ZKIZ Archives


樓市短打(11):撤招=推樓市去死 梁隼

http://notcomment.com/wp/?p=3436

地產業界對撤招似乎充滿著期望,係解決現時地產市道低迷,樓價欠缺方向的唯一辦法。

政府當初設立SSD時,一方面令炒家無水位(因為短炒就要俾SSD),也同時令到供應凍結(因為賣左買番就要守SSD),而後期的BSD,DSD,加強版SSD就係將圍牆加高加厚,進一步凍結供應同埋需求。

撤招就等於拆左幅圍牆,將積壓已久的供應和需求一下子釋放出黎,問題係,需求是否存在?好似白居二夠話「肯定」有五千個供應,開頭業主們都可以食住個勢吊高黎賣,後尾需求最終都係跟隨番市場定律,價錢岩先買得落手。

又舉個例子,好多人鬧交頭一句都係:我忍左你好耐喇!即係話好多不理性的反應都係因為積壓已久的反彈,套用番去地產市場,買家的能耐似乎比賣家高好多,買家一方面唔等都等左咁耐,而樓價升左咁多有D買家都買唔起了。

相反賣家的一方,呢幾年樓都升唔少,平少少走人都有著數,但市場一下子爆左咁多供應,可唔可以平少少就走倒就好難講喇!

所以唔好以為撤招就一定得救,分分鐘好似中箭之後唔理三七廿一即刻拔番出黎咁,即時標血而死!

延伸閱讀:

http://hk.finance.yahoo.com/blogs/tokuhon/

 

ccli_compare3yr

 

ccli_compare2yr

PermaLink: https://articles.zkiz.com/?id=78342

湯文亮﹕打擊一約多伙是準備撤招

1 : GS(14)@2017-04-13 22:33:47

【明報專訊】星期一晚,陳茂波同陳德霖開記者招待會,大家以為一定是出招壓樓市,最大可能是將按揭成數再度收緊,原來是按揭證券公司的自製長俸計劃,虛驚一場。開心了唔夠一日,CY同張炳良、陳茂波在星期二晚上七時又開記者會,今次冇得走,大家都有心理準備,政府是準備出招壓樓市,最緊張的人除了地產商及有影響人士之外,就是花旗銀行,因為他們的分析師較早前預計政府會出招,辦法是加差餉,如果CY等宣布加差餉,花旗就打過全中,很不幸,CY等宣布「一約多伙」以後也要付15%新印花稅,而非過往的4.25%,不過,我不認為這是新招,只是堵塞過往的漏洞,而一約多伙已經行了兩年多,現在才出招堵塞,嚴格來說,政府是後知後覺,但始終做好過唔做。

出招只是堵塞過往漏洞

在政府未推出15%新印花稅前,一約多伙並不是太過瘋狂,因為最多是慳了4.25%印花稅,但推出之後,最高可以慳10.75%印花稅,變成非常吸引,造成一約多伙成交量大增,所以,政府在推出15%新印花稅時,應該一併禁止一約多伙可享稅務優惠,市場上反對的聲音一定遠低於現在,况且,業界人士已經準備政府隨時會出招打擊一約多伙,政府拖延到星期二晚才宣布取消,的確是遲了些少,但我認為政府打擊一約多伙是另有目的,就是準備撤招,包括SSD同新印花稅,大家千祈唔好以為我亂作,起碼機會率比加差餉大得多。

新特首上任後料安排取消

我估計在林太上任後半年內,就會宣布兩年後撤SSD以及15%新印花稅,令到有樓的人可以等兩年才買,讓初次置業者多些機會上車,不過,對於一約多伙的人就沒有影響,他們亦只需要付4.25%印花稅,今次CY等出招,就是堵塞這個漏洞,所以我認為,今次打擊一約多伙,就是撤招前奏曲。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 9246&issue=20170413
PermaLink: https://articles.zkiz.com/?id=330332

Next Page

ZKIZ Archives @ 2019