操生殺權 管理層逼職員噤聲
1 :
GS(14)@2017-07-01 09:26:44【本報訊】回歸20年，人事幾番新。在大學任教多年的大學教職員工會主席謝永齡慨嘆，大學管理層可透過研究表現，控制教職員黜陟，令年輕學者不敢發聲。他更預言將來「唔會再有年輕學者挺身而出」，難以再守護學術自由、院校自主，最終大專學府將淪為維穩工具。
689掌城大校董會搞白色恐怖
現職城市大學應用社會科學系副教授的謝永齡，1987年加入尚未升格的城市理工學院，任教至今。2004年起，他亦加入城大教職員協會，擔任主席多年。謝說，2008年起梁振英擔任城大校董會主席，是香港大專教育的分水嶺，異見教職員常遭打壓甚至解僱，「嗰3年（城大）係飽受煎熬、白色恐怖，當時你一唔接受命令，（校董會）就畀律師信……誇張到人手送嚟、高級律師送嚟，一般職員點用自己錢同佢哋鬥？佢好明顯當城大做一個試驗場……（上任特首後）放咗好多梁粉入大學，令成個大學『轉型』」。謝續指，加上2003年教改落實，大學教職員薪酬與公務員脫鈎，學者失長俸制，跌出保護網，「教職員升降、人工，變咗靠學生評估，變咗俾人揸住命脈」，年輕學者噤若寒蟬，機制亦未能保障工會，「仲邊有年輕公會（職員）？一參加就冇職升、一做即死……唔會再有年輕學者挺身而出，就算你係因為言論而被打壓，（校方）仲可以話係學生投訴、教得差」。謝預言，學者批判政府的空間將日益收窄，「預計2047年，大學會變成穩定社會嘅一員，（學者）唔再係為普世價值挺身而出，學術自由等堡壘都會被蠶食」。在浸大任教逾30年的傳理學院新聞系助理教授杜耀明，本身亦是浸大教職員工會發言人。他指教改後由員工直屬上司負責評核表現，「但唔同學校有唔同（評核）標準，但唔同要求又唔會公開」，令大學部門主管操生殺之權，對低層教職員構成壓力，職員因而不敢公開表態。■記者葉偉東
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170629/20072313