡明星隊,晉身決賽。資料圖片

■杏兒同男友公開戀情後,經常拍拖過二人世界,點知都避唔過鏡頭。資料圖片



「我唔係好識睇」

噚日本報記者搵咗杏兒求證,佢透過WhatsApp好大方咁承認呢件事,仲話:「呢個新加坡trip係去北京拍劇前已經安排,之後仲要返北京拍劇,主要係陪男朋友啫,我唔係好識睇!」查實近排杏兒喺內地密密賺人仔,工作都排得密麻麻,不過話晒而家都拍緊拖,點都要抽時間陪吓男友,享受吓二人世界,睇嚟今次佢用咗唔少辦法,先可以放幾日假!採訪:張曦彤





來源: http://hk.apple.nextmedia.com/entertainment/art/20150718/19223490
PermaLink: https://articles.zkiz.com/?id=291717

王宗堯公告戀情放閃

1 : GS(14)@2015-10-12 08:45:40

王宗堯與周家怡昨日在灣仔出席「匡智競步上雲霄2015」慈善跑樓梯大賽,宗堯早前和僆模女友Christy甜蜜遊日本,家怡笑言沒有向對方八卦戀情:「唔使問,佢自己講咗,我祝福佢,但我都想佢快啲祝福番我。」宗堯即笑說:「我都想,但家怡要打穩咗事業先。」對於有消防員被同袍欺凌,早前拍攝港台與消防處聯合製作劇集《火速救兵III》的宗堯和家怡,均指有留意事件,宗堯說:「睇到好唔開心,始終消防員形象不嬲都好好,相信係個別事件。但爆咗出嚟之後,紀律處分係好迅速,有警惕作用,相對有啲隔咗一年都未處理。」採訪:黃曉妍攝影:陳慧安





來源: http://hk.apple.nextmedia.com/entertainment/art/20151011/19328741
PermaLink: https://articles.zkiz.com/?id=293067

王傲山孔明燈求婚拍拖4個月女友放閃嫁喇!

1 : GS(14)@2016-02-09 12:14:38

■王傲山大前日在台灣放孔明燈向女友Janny求婚,如此有心思,女友當然應承啦!讀者提供圖片


【爆相爆片】踏入新正頭,喜事一樁接一樁,李彩華前度、前年和有線主播劉明軒結婚一年後閃離的王傲山(Marcus),昨日被讀者陳先生透過本報「爆相爆片」報料,指他大前日在台灣向女友Janny求婚成功,再做老襯做猴年新郎。



■Janny應承男友求婚後,即在facebook po閃爆求婚戒指,向好友宣佈喜訊。

■王傲山2013年和有線主播劉明軒結婚時,Big4是兄弟團成員。資料圖片



現職證券

王傲山2013年和有線主播劉明軒結婚時,曾擲百萬元搞豪華婚禮,老友Big4四子許志安、蘇永康等更是兄弟團成員,可惜婚後僅一年,王傲山和劉明軒因性格不合離婚。過了兩年單身貴族生活後,王傲山大前日在台灣以孔明燈,向拍拖僅4個月的女友Janny求婚,最後成功奪得美人歸。讀者陳先生透露指Janny今年26歲,出身小康之家,大學畢業後現於一間證券公司工作。他說:「Janny同Marcus喺一個party入面相識,冇耐就拍拖,Marcus之前曾帶Janny返屋企見家人,Marcus爸爸第一眼見Janny就好鍾意佢,話佢好乖巧,所以都贊成呢件婚事。」陳先生指Janny對男友講心唔講金,所以婚禮亦不打算大肆鋪張。據陳先生表示,Janny當日下午應承王傲山求婚後,晚上便將喜訊放上自己的facebook向好友公佈,反而王傲山暫時沒有將好消息向身邊好友透露。採訪:王梓嫚





來源: http://hk.apple.nextmedia.com/entertainment/art/20160209/19484405
PermaLink: https://articles.zkiz.com/?id=295643

放閃肉麻晒不停 謙謙楊怡微博繼續甜

1 : GS(14)@2016-03-28 14:16:10

羅仲謙唔識冧女?你呃人,講大話!羅仲謙同楊怡早前喺英國秘婚,昨日返港接受大批傳媒追訪,返屋企冇耐就喺微博到po咗張婚紗相,仲寫住「羅楊怡!謝謝你的愛」。嘩!冠埋夫姓喎,就算佢哋對註冊一事模稜兩可都好啦,其他人都叫你羅生羅太㗎喇!楊怡都喺微博Po同一張婚紗相話「將踏入人生另一階段,謝謝你從此牽著我走......感謝大家對我們的祝福」,真係好sweet呀!早前謙謙更加被發現ig淨係follow咗楊怡一個,昨日淨係講「羅楊怡」呢三隻字,已經冧爆老婆喇,之前仲話唔識o氹女仔喎!所以話,越係話自己唔浪漫嘅人,通常先係最浪漫。最近有唔少網民表示女友都要求自己學謙謙咁,淨係follow自己一個,你話謙謙你係咪做壞規矩.......





