ZKIZ Archives


擠提基金跌完再跌 左丁山

2008-10-29 AppleDaily


廠 商L成日留在大陸,唔知真係勤力吖或是另有戀情,呢日突然來電:「喂,我到咗中環搵你出嚟飲杯茶,同我講吓市況,我輸到死咯。」於是去咗阿曼尼咖啡,呢度 下午時分,清靜過乜,最啱傾偈,廠商L話佢日忙夜忙,從冇時間炒樓炒股票,知道股市跌都不以為意,因為佢為自己設立嘅退休金基金只係揸住滙豐、恒生,一向 瞓得好安樂,點知最近輪到呢兩隻股大跌,佢為之面青,立即走番落嚟了解情況,首先搵左丁山講股。

真不知從何說起,咁多原因 與新嘅負面因素,點講呀。廠商L話:「返到嚟,見到老婆面青兼面黑,原來佢將啲私己錢加埋前幾年炒樓所得,去年趁股市當旺之時,買咗一間銀行嘅股票基 金,o依家冇咗三分二,佢叫我畀番佢喎!想死咩,我啲滙豐恒生已經跌到低過我買入嘅平均成本價,賬面利潤冇晒咯,內地工廠嘅訂單數量大跌,加埋勞動合同法 逼到埋身,我都周身麻煩,諗住必要時連滙豐、恒生股票都抵押埋畀銀行,攞啲頭寸救急嘅。o依家個市咁唔掂,好唔好索性保留性命於亂世,執咗間廠,一了百 了,以後靠滙豐恒生派息都過得世嘅──不過又聽講話滙豐派息會減半,點算好?」問清楚,廠商L太太冇買到雷曼迷債,揸咗反而可以要求賠償,o依家就輸咗冇 人知。

唔怪得話香港縮窄貧富差距最好嘅方法就係樓市跌、股市跌,有錢人冇咗三分二身家,仲唔貧富拉近?呢個市道玩死人,炒慣嘅一定輸,乜都 唔做,只要擁有基金或者股票嘅,一樣眼白白睇住家財蒸發一大截。照計應該有啲淡友做空單發財o架,奇怪嘅係,左丁山三個月來都冇聽到一位老友沽空恒指或者 買熊證搵到大錢嘅。

上星期五與今個星期一之股市大跌,應與基金被擠提有關,大家買基金,升市時越升越有,冇人會贖回,但到 咗跌市,大家怕執輸,就會爭先恐後咁去贖回,迫使基金洗倉,沽貨套現,於是股市再跌,引發新一輪贖回潮,如此產生一個尋底循環。贖回潮過後,股市會企穩, 不過到時大家又驚經濟蕭條,盈利萎縮,股市只能在低位徘徊,難以回升。
PermaLink: https://articles.zkiz.com/?id=2912

中環在線:東亞擠提見真情寶哥哥認清真正朋友 李華華


2009-02-18  AppleDaily





 

上年東亞(023)可以話經歷咗近90年來(今年係90周年生日)最黑暗嘅日子,除咗面對金融海嘯同雷曼迷債事件之外,仲被傳財政不穩,搞到被擠提。主席李國寶噚日喺公佈業績嘅記招上,主動提到擠提事件,感觸良多咁話:「學咗好多嘢!」

超人行動支持即入股

寶 哥哥話,喺銀行界40年,擠提事件令佢獲益良多,最大得着係「I know who're my friends」。咁邊個係佢真正朋友呢?睇番東亞擠提單嘢發生之後,高官同富豪好多人都力撐,有人出錢有人出口,東亞啲董事亦紛紛增持。不過講到行動最 快最見效嘅,就非超人李嘉誠莫屬,因為擠提當日,連夜喺紐約趕返港嘅寶哥哥透露,已經收到超人電話,指對方好nice咁同佢講,話唔明點解啲人要去擠提咁 話。擺明企喺你嗰邊呀,老友!超人唔只安慰吓咁簡單,仲即刻喺自己荷包攞錢買東亞股票o忝。至於佢入咗幾多貨已經唔重要,最重要有人撐,東亞股價本嚟受擠 提影響跌咗近7%,但超人一托,股票就升番。寶哥哥一向交遊廣闊,朋友滿天下,但喺危急之中,真正出錢出力幫手嘅朋友有幾個呢?經歷過患難見真情之後,相 信佢都心裏有數。寶哥哥做獨立非執董嘅生力啤(236)一向以「真正朋友」做宣傳口號,睇嚟直情可以考慮搵佢做生招牌o忝。李華華 [email protected]



PermaLink: https://articles.zkiz.com/?id=6037

匯業擠提打窒金融老手


2005-09-22  NM




美國財政部於上週四點名指控澳門滙業銀行為北韓洗黑錢,引起澳門市民恐慌,並觸發滙業銀行擠提。

澳門金管局遂派出兩名要員管理滙業銀行,而香港金管局亦立即委派會計師入滙業銀行在港的子公司——滙業信貸出任經理人,金管局總裁任志剛則指出滙業信貸「不似財務問題,但可能係管理上的問題」。

對於金管局的言行,滙業集團主席區宗傑直斥為「多餘」,並發表聲明澄清美國指控。出身銀行世家的他,是港澳兩地的金融老手,故深信自己見慣風浪,不須同業協助亦能渡過難關。

自美國財政部將澳門滙業銀行列為洗黑錢公司後,上週五開始,澳門市民均蜂擁至各滙業銀行分行提款,造成澳門近年罕見的銀行擠提。

「我中午睇電視新聞,話滙業銀行幫北韓洗黑錢,越諗越驚,三點半趕過來銀行,已經有幾百人排緊隊攞錢。我戶口有十萬蚊㗎,一定要攞番,我怕銀行會被人充公呀!好彩澳門唔係嗰個區宗傑做特首!」在水坑尾的滙業總行排隊,越等越勞嘈的李太說。

這 次擠提令滙業銀行在兩日內被提走三億多元,佔三十億存款的十分之一。因為銀行現金不足以應付突如其來的提款潮,其中三億要以本票支付,市民最快要到本週二 才能將本票兌現。而滙業亦在兩日內,急急從香港調動近兩億元的資金去應付。香港金融管理局更立即委派畢馬威會計師事務所的Paul Jeremy Brough任滙業銀行香港子公司,即滙業信貸的經理人,以免香港分行受拖累。而澳門政府亦委任當地金管局及大西洋銀行的要員監管滙業銀行。

急返澳門撲火

擠 提發生時,身在杜拜作業務考察的滙業銀行主席區宗傑,臨時縮短行程,乘夜機趕回澳門開記者會。「有智慧嘅人都知美國財政部嘅指控唔係商業指控,而係刑事犯 罪指控。如果真係有刑事違規,都應該由港澳來作刑事指控,而唔係呢個方式。」區宗傑一開口,便滔滔不絕地反駁美國財政部的指控。

澳門與北韓關係密切,在葡萄牙統治時,已設有平壤駐澳門的領事事務處,而澳門與平壤之間更闢有直航。早於一九七○年,滙業銀行已與北韓的貿易公司有業務往來,其中一間是北韓在澳門的窗口公司

——朝光出入口公司,九四年爆出五名朝光職員因行使廿五萬假美鈔,被澳門警方拘捕的消息,而這批假鈔部分與滙業銀行有關。

然而,對於與朝光公司的關係,區宗傑說:「朝光公司係北韓非正式的領事館和貿易公司,每個國家都要開信用證去買貨品,我哋只係開信用證俾佢哋,並冇借貸。」

為選特首流男兒淚

他又說:「過去美國同北韓關係時好時壞,差時啲匯款會被美國凍結,關係好轉才可解凍……美國依家係想逼我哋取消呢啲北韓戶口。」為此,滙業現時已暫停這些佔業務百分之二、三的北韓戶口的運作。

有 七十年歷史的澳門滙業銀行,在澳門共有八間分行,規模比有廿多間分行的中銀和大豐銀行細,以資產總值計,全澳門只排行第九。其前身是澳門恒生銀號,一直以 來由區氏家族持有。滙業銀行主席區宗傑在港澳兩地金融界無人不識,而在政界要數他在九九年曾參選第一屆澳門特首,與何賢之子何厚鏵爭一席位。當時何厚鏵為 宣傳,不惜自揭家族與澳門黑幫有業務來往及自己的婚外情。區宗傑則以打擊犯罪集團為政綱,並在競選顧問程介南教路下,大打溫情牌,不惜在競選活動上灑淚, 可惜最終敗北。

然而可以在特首競選中陪跑,可見其中央關係着實不錯,落敗翌年即被中央增補為北京市政協委員。去年,區宗傑又再下一城,被增補為全國政協委員。今次滙業擠提,特首何厚鏵亦出面替他力撐。區宗傑更不諱言:「如果我真係要人幫,特區政府同中央一定會支持我。」

家 住澳門西望洋豪宅的區宗傑,被澳門街坊謔稱為「嘍口仔」,皆因他說話時經常口吃。據其夫子自道,口吃是因為小時候愛用左手,被母親發現後,每次見他用左手 便打他,在迫使自己用右手之下,便形成口吃的後遺症。他更因此在參選特首時,被賭王何鴻燊嘲笑,指世界上沒有口吃的領袖,但他反駁口吃不代表是白痴。

不過區宗傑在金融界是老大哥,在行內甚為人所敬重。六十四歲的他,出生於澳門的銀行世家,父親是澳門恒生銀號創辦人區榮諤。五十年代末,韓戰結束,澳門經濟不景,區宗傑在澳門粵華中學畢業後,便被父親安排到香港的恒泰銀號做學徒。