來源: http://hk.apple.nextmedia.com/entertainment/art/20160328/19547418
PermaLink: https://articles.zkiz.com/?id=298643

Rika放閃讚男友好品性

1 : GS(14)@2016-05-08 14:54:02

■身在美國的Rika,獲男友陪伴溫書。


劉燕妮(Rika)在ViuTV節目《G-1格鬥會》被對手黎美言(Winkie)打到變豬頭,落敗後同時宣告退出娛圈,Rika其後被揭有百億富二代男友、北京通盈投資集團老闆石林兒子石爍撐腰。Rika前晚在Instagram放閃,貼出跟男友甜蜜日與夜的照片,Rika更風騷留言:「他是我遇過品性最好、最痛錫我的男人,不是秘密,只怕閃壞人。」記者昨WhatsApp身在美國的Rika,她表示男友近日到美國開會,順便探她,Rika大讚男友是學習榜樣:「雖然佢家境條件好,但好多嘢都係佢自己努力,佢大隻嘅身形都係苦練番嚟。佢家教好好,低調同節儉,佢仲一直push我變得更好,好有正能量。」採訪:陳杰





來源: http://hk.apple.nextmedia.com/entertainment/art/20160508/19602291
PermaLink: https://articles.zkiz.com/?id=300083

夏雨仔貼咀嘴相放閃

1 : GS(14)@2016-05-19 02:23:07

夏雨的兒子黃奕晨(Dixon)備受ViuTV器重,主持多個節目,他事業得意,愛情生活都甜蜜,前日跟圈外女友Jencci Yeung慶祝拍拖半年,女方前晚在Instagram放閃,貼出兩人十指緊扣兼咀嘴相,大晒sweet,背景還有幸福摩天輪。





問到Dixon與女友如何認識,他昨在電話大方回應:「我哋係經一班朋友識嘅,識咗都一、兩年,不過都冇乜嘢交流,有次萬聖節傾傾吓發覺幾啱傾就一齊。」Dixon表示前晚慶祝大玩煮飯仔,他說:「買餸煮飯,同埋喺屋企整曲奇,今日錄影《一大一路》請啲小主持食。」Jencci是否已轉台睇ViuTV?Dixon說:「日日睇。」他表示待感情穩定點才見家長,但爸爸夏雨不時提醒他要事業為重。採訪:楊定





來源: http://hk.apple.nextmedia.com/entertainment/art/20160516/19613417
PermaLink: https://articles.zkiz.com/?id=300272

劉翔打女友放閃

1 : GS(14)@2016-05-21 19:04:20

微博圖片


中國欄王劉翔去年6月宣佈跟女演員葛天離婚,結束9個月短暫婚姻。半年後,劉翔就公佈新戀情,翻撻撐竿跳運動員吳莎,二人愛得公開又癡纏,經常在微博晒相。昨日「520」即是「我愛你」的日子,劉翔在微博放閃,用「打者愛也」這一招,打出一個昇龍拳將吳莎打到飛起,吳莎以波動拳還擊,這樣打來打去,便吸引不少網民留言激讚。





來源: http://hk.apple.nextmedia.com/entertainment/art/20160521/19621195
PermaLink: https://articles.zkiz.com/?id=300984

【男女之間】胡杏兒甜蜜放閃 十大sweet爆情侶習慣

1 : GS(14)@2016-05-21 19:13:21

胡杏兒自結婚以來就不停放閃,近日即使因工作與老公仔Philip分隔兩地,也特意到台灣給參加當地婚宴的老公仔驚喜,靜雞雞在其身後出現,冧得老公仔一陣陣。曾出版多本心理學書籍的心理學家Mark Goulston指出,sweet爆情侶都有十大習慣,不知你跟另一半又中了多少項呢?