六一年,他拿着父親打本的三十萬元,在港創辦滙業有限公司,經營外幣買賣。「當時除咗銀行之外,冇人做外匯買賣㗎,佢係唯一一個,而且兌換價錢比銀行公道。佢好聰明,七十年代創立倫敦金買賣,令滙業喺亞洲區好有名。」香港證券經紀業協會永遠名譽會長,認識了區宗傑三十年的董偉說。

六十年代做外匯買賣時,滙業主要收集銀號的外幣,寄給外國銀行換電匯,再將電匯賣給香港的銀行;後來他又到中東及歐洲做英鎊套戥,建立了不少聯網,被行家稱為「外匯王」,六十年代末更將業務伸展至吸收存款及出入口押匯。

「我一九七○年已經喺英國西敏寺、瑞士聯合及瑞士信貸銀行受訓,我係香港第一個證券商將國際倫敦金市場於七四年引入香港!」區宗傑說時一臉自豪。

引入倫敦金

當年他從歐洲回港後,便在七三年把家族的澳門恒生銀號轉為銀行,並率先推出股票買賣業務。

「我七十年代已經喺滙業開股票戶口,買賣香港股票,因為當時全澳門只有佢買賣股票,其他銀行要到九十年代初才跟風,當時滙業仲可以用電話交易,賺蝕喺戶口扣,好方便。」滙業客戶吳女士說。

七四年香港取消黃金出入口禁令,滙業遂引入倫敦金買賣,並成為亞洲主要國際金商之一。今次被美國財務部指滙業銀行替北韓銷售貴金屬,滙業立即發表聲明反駁,謂從朝鮮銀行及貿易公司購入的黃金全部有開採及生產來源地資料,符合交易指引。

八○年,區父退休後,區宗傑將澳門恒生銀行與香港的滙業集團合併,九三年又將銀行易名為滙業銀行。

上市一波三折

近年眼見借貸業務由國際級大銀行操控,滙業遂於幾年前開始轉營金融、保險、貿易融資 等專業服務,本月中更與澳門大西洋銀行和商業銀行合作借出一億一千多萬港元銀團貸款予美資永利度假村計劃,其中滙業佔三千萬。

其實滙業銀行曾多次想在港上市,但每次都因遇到波折而被迫擱置。滙業第一次計劃上市在一九八七年,但當年因遇上股災而令計劃泡湯。到九六年,滙業在香港的證券行被揭發有十二名職員聯手欺詐,偷取客戶五千二百萬元股票,結果犯案職員被捕,而損失就要由區氏家族承擔,公司更因此次事件影響聲譽,而暫停上市計劃。九八年金融風暴,滙業又受拖累,融資給部分國企的資金化為烏有,損失多達二億。料不到八年後,一封美國財政部的指控信,又令滙業元氣大傷。但區宗傑對今次擠提事件刻意裝作一臉不在乎,還笑口噬噬地死撐:「我知道擠提後係好驚訝,但唔會好恐慌,呢啲風波我見慣晒啦!」


PermaLink: https://articles.zkiz.com/?id=22519

深理財網爆擠提30天內禁提款

1 : GS(14)@2016-02-18 23:32:06

中國政府大力發展「互聯網金融」問題百出。繼「e租寶」涉非法集資500億(人民幣,下同)被查處後,各地頻傳理財網站騙局消息;深圳惠卡世紀集團(圖)近日出現投資者擠提,公司昨急頒新規「30天內不得提現」。董事長何正松誓言公司「沒有問題」,籲投資者冷靜。



自稱員工網上指騙錢

惠卡2013年成立,總部於深圳,分公司覆蓋全國及香港、美國等,員工近1,400人。網站號稱是創業平台,以投資者年回報達20%至30%作招徠吸引投資,稱投資範圍涉跨境電商、物聯網、互聯網金融、智能機器人等,至今年2月在投金額1.37億元。
e租寶事件爆發後,有自稱是惠卡員工網上大爆內幕,指惠卡是「陷阱」實為騙款集資,「拉下線填上線」;所謂投資也是假的,公司員工就是每天拉人投資,按客源投資分成。該貼引起輿論關注,公司則斥有關網貼屬「造謠污衊」。近日惠卡現擠提;公司昨在微信發「應急方案」,稱「為徹底解決恐慌性擠兌,給投資人冷靜期,要鎖定投資者在惠卡錢包、零錢包及其部分理財平台資金30天,不得提現」,籲投資者「要堅定對惠卡的信心」,否則「失敗受傷害受損失的是您們」。澎湃網





來源: http://hk.apple.nextmedia.com/international/art/20160218/19495520
PermaLink: https://articles.zkiz.com/?id=296199

Next Page

ZKIZ Archives @ 2019