1.同時間上床睡覺拍拖初期當然要一起「覺覺豬」,不過拍久了還是你有你打機,我有我睡覺。專家指要關係親密,同時間上床睡覺很重要,即使有事要做都應與另一半共同入睡,再自己起床做要做的工作。增加肌膚之親自然多了機會「曳曳」。2.建立共同興趣與朋友一樣,共同興趣相當重要,起碼大家會花更多時間做同一件事,增加相處的機會。即使本身沒有共同興趣,sweet爆的情侶就是會一起建立同一嗜好的。不過當然自己也要花時間做自己喜歡的事,擁有適當的私人時間,關係才會健康。3.手拖手肩並肩情侶們剛拍拖大多數會拖手逛街,不過老夫老妻便認為拖手尷尬,一於前後腳或當左右門神,還以為怕狗仔隊偷拍。不過sweet爆的情侶無論拍了多久還是很自然地手拖手或肩並肩同行,看到街上那些手拖手的老公公老婆婆是不是甜到入心呢?4.自動信任與原諒面對不同意的事情或爭論,如果不能解決的話,sweet爆的情侶還是會選擇信任或原諒對方,而不是破口大罵或說出不能收回的說話,就是不會變「14巴港女」吧。5.多看到對方的好處任何人都想被讚而不是被彈,所以在批評另一半的種種不是之前,不妨先看看他的好處,不要雞蛋裏面挑骨頭。多讚他一點感情自然好,兩人的關係自然更正面。6.放工即攬我們的皮膚也有種「記憶」的,就是好的接觸(愛)、壞的接觸(受虐)和沒有接觸(忽視)。情侶們的擁抱當然屬於好的接觸,放工攬一攬更能紓緩工作的壓力,自然愛多你幾錢重。7.每早一句我愛你個個女人都愛聽「我愛你」,其實早上說一句「我愛你」或"have a nice day"也能為對方展開美好的一日,當他上班時遇上大塞車也不會那麼燥底吧。8.睡前一句晚安即使與對方吵了架,睡前一句晚安也不能少。這最起碼告訴了對方,「雖然我還生你的氣但我其實仍然愛你,仍然跟你在一起。」9.每天問候一句當對方工作時send他一個短訊,簡單一句「辛苦嗎?有人欺負你嗎?」已很足夠。遇上對方當日工作真的很失意,這句真的很窩心,那當然不要狂send短訊,人家可在上班的呢。10.自豪成為對方的另一半就算不放閃,也應該為成為對方的另一半而自豪,起碼在街上遇上同事,也不要指另一半是朋友,另一半聽了內心會很痛,說不定真的變回你的朋友呢。記者:羅祖兒





來源: http://hk.apple.nextmedia.com/su ... t/20160521/19620995
PermaLink: https://articles.zkiz.com/?id=301018

具惠善甜望老公放閃

1 : GS(14)@2016-06-01 11:37:06

韓劇《來自星星的你》中飾演千頌伊弟弟的安宰賢,去年跟具惠善因合作拍攝韓劇《Blood》而撻着,二人更於上月21日結婚。不過二人未有舉行婚禮,只是兩家人在首爾某韓式餐廳以飯聚代替,而且未有招待親友及傳媒。昨日具惠善就透過所屬事務所公開飯聚的現場照,只見她穿上婚紗款式的連身裙並戴上花環,安宰賢向岳母斟酒時就顯得有點緊張,具惠善就一直微笑望實老公。





來源: http://hk.apple.nextmedia.com/entertainment/art/20160601/19635517
PermaLink: https://articles.zkiz.com/?id=301634

洪永城放閃 反擊被指偷食

1 : GS(14)@2016-06-06 03:03:10

■洪永城罕有貼與唐詩詠的合照,還留言表示好恩愛。


洪永城近日被指翻撻舊愛鍾舒漫形象指導Bird,在女友唐詩詠與契哥馬國明出埠拍旅遊節目時,相約Bird夜蒲,事後Bird貼相上網,自稱為洪永城搞婚前派對,但留言:「我要嫁畀你!」該報道更指詩詠為了此事,與洪永城在銅鑼灣街頭疑「攤牌」,詩詠更黑面走人。


■有指洪永城翻撻前女友Bird,二人醉爆合照。資料圖片


昨日洪永城終於在Instagram為事件解畫,他貼了一張與女友詩詠開餐的合照,詩詠拿着一條串燒,狀甚滿足,身後的洪永城咧嘴而笑,他留言:「黐線,我哋不知幾好。」洪永城放閃一小時已經接近萬個like,還有自稱花生友的黃翠如回應:「結婚啦!」撰文:非非





來源: http://hk.apple.nextmedia.com/entertainment/art/20160602/19637227
PermaLink: https://articles.zkiz.com/?id=301944

Next Page

ZKIZ Archives @ 2019